متاهة مشاعر
للكاتبة مهرة
دخلت للشقة وهي تمشي ذبت الحجاب طبعا بيها طبيعه من نطلع و نرجع بعدها بالباب وتذب الحجاب عبالك خانگها ، تمشي وتتفرچ ع الشقة الظاهر عجبتها من عيونها مبين ، اي وصلت ساعة الحساب يا سارتي
: نداريتله اريد اگوله عُمر شقتك حلوة ، شفته چاي متوجه عليه وعيونه ما تبشر بخير:
: أني بقيت جامد بمكاني ، ، وصل يمي رجعت ليوره لحد ما صار ظهري ع الحايط ،
:حصرتها وخليت اديه ع الحايط
: تعرفين حسابچ ثگل يمي ، مافكرتي هذا الاسبوع شلون مر عليه ، تتهربين مني مو ؟
شفت الخوف بعيونها ، بس لازم اعاقبها ، حتى بعد متعيدها وتحرگ گلبي
: يحچي بعصبيه ، ويصيح ، اني انرعبت مو بس خفت ، يربي شسوي ، اباوع مقهور مني ، بدون تفكير،شي لا إرادي اريد أراضي ما أخليه مقهور مني ، وگفت على أطراف أصابيعي هو طويل جريت رأسه وبست گصته ، و گُتله أعتذر ،
گال ،
:اي وبعدين
هو مدنگ عليه بسته بزاوية شفايفه بس ما وخرت بسرعة ، روحي ما انطتني ، لان اني هم مشتاقتلة
:تفاجئت من باست گصتي تعتذر مني ، فرحت بداخل ، هي هاي أميرتي التمنيتها ، بس خل ادلل عليها بعد گتلها
اي وبعدين
باستني بطرف شفايفي ، عاد انه بعد ما اتحملت ، گلبي مجمر عليها ، نزلت ايدي لخصرها و الايد الثانية ثبتت راسها وجريتها لصدري وأخذت شفايفها اوووف شتاقتلهن ميت عليهن
اريد اطلع قهر الاسبوع منهن اجرهن بشفايفي و ارجع عليهن بسنوني تركتهن ونزلت لرگبتها اشمها مشتاق لريحتها اوووف عطرها يدوخ ، دائما عطرها بارد و هادء ، ادوخ من اشمها بقيت امسح رگبتها بشفايفي ، بتعدت دحگتها شفايفها ورمانت من بوساتي ، بعدني مشبعان منهم
رجعت عليهن ،النوب لان ورمانات صارت البوسه بعد احلى ، اخذت شفايفها وخلت راسها برگبتي وتشم بيه حضنتها حييييل لصدري
: واني بين اديه أنسا نفسي ، يأخذني لعالم مابي بس اني و هو ، عالم اسمه عُمر ، عقلي يعلن برأته مني ، يقودني اله الأشتاق و الرغبة و الجنون ... حضني حيييل و گال
: يول ليش حارمتني منچ
: شلت راسي من صدره و گُتله عُمر احنه لازم نحچي الي ديصير مو صحيح باسني بگصتي و گال
: الليل گدامه طويل ونحچي بي تعالي شوفي الشقة
: يعني شنو متوديني الأهلي ؟!!!!
: لا
: يعني نبات هنا
:نعم نعم
: گايدني من ايدي ويمشي ويحچي ابرود ، دخلنه المطبخ ، زغير وهم نفس ألوان الصالة بس كُلش حلو ومرتب ، ومناقصة اي شي ، بعدين دخلني لغرفته ، نفس الغرفته الي يمنه ، يعني مأخذ اثنين نفس الموديل هو راح فتح الكنتور واني اتفرج على غرفته ، بس لفت نظري ، لوحة رسم ع الحايط ، مرسوم بيها عيون ابنيه
بقيت صافنه بيها ...
اجه وگف ورايه وخله اديه على خصري
: عرفت راح تلفت نظرها هاي الصورة ، وگفأت گدامها وبقت صافنه بيها ، انه رحت وگفت وراها ودرتها الي
:دارني اله لزم وجهي بأديه و باس عيوني وحده ورا الوخ ، وحضني حيييل ، ما حچه شي ، حسيت حضنته هاي الي بيها هواي أشياء مو مثل ما چنت متصوره ، انو رايدني بدافع رغبه ، ابتعد وباس گصتي گال راح اطلع اجيب عشا و ارجع ، مشى وصحت ورا
عُمٓرّرر
رجع عليه بسرعة وأخذ شفايفي ابوسة
: هههه من تصيحني بهاي النبره يعني تگولين تعال أخذ
حگك من شفايفي
:اخاف وحدي لا تتأخر
:ماشي
:وصل الباب اتذكرت ملابسي بالسيارة صحتله
عُمٓرّرر
: ول أبويه ما أتأخر المطعم قريب هين
:ملابسي بالسيارة
: ماشي وانه راجع أجيبهم
: رجعت اتفرج ع الشقة ، نظيفة حتى غبار ماكو ع الأثاث ، يمكن اكو احد ينظفها لان ممعقوعة يتركها شهر و اكثر وتبقى هشكل نظيفه ، فتحت التلفزيون و گعدت بالصالة ، ورا نص ساعة سمعت صوت المفتاح گمت فتح الباب ودخل أبتسم من شافني
: قبل فتره خليت أبالي أجيبها للشقة ، چنت بس فكرة أشوفها بيها من أتخيلها يطير عگلي ، بس وين الخيال وحلاته ، و وين انه ادحگها هسه حقيقة گبالي احضنها و ابوسها واشهمها ، عطرها اتشرب بهدومي امشي و عطرها يمشي وياي ....
: انطاني لأغراض جايب عشا وكرزات و ببسي وحلويا ، هو راح لغرفته ، واني بدلت ملابسي بالغرفة الثانية و گلت خل اشوفه يريد عشا هسه لو بعدين
الباب مفتوح دخلت بقيت بالباب هو فاتح الكنتور ديطلع ملابس ، الكنتور مقابيل الباب ، بالملابس المعلگه ، قمصان نوم نسائية ، واني فار دمي بس ما اريد ابين غيرتي عليه گُتله
عُمٓرّرر
لتفت عليه و أبتسم
واگفه منتچيه ع الباب وگالت
المن هاي الملابس النسائية
: ليش يهمچ تعرفين
:لا عادي مجرد فضول
فات مني يحچي و مبتسم گال
:عجل مو مهم تعرفين ، تمشي ورايه وتحچي
: اي بس حابه اعرف حتى ارضي فضولي وصل للحمام و دخل يعلگ بملابسة
: ول أبويه إذا تردين تدخلين وياي للحمام تره انه اكيف وغمزتلها ، هي صار وجهه احمر و فتحت عيونها و حلگها ههههه شكلها يجنن ، بس انهزمت الجبانه
: منحرف ...
گعدت اتفرج ع التلفزيون البين ميطلع ...
طلع الخاولي على رأسه رحت رتبيت العشا وخليته بالمواعين ، دخل هو وگف ورايه أخذله بوسه من رگبتي ع السريع ، وگعدنه نتعشا رفعت راسي لگيته يباوع عليه ، عاد اني منزلت عيني بقينه واحد يباوع بعيون الثاني تذكرت اول نظره بيها لتقت عيونه ، معقول يتذكرها !!!
:عيوني ما تشبع من شوفتها تأكل و انه مدحگ عليها ، هنا ما احسب احساب احد، وانه ادحگ بيها ، رفعت راسها و بتسمت ومنزلت عينها ، لتقت نظراته ، وتذكرت اول مره دحگتها بيها ، گالت
عُمٓرّرر
: عيونه
: گُتله بگلبي فدوه لعيونك ،
يعني هسه متوديني الأهلي
: لا
حچاها بشكل قطعي يعني ماكو نقاش
: لعد خل نطلع اشتري ملابس ، لان الملابس هناك متعجبني ، وباچر ما الحگ أشتري
: ماشي نخلص أكل ونطلع
خلصنه هو راح يبدل واني هماتين بدلت ملابسي لبست بنطرون وبلوز شويه طويل گلت ماكو داعي للرداء ، خليت مكياج خفيف ، لبست حجابي وطلعت هو گاعد ينتظرني بالصالة گُتله
عُمٓرّرر عادي اطلع هشكل مو
: يعني شلون هيچ تطلعين !!!
: اي هنا احنا ابغداد مو بالرمادي
: شنو هنا ماكو زلم اتدحگچ ، وانتي منو گالچ انه احاسبچ على لبسچ لان برمادي ، عابلچ اخاف من الناس هناك وما أخليچ ، امشي يله روحي البسي ردائچ
: لابسه بنطرون وتريد اخلي الناس تأكلها بعيونها ، ادري بيها زعلت لان صيحت عليها ، بس احسن هي تعرف طبعي مو جديد عليها
: نزلنه من السيارة فتحلي ايده خليت ايدي بيده ومشينه طبعا مترك ايدي ابد ، عبالك طفله ويخاف أضيع ، ولا كأن اني بت بغداد ، هاي اول مره اطلع ويا لوحدنا ،امشي ويا و بداخلي فرحه معقوله هذا الرجال يصير الي .... ، بهذا تفكيري ضغطت على ايده وهو مكاودني ، لتفتلي وبتسم ، رجال كُلشي بي حلو ، حتى عصبيته حلوه ، طبعا شكله يصير يجنن من يعصب ههه، اشتريت ملابس ، اني اختار الموديل وهو يختار الالون عرفت شنو الالون الي يحبها ، شتريت كم قطعه ليزن هماتين ورجعنه
رجعنه للشقة اني رحت ابدل وهو دخل غرفته بدلت وطلعت سمعته يصيح
:سارررة
: رحت وگفت بالباب هو مبدل وگاعد ع السرير ومنتچي عليه گُتله
بلي
: سدي الباب وتعالي
: بقيت واگفه مدخلت عاد هو عاط بيه
: تعاليييي
: خفت منه سديت الباب رحت و گفت قريب عليه شال البطانية وسحبني گعدني بحضنه لزم ايدي نزع القراصه من شعري خله شفايفه يم أذني و گال
: اي سارة سوالفي ، ليش خلصتي الاسبوع تتهربين مني ، ما خفت يخلص صبري واگوملچ اجرچ من شعرچ واطيحو لحظچ ، من حرگت گلبي
: أولا لان أنت تعرف كُلش زين اني وياك قبلنه بهذا الزواج بشرط انو يبقى بس عقد وأنت ملتزمت بهذا الشرط ، وحتى مسئلتني وقتحمت عليه حياتي و
:لتفتت عليه وحچت بعصبيه
ثانيا ردت اعاقبك ، بالليل أنت وياي وثاني يوم صعدت نور يمك واني متأكده سويت وياها الي سويته وياي وهي محسوبة زوجتك محد يگدر يحچي بس اني مخليتي للظلمة و الختلات ، منو گلك اني جارية عندك شوكت متريدها تجيك بدون عتراض
: دتعالي هسه اشوفچ شنو العقاب ، نومتها وصرت فرگاها لزمت اديها و أخذت شقايفها بقيت أبوس بيهن امصهن وارجع عليهن لحد ما ذابت بين اديه النوب هي لزمت راسها وانه گمت اغمگ ابوستي الها عفت شفايفها هي تلهث صدرها يصعد وينزل ادحگ بعيونها
وگتلها أولا انه تنازلت من شرطي مثل ما انتي هسه اتنازلتي عن شرطچ ومثل ما انه ميت عليچ أنت هم رايدتني
خليت واسي برگبتها وگمت أبوس بيها لحد ما تركت أثار بوساتي بيها بس انه صرت بركان ارييييدها ، بعد ما اتحمل
فتحت السحاب مال تراكها وگمت ابوس بصدرها عصرته بديه وهي فزت گالت
:عُمر فدوه كافي ...
لا تخلينه نسوي شي نندم عليه
لا تنزلني من عين عمو و عمتي الي ديصير مو صحيح
:دحگت لعيونها تلمع من الدمع
يول أنتي ليش ما تفهمين يول انتي مرتي حلالي
:اي بس كُلها تعرف زواجنه بس عقد
: وخرت منها خليت راسي ع المخده وجريتها لحضني
بس انه حتى حچي ما أگدر احچي صاير بركان عليها ، اريد ابرد شويه ظليت بين نارين لا أگدر اجبرها ولا أگدر اتركها
: بعد الي صار بينه ، اني بين اديه و حرب بداخلي بين اريده الي وبين هو مو الي ما انكر هو اول رجال تمنيته اول رجال رجف گلبي اله بس عقلي يگُلي لا هو مو ألچ سارة اصحي محد معترف بزواجه الچ خليته يوخر مني نام وسحبني لصدره خله ايده على عيونه واني بحضنه عطره و قربه مني ما تحملت درت وجهي
ع الجهة الثانية بس بعدني نايمه على ايده ، ندار عليه وحضني خله خشمه بشعري ويشم بي گال
: سارة حبيبتي انه بعد ما اتحمل تبقين بعيده عن حضني
من نرجع ان شاء الله احچي ويه ابويه ، نور ما أگدر أتقبلها ، وانه مالمستها غير يوم الخطوبة بستها وماحركت شي بيه ولا ثارتني
يول أنه بس لزمت أيدچ حسيتي جسمي كله تكهرب من لمست ايدچ
:دارني عليه و گام يبوسني بوسات ناعمه بخدودي ، عيوني ، شفايفي ، خله رأسه برگبتي ويشم بيه ويگول اوووف يول ريحتچ اتجنن ، واني الفرحة ماليه گلبي واني بحضنه ، خليت راسي بصدره وأشم بي ، هو متحمل گام من يمي
:ما تحملت احس نفسي افور عليها ، بس لازم اصبر من ارجع احل كلشي گمت غسلت وجهي بمي بارد ، بس هاي الليلة ما اريدها تفارگ حضني لحظه وحده
:رجع شغل التلفزيون وطفه الأضوية خله بس اضويت التبللام گعد ع السرير وجرني گعدني بحضنه بقينه نتفرچ ع التلفزيون ، وره شويه دار وجهي عليه گال يول صدگ نسيت شلون تتغزلين بطولو لعمو صباح ( يقلد عليها ههه) وانه گاعد شو صايره ما تستحين
:اني ضحكت عبالي فلتت من عقابه گُتله يا حبيبي بعدني ممكمله الجملة اشو هذا أخذ شفايفي أبوسه وخر مني گال
:اي كملي شردتي تگولين ؟
: اني بقيت صافنه نسيت الي ردت أگوله صُدُگ شردت أگول ؟؟؟ هو خرب ضحك
: يول صايره حياله تعرفين شلون تتخلصين من العقاب
: حيلُ النساءُ عظيمة أليس كذلك يا عُمر
: ههههه بل حِيلُ النساء جميلة ستبقين أنتِ سيدة النساء و أجملهن
ديله راح أصير نزار قباني من وراچ
: صارت الساعة ب ٣ وهو ميخليني أنام كل ما اغفه يبوسني و يگعدني بعدين غفيت ما ادري بنفسي
: نامت بحضني واني بقيت للفجر عيوني ما يردن يغفلن عنها أبوسها و اشمها وما مصدگ هي بحضني ، الاسبوع الفات كلو حرمتني منها و انه خلصتو كل ليلة أتخيلها بحضني ابوسها و اشمها شلون ما اشتهي ، هسه هي بحضني بالحقيقة شلون انام و اتركها ؟!!!
( يا ترى عُمر حيگدر يفسخ خطبته من بت عمه بسهولة و يتمم زواجه من سارة لو حتواجهم عقبات ، ويترك سارة و يتزوج نور ، انتظروا البارت القادم صوتو ع البارت سولي واهس اكمل الرواية ، لو اتركها )