متاهة مشاعر
للكاتبة مهرة
بالليل واگفه بالمطبخ دسوي عشا عمو و عمتي گاعدين بالهول ويزن يلعب يمهم و عُمر نزل من غرفته مبين من وجهه هستوه گاعد من النوم ، كملت العشا و جبته للهول گعدنه نتعشا الأخ كل ما اشيل راسي ألگاه يباوع عليه ، هذا وين عقله ميخاف عمو لو عمتي ينتبهون عليه ، كملنه أكل ، و شلت الصينية ...
:جاي نتعشا وهي گبالي دحگت عليها ، فرحان برجعتها الأربع تيام طلعن من عيني، انام و أگعد وعيني ما تشوفها ، واگف ع المغسلة اغسل هي اجت من دحگتني رادت ترجع ؛ دحگت عليها بالمرايه وضحكت
ول ابويه لا تخافين ما اسوي شي الگاع محضوره هههه
هي خزرتني ، النوب عيونها كبار و من تخزر اتصير اتجنن هههه
گلت بنفسي ؛منين الله بلاني بهل العيون
( ناسي هو دعا على نفسه الله يبلي بمثل هلعيون هههه رونزهـ دكُلها عمورتي )
:داحضر بالچاي اندگ الجرص ديطلع عُمر للباب التفت عليه گال خاف احد من عمامي لا تضلين بليه حجاب ، اووووف شگد يدقق على هاي السوالف، رحت لبست حجاب وطلعت شفت رنا طبت ،
:هلا بادايحه گلنه يومين مو اربع تيام وبالخامس يله تجين هههه
: ههههههه عابت همزين انتي مو عمتي چان شيبتيني
دخل وراها أبو خالد و خالد و أمه سلمو عليه ودخلو
رنا بقت يمي داصب چاي
:يول جبتي الي وصيتج عليه
: جبتلج ملابس اتخبل
:اي عيني ذواقه ادري بيج وتغمزلي
:ذكرتني بغمزت عُمر ، ياااا هاي شجاكم ع الغمزات
:يول منو غامزلج غيري
:هااا منو يعني سرى
:اهااا سرى
:يله امشي شيلي الچاي
:يله عيني يله
گعدنه يمهم ديسولفون على عرس وتحضيراته ، بعدين أبو خالد گال لعمتي
:أم عُمر خويه من مات اخونه شگثر لبستي الأسود
عمتي جاوبته بستغراب
: ليش خويه ؛ لبستو اربع تشهر
:ومنو ظل يلح عليج حتى تنزعينو
:اباوع العمي وجهه بين عليه الحزن گالت
:أحمد الله يرحمو مايحبو وما خلاني أضل لابستو
:عجل خويه ليش باقيه لابستو و المرحوم تدرينوا مايحبو وانتي صارلج سنتين لابستو
أني بسرعة نزلن دموعي من جابو ذكر احمد عمتي بعد ما حجت
: يله خويه شو گومي ذبي هل الأسود ، وزياد هم وليدج ما تردين تفرحين ويانه ، يله أم خالد گومي وياها ذبنه منها
:من دحگتها بچت من ذكروا المرحوم انقهرت عليها وضجت ، أتألمت چانت مشاعر مختلطه لحسيت بيها كرهت روحي ، كرهت الوضع كلو ، حبيتها وهي ارملت اخويه ؛ راح يبقى ذكرو للمرحوم بيناتنه !!
:ثاني يوم الصبح گعدنه حضرت لريوگ لعمو وعمتي
گعونه نتريگ نزل عُمر ضايج حتى ما قبل يتريگ طلع لدوامه وعمو هماتين طلع لشغله سويت حملة تنظيف ع البيت صار اربع تيام ممنظف زين لان عمتي متگدر على تنظيفه كُله وحدها إذا اني مموجوده خلصت البيت وطلعت لغرفه عُمر فتحت الشبابيك ، شگد شارب چگاير المنفظه متروسه ، بديت انظف شويه ودخل عُمر للغرفه ردت اطلع گالت
:ماعندي شي بس أخذ الأوراق و طلع كملي شغلچ
فتح الجرار أخذ اوراقه و طلع ، ما اعرف شبي ، البارحة مچان بي شي شغير أحواله ؟!!
:صار أسبوع وانه عايش ويه هل المشاعر المتناقضة گمت ما أگعد ويه اهلي هواي لو بغرفتي لو اطلع ،ما أتحمل ادحگ بعيونها ولا أگدر أسمع صوتها ، مو كارها لا بالعكس هي يمي و أحس مشتاگلها ، ألتهيت ويه بيت خالي هم مخبصين بالعرس و اليوم الحنه .
اليوم حنه زياد عمو و عمتي راحو الصبح ، لحو عليه حتى اروح بس ما قبلت مالي واهس ما اعرف شبيه ؛ لا اعرف لان عُمر ضايج اني هماتين عبالك انعديت منه ، عمتي مقبلت تبقي يزن إلا تاخذه وياها وهو هم متعود عليها ، بعدين خابرتني رنا
هلو رناوي
:هلو سارة هاي ليش ما اجيتي وشلون تبقين وحدج
:اي ياعيني شعليه قابل ، والله مالي خلگ اجي
:دحگي يول انتظريني الظهر امرلج و ماگو اي اعتراض
:العصر من يجيكم عُمر اجي ويا
:لا اني اجيچ انتظريني
: اوك يله انتظرچ
:بالوحدة رجعت للبيت ، دخلت هي گاعده گبال الصوبه
اوووف ، إلاهي شلون انه بهل عذاااب
:رجع عُمر أني گاعده بالمطبخ ، سلم وصعد يبدل بس مبين بنفس مزاجه المعگر ، حضرتله غداه و خليته ع الميز و سويت چاي ، هو گعد يتغده بس ما باوع بوجهي إذا يشيل رأسه يديره بالجهه الي ميشوفني بيها اني من شفته هشكل طلعت من المطبخ رحت لغرفتي ، من خلص صبيتله چاي ، وخسلت المواعين هو راد يصعد لغرفته ..
:احنه وحدنه بالبيت واني فاير عليها ، گعدت اتغده ما دحگتها لان اعرف نفسي گوه متحمل ، ادري بيها حاسه بيه بس ماتحچي ، عافتني وطلعت ، شربت چاي وصعدت صاحت
:عُمٓرّرر
: وگفت بنص الدرج رجف گلبي من سمعتها ، أحترگو أهلج على هل صوت ، ماندرت عليها ، لا املخ شفايفها بس ادحگها
:رنا راح تجيني وأروح ويها
:ماشي
:أجتني رنا هي وخالد ومشينه ، ركن السيارة يم صالون گالت تجين وياي للصالون وبعدين خالد يجي يأخذونه ما نتأخر ، نزلت وياها ،
:سارة تعالي خل يحفلچ
:لا شكرا ما اريد
:يول شنو لا شكرا انه عازمتچ على مطعم ؟!
يله لشوف
:رنا شبيچ شنو أنتي مصخنه
:اهووو خل أخابر امي أحسن ، الوو ها يوم هاي سارة وياچ أنتي أحچي وياها
:ها عمه
:سارة يمه ذبي الأسود و عدلي نفسچ ول يمه بعدچ زغيره لا اتدفنين نفسچ بهل حزن ، لخاطري يمه ، انه مو هل وياچ ، وهل نزعتو ، وانتي سمعتني من گلت المرحوم مايحبو ،
:اي عمه بس..
:ول يمه انه مالي خاطر عندچ
: .....
أخذت التليفون مني رنا وگالت لعمتي هاي هيه يوم يله ساعة و نرجع الله وياچ
:للعصر گعدت مصدع سبحت و بدلت و قفلت البيت وطلعت لبيت خالي والله مالي خلگ هوسه بس شسوي خالدلگيتو حارگ التليفون عليه وانه خلتو صامت ونمت ، وصلت لبيت خالي أهلنه گلها ملتمه الولد بالأستقبال سلمت ودخلت چوه اريد رنا تنطيني براستول راسي أذاني كلش
اول ما دخلت دحگت نور أجتني سلمت عليه باستني بخدي
:شلونك حبيبي
:موزين راسي راح ينفجر من الوجع وين رنا
دحگت رنا طالعه من المطبخ صحتها
:هلا خويه
:يول راسي يوجعني عندچ براستول
:اي خويه هسه اجيبلك
:منو بغرفتچ
:ماكو احد بس خالد يبدل
:جيبيلي چاي وياچ
: بالصالون حفيت و نزعت الأسود الفستان الأخضر طلع الي صُدُگ اتفاجئة لبسته
رادو يخلولي مكياچ مقبلت أبد بس گوه خليتهم يخلولي كُحُل ، بس الفستان طلع حلو عليه ، اجانه خالد و اخذنه ، دخلت سلمت كُلهن البنات أقاربهم سلمن عليه و بالعافية لان ذبيت الاسود و طالعه اتخبلين ومن هل سوالف و مجاملات بس نور باوعتلي و مراضيه و گوه ردت السلام ، بس اني مستحيه
عبالك مسويه جريمه ، رحت لعمتي
:بالعافية يمه الله لا يراوينه حزن ان شاء الله
: الله يعافيج عمه گعدت يمها وأخذت يزن لحضني مشتاقتله، بعدين صاحتني رنا اوگف يمها بالمطبخ ع الچاي
سمعت صوت عُمر بالهول يحچي ويا رنا
:سارة صبي كوب چاي لعُمر خطيه رأسو ذابحو منلوجع
:صبيتله طلعته حب وگلاص مي گالت اخذي تلگينو بغرفتي
:رنا والله استحي يشوفني بالألوان أنتي أخذي اله
:يول صدگ تحچين شنو مسويه جريمه ؟!!!
اول وتالي راح يدحگچ يله ودي ، انه ماتشوفيني بهل هوسه
: دخلت يم خالد بالغرفة گعدت ورجعت راسي ع الچربايه أندگت الباب ونفتحت رفعت راسي ، !!!!
دحگت عليها هاي سارة لو انه گمت أخربط من وجع راسي
دخلت متجهه عليه گالت هذا البراستول ، أنه بقيت ضافن بوجهه ما حچيت هي خجلت وجهه صار احمر وانه بعدني مدحگ بوجهه ، أحس راسي گام يوچعني أكثر من منظرها ، شتعلت عشيرتي ، منين أچيب العگل هسه وما أجرم بيها ، لابسه فستان اخضر اللون الاحبو ، ولعيون مگحلتهن ، اريد اوخر عيوني منها ما أگدر
حتى نسيت خالد يمي ، هو گام يگح چذب يريدني أنتبهله لتفتت عليه
خالد تگوم تطلع بره لا ولخلقگ اطلعك بالچلاليق ، هو خرب ضحك عليه وعافنه وطلع ، وهاي گدامي وجهه صار دم منخجل گمت قفلت الباب وأخذت الصينيه من أيدها ، هي فتحت حلگها تريد تستوعب الراح يصير ،
ما خليتها تفكر هواي سحبتها طبگت ظهرها ع الباب وهجمت على شفيفها أبوس بيهم اريد اطلع قهر هل أسبوع منهن امصهن وارجع عليهن ماينشبع منهن لحد ما گمنه نلهث ، تركتهن وخليت راسي على راسها ، گليلي أنه شلون بيه ، انه گبل و گوه لازم نفسي ، هسه شلون بيه و أنتي طالعه چنچ حوريه من الجنه ، يول تره انه دم ولحم مو حجار ، گالت عُمٓرّرر
وانه رجعتلهن ورمتهن الها ، يول شعلتي جده لعُمر ...
دحگت بعيونها فاتحتهن على كبرهن والنوب مكحلات
منين الله بلاني بيهن
:أندگت الباب فزينه اني انرعبت الي يشوفنه شيگول هو وخر مني ومسح وجهه بديه يخلي ايده على شواربه ويمسحن اني هم عدلت نفسي وحچابي ، بس احس شفايفي ورمانات وخرت من الباب و هو فتحه ، طلعت نور گالتله حبيبي شلون صرت دخلت شافتني و نصدمت ، احسها تريد تاگلني بعيونها ، گالت ممكن تطلعين بره ارد احچي ويا رجلي ، هو أخذ الصينيه وگعد ، و اني يمكن لو يذبحوني ما يلگون قطرت دم بيه
( طبعا احداث العرس كُلش قويه ، و أبو الخطاب ميخاف من احد 😉 إذا اشوف اكو تفاعل انزل بارت بالوحدة مانتو بكيفكم بعد 😌)