الرجل الاربعيني باللهجة الليبية

البارت السابع والاربعيين

البارت 47

#الرجل_الاربعيني_ج2

#جميلة_جاسم

لن يفهمك احد احتفظ بشعورك لنفسك، 🤐
هذا الحد الفاصل بين لحظة الخذلان، والرغبة بالكلام.. شعور مليء بالمرارة لايمكن لاحد ان يصل الي ما انت عليييه ....💞

عندما تصل الي مرحلة الا مبالاه اعلم جيدا انك تستطييع التخلي عن كل شي الا الكرامه ....😪🌹

داليا... لحضات منعرفش باش نوصفها ..اشبه بعااصفه دمرت كل شي ... خلتني نعرف اني اني درت اكبر غلط في حياااتي وعاندت رعد وقلت اني بنت حااتم ...

مافيش حد فاااهمني ولا حد بيقدر يوصل لشعور الي اني فيييه ...

ماعندي ولا وااحد في الدنيا ...وبوي ممنوع انقول اني بنته وهو مييييت ياريته حي  ..

اني مش اختيااري حاتم ايكون بوي هذا قدري حطني في مكاان منقدرش انقول انه اني بنته ...

عيون رعد لما خش وصكر الباب واني واااقفه معرفتش كييف انفسرها ...

مش امعصب ومش مستريح هذا مش رعد الي عرفته ..اكييد صااار شي ومغييرينا عليا  .....

قرب مني حسيت قبضة ايده علي دراعي ..في لحضه حسييت رووحي امقعمزة علي السرير وهو مقااابلني ..

رعد... ارتحتي توة ....طووووول عمرك متسرعه طووول عمرك متعرفيش تصررفي  انتي اديري الي تكسري رعد.بييه بس وتفلحي فيييييا اني .

علاش يابنتي هكي علاااش ...

داليا.. اني قاالي بنتي ..ومعش قدرت انشد روحي بكييييت ودموعي سبقوووني  حسيييت ليا سنييين علي رعد علي حنييته نبي انولي قبل لا نحمل بي برق ..حتي برق كرهته من كثر المشااكل وين رعد الي ايحبني .....

رعد.... اوووووف اوووف ...علاش هالدموووع علاش ...

داليا.... رعد انته مش فاااهم الي انحس فيييه ...اني لما بدلت عيشتي بييك حطيت فيك تقه ..انته تغييرت عليا معش رعد الي ايحبني ويخااف عليا ...
تصدق وصلت لدرجه انقووول ياااريت انمووت ونرتاح ونرييحك مني ....

رعد.... اخخخخخ عقلك صغييير حتي تكبري بتقعدي غبييه وماتفهمييش تعااالي اهني ...

داليا... حسيييت رووحي في حضن رعد ... حسيت الامااان ... حسيييت الاستقراار ...لو نقعد عمر هكي منبي شي ...

رعد علاش متبيش انقول بنت حاتم علاش خواتك انصدمو علااش قولي شن داير بوي هكي وانتو متخوفيين منه مش ميييت هو خلاص يعني معش تفرق.

رعد... ارتاااحي ارتاااحي ... يرقالك الضغط ونقعد حاااصل فيييك بعدين تعرفي كل شي ...

الغلط هذا انتي تحمليييه اني فاهم انك متعرفي  شي علي بووك لاكن لبناات مش فاهمات...

اني لما انقووولك متقوليش ..
مش مستعار منك ومن بووك هذا حقك فيييه لاكن عارف فيه قصة قديمه بين اروي وبووك ..خاايف تعرفييها ونصبحو في مشكله عاااشرة ....

ارتاااحي...

داليا... قعد راسي دااايخ ونفكر  رعد طلع وسكر الباب ...شن فييه بينااتهم ..صح اني بعيدة علي بوي لاكن شن بيكون فييه ....
صح بوي متزوج قبل امي ومتزوج سكينه ...لاكن منعرفش شن علاقتها بييه

من وين بيطلعولي بقصه تانيه ...انحس في راسي خلاااص مش قااادرة رقدت طووول ...

نضت علي صوت تقربيع رعد ...
فتحت عيووني ..لقيته لابس ويخلس في شعره ...
قعمزت ...
وييين بتمشي رعد ويين..وبتخليني بروحي

رعد.... خييرك مخلوعه ..ماشي لهيتم عرسه غدوة ..
ومش بروحك انتي برق نسهة مني مونسك....

وتو ارواحكم العصر نرفعكم عند عمتي سالمه بكري كلمتني قالت جيبهم نوضي تغدي واشحطي رووحك مش ديما في جرتك اني...

طلع من الدار ...وسكرها ...
محلاااه واللهي ...لما رديت علي اخته قالي صكري فمك وارقي فووق ولما سكتت وبكيت قالي اشحطي رووحك ...شن نديير

عيله عندها انفصام في الشخصيه واني معنديش حظ ..
اروي الي قلت الوحيدة في الحوش اتحبني وتفهمني ...

طلعت عندها قصة مع بوي ...
مفهمت شي ولا رح نفهم في حياتي بكل ..
شفت الساعه لقيتها الساعه 3:00
يسلام من 11:00 تمام نوووم. ..

غسلت وجهي ونزلت ... وفي بالي قلت لو احتك بيا حد.مش حنكلمهم ياااسر ما طحت عليهم وسكتت ..

خشيت للكوجينه درت غداي بروحي طبعا اكيد اروي مطيبتش ..واني رعد الي كنت منقدرش انخلييه يطلع جيعان معش ندري اعلييه ياكل ولا لا ..

نبي حياتي تستقر ومش راضيه بكل ...
قعمزت علي الطاااوله   .ناااكل وراي الباب ..منبيش نشبح حد ايعكرلي مزاجي ...

حسيت علي جيهان واقفه جنبي. ..

شعرها اشقر بحمار ..خدودها ورديات وفي فمها زلباحتها ...
ومادة ايدها تبي تااكل ...

شفت للباب اروي مهنااش ...

خديت خبزة لفيتلها بطاطه وعطيتهالها ...
مدتلي الزلباااحه ...
ضحكت علي عفويتها عجبتني. .واني من قبل انحبها مش عاارفه شن الرابط بيني وبيينك ..وشن معني كلاام امك امس ...نشبحلها في عيونها تضحك فرحاانه ...

قمتها حطيتها علي الكرسي الي مقااابلني ...
وهيا تااكل وتحرك في رجلييها وتضحك ..

ناكل ونمدلها لين شبعت ...

مسحتلها فمها وعطيتها الزلباحه كيف بنبوووسها حسييت باييد بيني وبيينها

رفعت راسي
اروي قااامتها وطلعت بييها ...
حزت في خااطري معقوله حتي بنتها متبينيش انلعبها ..والله وقعدتي يااداليا بروووحك ... ملياش الا خوله ودلال ...

قمت السفرة غسلتها ودرت طاسه قهوة وحليب ...
ورقيت ...
بطني متعبتني ..
في السااابع اليوم اول يووم خايفه من الامومه خايفه نموت زي امي ويقعد ولدي ..
اتجيني هواجس نتخييل في رعد متزوج حوراء واني ميته ..
لما قلتها زمان لي اروي قتلي هرمونات حمل ...
مش عارفه من الحق احساسي ولا الهرومونات ...
فتحت الدار وخشييت ..

خديت التليفون ...كلمت خوله نبي نسألها بتمشي لعرس هيتم ولالا...

خوله ..... شن اخبااارك داليا وشن جو الحمل معاك هلبه معش هدرزنا من اخر مرة ...

داليا...اقسم بالله مانفضي مشااااكل لا راسي ..وهووول علي قولة رعد ...

خوله..معليشي انشالله ربي ايفرج ...شن جو حماواتك...

داليا... باهي ماشي حاالهم ..اسأليني علي روحي ...
بتمشي لعرس هيتم اكيدة عازمكم ولا

خوله.... قالي خيري من بدايه الاسبوع قال دايرينه في شاارع وااحد هو بيتزوج اخت نوري ولا

داليا.... ايه بيتزوج اية الصغيرة ....

خوله... قالي خيري هذي الي مرضت لما سعفنااها للمستشفي اني وانور ورعد...

داليا.. باهي شن بتمشي ولا كيف وشن بتلبسي وامتي بتمشي كلا قوليلي

خوله.. هو خيري الصبح قالي مصكريين زنقة نوري في بدايه الشاارع وهيتم في نهايته. .ودارو خيمه وحدة واليوم الحنه .....
منعرف منهم حد اني بنمشو انشدو طاوله وخلاص ...

داليا.... خلاص تو لما نووصلو غادي انكلمك ان شالله ...

سكرت منها ونضت انفركس في دبشي نبي حاجه نلبسها ...طبعا لا كلمتهم ولا جيت قداااهم  لامودة لا اروي ...

لقيت قفطان اسود قصه حمل والصدر مطرز بالاصفر والخصر دانتييل اسود في اصفر ...
حسيته يمشي معاااي ....

خشيت دوشت وطلعت . ....
قعدت انسشور في شعري ..  حسيته طوااال هلللبه وصل الي اوطي من خصري ...

شفت الساعه لقيتها الخمسه ..
صليت العصر. .  وقعدت نطلع ونخش مرتبكه اول مرة نمشي لناس منعرفهمش ...
حطيت المكيااج علي المزيين وقعمزت
لييين حسيت رعد فوق راسي

رعد... الاحمر والاخضر ممنوع خلييك.طبيعيه ..والقفطان القصير لا .. البسي طويييل ...

داليا ... واقف وراي ويتكلم ويشبحلي في المرايا....
شوي مش امكثرة شن زي المتخلفه ماشيه من غير مكياج ...

رعد... كوييس واحلي متخلفه والله ...
المهم انتي واروي بتمشي مودة ممنوع...

داليا.... متفرقش كلمت خوله وتفاهمت اني وياها ماشيه هيا ودلال....

خش للحمام ويغسل في وجها صووت الميه عالي ..ويتكلم ...

مش مشكله المهم مودة ممنوع وممنوع تمشي بروووحك ... وحدة من لبناات ..انزلي شوفييهم ...

داليا.... شن انشووفهم ميردوش عليا اروي ومودة ... احكيلي شن الموضوع الي بيينهم ..علاش اروي هكي تغييرت طلع من الحمام وقعمز ينشف في ايديه  ....

رعد... الموضوع مش قداي ..اذا اروي حابه تحكي بتحكيلك اني مش عندي ونصه مش فااهمه...

داليا... والله لو جاني الضغط مش تقوول صغيرة ومتشكي من شي. ....من لمصاايب الي طاحت علي راسي ..جاني الضغط...

رعد.... البسي والحقيني لا ضغط لاسكر ان شالله ..

داليا... الجفااف الي عند رعد مش طبييعي ...
نسمع فيه نزل ..ودوشه وكلاام ...عالي ..بديت نرعش لما نسمعه انقول اكيدة فييه مصيبه جايه ...

فتحت الباب ... وقفت نسمع ..حسيت روحي بدت عندي عادة جديدة انجيب في الاخبار بوداني وخلاص ...

رعد... اروي اكسري الشر وبري مع داليا منبيش نطلقها برووحها ...

اروي...والله نقسم بالله يارعد ماعندي نيه رااسي وبنتي متحبش الزحمه بروو مدورونييش سلاامتكم تمشي مودة ...

رعد... مودة ما تمشيش ممنوع بتمشي انتي كان مهذا قعمزو الكل ....

اروي... عيب من اصحاابك ..اني مضاايقه اليووم غدوة تو نمشي معليشي بري انته اليوم ومرتك.

داليا....نسمع فييها اتقووله مرتك مش داليا..وزاد شكي انه بوي داااير مشكله كبييرة بينااتهم ومش قااادرة تنسااها. . ..

خشيت ..لبست قفطااني وماحطيت شي ...علي وجهي شوية روج خفيف ورفعت معاي العدة نبي خوله اتمكييجني ...بعيد علي نقاان رعد ...مش كلا بنسمعوه وبنقوولو باهي اعلييه ...

لبست عبااايتي ونزلت قريب المغرب ضلمت الدنيا... وصلت لوطي لقيت رعد ايهدرز علي اروي. ...

وقفت من غير ما انكلمها ونااويه انه ايفوت عرس هيتم واية ونبي نسألها علاش هكي صاااير معااانا

شبحني رعد نزلت ناااض ..طلع ولحقته ..خلاص ياااسر من داليا هيا الي تمشي لناس وتعتدر ..الي مش راااضي ميرضاااش .هذا بوي ومعنديش وين نهرب منه...

وصلت السيااارة ركبت فيها ورعد ولعها ...وفتحلها التكييف ونزل ...
قعد مدة ..وجي في ايدة فلووس ..

ركب ...وشبحلي ...ومد ايده علي جبهتي ..

نزلي وشاااحك علي قصتك طااالعه نزلللي...

اني عدلت الوشاح من غير كلام ..اخر حاجه وصلتلها ...مع رعد انك متنااقشيهش ...
الي يبيه ديريه قدامه وراه ديري الي تبييه ...

وصلنا حوووش .. نوري ..نشبح في الخيمة كبيرة هالبا والناس زحمة ...

حسيت بربكه بروووحي اول مرة ايسير الموقف ونجي لعرس برووحي اصلا اني من غير فايدة بكل ولا مرة مشيت بروحي ولا اعتمدت علي روحي ...

نزلت من السيااارة طبعا رعد الي يخطم عليه ...اتقووول خايف منه يضربولا في التحيه حتي الصغاار

كيف حالك عمي رعد ...شكلا مشهوور عندهم شبحت نوري جاي من بعييد ...

ورعد راسي قريب ايحطه في الوطاا ...شادني مع ايدي وماتلتفتيش خشي طوول ...للحوش مع الخيمه ...

وصلنا وقف نوري سلم اعلينا وراااسه امطبس اني من الخوف حتي الردان مارديتش اعلييه ...
سكتت قلت اكيد لو انقول خير بيقولي رعد من وين لي وين اتكلمي ...
ماشيه وشنطي في ايدي
موقف لا احسد علييه اتقووول هاااربه ......

خشيت الداخل لقيت عمتي سالمه ومعاها اتنييين بنات ...
اول مرة نشبحهم ...دخلوني الداخل ... وكل مرة اتجي وحدة اتسلم ..ونسمع فييهم هذي مرت رعد هذي مرت رعد ..
واني مقعمزة بروحي علي مندار ... مش عارفه حسيت روحي جايه من عالم اخر... ..
ضحكت علي روحي قلت خلي انقلهم اني بنت حاتم ..وتخش بعضها علي قولة رعد ...

قعدت مدة جت قعمزت جنبي اخت نوري الكبيرة...
قعدة انهدرزو ..باين اعليهم كويساات هاديااات ..
حتي العرس مع كثر الزحمه مافييشي فوضي ولا شي منضم وحلو ..

جابولي طاسه عصير ..خديت تيلفوني ..وكلمت ..خوله ... نستني فيييها خلاص اقل شي انهدرزو مع بعض ...

عيوني في الباب ..وانراجي فييها قالتلي في الطريق ..
حسيت علي اية ...قعمزت جنبي لابسه الوردي. .وعلامات الفرحه باااينه في عيووونها ..

تمنيت اللحضات هياه عشتها اني تمنيت نتزوج من حوش اماليه حنه وحفله مش هكي حااالي ...

طقوس العرس تنازلت اعلييها ...وقعدت مضحكه ...
مرات اتجيني حاجه في نفسي اتقووولي ...مفروض لما جاك بوووك روحتي معاااه وخليتي رعد عااش حياايته ..لو هو حق حبني بيجيني الي حوش بوي يخطبني لاكن اني تنااازلت والتنااازل هذا خلاااني ...
نندم

هدرزت مع اية ..صح كانت معجبه بي رعد واضح علي كلااامها لما تحكي اعليييه.  .
لاكن لقت الي احسن منه ...من عمرها وحباته وحبها....ونص كلامها علي هيتم ....

جت خوله سلمت اعلييهم وتعرفت  عليهم كلهم.الحلو في خوله
انها مطلوقه وعادي عندها كلا خشينا لدار عدلتلي مكيااجي وزدت الروووج وطلعنا دلال غدوة بتجي ...

قعدنا الحنه كلها انهدرزو ... محسيناش بالوقت ..
كلمني رعد شبحت السااعه لقيتها.  
1:00
قداش فات الوقت حلو جو الاعراس ..واني ليا سنيييين عليهم ...

طلعت اني وخوله ... خيري .ورعد واقفين ومعاهم نوري ...

ركبت في السيااارة ....ورعد وااقف قعد علي نوري ...
والله شخصيته مايستااهل مودة نهائي ...

دورت عيوووني رعد يشبحلي ...
شوي وجاء ركب. ...
ساااكت ولا كلمه ...  اول ما طلعنا ..
من الشااارع .....انبق في وجهي

رعد...شن الاوان الي علي وجهك شن قلت اني داليا شن قللللت ...درة همم ممنوعه علاش تكسري في كلااامي ...

داليا... شن منضري زي الكلبه لا لبس لا مكيااج ...اقل شي الوحدة اتعوووض الي ماشبحاتااش في عمرها ..انته كان تشبح النااس الي الداخل اني المتخلفه الوحيدة بينااتهم ....

رعد... خلاااص بتلفي ودوري وتولي لي نفس القصه ...

داليا... سكتت معش نبي نتكلم ولا انقول شي ولا انااقش مليييييت من كل شي من الهم الي اني فيييه من الوضع ...

وصلنا للحوش ..خشييت طوول لوحت عبايتي ودوشت ... طلعت رعد مش في الدااار ... رقدت من غير قالي لا قتلك ...

وقضت الصبح رعد راااقد.جنبي امتي خش وجي مش معروووف ...
راسي زي الطبل وبطني تقلصات وليا من الشهر الرااابع مش امرااجعه دكتوورة ولا كاني مريضه وتاااعبه ..
بنصبر علييه قدر الامكاان رعد الي كااان ايخااف نبكي اختفي من الحياة ....

مرات انقووول عنده الحق مراات انقول مزودها معااي لاكن كلا كوووم وموضوع اروي كوووم ....

نضت غسلت وجهي ..وخليت رعد  راقد ونزلت ..
الساعه تمانيه الصبح

وصلت للكوجينه ...فااضيه فكة فكة من وجع الراس ..خديت القهوة وبديت انطييب ...

التفتت لقيت رعد واقف ...

رعد.....صباح الخير

داليا....صباح النووور

رعد... قعدة مادة فمك شبريين ..وزعلانه

داليا . .. هههه عارف روحك مزعلني انته ...

رعد.. غير قلت فيه بنيه قنينة البارح رقدت وخلتني مراجتنيش ..

داليا... فيه واحد قالي المكياج ممنوع رقدت وخلييته من غير مكياج

رعد... معليشي الليله مايحزك مني حد ان شالله ههههه..

داليا. . علي سيرتها اني مامشيتش نهاائي لدكتورة ما شفتش وضعي نبي نمشي بعد العرس

رعد.. ان شالله بنمشي اني توة ..ونوليلكم مع المغرب التلاته امس عمتي ساالمه وجعها خاطرها علي لبناويت تبي اتشوفهم ...

داليا.....سكتت فطرت اني ورعد ورقيت ...قعدت انوتي في روحي ..

فات اليوووم زي البرق  لبست قفطان احمر تلت اربااع وشعري لفيت اطرافه روول ..ومكياج خفيف ..

ومشيت اني ومودة واروي ...

اول ما خشينا ...شفت لي مودة متوترة تمشي جنبي اني طبعا راسي امنزله عليه وشاح لاني بسيييف قنعت رعد انحط حاجه خفيفه علي وجهي ...
اول ما قمت راسي جي في وجهي

نوري يشبح لي مودة..

ومودة عيووونها فاضحيينها

للحكاية بقية

جميلة جاسم ...

سلااام كيف حااالكم حبايبي مشكوووورين جدا بجد متتصوروش قداش كلاامكم فرحني دعوة من القلب منكم تسوي الدنيا كلها بصرااحه انتم عائلتي الاكترونيه مشكورييييين حبااايبي واسفه.جدا لكل من مارديتش اعليييه في التعليقااات ...
اختكم الي اتحبكم جميله جاسم