الرجل الاربعيني باللهجة الليبية

البارت الثاامن والعشرين

البارت 28

#الرجل_الاربعيني

#جميلة_جاسم

" ما نغصبْهم !!
اللى قرَّرو ما ايريدونى نقربْهم !!
طريق السلامه باى ...
((ما نغصبْهم))
اللى قررو هجرانى !
ومسحو اسمايا وكنيتى وعنوانى...وبالشمع لاحمـــر شمَّعو بيبانى
قرَّرت نــــــــا بالصـــادقه نشطبْهم
وانغيَّر ادمايا الجـــاريه افـ شريانى
وانفاس من روحــى الهم نسحبْهم...اللى قررو فجـــــأه ايهونو حنانى
ماعاد نيَّه افـ داخــــــــلى ترغبْهم
وقرَّرت نــــــا ندفن غـــرام زمانى
واجروح منـــــــــهم داميه انطبَّبْهم...وما عاد نسمــــح بالوجيعه تانى
ولا عاد كيسان الغــــــلا نشربْهم
دنيتهم حُرَّه !
اللى قررو مــــــــا ايريدو ليَّا جُرَّه....وما عاد يبو سيــــــرتى بالمره
طريق السلامه اتشيلهم تصحبْهم
اللى جوَّرو عالعمــر جابو شرَّه
قرَّرت نــــــا من داخلى انسيَّبْهم...وما عاد نقــسَى عالكنين انضرَّه
ولا اندير غـــــــيَّه دنيتى تقلبْها
ونشرى افـراح العمر بيها انسرَّه
ونردم مواجــــــع قاسيه انغيَّبْها...ونرتاح من جَــــــــوْ الغرام وحَرَّه
وانبيع دنــــيا ابـ ظلمها نِحْجبْها "

حوراء... من اول ماسمعت برعد متزووج لاول مرة انحس رووحي خسرت شي طووول عمري كنت انقوول اني يخسروني منخسر حد لاكن لااسف قلبي المرة هاادي خسسرني .

نمشي للمستشفي من غييير نييه ..والكل لاحضو عليا هالشي .. رقمه مسحته من عندي واكيدة هو بيعييش حيااته..

حسيت روحي فعلا ايقوولو عليا متكببرة ومغروورة لو عطيته فرصه لو صدقته بس ماكنتش هكي ..

اني بنمووت من البنت الي وااخدها ..سالت امي قتلي بووك مسمعش اصلا انه متزووج. .

اكثر حااجه كنت نتمنااها لو يرجع الزمان ونشووف في عييونه حب زي قبل ..

مرات بيني وبيين رووحي انقووول محبكش نهاائي هو شبح فييك امه وخلااص لانك تشبهييها بس ..

لاكن مش عارفه الفرااغ الي عاايشااته فترة لما مشبحتااش ..
نقعد امقعمزة بسااعات وندعي انه ايجييني في المستشفي ..لو مرييض..بنصلح الغلط..
بعديين قلبي ايقووولي راجل متزوج شن نبي فييه هو ومرته واني في النص معندييش مكاان معنديييش وجه ...

امس لما روح بووي قاال بووه ومرت بووه توفو في حاادت واحتماال محاوله اغتييال زي الوزير حاااتم ..

نموت ونعرف هذا حااتم شن عنده فييه ومن وين يعررفه ..كل مرة نسمع امي وبوي ايقولو جماعه حااتم ايطااردو في رعد يبووه ...

اني من هذا كلا ضربت في رااسي فكررة جهنمييه في هالعشييه ...
طلعت من داااري  لقيت امي  وبوي يشربو في الشااهي. قعمزت جنبهم ...

احححم شن تشربو في الشااهي متقولوش عندنا بنتنا تعبااانه تبي شي ايعدل راسها ...

امي.. هو انتي اربعه وعشريين سااعه في الداار امقااابله هالتليفووون هذا واخلاص ..لاتقوولي عندي امي انعاااونها انطييب اعليييها ...

حورااء... يااااااكلمتي ردي مكااانك ...شن قلت اني انهديتي فيا  يااام ...

بوي... خلييها تعباانه  من المستشفي وتبي ترتااح دكتووورة بووها ...

حوراء...نجيييك ليا باابا هذا لكلااام يااام شبحتي ...
هههههه

امي..هو من كببر رااسك وفييخك اعلينا الا بوووك ..شن مش نخدم حتي اني ولا المدرسه توة معش تصللح ..

بوي .. هما في خيير من الابلاات امربيين جيييل ..

حوراء... احممم احممم ماما اضربي المدح الزييين ...

امي... اني ربييت اجياال ابلة قدييمه الا انتي معرفتش انربيييك..

حوراء... ولييينا لي نفس الدسكه ...
خلي بنقلكم شي ..وعطووني رااايكم ..

بوي... شن قولي ان شالله خييير

حوراء... مش رااجل. عمتي زهرة توفي الي هو بوو رعد ولاا حسب ماسمعت من الطواري في المستشفي حتي مرته متوفيه معااه...

امي.. اي مسيكيين ربي يتقبلا بالرحمه...

حوراء..امييين مش من المفرووض نمشو انعزووهم اقل شي قداام رعد...عييب اتحسه اول يووم دفيينه وما معااهم حد وبعدين الاجر ليينا ..

بوي... فكرت فييه ومشيت حتي لي حوووشه علي بااالي نلقااه امقعمز مع النااس ونعضملا الاجر قالو ولده دفنه وقلهم العزااء مقبوول وداااير مشااكل كل وااحد ينتش من جييها ويقووول وهو مهنااش ...

امي.. هو فيييه الخييير الي دفنه راجل متبري منه طوول عمره وحضره في مووته اصلي ولد اصصل رعد ...

بوي..لو مش ولد اختي انقوول ولد اختك انتي ..

امي... اني انقوول في الحق كاني منه اني والله مانحضرلا ببككل ...لازني ومشردني طوول عمري...

حوراااء .. تو بتعاااركو خلوني انكممل ...

لو مهناشي في حووش بووه ..نمشولا في حووشه انعزووه ونعزو مرته شن رااايكم... قعدت نشبحلهم سكتو الزوز ..
وبعدين امي قالت..

اييه هو بعايلته نمشوولا انعزو اجر ونرووحو ..

بوي... مش عاارف اخر مرة اتقوول قااعد علي قلبه الحق لاكن هذا وااجب لذلك نمشو واخلاص .. وقفه مش اتعطلو ...

امي.. لاله ان شالله وقفه بس هو توة قريب مغرب خلي انصلو ونمشو بعد المغرب ..مش تعرف حووشهم

بوي.. اي نعرفه بنمشو لي حوووشه هوا .. واني معنديش علم بيه متزووج من حوراء توة ... من قاالك انتي حوراء..

حوراء ... وحدة قريبتها قتلي اعلييه .... رقعتها مش عارفه كيف مشت اعليييهم ..امي شبحتلي متااع مش امصدقه ...

خشيت لداااري طلعت البلوووزة الي تعاركت اعلييها انا ويااها. ....

اليوم نلبسها نحرقها بييها ..اني متعودة نطلع في عبااايه وبما انها طوييله بنلبسها برووحها ..
وتو تشبح ياارعد علي باالك بنموووت كان متزوج ...

قعمزت ...علي السرير.. توة كيف بنمشي باي وجه نشبحها هيا في الحوووش ..
واني ...طلعت بالحمرااء ...

بعد المغرب لبسنا ومشيينا للحوش .. صح باالغت شوي في اللبس مع اني عزي وااحد لاكن ..نبي انشووف ردة فعلها .. مرته هذي الشقراااء
اخخخخ
بنمووت حاسدتها اعلييه ..
وصلنا للحوش قصصصصصر  فييلا ... اول ما فتح الباب انحس في قلبي طاااح ..لما شفته منصدم منه ....

رعد... ... ان شالله خييير شن فييييه ..

عبدالله .. غييير قووول تفضلو قبل .. وااقف قداامك خاالك وعايلتك ..

رعد... تفضل تفضل .. ... هذا شن جااابه بس ...
خشييت علي السرييع للمربووعه ...اشرت لي خييري ..براسي ..

زود خالي عبد الله جااي هو ومرته وبنته ... استقبلا بالله اعلييك.

فتحت الباب الرئيسي ... وحوراء وامها ورااي ..
مش عاارف اول مرة ننحط فيه الموقف نااس جايتني في حووشي غريبة

وحورااء..  كيف بنفهم البااكو الي دااخل بس ...

وصلت للكوجيينه .. دالياا
دالياا ..

لقيتها الطيييب ومابتش اترد عليا
اسمعيييي  مش انكللم فييك .

اطلعي مرت خالي وبنتها جااايين في الصاااله ...

سلمي ...وتسكتي حسسسسسسك عيييينك .. اتقولي اني بنت حاااتم  ..
اقسم بالله يادااليا متلووومي الا رووووحك....
ورعد الي متعرفييهش بييطلع وجه اااخر لييييه...
وبعديين ارقي البسي حاااجه طويله ....

داليا.... قعدت مصدووومه شن الربكه الي فييها هو  لدرجه هذي خاااايف من بوووي ولا خاااايف منهم هما اول مرة يتكلم معااي هكي ...
منحوووسه من يوووم يوومي يومين علي بعض مقعدتش فرحااانه ...

طلع فااات للباب طووول نسمع فييهم ايقوولولا عضم الله اجرررك ...

علي هالقلب الي عننده تعضمولا في الاجر....ولا متأثر اصلا..

عدلت شعري علي باب الكوجيينه لابسه قفطااان قصييير اسوود ...

تو بنرقي بنغييير ...
كسري فيييه مش امغيييرته 

مشيييت لصاااله لقيييتهم امقعمزييين والصدمه الكبييرة البنت نفسها الي في الصاااله لقييتها...

قريب طحت في الفم ...
سلمت اعلييهم وقعمزت .. امها مصدوومه فييا
مشااالله مشاااللله ..اتقول شبحت حاجه كبييرة ...

والبنت حوراء نفسها.... تشبحلي بغل بحقد ... نضرة عيونها..
اكدتلي انها تبييه وتحبه وهو خااايف من جييتهم ...

اقسسم بالله اليوووم نقلب علييك الحوووش ياارعد ..

حوراء... عضم الله اجررك في بو رااجلك ...

داليا ....شكر الله سعيكم .. انتم خواال رعد صح...

حورااء... اي بزززبط اني بنت خااله ..  وهذي مرت خاااله وبوي البراء .. مقلتييلناش شن اسممك ...

داليا... بجووده بييكم اسمي داااليا .. وانتي اكييدة حوراء ولا ... شفتها انصدمت...

حوراء... مشاللله السييفي كااامل ... ههههه من قااالك  هو...

داليا... اي هو قااالي لما تلاقيينا في الصاااله وعجبتني البلوووزه الي لابستيها قالي هذي حوراء ...علي فكرة حلوة طاالعه اعلييك...

حوراء.. تسلمي ... هيا يااام ...

داليا... لاله والله ماطالعيين لين تشربو طاسه عصييير  علاش اللطف...

نضت من جنبهم ونسمع فيها اتكلم في امها بشوي ...
اخخخخخ قرييب انموووت ..
الكذاااب . ايقوولي اخت نوووري ... وهيا باااين اعليها جااايه متبشمطه ... عليييه ..

اقسسم بالله كان عندي سم انسممهم كللهم ونفتك منهم ....

اني مش عاارفه كييف لفقت الكذبه وقدرت انرد اعللليها .... واااضح اعلييها كلللبه ...
درت سفرتيين فيهم عصيير البراء ولييهم ....التفتت لقيت رعد ...
شن امخلييتيهم  بروووحهم امشي قعمزي وهدرزي باااهي  وتكلمي وافردي الوجه هذا الي زي اللبوومه من صبح ربي ...

داليا... اي صح مااهو الخداامه نعست ورقدت قلت انديير طاسه العصيير اني مسيكينه تعباانه .... اصبررلي بسسس خلي ايروووحو...

رعد...  حستي خففت  والله.....ويين السفرة وامشي قدااامي ...
ووعدلي كلامك وهدرزي باااهي معااهم متحشميينيش...

داليا... اقسسم بالله تضرب في راسي انخلييهم  بروووحهم ورييني من يستقبللهم ...

طلع ايهز في راسه ويضحك علي شن يضحك علي خيييبتي ..مستغفلني ..وكااذب ستيين الف كذبه في كذبه

مشيت عطيتهم العصييير ... البنت سااكته وتهز في رجلها... وامها اتهدرز ..
باين عليها مرراء كوويسه ورااقيه ...
شوي وخش رعد  قلهم هيا ...

وقفو اتنيين وسلمو عليا وجت وقفت جنبي وقتلي ..

مبروك اعلييك فضلتي ...اخخخخ اني شادة رووحي بنطيح الحقيييرة

شبحت لرعد ..
عيوونه فييها ..

قرييب كلاااها ... يشبحلها اتقووول مرته
اني الي هيا اني مشبحلييش هكي ...
طلعو وصلتهم للباب وهو فاات قبلهم مشووو خاله وامها ... وهو قعد وااقف اعلييها .ويهدرز

نشبحلهم مع الرووشن امنحيه جيها من الستاااار ...

زييدي يااعيني خش فييها زيييد ... علاش الحشم ...
ولا وامها وبووها خلووها وطلعو ..
وعاااجبه هو ...

اخخخخخخخ بس...اقسم بالله اليوم انطربقها علي راسه ....

رعد...
استقبلت خاالي مع اني شااايل في قلبي لاكن جييته تبت انه معدنه كوويس  وخلتني نرخي شوي من قداه ..

اكثر شي هدرز مع خييري وضيفنااه وطلع ..
اول ما طلعت ... وقفت علي حوراااء ..
حسييت نشبح لي امي البنت هذي مهما تغلط فييا ..
انحس في روحي منقدرش انرد اعلليها...

حوراء .والله دوووق حلو في الحوووش وفي التنسييق وفي اللبس ..لاكن الصرااحه دووقك في مرتك مش حلوو بكل ويين لاقييها .. باااردة متتحشمش بكل .. لا والقفطاان لاااصق اعلييها .. خلييني ساااكته...

رعد.. وانتي شن الي واااجعك وتقوولي فيها هكي ...

حورااء... ههههه مفضااك الحق .. علي العموووم البقاااء لله وحدة عضم الله اجرك في بووك ...

رعد... شكر الله سعيييك ان شالله ...ومشكوورين علي الجييه ... ونصيحه مني حوراء .. نقصي في الخشم شوي لانه مافيش حد يقبل لكلاام الي تقولي فييه غيييري ... متحملك...

حوراء... واعلاااش متحملني قوووول الي في خاااطرك مش لاازم تتحملني ...

رعد... لانك تشبهي عمتك زهرة لا اكثر ولا اقلل .. وعيوون امي مكنووش متكبراات كااانت ارق واطييب مراااء شفتها ...

حوراء.. هذييكه في عهد السبعين اني توة في اللفيين ومافوووق ...
سلاااااام رعد...

رعد... مشت طلعت مع الباب وقعدت نشبحلها ... التفتت لقييت داليا في رووشن الصااله واااقفه ...
وتهز بايدها ...

ههههه  تو معش تخلس الي الصبح شن ايفهمها انها بنت خالي وخلاااص ...

خشيت للمربوعه .. ياشبيبه قعمزت شويه وجتني رنه ...منها...

خشيت لقيت العشاء وااتي وهيا مهناااش علي الطااوله ...
شكلها الليله فيها هووول الي الصبح ...
خديت العشاااء  وطلعت ...

تعشيينا وخشيييت الدااخل والشبيبه رووحو ...

اول ما وصلت للكوجينة لقيتها وراااي ..

اسم الله الرحمن الرحيم ...تنحنحي قوول حاجه خااشه طووول ..

داليا... لما زماان كلييييت كف امعدل علي خلقتي علي خااطر قتلك كذااااب ولا ...

رعد... تو شن جااابها في النص  ..

داليا...وقتها معجباتكش وقتلي احترمي اني مش كذااب اليووم عرفت انك كذاااااااااب ..

رعد... داااليا ضمي فمك ليييييل متخلينييش نغلط فيييك... خيييرك واالعه من صبح ربي ...

داليا... حوراااااء شن بيينك وببينها قريييب كليتها بعيووونك واااقفلي ساااعه امعااها خديتها بالاحضاااان وخلاااص ...

رعد.. من غييير دوة زااايد بنت خااالي وجت اتعزي انلزززها انقلها حضرة جناابك مش مستعدة تستقبلييهم ....

داليا... واعلاااش كذبت عليا وقتلي اخت نوري اه مش قتلي اخت نووري اعلاش ماقلتش من الاول بنت خاالي ونبييها ونحبها وجت بنت الشييطاان حااتم قعمزت علي كبدك وحطمتلك حيااتك ...

رعد.. اني حررررر منبييش انقوول وبعدين انتي شن دخخخلك  في عييشتي الهي في عمرررك بس...

داليا.... كلمتييني متبينييش طلقني مش مستعدة نقعد مع وااحد دااايرني هاااامش مهناااش ولا حاااسبني مووجوة...

داليا ضمي دااليا رتبي داليا صكري فمك داليا متقووليش بنت حاااتم ..

اني ساااكته وراااضيه وانته اااخرر همك داليا شن اتحس...

رعد... شن تبي اكثر حووووش مش حوووش قصصصصر امقعمزة فيييه تزوجتك وسكتت قلت مضلوومه زيييك يارعد خلييها... شن تبي اكثر تليفون ودرناه ولبس وراااحه... مش حالمه بييها عند بووووك هذي...

داليا...معش تحملت كلاامه وجها وعييونه ... انفجرت بكاااء ..
ونتكلم بيين دموووعي...

اني منبييش كل هذا منبيييهش نبي اتكوون صاادق معاااي نبي لي يوووم وااحد بسس انحس انك رااجلي بالفعععل ..
نبي راااحه اني الحق معش عندي فييك تقه .. البنت اول ماطلعت قتلي مباارك اعلييييك فضلتي ...
شن معناااها هذي .. اني وقفت في طرييق سعاادتك ..
نبي نفههم بس .. دبله في ايدي زي نااس معندييش ...
عرس مدرتش لبس عييب وغييري واسكتي وتكلمي بااهي متحشمينيش ..
  شن قالولك بنت حااتم اني ..بنت شوااارع ... صح بوي مش في السلييم انته وياها لاكن لو بتقعد متحشم مني طووول عمرك اني اهنيي انقووولك ...
طلقنيييييي وتزوووج وعييش حياااتك زي ماتبي ...لاني بنت حاااتم طووول عمري مش حننكر الشي هذا ...

رعد... بالله راااسي يووجع فييا الناس تستقبل في ترييسهم بالوجه الي يضحك وانتي ديما امنكدتييها...
تعرفي لو نتكللم من اليووم الي يوم الديين مش حتفهمييني ...
وبعديين فييه رااحه اكثر من هكيي اليوم الصبح قتلك اصبري عليا انطلعك وندهور مع بعض انتي متااعت فقر من يوم يووومك... خلااص ياااسر من لبكااء والدموووع من صبح ربي

داليا... قعدت نبكي متحملتش حد ايشااركني فييه منعرفش الكلام كيف طلع مني ممكن غيييرة ممكن حسيت روحي قعدت ابرووحي .. معش فهمت شيي ...قعمزت علي الدرووج وطبست رااسي ونبكي  وهو واااقف ...

رعد... اااااه ياداليا... افهمي معندي معاها شي علاش النااار الي واالعه فييك تي مهبوول اني نتزوج اتنين هو انتي ومش قااادرك انزيد انحط علة تاانيه علي رقبتيي ..
نوضي من غيير جووو نوووضي ...

داليا... حسييت علييه قرب مني مشيييت ..لصاااله رقدت علي الكنبه ... وهو يشبحلي ويضحك ..
اني واالعه فيا الناااار بنتبشمط وهو يضحححك...

رقدت من غيير غطاااء...

رعد... علي اساااس زعلااانه ...ياادلو .. وجعتني حق امزودها امعااها مشييت بتجاااها وقعمزت ... ...

وهيا امغمضه عيوونها وتبكي ..

ياااسر يااناس تو هالمنااحه كلها اتقوول متزوج اعلليك هيا وقفه معاها هكي صاار فييك...

داليا ... اوووف منك ريحه عطرة اتهدي فييا . فتحت عييوني وشبحتلا عيوونه يضحكو علييا .  شن ايضحك فيييك...

رعد... نضحك علي المهبوله الي عندي ...

داليا...احلفزانك متحبهااش تري...

رعد... هذا متسأليش اعلييه  مشااعري ليا سوي لييك سوي لي غيييرك ...

بنرقي الفوووق .. اول مانوصل منلقاااكش وراي ... ننزل نحررقك .. حرققق في نص الصاااله...

تسمعي..

داليا.. انته هذا الي فاالح فيييه راك اتقوول معلييشي حقك عليا ساامحيني انتي مرتي ... الا الحرررق...

رعد... ههه والله هذا الي عندي الله غااالب رااجل جاااف ناااشف منعرفش الا النار والدخان ...يلا بدت المهله من توة... ركبت

داليا... اخخخخخ بس الي قااهرني انه يتأمر عليا ومقالييش حتي كلمه انحبك معجب بيييك ياسي واني اربعه وعشريين سااعه انحبك رعد انموت فيك رعد حق حماارة ومنفهمش  ..

تو يشبح شن اندييرلا ...
مشييت رقييت الفوووق لقييته ايبدل خشييت خدييت قفطاان الازرق ...الي جااايبه ...

وطلعت وهو يتكلم وراي...

رعد.. تمشو بالعين الحمراااء بسس. وييين وييين موليييه لوطي...

داليا.. مارديتش اعلييه ... خشيت للحمام لبست القفطاان .. ودرت روج وردي ... وحلييت شعري ..
وخشييت .. خديت طرف السرير ورقدت غطييت راااسي كلا.لين تنفسي راح .

رعد... تو بتقنعييني انه اللبس هذا لابستييه علي خاااطر النوووم والقفطاان بداات...

داليا... انتكلم من تحت البطاانيه .. القفطاان سااامط باااايخ لبسته لنوووم ... قعدة ما كملتش كلاامي نحي البطاانيه من عليا... وشعري شد الجو

رعد... تو النوووم الي متحضرتيييلا .. انسسسيك فيييييه الي الصببح ناايضه ان شالله ...

داليا... حسييت عليييه قرب مني شدلي وجهي بايديه ...تعالي نطفو الغضب فييك ااااخ  ... واني لقيتها طييحه بتسنييدة ...

قدر كييف ايرضييني لو انقووول انحببه انكوون امقصرة .. رعد حااجه تجري مع الدم ... ممكن انحسه سندي اكثر من بووي ..
حبييت وقلبي مايقدرش يغضب اعليييه ...رقدت من البكااء نوومه مرتااحه الي الصببح ...
كل شي منه اينسييني الغضب والزعل ...

حسييت علليه ايبدل الصبح...وتقربييع في الدااار قمت راااسي ونعساانه قعدة ...

لقيته يشبحلي  ويضححك...

رعد... صباااااح الخييير ..

داليا... قعدة زعلاانه رااه...

رعد... ههههههه واااضح قعدة زعلاانه والمهم البارح رضيتي وزاايطه شن تبي تاني ....
... مشييت جنبها قعمزت علي طرف السريير...
اسمعييني دااليا وركزي معاااي الي فااات قبل لا نتزووجك مليكش الحق انك تسأليني اعليييه ..

ونحلفلك انه حورااء مابيني وبيبنها شي صح كنت معجب بييها .. لانها تشبه امي لاكن لما انتي علي دمتي مكلمتهاش ولا وصلت جنبها نهااائي...

داليا... اني نبببي نووتق فيييك ومش قااادرة لانه عييييونك ايقوولو كلااام اخخخر غيير الي قلللته ...

رعد... بنولو لي نفس الاسطواانه .. يسي هذا خدددك اها . وبسنااها وراااسك انبوووسووه وين تبي تاني ....اااها بسناااك  ..واسفييين علي الكذب اوتقي فييينا ..يادااليا خاانم...

داليا... مشكلتي حبييتك زياادة علي اللزوووم .. ونسااامح فيك ديييما رعد منبييش حد يااخدك مني نحررق رووحي برووحي بعدين... ومنخليكش تحرقني

رعد... نوضي وتيلي لفطوور وعندي ليييك مفاااجأة تسوي ضحكه من عييونك الزرق...

للحكايه بقيه.
جميله جاااسم ..

الفيديو يووصف حاال داااليا ورعد ... اسمعووه