البارت 45
#الرجل_الاربعيني_ج2
#جميلة_جاسم
يا راحتي اليمك بقت
خليني اعيش براحتي
اريد اشمك واحضنك
حلفتك بملح العشق
ماا راح اقول بداعتي
خليني ييمك انعشق
وارتااح واقول براااحتي ؟.
داليا ... رقدت نومه مرتااحه لانه رعد معاي ..كل شي نقدر نتخلي عليييهم الا حب رعد .. فتحت عيووني لقيت رعد مهنااش والدنيا صبح ...
معقووله في الليل بس قاله لكلاام وصبح الصبح راااح كلا..
اكييد قعد زعلان مني ..علي كلمتي امس الصبح ...
اووف ...
نضت من علي السرير...لا عندي تليفون لا سااعه ...في الملحق... قداش زعمه توة...
فتحت الباب واني انحس في رجليا خلاااص ... وبديت نتقل ...وتقلصاات بطني مش قااادرة انتحرك...
فتحت باب الدااار...وطلعت لقيت ... رعد مقعمز علي الكنبه ..ودخااان ليين امداااير ضباب... في داخلي فرحت ..
قام عيووونه معاي قعد يشبحلي طوول... معرفتش انفسر نضرته...اشرلي بي عيوونه تعااالي
مشيت بتجاها ..قعمزت ...حسيت روحي كاني اول مرة نعرفه خجلانه ومتحشمة ....
رعد ياااسر من الدخاان خلااص بيقتلك ... قلعه من فمه وشبحلي .....
رعد....رااايضه اليووم ...
داليا.... هههههه حلوة الكلمه ....امممم نص رايضه مزااال ؟
رعد... تعاالي جنبي اقربييني ...
داليا.. نضت مشييت قعمزت جنبه ...وحطييت راسي علي كتفه ...وتكييت ...
رعد.... اااخخخخ وين راحت ايام الراحه ياداليا وييين
داليا.... خلينا اهني في الملحق مرتااحيين ..
رعد... برق قداش قعد وينورلنا حيااتنا ...
داليا... تلات شهووور ويجي ... لاكن رعد نبي نرتااح قبل لا ايجي نبو انعييشو مرتااحيين ...
رعد... من وين الراحه بتجيينا .. مرام ومعش بانت .. مودة ونوري مواالهم بروحه ... اروي وبنتها...
اني وانتي ...
تعرفي لخطوط خاشه في بعضها معش سيطرت ... وانتي زدتييني علي همي ...
داليا . ... اني كنت زعلانه منك لاكن توة خلاص...
رعد..... تعرفي لما قلتييلي طلقني ..... قدااش حسيت روحي مادرت شي باهي معاااك ...
قلت في خاااطري معقولة داليا هكي لهدرجه مش طايقتني معقوله اني مادرت معاها شي حلو ..وكرهتني طووول ... تشبح فيا شيباني اعليها
داليا... من كثر حبي ليييك مقدرتش نستوعب تضربني ولا تشك فيا ..قلت اكيييد انتي علة علي قلبه وكرهك ...
رعد... خلاص معش اتجيبي سيرته الموضووع نهاائي
نوضي البسي ..نطلعو نفطرو برى ونتغدو برى
...وعلي طريقنا نرفعك للعيااادة راجعي رووحك ...
داليا... كمية الامان الي انحس فيها مع رعد وهو يتكلم مستحييل نلقااها نهااائي عند حد تااني ...
لو نقعد طووول عمري منقدرش انوفي ولا نوصل لي حبه واهتماامه بيا ...
رعد انحبببك ونبييك تكوون جنبي طوول عمري .. شافلي وهو مبتسم قداش ليا مريتاش يضحك ...
رعد... ههههههه انتي شكله عالقيين الرشاش علي الصلي من امس الي اليووم انحبك رعد انحبك رعد ...
داليا... ههههههه انته اتعبر بالفعل واني انعبر بالكلااام مش انته قلتلي
رعد.....امممممم معنااها تو تشبحي الفعل علي اصوووله...... .............. ....
داليا...عشت مع رعد ممكن ساااعات حب وغرااام من امس الي اليوم وحسيت رووحي طاايرة في الجو ...كاني ملكت العالم كااامل ... ربي ما يحرمني منه طووول العمر...
خشيت ..بدلت ..حوايجي وبنطلع اني ورعد ...
لبست قفطااني وطلعت من الملحق ..
نبي انجيب عبااايتي ليا خمس ايااام علي دااري وحوووشي. ..
حوشي الي كنت فيه طلعووني منه وصلت فتحت الباب ..وخشييت ... استاحشت كل شي فيييه ..
اياامي الحلوة والمرة...
انحس في روحي تربيت فيه اكثر من حوش بوووي لاكن حاليا كاارهته كره العمى...
مشيت طوول وعيني علي الدرووج ..اروي وجيهاان مهناش اكيدة في الداار ....مودة ...مقعمزة علي التلفزيوون ...ولا علي باالها قريب متت اني في جرتها لاكن الغلط مش منها مني اني الي وااتقه فييهم كلهم وللاسف باانو علي حقيقتهم ..
وصلت الدروووج سمعت صوووتها وراي اتنااادي ...
مودة.... داليااااا استني ..
داليا مادرتلهاش بااال ..ولا دورتها ....رقيت.طووول وضاغطة علي اعصااابي بسيييف منبيش ننفجر فيا ونريح عليا الطلعه ...
بكل عيين صحيحه داليا استني ..اني خامس يوم اليوم في الملحق ...ولا كلفت روحها اتجيني وتعتدر ولا اتقووول انموت ..ونعرف رعد من ويين سمع وعرف ...
فتحت الباااب ..لقيت رعد كيف طااالع من الحمااام ...
صكرته ومشييت لدرجي فيييه العباااية والعطر قعدات في الاكياس من اخر طلعه مشيينا
فتحت الكيس خديت العبايه لبستها ......
رعد وراي يشبحلي في المرايا واني انعدل في حجابي ..
رعد... استاحشتي داارنا ولا لا
داليا.... اتصدق رعد اني ارتحت في الملحق ...اكثر من اهني ..انحس فييه حوش اماليا الي طلعت منه عروووس ..
رعد... الليله انعااودو ليلة عرسنا فيييه ولا يهمك ...
داليا... رعددددد خلاص وتيت روحي...
رعد .. دخلي قصتك واشحطي الشااال كويييس ....
داليا .. ولينا ... طلعت اني ورعد ولا عبرت مودة ..تلقييت اني واروي ..في الفم سلمت اعلييها
وقتلها تصالحنا وفرحت
البنت الوحيدة الي انحس فييها تفهمني ..شخصيتها مش نفسهم كلهمم
ممكن لانه الحياة عاطيتها درس كويييس لذلك ...تعاملها غييير...
ركبنا في السييارة.. اول ما ركبت فتحلي اغنيه ماجد المهندس انا بليااك ...كلماتها علي الجرح ..ولحنها عجبني...
دوق رعد.حلووو في الاغاني ...
مشييت في افكاااري ورعد يتكلم معاى مرة ومرة ايكلم في اصحااابه ....
حسب مافهمت منه انهم عرفو مكان مرام ..اني اخر همي نعرف ويين مشت ..ومتأكدة انها هيا ورى
رسايل الرقم ...
وصلنا مطعم ..طبعا مستحييل ننزل نفطر قدام الناس ..لانه رعد ايمووت وداليا مايشبحلها حد ..انحس في روحي مخلوقه برووحي ..
مرات اتحسي رووحك غاليه علي قلبه صح لاكن كثرتها اتنرفز ..
نشبح فييه طاالع من المطعم واكياااس في ايدييه تشيرته الابيض وشعره وعيوونه علي الشمس قصة عشق مافي حد يفهمها الا لو شاف رعد.. حتي ربطة حواجبه اتهبببل ....
وصل ...لسيااارة ...
رعد .ااااخ .. علي الحمو نووو موووت ..هذي غير نهاية تمانيه ... مفروض يبرد الجو ...
داليا... مديتله كلينكس من السيارة ....
مسح بييه وجها وحرك السياارة...
وين ماشيين رعد ...
رعد... مكاان فااضي ناخدو فييه رااحتنا عندي ساانيه لصااحبي جيهة تاجوراء ...فيها استراحه كلمته اعلييها بنمشو نقعمزو فييها ..الي المغرب ...ولا انباااتو مرة وحدة ...
داليا...فرحت من كل قلبي مع اني ملبستش حاجه تحت عبايتي جينز حمل وتيشرت بس.....
قعد كيف يتكلم رن تليفووونه....
قامه ونسمع فييه ايقلهم خلوووكم جنب الباب طلعت ولا خشت قوولولي في حد ايجيها ولا لا ...
حسيتهم يتكلمو علي مرام ... سكر التليفووون ..وقااالي ...
تبي امية بتشربي ..نعطييك ..
لاله منبييش قلبي صحيييت ..
رعد.. ااااه كاني ليا سبع سنين مسمعتش كلامك العفوي الحلووو ...
داليا....احتمااال تسمعه هلللبه اليووم دير في باالك ...
رعد.. ااخخخخ نموووت انيي علي كلااامك...
داليا..قالها بصووت عالي تحشمت ...ههعههه رعد عيييب ارزن ...
رعد... معش فيها كيييف بكل ...نرزن نهاائي
داليا... وصلنا للساانيا ...اول ما خشيينا تاجوراء ..خطر عليا حوشنا ..كل شي فييه.خداته سكيينه وفتحي ..ان شالله ربي ما ايسااامحهم ..ولا يتهنوو بييه نهائي ..
فتح الباب نزلت ..ااااااااااه قدااش هوااء نقيي جدا ..مجهزة حوض سبااحه ونخل وكرااسي والدااخل استراحه شبه حووش كبيرة ...
كوجينه وزوز دياار وصااله ..وحماام ...
وصاله توزييع ...
نحيت عبااايتي ... ورعد البرااء اينزل في لبضاايع
حطيت عباايتي تيشرت قصيير وبطني مضغووطة ..
التفتت لقيت رعد .؟ يشبحلي
ولت بيا الدنيا لي اخر مرة طلعنا للبحر والاسترااحه ...
بديت انخااف نفرح انقول بتسيرلي حاجه مش كويسة بعدها ...
رعد ..شن خطر اعلييك مسهمة من بكري...
داليا... تعرف تفكرت اخر طلعه قبل خمس شهوور لما مشيينا للبحر ..
خفت نفرح وتسيرلي حاجه مش كويسه ...
رعد... احني بنفرحو اليووم وغدوة ساااهل لانه مش كل شي بنفكرو فييه ..اليوم بنعيشووه وغدوة علي الله لانه هذي حيااتي مش شخص عادي اني ..
داليا... مشيت فتحت الاكياااس وتيت لفطوور..لقيت حاجات خفيفه وتست وبريوش وفواكه ودجاج وجبتين وجبة حووت ..للغدي...
وقهوة في طواسي مسكرة وبيبسي وعصيير...
وتيت لفطور وقعمزنا نفطرو .. ...
احليي يووم فاات عليا كل شي فييه حب رعد حنييته معاملته كلااامه ..
منقدرش نووصف شعوري لانه الاحساس عكس الكلاام ..
مع جو المغرب مقعمزين اني ورعد البرااء ..هواء نضييف وراحة بال من الصعب انك تلقااها ....
معش قدرت نسكت نبي نساله علي حوراء .....وخفت يزعل مني ..
رعد حوراء شن تبي منك هذاك اليوم لما طلعت مرام من الحوش..
رعد.... داليا انتي ضروري اتوججي ضروووري مش عاارف شن عندك فيها ..
داليا... بيقتلني الفضوول ...متجاوبش ادا كنت متبييش نسألك ...
رعد... البنت جاايبين دواء بالغلط من الاردن ومشي فيها راجل كبير في العمر ولده فتح محضر في النياابه وشدو خووها ..وكلمتني تبي وااسطه ...
وعلي اساس غدوة فييه اجتمااع بيين عيلة حوراء وبين عيال الرااجل الكبيير المتوفي...
وبوها وامها غادي في الاردن ... كلمتني اني ومجموعه من عيال امها ...
داليا.. غدوة بتمشييلهم ...
رعد.. اممم ان شالله ...
داليا... مشيت اتكييت علي كتفه ..رعد ..اني من خووفي اني نخسرك خفت منها حوراء خفت تمشي ونقعد بروحي ..
حبييتك حب تملك حب ليا اني بسس منبي حد ايشااركك فيا...
رعد... من هالنااحيه اطمني معنديش وقت انضييف حد لحيااتي نبي انطلع منها قدر الامكااان ..لانه كثرة العلاقات اتجيب لمشاااكل ...
داليا... اني من ضمنهم .... شبحلي في عيووني واني قايمة راسي نشبحلا...
خدي ولاعه ولع دخااان وقالي...
رعد... بندخن كان ايضاايقك ابعدي ..
داليا... لاله عاادي ...
سكتت وهو سكت حسييته تفكييره مشي لنوري صعب انك تفقد خوووك وصااحبك بطريقة هذي .. اني قلت في خااطري ....خلي انرقعها ...
شوي عميييتها مرة وحدة ...
رعد المشكله الي صارت مش من نوري اني عارفه انك بتحط عليه اللوم اعلييه ...مودة راسلاته علي خاطر تبي شفرة لما هو رفض...
والكلام هذي هيا قالتلي اعلييه لذلك صلح علاقتك مع نوري
لانه خوو دنيا ...
اني قلت هكي وهو ولع فيا معرفتش كيف نسكت ...
رعد... كلااام بييني وبين نوري ..متدخلييش فييه داليا خلييني ساااكت اني من قبل نااار وبااارود ..معاك ومراعاة لي ضرووفك سكتت.
ولا حتي انتي عندك ايد عااارفتيها امكلمه نوري علي خاااطر شفرة ...
وساااكته لو جيتي بلغتييني مكانش صااار..
لاكن انتي الطرف الغااالط مش نوري ولا مودة...
مترضيش بالغلط ودرتي الغلط..
اني لاني انحس فييييك اماانه عندي وما عندك حد ساااكت
ولا وحدة غيييرك وفي مكاانك بكري لاااازها في حوش اماااليها...
نوضي وتي رووحك برووحو ...
نضت وخااطري مكسووور مش عااارفه حق التغفييله مني
لوقتلا كان قدر ايسيطر عليها...
مش زي توة
طول الطريييق ...معرفتش كييف نصرف
هو يجري بالسياارة واني قلبي في بطني ..
مقدرتش نتكلم ولا شي ...
حتي العيااادة مقدرتش انقولا حجزت في الليل
وصلنا الحوووش ...
وهو ناار واالعه ..اني من الربكه نزلت طوول للحوش علي بالي بنمشي للملحق ..
خشيت لقيت اروي ومودة في الفم وااقفااات
وجوووهم مش طبيعيه ...
سلمت علي اروي ومودة ..دورت وجهي منها ...
شني اروي شن فيه حاجه سايرة خييركم ...
اروي ...راجل مرام جااي لليبيا
ومقدرتش انقووولا مرام مهنااش مرت خالي كلمتني اليووم
داليا.. هو معصب متكلمييهش احسن
بعدين دورتها في باالي ...
لاله قوووليلا احسن لانه ميحبش من ايدس اعلييه
رقيت فوووق نحيت عباايتي وقعمزت
شوي وخشيت نبي انبرد علي رووحي ...
سمعت صووت كلااام لوطي فتحت الباب ...
وقفت سمعتهم
اروي ...حسام جاااي غدوة ..علي باله انه قعدة اهني ...
كيف الحل وهيا مهناش
كلمييه قوليلا في حوووش بوووك خوودها رووح بييها وفكني من سووها ...
اروي ..قصدك قعدة موجودة وماقلتش امخليينا علي اعصااابنه ....
رعد... يعني شن بدييري لو قتلك تركبي سيارة انتي واختك وتمشييلها ولا ..
داليا ... محلاااه هو ماااشي ومتهني ومخلليهم في حاالهم ...
خشيت للحمام اندوش نسمع في رعد ايقربع البراء ...
تميت وطلعت لقييته ..اموتي شنطه ودبشه واتي ..
استغربت في اللقطه ...
رعد ويين بتمشي. ..
رعد... ماشيلي الزاويه ...اسبوع اني ونوري بنحلها معاااه ....
مدورينيش والنوم ارقدي اهني..
داليا... مقدرتش نتكلم قعمزت علي السرير...
علي امل انه ايقول مش ماااشي مصاارش ...
فتح الباب وخدي شنطه وطلع
واني كل طاااقتي درتها في الدموووع ....
للحكايه بقية
جميله جاسم