الرجل الاربعيني باللهجة الليبية

البارت الواحد والعشرين

البارت 21

#الرجل_الاربعيني

#جميله جاسم.

اخويه الزود وحزام الضهر

ابد ميطيح وضهره منكسر

الخوه جناح وتعلي البشر

الماله اخوان بالدنيا خسر

من اگول الدنيا ضلمه يركض يضويلي

من اگول الحيل راكد هوه ليشد حيلي

ومن اطيح بعوزه اشوفه ينجيلي

كلمات اغنيه نور الزييين ...اخويه الزووود ....

...

رعد.. لما وصلت ولقيتها حوراء ..لاول مرة في حياتي من اول ماشفتها تمنيتها مهناش ولا دخلت حياااتي ..

لو داليا قدرت انسكتها متسألش هذي شن بيسكتها

قعدت وااقف نشبحلها علاماات الصدمه علي عيووونها وتبي تعرف من هيا داليا ..في تاانيه فكرت الف فكرة انوزع داليا ولا انوزع حوراء..

شفت لداليا لقيتها وااقفه وتشبحلي في عيوووني ... وقتلي ..

داليا . اهي لبلوزة الي عجبتني وخدتها البنت ..
نشبح لي رعد ركز نضرا علي البنت الي قدااامي وهي مقلعتش عيوونها منه حسييتهم يعرفو بعض ..
معقووله اني متوهمه ولا انتخييل ..
  رعدددد تسمع فييا ..

رعد.. ااااه ايي ايي اهو معاك شن قلتيلي ...

حوراء... رعددد من البنيه الي معاااك هذي

داليا...مصح وجهههك لبنيه كيف بنتكلم قتلها اني داااليا مر..... شدلي فمي شن قلتي قبل شوي  ههه واااضح مركز معاااي واااضح اعلاش سكتتني اه .. كملت نبي نطلع ..

رعد.. اي اطلعي اهو جااي توة نلحقك ..

داليا.. شبحت للبنت وااقفه وتشبحلا .. لاااا لاا قلبي رجلي علي رجللك ... لما قلت قلبي شبحتها انصدمت ومشت .. وهو خلاني وااقفه وبيمشي في جرتها ..
شديته مع اييده ..

هييي وين مااشي خليها تمشي ولا عجباااتك ..من هذي وين تعرفها كلييتها بعيووونك وااقف وتقيييم فييها رعدددد قوول من هذي منييييي

رعد.. اهوووو بنبدو في وجع الراااس  بري قداامي اهو طالع ورااك..

داليا.. اقسم بالله مامتحركه من مكاااني ورجلي علي رجلك متخلينييش انلم الناس ويعرفوني اني مرتك كلهم ...

رعد.. ههههه اقسم بالله انتي فيييلم الزفت فووتي قداامي ...ولا انقوولك الحقييني باش ترتااحي ..هههه

داليا.. رعدددد تعال قيييم السله تقييله تعاال..

رعد... ياسبحان الله هي اطلعي قداامي واني انقييمها..

داليا.. شن الكيس الي في اييدك ..هذا ..

رعد.. حاجه عجبتني وشرييتها اطلعي ..
مشيت خديت السله وقفت علي الكاااشيير انخلس وهيا واااقفه جنبي والراجل ما قلعش عيونه من اعلييها وزياادة معصبه والوجه احمرر..وتنفخ وتعدل في وشاحها

هيييي مش اتحاسسب  فيا انيي وين لعيون امين وايسااار ركز مع بو اصل لحواايج مطلعنيش من طووري  وانتي اوقفي وراي ...

خلست وطلعت  وفكري وباالي مع حوراء زعما اتكوون فهمت اني متزوج ولا كل مرة تلقي بنت معاي وتفسر برووحها عيونها اتقووول فهمت

..شن داليا هذا شاريه المحل اكلا ..

داليا.. اني بمتابة عروووس يعني هذا مقارنه بي التبضيع ولا شي ...

رعد...باهي امشي شوفي مرت خيري ونااصر وين مشو وبنمشو محل العطورات زيدي استااكي غاادي في المكيااج ولااا حاجه تشريها منااقصك شيي وجهك طبيعي منحبش اتلبييخ اني.... .

داليا... اي اوامر تاانيه حضرة الضابط ...

رعد...  اتخالفي اواامري نكككسر راااسك ..

تمشيت اني ويااها للمحل لقيت خيري ومرته مع بعض وناصر ومرته مع بعض هذا غيير منعرفش نرفع للمحلات علمتني بسييف شبحتلها تمشي جنبي وراسها يتلوفت ايمين وايساار وحااايرة في العاالم ..

جمالها مناقصها شي واني حاااير في حوراء سمعت ولا ماسمعتش من كل عقلي خالي عبدالله  بيعطيني  بنته واني مجرم وارهااابي علي قوولته احسن حل انقيمها من بالي واخلاص...

وصلنا للمحل خديينا عطورات وحاجات بسيطه .... وطلعنا ناصر وخيري بيتعشو بري واني استأدنت منهم وطلعت روحت للحوش في الطرييق داليا اتكلم واني انهز في راااسي  ....وقفت شرييت
عشي وااتي من المطعم مغرب خلاص وين بتلحق اطييب بعد هالتعب اقل شي انريحوووها ...

خشييت للحوش حطيتلها الاكياااس وشفت الوقت لقيته ليييل مافيهاش كيف نطلع نمشي لبوي وجمااعتي اكيييد كل واااحد دااايخ في روووحه قعمزت في المربووعه ومش عارف اعلاش قابلني الدرج الي
فييه الشفرة الاولي ..

مشيت خديتها ومتوقع انه نلقي حوراء بااعته رساله تبي تعرف هذي مني ...
ركبتها وشغلت الهاااتف وبدو الرسااايل في جرت بعض
مكالمات نااصر وخييري وحوراء امكلمه هللبه ورسايل من نااصر واخر رساااله من حوراء شفت تاااريخ اليووم لقيتها اليوم باعتتها...

اني لما قااالي بووي رعد يشري ويبييع في النساوين كذبت لاكن توة شفتك بعيوني وفي المستشفي زوز مش حتي وحدة ...

نقري فيها ونشووف في كمية الكلام المنحط الي زي بووها الي يشبحها ايقووول عااقله ودكتوورة وكبييرة ميطلعش منها الدوة هاذي ..

اني عندي نعمه ربي بعتهاالي مقطوعه من شجرة وصغييرة اني انربييها علي ايدي خير من المتخلفه حوراء
كل مرة اطييح من عييني اكثر
وانحس روحي ندل اني حبييتها ممكن شبحت فيها عيون امي
ضحكتها طوولها سواد عيوونها لون بشرتها ...

ومقدرتش نتأقلم مع داليا مع انه داليا مافيش شي ايعيييبها الا غيييرتها الزااايدة بس ...وتسأل هلللبة ...

نقري ونعاود في الرسااله اخر شي قرررت ننهي معاها اكييد هيا دكتوورة متتنازلش ..
كتبتلها رساااله وبعتتتها وسكرت الهااتف وخشيييت ..لللحوش..

حوراااء... نمشي ونجي في الداار ونغلي من اول ما روحت من الصالات وشبحت البنت ام عيوون زرق معاه اكدت كلااام بوي كل كلمه قااالها بوي شبحتها حق....
واااحد سرسري واني حااايرة فييه اكييد البنت مغربيه ولا عراقيه من الدوااعش جايبها والمرة الي قبلها تنيين ومتخمراات وحدة مريضه اكييدة حااامل المدااام وهو الشرع حلل اربعه وااخدة رااحته علي الاخير .
اخخخخخخ خديت النقال بنكتب رساااله لرعد سبيييت ولعنت ليين عييت بعدين مسحتها غيرت كتبت كلام بوووي الي قاااله ..

ونستني حضرة جناابه قعد ماروحش بالمدام الي معااه
شبحت البلوزة الي تبييها واني خديتها علي السريير
خدييتها عفجتتها ولوحتها علي الدولاااب .

اخخخخ بس القهرة شن طييحني فيييه انيي
متخلف همجي ...

سمعت صوت رسااله في الهااتف وامي تنااادي مع جييها ..
بااااااااهي اهو جااايه ياام ..

فتحت الرساله لقيتها من رعد ...

نقري ونرعش نبي شي منه ايكذب كلامي نبي شي ايحسسني اني بس في حيااته لاكن ديما صااير العكس..

اسمعي الي قااله بوووك صح ومليوون صح لو تبي انجيبك انتي الراابعه حااااضر  تعاالي نخدمك في عيووني ومتبيش انسي الرقم وبلاااش كلام طالع نازل مفهووم...

ياااحيوااااااان ياتااااااافه اقسم بالله لو بوي المرة الاولي مقدرش ايوقفك عند حدك اني المرة هذي بنبلغ ونخمرك في لحبووس ياااحقييير طووول عمرك ..

انهرت معش قدرت نوقف معقووله رعد بذنائه هذي معقووله ايبييع بنات بلاده لدواعش معقووله  اخلاص دمااغي مستك وتعالي نخدمك الله يلعنك ياتاافه يامتخلف ...

بديت انرد في الاحدات صح لما جاي اول يوم كلا دممم وسيارتهم مسللحه وتنين مضروبيين يعني وين بيكوون انضربو والبنات  الي كل مرة وحدة معااه وشكلا اصلا شكله وطوووله ارهاابي مستحييل ايكون مدني عادي واحد مجرم  ..

بنطلع من الداار امقررة انقول لي بوي لقيت رااس خيييط علي رعد ومستعدة نشهد ضده ..
بعدين شني احني في الاردن احني في ليبيا اصلا لو بيطلع عنده شي حاميها حرمييها بيطلعووه طول وهو وين الدوله الي بتحبس واحد زي رعد حتي صووته ارهابي ..

فتحت الباب ومشييت لقيت بووي امقعمز في الصاااله .. قعمزت جنبه ونلوي في ايديا من الاعصاااب
خلاص انقووولا علي رعد زعما ...

رعد... خشيت الداخل لقيت داليا في الدااار والعشاء في مكاانه نسمع فيها اتقرببع في الدااار مشيت بشوي وفتحت عليها الباب وياااريتني مافتحت

لابسه قفطاان احمر قصيير وشعرها طااالققاااته وهيا من الخوف جت عقلت وراي الباب ودف فيه تبي اتسكره ...

داليا... رعد اطلللع انبدل ونجييك علاااش ما طقييتش قببل .. برييي..

رعد.. انتي لمن شاريتيه ماهو بتلبسييه وبنشبحك علاش لحشم الزاايد ..

داليا... اطلع ونبي رعد عيييييييب ..

رعد.. قعدة ما ريتي شي من العيب طلعت وسكرت الباب ..ههههه

داليا... تااافه بااايخ  ..

رعد... كان انجيييك نكسرلك راسك علي الكلمه هذي.
لاكن معليييشي خليك فرحااانه بالقفاطين مردك بتلبسيهملي .. نتكلم بصوووت عاالي..ردت عليا من دااخل..

داليا.. لما ايجي وقتهم بنلبسهم تو تشبحهم ولا توة لاااا ..

رعد.. فهمت قصدها انحس في روحي بتعبني معاها كان خلييتها في قفااطين اشرف خييرلي .قرياوي ويعرف السستر هههه ..

اطلعي ديري حاجه نطحطحووها جعنا ..

داليا... باااهي شوي وجاايه ..قعدت حااايرة شن نلبس كله خدييته قصيير وسراويل وهو مش ناوي علي خييير ...

لقيت قفطاان تلت ارباع عسكري وربع كم لبسته معقول جاي عليا  وشديت شعري وفوق وطلعت

فتحت الباب لقيته قالب الصاااله دخاان  ورجله علي الطاولة...

ومقعمز علي التلفزيوون مشيت للكوجيينه بدوون ما يشبحني ...
فتحت الاكياس وتيتهم في سفرة دجاج وشاورما وببسي وسلاطه نوعيين
حطيت خبزة وفطييرة وااتيه معاهم ومشييت لصااله بناديه بناكلو علي الطاوله متعود علي الطاولة اني بنت الوزير نااكل لوطي ...

وصلت الصااله لقيته شاد نقااله ويقري في رساااله
قلبي نغزني حسييت انه ورااها شي البنت الي في الصالات لقيناها ...

رعد هي لعشي حطييته علي الطااوله ..

رعد...رقيت عيووني لقييتها وااقفه فوق راسي ولابسه قفطان احرف من الاول ..
انتي امتي طلعتي من الدااار وتيتي لعشي وجيتي اضبحي علياا ااه امتي طلعتي

داليا.. من لما انته امطبس وتقري في الرسااله ومش لااهي ..

رعد... نضت شديتها مع رقبتتها وهي تمشي قبلي ضروري ما اتلقحي يااست دااليا متعرفيش تسكتي اه .

داليا.. ايي ضرروري جدا جدا

رعد.. قعمزت علي الطااوله ومشت هياا اتحرك في راسها قداامي ...

داليا..احححيك رقبتي قريب فررتها ...

رعد... تعرفي داليا انحس في الوقت حطك قدامي لانك تشبهييني في هلبه حاجات...
مثلاااا اني مقطوووع من شجرة وانتي زيي..

داليا.. حتي اني انقووول فيها لكن اني منعرف شي اعلييك نبي نعرفك اكثر رعد ..

رعد.. شن تبيتعرفي اني نفس عيشتك امي متوفيه وبوي متبري مني ...لا اكثر ولا اقل ...

داليا.. عندك خوااات خووت شي .

رعد .. مرت بوي مغربيه وعندي تلات خوات بناات منعرفهمش يعني ليا خمسة وعشرين سنه مشبحتهمش لما كانو صغاار ..

داليا.. حق زيي اني عندي تلاته ولد وبنتين. .

رعد... كولي تعشي وبعديين ساااهل ..

داليا.. عادي نسألك سؤال ..وماتعصبش..

رعد.. حطيت الشاورما من ايدي واتكيت ..اسمعي لو بتسأليني من البنت مش حنجااوبك  لذلك اشبعي واسكتي..

داليا... علاااش كنت تحبها واني اقتحمت حيااتك وفسدت اعلييك ..

رعد.. لاله نفس اليوم تعرفت اعلييكم الاتنين .. صكري علي المووضووع ...

بنقعمز شوي البراء وبنرقد تعبااان ديريلي طاسه شااهي خفيييفه شوي  بندخن ونجي...

طلعت البراء وفكري
الي امتي بنقعد هكي اني وداليا
الحياة تبي جرأة وشجااعه واني بنطلع المرة الجاايه
للجنوب وخايف انخليها بروحها ومعاها عييل او اتنين ويعيشو اليتم زيي

معش عرفت شن نبي وشن منبيش بنت صغيرة حسيتها بنتي وتفهمني اكثر من رووحي .. خشيت لقيتها ادير في الشااهي ..

طفي عليه نعست بنرقد داليا ..

داليا.. قريب يوتي رااه ..

رعد.. خليه غدوة ... مشيت صكرت الباب والرواشن وخشيت لقيتها في الدار  تقلب في الاكياس ..
طفي الضي والتلفزيون لما ترقدي بااهي..

رقيت فتحت الدار قابلني الكيس خديته حطييته في الدولاب وطفيت الضي ورقدت ...

داليا... قعدت انستف في الي شرييته مشت للحمام حطيت الشامبوات والعطورات ولييت خلييت حوايجي في لكيااس والشنطه شن توة بنقوولا
نبي دولاب
هلبه اعلييييه ..
لبست توته صيفيه نص كم وسرواال نوعا ما مستووورة  وبخييت عطر هو شراهولي علي دووقه ليلكي اسمه غرييب ريحته ....

رقييت الفووق اليوم لازم نكسر حاجز الخجل الي بيينه  وصلت فم الداار حطيت ايدي علي المقبض
وقلبي في الالف ..

انحس في طقاته من الخوف في رقبتي
نفتح ولا ايقول عليا شيي مترددة وتفكييري
اني علاش هكي انديير وكان يطلع متزوج ولا عنده حياة خااصه.. اخخخ يارعد

نحيت ايدي ونزللت نجري خشييت وصكرت البااب
وقعمزت علي المندار ..
ورقدت... قعدت انتقلب ايمين وايساار ونفكر في البنت مني هذي
معقووله كانو يبو بعضهم واني فسدت اعلييهم باهي شن معني لما قال تعرفت اعليكم نفس الوقت

اوووف رقدت بعد جهد وتفكييير وتعببب لييين خلااص ..

تاني يوم الصبح نسمع في تقربييع في الكوجيينه
نضت متهتكه من النوووم ..
فتحت الباب شميت الشاهي  ودخاان ..خليط كل يوم

خشيت لقيته في الكوجينه.

صباح الخيير رعد .. دخااان علي الصبببح ارحم رووووحك شوي..

رعد.. صباح النووور .. كملي نوومك مااشي اني مكن منجيش علي لغدي ..

داليا... اندييرلك فطور ونولي نرقد . يتملم ودخانه في فمه

رعد.. درت لفه جبنه مدوريش بنمشي مستعجل ..

خديت طاسه الشااهي وطلعت ركبت في السياارة .
الساعه تسعه ونص يعني توة في الوزاارة بوي ..

كلمت خيري وناصر وتلاقيت اني وياااهم في الطريق
ركبتهم ومشيينا ...

نااصر .. شن بتقووولا بوووك توة ..

خيري.. والله مش عاارف انحس انه بتجي ضدنا المشيه..

رعد.. انتو خلييكم بري الموضوع دعم بس تعالو كان صار شي بنمشي برووحي لبوي خليكم في السيارة ...

درست السيااارة وخشييت نبي انشووف الي ويين بييوصل حضرة الواالد ليا قرييب  سنتين من اخر مواجهة صارت بيني وبيينه والله الواحد يتحشم ايقووول الواحد هذا بووه ..
وصلت في الفم ..
وقفت علي الاستعلاماات زحمه لاكن شكلا الخبرر
وصلا بكري ..

شوي ونشووف فييه جااي بتجااهي ..

اول ماوصل بدل لا يسأل علي ولده الي ملوحه وهو صغييير ..
لعيوون نااار ومتحشم ايقاابلني ..

وصلت اشرلي بعيونه مايبيش قدام النااس ..
وعلي باله اني بنلحقه ونقووله حاااضر واستني اهو جايك..

هيييييي يا بابا يابوي  تبي تسمع لكلام الي جايك بييه انته تلحقني مش اني نلحقك ماتبييش انقوولهولك اهني قداام خلق ربي  ..

انتكلم بصووت عالي والناس تشبحلي وهو قريب ايمووت ..

طلعت البراء مقابلني مطعم قهوة صغيرة لما تقطع الطرييق اتقاابلك قداام المبني تبعهم ..
وصلت بدون ما نلتفت مش جاي وراي ..

قعدت امقعمز نشبح فييه جاي بتجااهي ...

جبد كرسي وقعمز قاابلني الفوضي الي في المنطقه هذي متعجبش فيا ...

يشبحلي ... وقالي ..
قوووووول شن عندك ومعش اتجيني بطريقه هذي عااارف انك مضييع عليا اجتمااع توة ..

رعد... خاطري نضحك لاكن وجهك شووم الحق شني اجتماااعك صالح لبلاد تجتمعو الا في المصايب انته وامتااالك ...

اقسم بالله متحشم وصدق من قااال ارهاابي ...

رعد.... مدوخلييش راااسي جايك بكلمتيين لبضااعه الي باعت كلاااابك هاجميين علي الحوووش مش عندي وصلت تركيا بكريييي وصااحبك الي دايرة دراعك لمييين ..
جوااد قبض منك مليييون وقالك سللللم علي يعرررفك ..

فا ياااا حضرة الواالد المصووون  كلابك ابعتهم لي جوااد الي ورطته في قتلته حاااتم ..

واهو انقوولك فييها علي الحرااااام نلقي عاااار من كلاااابك  قدام حوشي اقسم باللله نقطع راسه ونبعتهوولك علي لغدي ..
وقول قااالها رعد الارهااابي . ولد زههههررررة ...

انتكلم وعيووني حمر وانأشر بإيدي دفيت الطااوله
ونضت .عدلت السووريه ...

والتفتت قتلا... اسسمع وديير في بالك طريقك من طرييق حااتم الي ضااحك اعلييك وقالك من الدوله انته بيضحك اعلييك ويقتلك ...

طلعت من القهوة ومشيت لجمااعتي ..

كل واحد يسأل فيا من جيها واني مرديت علي حد ..

ناصر .. ونبي ياراجل جايبنا من الحوش هكي واخلاص جيت بروحك وريحتنه

خيري... سريه الدعم احني هههههه.. يالله المهم حليتها..

رعد... حلييتها ومعش يسترجي يقرب ..توة لغدي علي حسابي في اي مطعم ...

خيري.. تمام نعرف مطعم في قرقارش بنرفعكم لييه ..

رعد... غااليه قرقاارش وزحمتها نفخ ..

نااصر... قرقاارش متولييش ...جايبنا علي الابيض اقل شي الواحد ايفش غله في المااكله ..

رعد... هو انته علي اساس مش فاش غلك في المااكله ...

مشينا تغدينا اني وجمااعتي ومشيت لي عمتي سالمه مكلمتني تبيني للعشي ليوم خيري بيووصل في الليل ..

وروحت للحوش لقيته امسكت ولا حركه مش عارف هذي الي زي القطوسة معش اتحسلها وين تمشي
فتحت الدااار لقييتها مهنااش
الكوجينة فاضيه

رقيت الفووق فتحت دااري لقييتها  راقده علي السرير ..
ولابسه احمممر ناااار علييها ..
اني خلاااص معش عاارف شن اندييير .. قربت منها

كيف الحل  طلعت من جديد ....وقفت في الفم .....ورديت خشيت وسكرت الباب بالمفتااااااح
وعقلي ناوي الشر ...

للحكايه بقيه
جميلة جاسم