البارت الخامس والستوون
#الرجل_الاربعيني_ج3
#جميلة_جاسم
وااقفه ..ونتخييل في حاجات اتقول انتي خلاص ياداليا بتتنتهي حياااتك ..اهني..
عدلت روحي وخشيت للكوجينه ..لقيته ايصب في طاسة قهوة... اول ما خشيت طفي الدخان ..في السطل ... والتفتلي...
تبي قهوة..دلووو
داليا .. امممم يااريت في خاطري دلوو بتمووت تبي تعرف ويين ماشي راجلها المصوون ...وشن يطبخ...
رعد.... تعااالي هااك ..خودي..
داليا... قعمزت علي الطااولة توة..جيبهاالي وتعال قعمز وين بتمشي... جي مدلي الطااسه وقعممز ..يشرب
رعد...احححح طاسه مش عاديه. .... قاعد ماعندي وين بنمشي ...
داليا..اممم غير قلت بالك بيطلع ولا بيمشي عنده طبيخة اهني ولا اهني ...
رعد... اي عندي طبيخه ...لاكن طااابت وهنيت اعلييها خلااص ...
داليا... ضربت علي الطااوله كيييف شن خلاااص قصدك بييه تميت كل شي..
رعد.... خييييييرك .العمر لمزقحح الطاسة انقجت. .شن سمعتي قلت...سالتي وجاوبتك ...
داليا..امممم صح ايه انته شن قلت و لاكن شني اني قلت .... واااك يااربي بنقول توة.....سكتت.. وهو يشوفلي ...ويهز في رااسه..
رعد... داليا هبلتي ديييني العمر لمقربع شيبااني رااه شيباااني...شن فييه قوولي ..بديت نمشي ونخترف بييك خااايف انقوول شي وتسمعي ولا تطلعيلي ...
داليا..اصلا اني سمعت الدنيا كلللها.... عقد قران وفاتحة وصية ومش عارفه شن ..قووول ناوي تتزوج عليا ..خلي انسيبهالك ونمشي ..
رعد...وفرضا بنتزوج اعليك وين بتسيبهالي ...اقسم بالله حتي الحلللم متحلمييش بالطلاق ولا انخلييك علي حل احبااللك وتمشي. .وتسيبهالي ...
عقلك مش معاك انتي ولا خيييرك...اربعه وعشرين ساعة وانتي تسمعي..وين نتكلم معش فيه راحه بكل بطليها العاادة لمزفففته هذي ...
داليا... لاااا يااعيني. .لانسمع لاشي. .هذي الي يقولو فاها..كلمة السوء يسمعها صااحبها ...بااهي قوول من ايكلم فيك
رعد... لاحول ولاقوة الا بالله ...وصية المرحومه عمتي ساالمه الي سمعتيه انفد فيها ..
داليا... اوووف توة كان انقوولك شن هيا اتقوولي حييي اعليك قداش اتنقرزي ...باهي انته قووولها مرة وحدة طوول .الوصية كذي وكذي ..تتكلم بالقطارة ياقلبي انته ...
رعد...ههههه والله تقعدي مهبوولة ونقرازتي ...ماهو اني يابنتي انحب فضولك ونتكلم بشوي نبيييك تسأليني اكثر ...
داليا... الله ان شالله ديما تضحك ياقلبي ملاحظ انك ليك قريب تلات اسابيع مضحكتش . المهم ...باهي انولو لموضوعنا ...امممم علاش اتعصب لما نسألك ...
رعد... وانتي خييرك اليوم .امممم امممم
داليا.... باااهي شن هياااا الوصية .تقطعت بالعرق خلاااص بنفدددد....
رعد.... ههههههههه والله انتي فييلم .....بنمشو .نقرو فاتحة ريتاج ..علي ولد خااالها ..اني ونوري متعاركين معاها ولما خطبها رفضنا ..وعمتي ساالمه ..وصتنا واحني بنطبقو لذلك متفاهميين غدوة الصبح فاتحه ولما ايوفي اربعين عمتي ساالمه تمشي لحوش خالها ...
داليا... حييي قداش فرحت اتهبل ريتاج احلي خوااتها وقعدت انخمم فيها انقوول كيف بديير من غير عمتي الله يرحمها .. اني ماعنديش علم عندها اخوة عمتي سالمه مشبحتهمش نهائي...
رعد.... بووه وااحد خاانب صاااقعها لبلاد كلها وزمان في ضربة نوري طلع هوا ورااها .لذلك مش متواصلين هلبه ..من مشية الجنوب ...وقتها انتي قعدة ماتعرفتش اعلييك ..
داليا...حيي قداش فااتني تشوييق وقتها نقرزت اعلييك لين عرفتها.. لو ماجيتش اهني شن كان صاااير فييك من غييري
رعد...اوووووووو منحكيلكش كنت مرتااح وفرحااان ونجري بين اهني وهني ولا حاجه هامتني اخخخ شن ايردها اياام الهني...
داليا... الله الله .....عادي تو نمشي للملحق وعيش كيف ماتبي زعلت اني... ناض من علي الكرسي وجي وقف ..وقالي
رعد.. منقدرش انعييش من غير تنقرييزك ....ام برق ..
داليا... قدااش انحبببك يااقلبي ...وحق ربي انمووت فيك ...
رعد... طالع مع اشرف بنكمل بضااعتي من لهنااقر...وجاي لعشي .سكري الباب كويس ماتفتحي لي حد ...
طلع رعد وقعدت اني اندوور العصر وقته ايفدد ..رقيت فووق ..برق رااقد ..قعمزت في الصااله ..بعدين تفكرت ..عندي حوايج وهكي...نبي انلهي روحي بيهم ...
نضت خشيت لدار...طلعت الي عندي حوايجي وتشيرتات لي رعد ...وبرق حتي هو...
كيف بنخش جيهة الدولاب ..عترت في شنطة ...
طبست شفتها ..عسكريه لونها اخضر دااكن ..فتحتها ..لقيتها فلوووس ..عيوني قريب طلعو...هذي شني...ومن بينهم ورقه ..مكتوب فيها ..عقد ...بيع...بإسم
الشريف سالم ... من هوا هذا...زعمة يطلع نفسه الي خنبو الحووش .. وكيف هكي ...متعاقد معاه ...
صكرته ...وخشيت ..خديت حوايج برق من الدرج . وطلعت ..سمعت تليفووني ايرن..
مشيت لقيتها سلوى ..
حييي رااحت عن باالي مرة وحدة...
فتحت الخط...
والله يااقلبي من غلاك نسيت اسمااك ..كيف حالك...
سلوى..اهليين وسهليين شن فيها ليبيا ونسااتك فينا ..كيف الاخباار ..
داليا... والله مافيها حاجه غير النكد ....
سلوى..كيف حالك شن جوك..
والله الا تمام الحمد الله من اسبوعين توفت عمتي سالمه الي حكيتلك اعليها ..الحق نسيت ولهييت فيها وفي العزي..انصدمنا كلنا الحق..
سلوى..عضم الله اجرك حبيبتي ..ماسمعتش حتي نضال ماسمعش الحق ...
داليا اجرنا واجرك .سلممك حبيبتي ..
سلوى...المكالمه دوليه وقريب يفصل عليا ..بنقوولك امي مروحة لي ليبيا وقلت انقلها ..غدوة بتووصل قلت انقوولك .عطيني مكاان حووشك بالزبط بااش اتجيبك طوول هيا وسوسن وراجلها .. ......
داليا .مرحبتين بيها...غدوة ايلاقاها رعد في المطار ان شالله ..فرحتيني الحق نبيها تقعد معاي اهني ...
سلوى ..ماتقدرش ندي وبوي بروحهم روحت تبي تشووفك بس
قعدت انهدرز وبعدين صكرت من سلوي ...ونضت فات اليووم عادي ...
مع لعشي جاء رعد للحوش ..وقتلا علي عمتي ..فرح بيها..وقاالي غدوة نمشييلها ان شالله ...
رقدنا ونشبح لبرق راقد ..ورعد ..ماشي فيها .واني انفكر كييف بنستقبل عمتي غدوة..حسيت قطعه مني بتجيني .. مع انها اخت بوي وهكي لاكن ديما كانت علي خلاف مع بوي كانها امي ولا خالتي ...
تمنيت عندي حد من جيهة امي خواال ولا حد...لاكن للاسف راس خال وتوفي واني بالاصل ما انواصل في حد وما حد يعرفني ...
من بين تفكييري ..اكلا قربت من برق ورعووودي ..وخداني النووم ...
نضت الصبح علي برق يضرب في وجهي ويضحك ..
اممم بررق نحي ايددك غاادي... اووف فتحت عيوني وقعدة نعسانه ..برق قداامي امقعمز وخاارب في شعري اينتش فييه ......
تي قييم ايدك برق ماما نحي بنرقد ..فتحت عيوني علي وسعهم لما ركزت علي رعد مهناااش ..
حييييي وقت ..ويبن التليفووون ...فتحته الساعه 9:30 راااحت عليا نوومه ..وين مشي رعد...
شبحت لبرق ايصفق ويضحك ...
وانته هذا الي فالح فيه زي بووك فسدو الدنيا وصفقو...
اخخخخخ تعاال اهني شديته انلعب فييه وهو اينتش في شعري ...خلااص جدااك اليوم بتجيينا ...
توة انووضو للحمام ...
خديت حوايجه ... وخشيت دوشتلا ....ولبسته بدلة حمراء..ولدي الجبنة ايهبل طالع ..زي بووه
حطيته لي رعد... وخشيت غسلت ولبست قفطان تلت اربااع مش قصير ومش طويل ..حسيته ضااغط عليا شوي ..باين تقااسيم جسمي ..وبطني ...زعمه شن بيكون خو تاني ولا اخت ...
نزلت ..لقيت رعد يفكر هو وبرق ..مش عارفه شن دايرين ...خشيت للكوجينة
شن صنة الدحي لمشييط هذي ..
رعد...تي مشيييط في عينك تعالي دوقي شكشوكة من الاخير ...
داليا..اععععع منحبش الدحي صبح. ..زهفت كبدي ...
رعد...خلييك علي الاعععع هذي واني ولدي بنااكلو...صح بابا ولا ..خلاها امك المهبووله ..ام الاععععع هذي...
داليا.... قربت منه لقيته نص طياااب واصفر وبرق منسجم ياااكل ... واني متقززة ...خييير رعد نئ هللبه الدحي ..هكي ..
رعد...حددي موقفك ياني يااامشيط ..لانه الزوز مايمشوش ..
داليا... نبي حاجه انديرها لي عمتي غدي شن اندير..وزعمة من بيجيبها اني هذا اكلا نسييت مسألتش سلوى من الفرحه طيرت الدنيا اكلها ...
رعد... تواصلت اني ونظال ..قالي جايبها نسيبها وبنتها معاه ...
ناس برانيه تو انجيب لحم وديري غدي كويس ..
داليا.. اي حق قتلي سوسن بتجي معاها ..... باهي جيبلي بكري نبي انطيب بكري ونقعمز معاهم ...
تو كا الوحدة عندها خداامه راهي متفندقه وتلبس وتاكل وترقد ..
راهو سمنت مش هكي رايحه معصعصة..زي العود تو شن تقوول عليا عمتي قاتلها بالشر..الرااجل ...اخخ علي اياام اللشدووق الي كاانو فيا انهبل كنت زي الامريكياات...
رعد...الله واكببببر..من اللحم ولغدي وصلنا في امريكيات و اياامك زمان واللشدووق ....
انتي هكي عووود نبييك احسن ..وخلي اتقووول قاتلها بالشر ...اني نبيها اتقول هكي ...
داليا...المهم انتو فطرتو بالدحي وني قعدت نهدرزلكم ...
رعد..قيمي ..يااكل خلاص معش يبي ...اغسليلا ..
داليا..غسلتله ..وحطيته في الجراي ..قعدة مشيته مش كويسة واني لقيتها كويسه اللقطة انحطه ونربطه في الباب ..ومايبعدش عليا ....
قعدت في الكوجينة انديير في لغدي ...
طيبت انوااع حااار وحلو
والوجبة الاساسية ..
برق رقد رقدته.. مع الضهر يدن ...مشيت ..خشيت غيرت حوايجي لبست قفطاان حني من تركيا قصة الرقبة علي الكتف وربع كم والطوول قصيير ..انحب نلبس هكي اني طلعت رتبت الحوش... وعطرته ...
وقعدت نستني علي احر من الجمر ناااااار معش قادرة نصبر..نبي عمتي اتجي ونشبحها..نبي نقلع وحشة...سنيين مشبحتهاااش ...
صليت الضهر.ونوضت برق راقد وقفت اني وياه علي الرووشن ...
سمعت صوت الباب الخارجي انفتح ...خشت سيارة رعد .. وراه سيارة تانيه بيضة صغيرة ...
قعدت واقفه نشبحلهم ..نزل رعد ..وقف ..ونزلت عمتي نادية بروحها قايمه راسها وتشبح للحوش لابسه دجاكه كحلا وشاربه بيضه لاقتها لفاان طالعه كانها بنت صغيرة ...
غريبة لا بنتها لا نسيبها ولا واحد...والي يسوق في السيارة ...سلم علي رعد وقعد وااقف شوي..وركب ومشي...ورعد خش هو وعمتي ..
عدلت قفطاني ومشييت بتجااه الباب ... فتح رعد الباب ..وقالها
تفضلي تفضلي...زارتنا البركة ان شالله انستي ونورتي ...ويشبحلي علي اساس تكلمي هكي ..
نقدني لاني مش عارفه شن بنقووول ...بنطلع بكلمه اتحطم الاول والتاالي...
وصلت عندها وقلبي في الالف ....حسيت علي ايدييها مفتوحات ...تعاالي....
مشييت نجري اخخخ ياريحه الحنيية اكلها ...
سكتتت في حضنها وهيا اتقوولي...
بنتي كبرت ولت ربة بييت الحمد الله الي شفتك هكي عايشة ومرتاحة ...
بعدت من اعلييها ...تفضلي عمتي ..زارتنا البركه ان شالله انستي ونورتي ... شبحت لرعد ...
اشرلي بشويه هو وراها ..بفمه ..دخليييييها ...
خشي تفضلي عمتي ...
مشينا لي الصااله ... قعمزنا مع بعض قعمزت اني جنبها بتماام..ورعد امقاابلنه ...
رعد....انستي ونورتي ان شالله
نادية..سلللمك سلمممك اني هذا وين تهنييت وارتحت لما شبحت بنتي عندك ...قالتلي سلوى..عايشةومرتاااحة وراجلها صاااحب نظاال ...اني ارتحت...بنتي داليا..طول عمرها ساكتة ومطيعة والي انقلها اعلييه اتقوول حااضر ..ربت مع بناويتي..معزتها اعز منهم...في عيووونك حطها اوليدي ...
رعد...نشبح لكمية الرزانه والكلام الرطب..ونحلف في داخلي حاتم ماهو خوها ...شن ايجيبها لييه ...
في عييوني متخافيش اعلييها ..ارتااحي توة ومزال تو انهدرزو...طلعت وخليييتهم
مع بعض ياخدو راحتهم .... وتفاهمت اني ونوري...اذان العصر .بيجينا مجيد وبوووه الكلللب السرسري .مش عاارف كيف بنقعمز معاه بس ... لولا امانة عمتي سالمه الله يرحمها ....
وقفت في الفم ...اندخن ونفكر في بالي الخطوة هذي واليوم العشية بنفدو الوصية...مش عارف كيييف اني بنقدر اندير الي قتلي اعلييه وكيف السبلة والمهرب من داليا.... جايتني اياام سود مش عاارف كيف ...
امقعمز البراء...سمعت صوت داليا ..خشيت ...تغديت ..وطلعت فوووق ...غيرت ..حوايجي ...ونزلت مع نزلتي لاقتني داليا طاالعه من الدااار الي كانت فيها اروى ..
داليا..ماشي ياقلبي .
رعد... ايييه ماشي ان شالله تو انجي مع لعشاء .... كلميها ريتااج ولا مودة..مش تقعدي لاهية في عمتك وتنسي...واسيها وقولي كلام رطب ...
داليا....باه
رعد... ماندري علي الباه هاذي شن وراها ...طلعت ركبت ...وفي باالي ...كيف بنتلاقا اني ويااه ياريتها جت في خاله التاني هيا الكارته جتنا في عبد الكريم ...الله يلعنه دراع جواد ...
وصلت حوش المرحومه ...وين بالله كنت قبل لاندير شي انخش انسلم اعليها وتنصحني ..ويينك توة بس ...
وقفت علي السيارة ونراجي ....
طلعلي نوري ...عيوونه في قصته وحواجبه مربووطه ..قربع الباب وقف علي السيارة
شفتلا... خييييير يااطييير ..شن فييه شن صااير
نوري... ريتاج اخرتها مش راضية تتزوج توة وامي ليها عشرين يوم ومخلطه ومركركة مع بعضها ..
رعد...حقها البنت متعلقة بامها وانته معصب مزودها ...وهيا اتحس فيها صعبة...المهم هيا موافقة علي مجيد ولالا ..مانبووش نمشو وتطلعلنا حاجه اكبر من الاولي ...
نوري ..راضيه راااااضيه يعني برايك من قنع حياة امي بيييه مش حضرتها ...
رعد... هيا هيا...نتوكلو علي ربي يستنو وين هما
نوري..كلمني توة مجيد بوه و خوه..قالي في جامع.. ........ والشيخ الي عقدلنا نفسه ...
رعد ... اركب ...درت للباب وركبت ...ركب نوري ...
انقوولك بالله هو اسمه مجيد. ولا عبد المجيد...
نوري.... اندرى علي ام امه ..بالك اسمه مجييد بس
مش عااارف الحق...
رعد..هو شن يطلع من عبدالكريم الا الاعوج ...
نوري....والله ياراجل لما نتفكر ضربتي من وراه نكره روحي كيف ماقتلتاش...
رعد... متخااافش جاااياته قتله ... نقتلوووه ان شالله ..
نوري... خشي من اهني اقرب الجااامع ...
رعد...نسيت امها طريق اني ...دورت وليت مع الزنقه التانيه ... او ما وصلنا لقينا سيارتهم في الفم ...واحد واقف البراء...برووحه ...قالي نوري ..واني اندرس في السيارة .
نوري .اهو العريس هذا مجيد... شفته
رعد... والله شكلا زي اشرف مرتين بنقووولك اشرف هذا شن ايدير اهني ...
نوري..انزل ..وكان شبحتني لبزت رقعها مش عارف شن بنديير ...
رعد... اسكت اني بنمرمدها احرف منك ..بدات كان الشيخ قعد ما جاش...
نزلنا من السيارة ..اني ونوري ...وهيتم في الطريق ...
وقفت في الفم ..عبدالكريم ..ومعاه اولادا الاتنين ومعاهم راجل تاني ..لابسين رسمي ..واني في تشيرت اسود وشبشب وهما دايرين جهدهم ...شفت لي نوري..نفس الشي ..لابس اسود ...
قمتلهم ايدي ...امنورييييين يادولة ....
ردو عليا اتنين والتانيبن مش عاجبهم
واقفين فم الجااامع اكل ...عيني جت علي عبدالكريم النذل خطر عليا حاتم ..قصرة وشيباته الشعر مصفي ابيض ....
نوري..يتوااكل مع بعضة...سلمنا اعلييه ..مصاافحة...
وخشينا لجامع ...قعمزنا شوي ...وادن العصر ....
جي الشيخ ...ام بينا صليينا ......وقعمزنا ..بدو ايضبحو علي اصحاب عقد القران ...
قعمزت انوي ونوري...وهيتم نشبحو فيه في الصفوف الاخيرة ..قرب ..قعمز جنبي ...
قالنا الشيخ وين ولي النساء...
قربنا ونوري..واني شاهد وهيتم
وقرب عبدالكريم .ولده طاارق ومجيد ...
قعدت امدقق فيه حسيته نفس كلام المرحومه ..هو وبوه مش نفس الخط ......
كمل الشيخ ..العقد وقرو الفاتحه ...ونضنا طلعنا ...
اني مااشي ...ولقيت مجيد ايسلمو عليه اصحابه ..البراء...وقفت اعلييه ..ونوري وهيتم مع خوالهم ...
مجيد تعرف انه منعرفكش لاكن وجهك عجبني...ماشي وحاط ايدي علي كتفه . اني وبوك مش في السلييم لاكن البنت زي اختي ..نبي نسمع شكوة منها ...انخلطها لعيالات في بعضها ....
مجيد... ان شالله ان شالله ..اني لو مش شاريها ما سببتش حساسيه بيناتكم ..
اني نتكلم من لوطي دروج الجاامع ...لين نسمع في صووت نوري عالي...
التفتت لقيته واقف هو وعبد الكرييم وطارق ...
مشيت نجري جبته..نوري..جامع وناااس اسسسس
اركب اطلع ...
نزلته من الجامع وقفت اني وياه علي السيارة...
شن قاالك خييرك ناااار والع ..
الكلب ..مش امووافق علي المهر الي حطيته ..قالي ...احني عطيناها عارفينها محتاجه وبنسترو عليها.... اني عاارف انولع النار في ليبيا والمخنت هذا ريتاج ميطولهاش ...
رعد...هذا من الي قال هكي طارق ولا بوووه الكلب
نوري...طاارق....الكلب ...اخخخخخ بس اخخخخ ..
رعد... اركب هيا ودرة الكللللب ...خووهم راجل كويس ومحروقين بس مدورهمش...
كيف بنركبو .نشبحو في طاارق جاي بتجاهنا..
ونوري ايطق في رقبته ايمين وايسااار عارفة بيدير كااارته ...
وصل طارق ...يتكلم ويأشر بي ايده ...
اسممع يكووون في معلووومك لولا ماولدنا شاريها ..لا تحلم طووول عمرك اتناااسب عبد الكرييم . ...واحد زييك ..مكانه فلاااح ...
نشبح لنوري...قدم ..وخر ... وبوووكس علي وجها ...طيحة لوطى ...ولع الضررب بفلس ....
للحكايه بقيه
جميله جاسم