Salamin
*****
Ating isipin kahulugan ng salamin,
Katulad ay tiwala na nababasag din.
Pag-isipan ng maigi anumang sasalitin,
H’wag tulutang makabasag ng damdamin.
Anumang problema mayroong solusyon,
Sa parte ng pamilya, katoto, sa karelasyon.
Kung pag-irog, sa puso ay nakatanim,
Tiyak, ‘di mabubuwag di gaya ng salamin.
Ang pagkakaibigan, iyong pangalagaan;
Anumang hakbang, laging pag-isipan,
Ang paglingap sa lahat ng mababasagin,
Pag-ingat ay katulad katulad ng salamin.
Sapagkat nabasag, ‘di na mababalik pa,
Ang dating anyo, pakinabang ay wala na.
Hindi masisiyahan na ito’y gamitin pa,
Mapapala ay sugat lamang wala ng iba.
>>>
‘Yong tipong pinalitan ako?’
Friendly kung susuriin ang aking pagkatao, hindi rin naman kasi ako mapili pagdating sa kaibigan basta't sila ay nandiyan, mapagkakatiwalaan at higit sa lahat walang bisyo o hindi magdadala sa akin ng sakit sa ulo.
Totoo, maganda ang may mga kaibigan, may kasa-kasama pag-uwi sa tahanan, sa mga hangout at marami pang iba. Ganon din naman may napagkukwentuhan at napagsasabihan ng ilang problemang ni minsan ay hindi mo na-open sa iyong mga magulang at higit sa lahat, napaghihingan ng advice sa kung sakaling gipit sa problema at naghahanap ng solusyon.
Palakaibigan, oo ako nga. Pero ako rin ang napakahirap na tao na pasukin ng buhay ko ng kahit na sino mapa makapasa sa standards para sila ay ituring bilang best friend ng buhay ko sapagkat katulad ng salamin ang aking damdamin, na kapag nabasag ni minsa'y hindi na muling maibabalik sa dating anyo mayroon ito. Walang makakapag-utos sa damdamin ng bawat isa para gawin kung ano ang gusto niya. Tiyak, kahit na advice ng magulang ay kadalasang hindi parin sinusunod ng mga anak. Sapagkat kung nabibilu pa nga lang ang desisyon, tunay na gagasto ng malaki para doon.
Nagkaroon ako ng kaibigan noon, matagal na panahon kaming nagsama. Mula elementarya pa lamang kasi ay kami na ang magkasama. Hindi ko naman siya itinuring na matalik na kaibigan ngunit habang tumatagal pakiramdaman ko ay gayon na nga.
Hanggang sa tumuntong na kami ng high school, ganon parin ang aming sitwasyon. Maayos na nagsasama bilang isang kaibigan, nagkakwentuhan tungkol sa bawat buhay. Nagpapangaralan, hanggang sa naglaon nga ang panahon na nagbago ang kapwa naming mundo. Tunay na palakaibigan ako ngunit sa likod ng aking anino ako'y sanay mag-isa. Nagkaroon siya ng ibang kaibigan at simula noon hindi na niya muli ako nakakausap. Napalitan na ba ako? Wala na ba akong puwang sa oras niya? Iyon ang mga katanungang gumugulo sa'king puso, at sinundan na lamang ng pagsang-ayon ng aking isip na wala nga talagang forever sa mundo. At tumagal pa nga iyon hanggang sa hindi na kami nagkakatinginan, hindi narin ako nakikipag-usap sa kanya marahil choice narin niya iyon para palitan ako ng ganon-ganon nalang sapagkat the gift of freedom is in our lives.
Masakit maiwan, mabasag ang damdamin ngunit mas maiging tanggapin ang katotohanan at gumawa ng bagong simula.
>>>
Talaan ng mga Salita
*Katoto - kaibigan
*'Di-mabubuwag - hindi mawawasak
*Pag-irog - pagmamahal
*Paglingap - pagpapahalaga, pangangalaga, pag-aasikaso
*Sasalitin - sasalitain
*Tulutang - payagan
A/N: Ang susunod pang mga kabanata ay naglalaman ng aking katha, ang tula. Salamat guys sa pagbabasa, hope na samahan niyo pa po ako sa pagbabahagi ng mahigit limampong tula na aking ginawa.
***
Sa mga nag-click nito maaari po kayong magbigay ng komento regarding your friendship story at gagawan ko ng tula kahit maiksi. Maaari rin po kayong magsuhestyon or simply Vote this story if nagustuhan niyo po, salamat.
See yeah in my next update...