الرجل الاربعيني باللهجة الليبية

البارت السابع والعشرين

البارت 27

#الرجل_الاربعيني

#جميله#جاسم

غير اصبري يا العـين يوفي كـــلا

تفراج بعد غمامها وتتجلـــي

غير اصبري وتصبـــر

واعطي حكامك للكريـــم ايدبـــر

هو الي كســر

هو عليييه ايجبـــر ..

هو ايعز العبد بعد الذلـــه

رعد.... اول ما نزلت من السيااارة لقيت فم الحوووش الرجاااله والنساووين عجيينه في بعض معرفت حد من حد ... نمشي ونببعد فيهم

نبي نوصل نعرف شن سبب العركه ..
وشفت العررررمه الحيواانه مودة في نصهم لا حجاااب ولا عمك النوووم....
في طرف تووته والشعر نااايض ومعاي سمييير ونوري ..
تمنيت الارض تنشق وتبلعني .. علي هالمنضر الطاااايح حضه الي انحطييت فييه ..

عيطت بصوووت عاااالي جفففلت النااس الواااقفه ...

خييييييير عم امممكم يااافروووووخ الحرااااام ...شن فييييي .......... يا.  ...........

مشيييت للفم وشديت موده...
تمشييييييي تقلبيييييي خلقة جد اصصلللللك للحوش ...خشييييييي داااخل..خشيييي

مودة... انتتتته شن دخلك بدل لا اتقووول انعااون خوااتي بروووحهم والناس نهبت رزقهم  اووول يووم في وفاة بوهم وامهم جاااايني دااير فلاحتك فييياا ...
مش خااشه ليين هالكللللللب هذا ايرد الي خدااااه من بوووووي الخاااانب الحيواااااان  اتفووووه اعليك وعلي من عققبك ياكلب ..

رعد... عضيت اصبعي .اخخخخخخخ بتخشي ولا نكسر راس جد اممممممك قدااام ناااس خشيييييييي داااااااااخل...

دفييتهم فم دااخل من البااااب يعنبوووو اصلللك يابنت الكلبه ...

التفتت لقيت الي شاادينه رجاااله ولد مش كبيير مش صغييير ...
قيييم ايدك من اعليييه ... اشرت لي نوري وسميير واقفيين بعييد

نوري سمييير  ...تعااااالو ...

تعااال جاااي انته شن تبي منهم اه راااجل شناااب طول وعرض هاجم علي بيوت الناااس مش محترم حتي العزاااء اه رااجل ومرته اليوم مدفونيين وانته دايرلي عركه في الشااارع ...
نتكلم وشااده مع رقبته وهو قصييير وسميين امعبي ..
شبحلي ورد عليا

اني عندي حق عندهم وقبل يووم وااخد فلوسي منه واليووم اول ما وصلت اهني طلعتلي المجنوونه هذي
وتلعن فيا اني علي اسااس جاي تعضييم اجر مش جاي علي خااطر فلوسي

رعد.. فلووس شني اه من ويين جوك ومن من يااخدهم قولي واني نفهم ...
اما تقطييش وتنتييش الي داايرهوولي ميفهمنييش هذا..

التفتت لناس الوااقفه ..

خلاص بارك الله فييكم تفرجتو ولا وعبيتو عيوونكم اضني مافيش حد حز العركه ولا دور ... روووحو لحيااشكم ساااادكم عااااااد ..

تعال نوري ركبوووه في السيااارة وان شالله نتفااهمو ..

مشو نوري وسميير للسيارة ومعااهم الولد هذا ...مش عارف حتي شن اسمه ...وشن وراه من مصاايب. .
مشيت لباب الحوووش وقفت فم الباب ..
لقيت ولد صغييير..
قتلا برى للحوووش الداخل تلقي وحدة اسمها اروي قلها يبييك رعد في فم الباب..

خش الدااخل الولد واني قعدت انراجي البراء...

شوي وشفتها طلعت لابسه اسوود اول مرة انركز علي ملامحها زي بوي في الشككل اني لي امي كلني ..

اروي ... شني رعد قالي انس يبييك البراء...

رعد... اسمعي... اختك هذي معش نبييها تطلع براء من الباب  .لا وقققسم بالله بنقتلها بطلقه بين عيوونها ..

دايرة العاار علي الشوارع والطرق وتلاسن في الترييس تبي من يكسرلها رااسها باش ترتااح وتهني عمرها ..

اروي... هذا عاامر ولد جارنا باايع لي بوي بضااعه مش عارفه شن    الحق وهي قالت واخد اكثر من الحق اني مش مع بوي فيها هيا بس حاطها علي لحسابات ...
اليوم جاي بيعزي ولعت فييه وهو مقصرش الحق رفع سلاحه علي بناويت  ..

رعد.. اخخخ اني مش عارف ايمتي بتتربي هذي ...
المهم كلمتيين بلغي الناااس الي جايه علي اساس تبكي واجعها ناااصر الي ماات
..العزي تلات ايااام بسس
رابع يووم نلقاكم ضاميين دبشكم وبتحوولي انتي ويااها لحوشي ..
امن انخلييكم هكي هذي حتي الحلم متحلموووش بيها ...

مودة...نعمممم نعمممم من حضرتك ونمشو معااك  عقاااب مجرررم داير في روووسنا جو ... زييييد غااادي باااشا ...وروح كمل جرايمك علي غييرنا...

رعد... تعرفي كان مش عندي مندييير راااسك يابنت الكلللبه غطسته في الطيين ..
الايام جااايه ونربييك ..اقلبي وجهك خشي ورابع يووم انشوف كلبه اتقوول لا... اقسم بلله اقسم برب العزة  طللقه وماخااسر حااجه...
خشيييييييي دااااخل ...

مشو الاتنيين الداخل ومشيت اني لسيارة ..
اخخخ عقااااب عمرك يارعد اقعد في جرتهم
ركبت في السياارة وسكرت الباب
ليقيت الولد رااكب في السياارة من الخلف ويتكلم مع سميير

والله ياراجل ماعندي معاهم حااجه الله.... اقسم بالله ياخد مني بووهم بضااعه ووهذو حقي فلوووسي ..
مش عاارف اني شن الغلط..

رعد.. باااهي بااهي توة انته في السياارة اني مش متحرك ليين اتقوولي شن البضاعه الي ياخدها ... منك
نبي نعرف شن نووعها ...

رد عليا .. زوووز سبايك ذهب .. وزن القيراط بالدولار  واني ذهااب وعطاني مبلغ لفلوس ووقبل يومين لما هو في تركيا كاتبلي شيك وسحبتهم من حساابه ..والبنت شوورها سمعو بيهم ولا مش عاارف الحق ولا البنك بلغوها ودارتني خانب  ..

رعد...ياوالله عييشه غبرااء وخلاص .. باهي توكل خووي وصلووك فلوسك ولا ..

ايه وصلوني الحمد الله .

خلااااص وجهك توة معش نبي نشبحا ولاتمشييلهم في الحوش والعزاء مقبوووول ...بارك الله فييك ...
..توكل تو ...

نزل من السيااارة وركب سياارته ومشي ..

حركت السيااارة ...

نوري... امن اختك هذي اخت رجااال ياراجل بووها وامها وهيا شااادة الفممم حلااااال علييها ...

رعد.. ههههه متقوولهاش من غدوة نخطبهالك زي خوووها نااار ودخاان ..ادهههشك  ...
قالك اخت رجال هيا زي اللفعه تلدغ بكلاامها ..تبي رباايه من جدييد ...

سميير...  ياحيوااان ياااكلب انته تبي الربااايه علي قوولتها ..

رعد... هههه تعلللق تو نبليك بيها انته ولا نوري ... مخلت عزاارة ماقالتها ..
هيييي نووري معانا ولا..

نوري.. اي ايييه شن قلتووو ..

سمير .. الي يااخدك عقلك يتهني بييه ...

نوري... من بياخد عقلي ويني وين الكلااام الي تهدرزو فيه

رعد.. قلتها قبلك والوقت جبرني نتزوج جبببر قهررر ..مش رضي

وصلنا للحوش بين الهدرزة والكلام وتفكييري ملخبط وراااسي بيطربق من الشمس ... نزلنا قرابه الساعه تلاته الضهر فات الوقت  ...

خشيت الداخل وخلييت جمااعتي البراء في المربوعه ...

مشيت للكوجينه لقيتها فااضيه ...والغداء واتي ومطفيه علييه...

رقيت الفووق لقيتها في الداار ...

اول مافتحت الباب شميت ريحة عطرها المفضل عندي ... حتي في عرسي مش امواتييني حااال .. ولا متهني بي نعمه زيي زي خلق الله ..
قعدت نشبحلها اتخلللس في شعرها .. شكلها كيف طالعه من الحمام ...فاتح نص فتحه الباب واااقف ...حطت الخلاس وشاافتني

داليا... ااه رعد جيييت كييف الحال شن صاار معاكم عطلتو خييركم..

رعد.. ااه اي جييت مشاااكل متمش بككل .. بعد الدفيينه مشيت لحوش خواتي لقييتهم زحامات وعراكاات وهووول علي راس رعد...

نحيت التيشرت ومشيت لدولاب .. وتييلنا غدي كان فييه اني وسمير ونوري..

داليا ...تفاصييل صغييرة فييه اتهبببل لما نقعد مركزة اعلييه انحس في روحي انضييع طريقه كلاامه صووته الغلييظ عيوونه لما يبدي غاااضب ولما يبدي معجب كلهم حفضتهم قعدت نشبحلا وهو يتكلم واني واااقفه ...

رعد... شني ريحتي حااجه في وجهي ..ولا عجبتك..

داليا.. اني وقتها معرفتش شن انقوول شن اندييير غييير انه لساااني تكلم بروووحه ... قتلا ..انحبببببك رعد وعمري في حيااتي ماحبييت حد زيييك اقسم بالله حتي اماليا ...

رعد..ابتسممت علي كلاامها لبست التيشرت ...وصكرت الدولاب برجلي .... ومشيت وصلت عندها ... شديتلها ايديها ... اصبريلي بس نفتك من الهووول الي في رااسي ونعوووضك بااحلي ايااام..

نووعدك بإذن الله اول ما انروح من الجنووب نمشي اني ويااك لتركيا ولا تووونس ندهوورو ...

داليا.. اني منبي شي من غيير انته تكوون جنبي بس ..نشبحلا في عيونه هو اطول مني ...

قرب مني وباااسني مع راااسي  وخدي ونزل لفكي ...نحس في لحيته علي بشرتي بعد.من عليا ونزل وخلاني مشاعري متضاربه في بعضها  ...

يااارب منووضش من الحلم الي نحلم فييه ... ياارب ..
وجهي مورد وعيووني الذبلانات انحس في الحياة ولتلهم ..
لميت شعري ..
ونزل بنوتي لغدي .. حطيتهوولهم ورفعا رعد واني حسيت روحي نعست نايضه من السبعه ..

خديت حاجه بسيطه مش في نييتي .. وخشييت لدااار رقدت ... نوومه وحدة ..
حسييت علي رعد رقد جنبي تحركت لقييته ناااعس ...غفييت نضت علي اذان العصر ..لقيته مهناش توضيت وصلييت ..

اني من اول ما جيت اهني مخليتش صلاتي نهاائي ونلاحظ في رعد ايصلي فيها والفجر ديما فااايته ..

نضت عدلت روحي نزلت .. شميت ريحه الدخاان من الدرووج خشييت للكوجيينه لقيته ايطيب في قهوة ..

ااخ الماعيين دايرات كدااس مليييت منهم الحق وهو حاااط طرف الدخاان في فمه والايدين يتحركو ايطييبو في القهوة .. جبدت كرسي وقعمزت ..

احسبني في قهوة رعد ...

رعد.. اووووو صح النووم بنتي .. راقد بعدك ونضت قبلك ..

داليا.. مش عارفه خييرني انحس في روحي داايخه ..بكري مشي رقدت..

..
رعد ... اليووم اني بندييرلك القهوة ... علي دووقي..

داليا.. واغسل لمااعين بالله مدامك نااشط..

رعد.. باااهي واللا .. توة طاسه قهوة وبعديين احلمي اندييرهالك مرة تاانيه ...

داليا... مدلي طااسه قهوة وقعمز امقااابلني ودخاان في فمه..
نحيي الدخان وتبنن القهوة مش عارفه كييف هالسم هذا متحملا تو بيقتلك يوم من الايام ..

رعد.. السم هذا هو كيف متحملني مش اني هذا رفييقي من ايام شبااابي ..اشربي قهوتك..

داليا... خدييت الطاااسه شرببت منها ..اممممم اتهببل من يوم وبري عليك احلي من طااسه هدييك المرة ..

رعد... صحتييين... توة اشربي قهوتك وافتحيلي اوداانك وعيووونك ودماااغك زيييين واسمعيي ..

داليا..شن ان شالله خيير معاااك قوولي ..

رعد.. توة زي ما تعرفي خواتي لبناويت الاتنيين معش عندهم حد غيييري ..لذلك بعد غدوتين بنجييلهم اهني بيعيشو معانا ليين ربك ايسخر الحااال ..

في حالة معجبهمش الحوش يقعدو في الملحق وكان عجبهم الدار الي كنتي فيها هذي بنفرشها وياخدوها ..والطاابق الفووقي الدور التاني لينا ..

انفرش الصاله ونديرلك تلفزيوون فيها والحمام موجود فوووق تقعد الكووجينه هذيكة مدخليش فيكم طيبو مع بعض... وهكي تريحي بالك من المشااكل..

داليا.. الحق خوفني بكلاامه وحسييت روحي طاارتلي في حد بيشااركني في الحووش ورعد...لاكن نفس الوقت منحبش الوحدة نبيهم معاي ... صح انانيه لاكن حسييت احسااس غرييب في حاجه بتصيير من تحتهم ...
مرحبتيين بييهم ..اعلاش نفصلو يعني نقعدو مع بعض ..ولا هما مايبووش..

رعد..تي لاله والله شيي ايخووخم مودة هذي وحدة مطقووقه مهبلووله ...متعرفش الي قداامها .. لو تسمع ..اه منك بس تمحييك..
طالعه علي خووها نااااار والعه..

داليا... ههههههه انته اتقوول ناار والي توة ماشبحت شي من غيير الكف الي عطيتهولي واعصاابك هذاك اليووم...

رعد... المهم معش اتجبدي لقدييم عووني في الي تعااود الاول خلييك قدااام تشبحي قداام بس...

وحاجه تاانيه لو سألوك بنت مني انتي متقوليش بنت حااتم بوووك قولي اي اسم تااني..

داليا.. اعلااش هكي رعد بتقعد طووول عمرك متحشم من بووي ومني .. بنقوول بنت حااتم لو درت صغاار منك بنقلهم جدكم حااتم ولا انته متقبلش..
بنقلهم اني بنت ناس مش معرووفه
صح اني نسكت منبيش انزعلك لاكن انته كل مرة اتزعلني اكثر رعد اعلاش هكي ..

رعد.. ياودي انتي مش عااارفه شن كنت اني وبووك اعداااء حرب قااايمه بيناتنه يعني بين يوم وليله ولييت نسييبه وتزوجت بنته من بيصدق الي كان ايدير فيه بووك ولا اني وبعدين خوااتي حااتم صااحب بووي مش حيضرووك لاكن متقوليي لي حد نهااائي  ...

داليا.. اني مش همني الناس وخواتك همني رووحي وانته ..
كل مرة اتنبهني متقوليش اني بنت حااتم ..تقدر انته تنكر اصلك .. مش متحبش بووك ليين مااات وقعد اسمك نفسه ودفنته انته وقفت معااه انته علاش ماقلتش منمشيش..

حتي اني منقدرش انقوول مش بنت حااتم الوضع والوقت حطني بنت حاااتم وبنقوول بنت حاااتم ...
نضت من علي الطاااوله ورقييت الفوووق مع الدرووج ونسمع فيييه يرفس لوطي...

رعد ..تي ماهو انيييي حمااااار الي مخلط علي النسسساوين ونهدرز معاااهم وجه فققر اني ..

داليا... من جد وجعني خااطريي يعني بعد هذا كلا هكي ايسيير فيا عطيته اكببر من قيمته حسسته انه هو حاااجه كبييرة واني طووول عمره امحسسني اني بنت حاااتم
وعااار اعلييه انه ايقووول بنت حااتم ...حاتم عافن وبوه احرف

وهو ولا تبري من بووه .. اني حتي بوي لما دفنووه مشبحتااش وقعدة في قلبي ...الي يوومي هذا . .
قعدت نبكي وجعني خاطري
وجعني الوقت الي هكي
صح انحبه وشويه دلال منه ودلع حسيت روحي طااايرة في الهوااء..

غبية ونقعد طوول عمري غبييه اي كلمه ايقوولها انقوولا تم ..وهو علي كل حااجه انتي بنت حااتم
وكأنه حاااتم شيطااان ..

اني اليوم من صبح ربي معرفتش شن اندييير حاسه في غصه في بلعوومي وزياادة خوااته الي بيجو اهني ونولي لي لبس الطوييل

حتي عرس زي النااس مادرتش ورضييت ..ولا دبله زي الناااس ورضيييت ..محلاات بعد الف وااسطه طلعني ...
واني نووضي داليا ديري لفطور ديري لغدي خدااامه اني وخلاص ..

نبكي ونتفكر في اياامي لما كنت في المدرسه مع صاحبااتي لما كنت نمشي ونطلع .. ويين وصلت
طلعت من حبس بووي خشييت في حبس رعد الي احرررف منه ...

نعست بيين دموووعي وتفكييري ..الي المغرب حسييت فيه حركه في الحوووش لوطي ..
طلعت وقفت علي الدرووج من فووق .. لقييت رعد وجمااعته ايدخلوو في لوح ودوالييب ياسلاام لما قعدت فيها اني علي فراااش رااقدة وهذولا بناويت االباشا بووه  ..
واسرة ..
خشيت لدااار خديت تيلفووني وقعمزت ومقررة انه حتي لعشي مش امدااايرة ....

راسلت خوله سالتها من لكسااد نبي انديير جو صاحباات..
قعدت انكلم فيها وهيا اترد عليا رساايل نصيه ...
كتبتلي ...

خيييري جنبي يششخر ايقوول رعد حرام ميخلي متهني .. ناض مشي عندكم توة...

ضحكت اعليها وعلي كلاامها... انفتح الباااب ...
طلع رعد وااقف ... لمييت ضحكتي ودرت رووحي امعصبه...

رعد.. علي شن تضحكي ...

داليا.. مارديتش اعلييه طفيت التليفون وحطييته علي الدرج...

رعد.. في من انكلمو في حييط نووضي من غير جو غضب ديري لعشي ...معاي جمااعتي...

نضت من علي السرير .. لميت شعري ... ونزلت من غير منكلمه ..وهو يرفس فووق ..

رعد... بكككشه ان شالله نهاار وااااحد رعد يسترريح شن خلط  اصلي علليي النساووين اني نهااار وااحد يرقد مرتاااح وينوض مرتاح .. ..

قربعت الباب بالقوة وبدلت دبشي ..جايب اسرة ودواليب لدار المصااايب الي بنجييلهم ...فوق مصييبتي .

صح اني مزودها معااها لاكن منبيهاش اتقوول بنت حااتم لانه لو طلعت بنت حااتم متزوجها اني حرايمه كلهم بيطيحو في راسي نسيييبهم اكييدة ايدة الايميين قبل يومين طالبين سكينه لنياابه واني سمعت ومقلتلهاش  ..

لاكن هيا باااكو.. ازعلي ولا اطربقي ...

نزلت لوطي طلعت .. للمربوعه لقيتهم الشباب امقعمزيين ..

خييري ... يارااجل البنت هتكتها بالتطييب ..الصبح نوري وسميير والليل اني وناااصر...

ناصر.. ولفطوور..اشرف وهييتم ...

رعد.. ما يغلي اعلييكم شي بعديين مطيبه بييكم وبلاااكم ...

خييري... السياارات واتياات يوم الخميس الفجر نطلعو ان شالله 

رعد.. اي بنضم امووري اني بنجييب خواتي يقعدو اهني ونتوكلو ان شالله توة لبلاد لاهيه في موته بوي وحااتم متقلقله اعلييهم ..

نااصر.. ان شالله خييير ..سميير كلمني بكري قاالي ماشي معااكم ..

رعد.. ايه قتلا بري مع ناااصر واشرف في السبعه وعشريين ..واني وخييري معانا لبضااعه ...

ناصر .. قداش وحدة..

رعد .. اربع افنات وزوز كلاشنكوف.. وقنااصه روسيه وصواريخ راجمه .

خيري... واخد منهم فلووس ..

رعد... اني بنعطيهم لتبااوي متعامل معاه وهو بيطلع بري لبلااد ...

ناصر...رزق حراام يااراجل فرووخ الكلب كل وااحد عندة دبلهم ..

رعد... والله من الي داير لحلال توة اقل شي اني انطلع في السلاح الي دخلووه  لبلاد بري لبلاد .. منفعه مضرة رااجعه ليا ..

نااصر.. ان شالله خييير وربك يستتر من الجاااي ..

رعد.. ان شالله ..صوت كلاكس ولا براء ..

خيري.. حتي اني سمعتها وكذبت..

رعد.. طلعت بنشووف من نشبح في ضي السياارة ..من تحت الباب الخاارجي ..
وصلت للباب فتحت ..
لقيت حورااااء وخالي عبدالله ومرااء كبيرة البااينه امها ...

للحكايه بقيه..
جميله جاسم