الرجل الاربعيني باللهجة الليبية

البارت الحادي عشر

بارت 11

#الرجل_الاربعيني ...

#جميلة_جاسم...

ان كان عندنا فيهم نصييب ايجونا
وان ماعندنا لينا زمان بلاااهم
واجديين من الغلا الي يبوونا
كريم ربنا نلقو اعزاز فداااهم ...

رعد .. ازفت شعووور انك توووقف علي جرف هاوية الي تبيييه جنبك وسندك بعيد اعلييك وعدووك تزوجت بنته موقف لا احسد علييه ايدي في ايد عدوي وخالي خو امي ايصفقلي علي الانجااز الي دااايرة

طلقت ايدي من حاااتم وعين علي خالي وعين علي حاااتم التفتت لحااتم
خلاص اسهههل سلاااامتك غدوة بعد العصر نتلاقو ...

قعدت نشبح لي حاتم ركب في السيارة ومشي بسرعته التفتت لي المواجهة قدامي ..

شبحتلا في عينه طوووول الغربه وااكله وشاربه معاااه كيف عرف حوشي وجي اهني افكار اتجر في افكااار قالي..

عبدالله....اخر حاجه نتوقعها ايدك بايد الندل هذا حاتم لاكن علاش منتوقهش هو بوووك صاحبه اكيييد سريب النذاله وتوصيل لكلام والقتل والخطف متعلمه منه ...

رعد.. اولا تفضل خالي وريحة الغاليه امي حوشي حوشك والمنظر الي شفته مش زي ما تتوقع ..

عبدالله... هذي هيا تصرفات بوك للاسف امك ماجبتش منها حاجه كذب وتلفيييق اني شبحتك بعيووني وانته اتفقنا وتم غدوة العصر شن يعني بديرو دورة تحفيظ قران انته وياه ..

رعد ... تعرف سنين واني انراجي واحد من عايلتي يسأل عليا جيت حضرتك في الوقت المش مناااسب بكل مديت ايدي بنسلم اعلييه ...مسلمش

عبدالله... ابن البط عوااااام...
بوك رقم اتنين  سبحان الله ....شكلا الربايه نفعت فييك قتلتو اختي بغصايصكم ورتحتو في لبلاد وتبيني ايدك الي مسلم بيها علي حاتم انسلم اعلييك..

رعد... هو يتكلم واخر درة احترام تمت عندي قربت منه ورفعت اصبعي في وجها وانهدد فيه ..
تعرف الي تقول عليه بووي شكلا منعرفاش ولا تربيت معاه عمري 17سنه لازني من الحوووش وانته بكل عييين محترمه ...
جايني بعد عشرييين سنه وتلفق في تهم بوي عليا مش قااادر اتوااجه وتنتقم منه اني ملياش علاااقه...

تبي اتخش الحوش قدامك مش امصدق الدااااعشي الي قدااامك توكل من وين ماجييييت ....
مش رعد الي يقعد ايبرر شن داير وشن مش داااير حتي نقتل قدامك ماليكش الحق انك تسألني علاش قتلت وسلمت علي حاتم متسألنيش علاش سلمت ...
وعطيته بالقفاء وخشيييت ...نسمع فييه ايقووول ..

عبدالله... الي تقووول عليه متعرفاش قااالي ولدي معاي نفس الخط ومنضم لي دااعش في الشرق وصبراته وسألت اعليك بالك تقول مسألش قالي ابعد اعلييه لانه ربايتي ونعرفها ويجي الوقت ونعرف الصادق من الكذاب...

رعد.. وصلت نص الصووور ..التفتت وعيوووني نااااااار ... بري ولي من جديد للي رباااني قووولا شكل رعد كيييف عطييني صورة بس لييه شن قاري ومن وين متخرج خدمته شن هيااا ...وتعرف الصادق من الكذاب ...

عبدالله ..اني مش جااااي علي خاطرك ولا علي خاااطر بوووووك العااار هذا جاي نبيك تبعد علي بنتي نهائي ولانسمع بييك ماشيلها ..

رعد.. تدقول بنتك  هيا تخطاني غدوه بعد غدوة اتجيني الي عندي انته وياها وبنتك مش حنخطااااااها بالعربيييييي خود ولا خلي ...

عبدالله.. انته مش لازم نسكتلك زي بوووك  الشغل معك من اليوم بيبدى...

رعد .. وليت للفم لقيته بيركب في سيارته  ... تبرى عن بوك لي بوووو الي جايبك. يااااكلب ....قلتها في خاطري

قتلا بصوووت عااالي ....
خااااالي بوووي كلكم ولا واحد فيكم يستااهل الاحترام  واحد ايقولي انته سريب خالك واحد ايقولي انته سرييييب بوووك رعد مايتبع حد يااااااتريس  ...
قربعت الباب وخشيييت ... هو مايسمعش فيا غير انبرد علي خاطري ...

مشيت للملحق بنقول لي داليا علي بوها بعدين تفكرت من وين بنجيبلها كتيب وليت للحوش كلمت انور نبيه ايجيني ..

اااه انور شن الاخبااار فاااضي اليوووم..

انور.. باهي شن لموور اي فاااضي كنك تابي حاجه ..

رعد.. اي عندي موضوع معاااك تعال بعد العصر ماشي ..

انور.. تمام العصر تلقاني مصبي عندك..

رعد.. منووور صاحبي ...

صكرت منه وكلمت ناااصر  وخيري هذا من جماعة السجل المدني من الجبل  زنتاني ساااكن في طرابلس راجل مصاارش خدوووم وعنده كلمته وصاااحب حق واااجب هو متزوج زنتانية  وقاااعد اهني في طرابلس نبيه في موضوع الكتييب قعدت الي العصر مع شهاب ومهرة خشيت لقيت اشرف جاي ومقعمز ليه مدة
اشرف جماعتي جااين بعد شوي نبيييك حتي انته في موضوع مهم بخصوص داليا انته دير روحك متدري علي شي يعني هيا جت اهني مش انته جبته ..
اشرف ..ان شالله تمام معش ادور بكل شن قررت انته ..

رعد.. تو لما يوصلو الجماعه تفهم كلمهم انور وناصر وخيري بنخش انديير دوووش ونجي ...

رقيت الفوق ليا يوووم متهرب من صورة امي حسيت روحي كاني غايب عليها سنين الله لا تربحك ياحوراء ياام  خشم اني نكسرهولك باذن الله الوقت بس والصبر ...
انطلع حقي من عيون كل من لفقلي تهمه ...

خشيت دوشت وبدلت وطلعت قابلتني مره تانيه الصورة وقفت كلمتها متعود لما تقعد حاجه في خاااطري واجعتني انقولها ل امي ...

يااام ياااغاليه خووووك اليوم جايني بعد سنين ومتهمني بعمايل بوي لاكن نوعدك شبيهتك بنت خووك اتجي اهني ان شالله وخوك يتأسف مني علي كلام اليوم  ..
اوووف اني علاش حاطها في بالي يعني لبلاد تمت من البناويت عششت فيها هيا ..لاكن بجد حبيتها جدبتني وحسيييت انها هيا الي بتمسح غبااار الحيااة الي لوتتني بيه لايام ..

نسمع في صوت الشباب جو نزلت لقيتهم ضحك وهدرزة مع بعض لما نشبح كل واحد من بلاد وناكلو ونشربو مع بعض انحس انه الدنيا فيها خيرر قعدة ..

يااامرحباااا يااا مرحبااا بيكم جمااعتي وخوتي  ..

خييري.. تي معقوله خطرنا علي باااالك يارعد وتبينا في خدمه ..

رعد.. زنتاااني تي جاااارك اني ويييين انته لاتسأل لاتقول عندنا غضب الليل معصب انجيبولا قعد سمح ايعبي بطنه  ولا انجيبلا صندوق ترفاس ولا ارنب وييين ياراجل ....

خيري ...وراس خوووك  خروووووف ندبحهووولك مش قعد وترفاس نطلعو مع بعضنا الحمايد وخود من خيرها .. ...كيف الحاااال شن الاخبااااار ..

رعد.. مشيت عنده سلمت اعلييه حضنته ..راااك طييب شن امووورك جاايك الدق ليين تكره رعد ..

خيري.. علي ناااار ياراجل كل يووم انقول تو نطلع في مدعك من المداعك مع رعد مايصير شي..

رعد.. ههههههه وتي روحك بنحطك في طبيخه متاع جبل حمص وعدس وبازيليا.. الله ايبارك

ناااصر ... اححححم نحنو هنا لميتها ياراجل من زيك جماعتك كلهم برانيه ...

رعد.. كيف حاااله المعبي خيييرك ياراجل تفييض نقص تبي هروله تنقص وزن والدم بيطلع مع ودانك...

ناصر... صلي علي النبي  ياراجل لحمات وشحمات نبوووهم للحزه هههههههههه..

انور.. هذينا كل وااحد فيهم عندا حاجه تبو قعد متروده ايلمكم عندي في الشرق ..

رعد.. شرقاوي شن الاخبار .. اليوووم عندكم ملطم نبي دعمكم وبعدها انلموكم علي قعد ..
مشيت قعمزت وضبحت علي اشرف جي قعمز حتي هوا جاب طاسه قهوة وجي قعمز كلهم امقابليني وعلي ناااار كل واحد ...

شربتو قهوتكم توة نبي منكم خدمه الي يقدر اعليها ايكون ساعدني فيها ومننساهاش احني ايد وحده ان شالله ..

نبي انزووور كتيب عايله ... اني قلتها هما ولا حرف

خييييركم ساااكتين ساااهله ولا ..

خيري... عندي موضوعك مع انه صعب في الوقت هذا ارقام وطنيه ومنضومه ودوة لاكن ساهلة .

رعد.. اني علاش كلمتك لاني عارفك في السجل المدني تقدر ادبرها لاكن نبي حل فيها من غير شي ونبي فتوة لانه فيها زواج مش عارف من ناحيه العقد كيف ..

ناصر... ولييينا ياراجل لبنت حاااتم موضوووع صاااعب بكل كان يدري اعلييك عندك بنته ...

رعد... يدري عليا وجاني اهني وتكلمت اني ويااه ..

ناصر جديات يااااراجل تحكي ..

رعد .. رسمي رسمي ..

خيري... بشوي وفهمونا من حاتم ومن بنته ومنوين جي زواج وكتيب وحاله خشت بعضها ياجماعه فهموني ..

رعد.. بنت حاتم ال..... يوم مروح قبل شهر لقيتها اهني وقعدت عندي واني الحق امقرر اني انرجعها لماليها منبيش نضلمها لاكن هيا جلبت في خناقتي  عجبها الموضوع تبي تقعد ...

انور... في حد يلقي رعد ويمشي ويخليييه تي انا بنقعد عندك ..

رعد... شورني عجبتها..

خيري.. باهي الكتيب شن دخلا في النص

ناصر.. اي تزوير شن موضوعه ..

رعد.. التزوير امس جي اهني وقال نعطيك بنتي ونوكل حد يقري الفاتحه بنيابه عليا لاكن بشرط اني بنزل انها توفت وبيديرلها عزي والاسم اتغيرة وتعقد كاني منعرفهاش ولاتعرفني علي اساس ميشرفاش ايناسبني...

خيري ... فوتك من وجع الراس ياراجل ورجع البنت لي اماليها وريح روحك معمعه كبيييرة معش تخلس بكل ...

رعد... اني جايبكم نبيكم اتساعدوني انتم فشلتووني ..

خيري.. عرفت اني مني عادي نقدر اندبرلك في جلده تبع كتيب جديد وندرجو اسمها علي اساس جديد لاكن صعب انك اتحصلا فييسع تبي اقل شي شهر باش يطلع والارقام الوطنيه مدروجه في المنضومه والعقد مرات بااطل وتمشي في لحراام اني من رايي ابعت البنت خارج ليبيا واربح راحتك.

رعد.. والله اني امدخل روحي في دوامه ومعش عرفت نطلع ... باهي كيف الحل هيا متبيش تمشي ماعندها حد  ..

ناصر . ..تي لز الجنااقه ياااراجل بيطلع فيها خييير وبوها حااتم ...

رعد.. تي عييب بتولي مرت خوووك والله كلامها اعقل منك انته ...

انور.. اني عندي ليك حل صاحبي في المحكمه اعقد باسم بوووها بحضوورة ويتكتم علي القصه ومن كتيب بوها يكتب متزوجه وانتقلت واني ولا واحد من الجماعه نعقدولك عليها واسمك بس مش شرط حضوورك وبعد العقد بيومين اينزل خبر الوفاة ومافيش حد بيسمع انها تزوجت وحتي لو انشاعت القصه قدى خيري يدرجها في المنضومه متوفيه بتاريخ فهمتني ومايقدرش يوصل في كتيبك ...

رعد... منور شرقاوي لاكن المشكله في الوقت اني قتلا موافق ومافكرتش هكي ...

اشرف.. اني من بدري اندور فيها في دمااغي وقلت شرطه انها متوفيه فيها سبب ممكن مايبيهاش تورت وتندرج متوفيه والورت يمشي لييه لو قعده حيه بتورت هيا ولفلوس لييك وترد افلوووسك الي واخدهم اني نقترح انه متدرجوهاش متوفيه وهو يطلع من لبلاد طوول والسجل المدني يعرف خييري يصرف لو هو حاتم تحرك ودارها متوفيه حتي لو طلعت حيه بعدها معش تقدر تاخد نصيبها اني انأكد انه النقطه هياه خايف منها وشرط خبر الوفاء..

رعد.. انصدمت في دكاء اشرف صح مفكرناااش هكي اشرف انته تسكت تسكت وتطلع بطلعات اتريح مزبوووط كلامك ...
اني دماغي متلخبطه عليا مع كل جيها التفكيير واااقف
دوووخه كبيييرة كيف الحل فيها قصة الورته تاني .

خيري.. اني من راي اشرف اشرط عليه يعقدلك هو باسمه وبعد يومين اينزل بيااان بانها توفت في حادت سير بتطلع من كتيب بوها علي اساس متزوجه وكتيبك انته عندك ميقدرش يلعب بييه.

ناصر... والله من غير رجعها من وين جت وقلها تمت اللعبه روحي اقري قرايتك واهدي امرك من لهروووب ..

رعد.. هههههههه دوتك فاضيه انته ...

تمام تو خلاص وضحت عندي اسمعو شن بنديير وكل واحد ليه دووور وباذن الله حاتم اخر ايامه معش عنده مفر ورقة وبيرو جنبك علي الطاوله خييري جيبهم وتعاالو عندي كلكم...

حوراء... قعدت في الحوش من الصبح طالعه خاشه اول مرة انحس بفراغ يارب بس ميكونش رعد حق دااعشي بس وضيفتي اهم شي عندي مستحيييل نقعد في الحوش ونتحمل انمل ونفد مشيت للكوجينة طيبت لغدي شبحت الساعه 12 بوي طلع ومجاش خوتي نور ويزن في المدرسه وامي اتقري والبي مراد خدمته اووووف قعمزت علي التلفزيون خشت امي لقتني امقعمزة علي التلفزيون روحي مش طايقتها نضت خشيت معش نبي من ايقولي وين وكيف وشن صااار  خشيت لي داري اتكييت ونفكر في كل موقف جمعني برعد من اول يوم شبحته بهرني معقوله حبيته اني منستاهلش واحد زي رعد...
منحبش من ايقيدني ولا يتحكم فيا علاش شااغل تفكيري كل لحضه نتخيل فيييه اووووف بس من ليبيا اني شن رجعني بس ...
قعدت في الاردن واخلاص رقدت من التفكييير البارح مرقدتش ونضت الصبح بكري معش ندري علي روحي حسيييت ايد اتنوض فيا فتحت عيوووني لقيت امي فوق راسي 

امي نوووضي ساعه انوض فييه لغدي وااتي ..

حوراء... نعست منسحابش روحي بنرقد قداش الساعه..

امي.. الساعه تنيين نوضي توضي صلي ولغدي واتي وبوك من بكري يسأل اعليييك ...

حوراء . باهي اهو جايه ...نضت توضيت وصلييت ومشيت قعمزت انتغدي من غير كلام مكلمت حد كملت لغدي وكيف بنوض .. قالي بوي..

......قعمزي عندي معاكم كلااام وين بتمشي ..

حوراء .. قعمزت ساااكته مراد عيونه في بوي وامي مش عارفين شن بيقول نور ويزن يضحكو ويشبحولي اني ايدي علي الطااوله ونطق بيها صبيت اميه شربتها وحطيت الطااسه واخيرا تكلم بوي..

حوراء .... انراجي في هاااتف قبل المغرب اذا صار الي في باالي غدوة داومي في نفس المستشفي واذا مصارش قعمزي في الحوش  ..
واحد. زي رعد مش لازم ينسكتلا زي بوووه يتماادي حراام التربيه والتعب من زهرة اختي فيييه لاكن لازم يوقف عند حده كل يوم طااالع بطلعه جديدة..

حوراء..   شن بديرلا متلا بتقتلا  ..

بوي... مش اني الي نقتل كلمتيين قلتهم سيرته تصكر ولا وااحد يتكلم بيه عادالله مشبحناااشي ولا تعرفنا علييه باااهي...

حوراء... حاااضر .. نضت من علي الطاااوله خشيت للدااار طووول عمري متوقعتش انه بيجي اليوم هذا بيساوموني علي خدمتي ....
تعبت وقريت وضيعت سنين من عمري اخر شي موقف بسيط متخوف منه بوي مش عارفه شن سااامع اعليييه مقدرتش نرفض بوي ونعرفه اكيييد قايله شي كبييير الي هكي داارلي اوووف
اعصااابي تعبت في جرتك يارعد...

........

رعد........كويس توة هكي تفاااهمنا شباب ولا ..

ناصر... اني المرة الي فاتت حسيت انه حاتم وري الضربه تبع نوري  مفروض قلتلي من الاول هكي هذي حق انتقام مابعداش

رعد .. اني لما جاني الولد بيهرب بنته عرفت
انه هو وراها لانه الهجوم صار بعد الاجتماع طووول حسب ماقالي سميير انه واحد منهم كان في السيارة ..

هذا مش موضوعنا توة خليني في جو العقد ..كيف بنستدرج حاتم

خيري انته قدام كتيب عايله مضمون وشرعي قدام القضاء والقانون نبيه في ضرف سبوع سبوعين وكتيب مزور بنزور فيه انها متوفيه وعلي اساس اندرجت من ضمن الوفياات باش يرتااح ونوقع عليه قداامه  ..

خيري ..تمااام ان شالله اعتبرهم عندك وصلوك ..

رعد... وانته يانااصر نبي تامين قدام المحكمه سيارة اتنين غدوه بعد العصر اي تحرك من حاتم انشدوه طوول ..

اشرف وانور شهووود واني بنعقد عليها وبنفهمه انه بعد يومين اينزل بيان انها توفت في حادت سييير قرب الطريق من توونس طاالعه ...

ناصر شدد علي الموااقع شوف الصفحه علي الفيس اذا نزل شي قوولي ..

ناصر.. امته ادير صفحه وتفكني منك ..

رعد .. من غير البيله مايمشي معاي شي اني مراااقب من الدوله وزيدك داير صفحه ..

خلاص اتفقنا شباب عشيه فاااتت في الدوة عشاااكم عندي ولا وااحد يطلع ..

ناصر .. من بنت حاتم بطيب لعشي... هههههههه

رعد .. اي مرت خووكم ... اشرف جيبلي بضاعه عشي لحم وفواكه  خودو راحتكم شباب بنمشي لي مرتي انفهمها ...هههههههههه

انور... وسع بااالك ياراجل راك تلغي علينا المخطط .. هههههههههه

رعد... طلعت من عندهم مشيت لداليا فتحت الباب اول يوم انحس اني ماشي صح مع انه حياتها صاااعبه اكثر مني ولاعبه بيها الدنيا ان شالله منكونش نضلمها بس بنقلها علي مخطط بوها كااامل مانبيش ندس اعليها شي .
وصلت فتحت باب الملحق امسكت مشييت للكوجينه لقيتها فاضيه ..
اكيد في الداار .

تمشيت بالشوي طقيت ماردتش فتحت الباب بهدوء لقيتها راقده خشيت وقفت علي السرير قربت منها ملامحها هااادية ولا كانها عايشه في صرااع مع الحيااه عيونها ذابلات شعرها من غير حجاب اصفر شمس من وين جايبه كل هالحسن ...
والزين قفطانها نفسه مرفوع من علي سااقها بياض بشرتها عجيب قعدت ساعه نشبحلها غمضت عيوني واستغفرت طلعت من الدااار ...
.خشيت للحمام غسلت وجهي وشبحت في لمرايه شعري اسود فيه خسله شييب في النص وجهي غاااضب ..
اوقض ياارعد البنت صغييرة اعليك متفكرش غير تفكييير .. انته بتضلمها  ونرد علي روحي عااادي انته حياتك بتبدى توة علي قولتها شن ناقصني اني..

حورااء شن موقعها وين لوحتها معقوله حبيتهم الزوز معش قلب حافله الي يخطم  اعليه ايركبه ..

عقلي ايقول كلام وقلبي وعواطفي ايقوولو كلام اخر
اوووووف

اني بنتزوجها علي اي اساس نبي نفهم ..

نشفت وجهي طلعت لقيتها نااايضه لابسه وشاحها وطالعه من الدااار..

داليا.. انتي اهني ...

رعد... انتهرب من شكلها وعيوونها ونكرر في بالي استغفر الله العظيم...اشرتلها قعمزي عندي معاااك موووضوع ..
قعمزت بعيد عليا حكيتلها كل شي من كلام بوها لي القرار الي خديته اني وجمااعتي ومطبس رااسي ...

داليا... عادي اي شي بديره عااارفه انه من صالحي لذلك اني معاك في كل شي ...

رعد.. رفعت راسي لقيتها تشبحلي .. والله مافي حد امسهل عليا الاموور غيييرك ...
باهي شن بنقوولك ...تعرفي اطيبي ..

داليا.. اني حياتي اصلا في الكوجينة قول تبي حاجه تاكلها

رعد.. لاله جماعتي معاي خمس انفااار اشرف بيجيب لبضاعه وطيبيلي عادي ... نشبحلها عيونها فرحو نطت طوول

داليا....ايييي ايييي عااادي انطيبلك اصلا اني مكسدة نبي انلهي روحي

رعد.. طلعت ضحكت عليها عقلها صغييير واني انفكر تفكير اخر ..

وصلت فم الحوووش لقييت الجماعه مقعمزين في الفم وكل واحد يحكي بشكل ..

ناصر.. مش كانك عطلت الداخل...

رعد... تي ضم فمك يامصخ ..

خيري... ان شالله ربي يستر ونديرولك احسن زفه وعرس ..

انور.. شهر العسل في البيضاء ياريس خيااال ولا شحاات عندي استراحه علي حسااابك ...

رعد... مزال عندكم عرس اخر قعمزت الي الاربعين  وبنتزوج اربعه ان شالله ..

بين الضحك خش اشرف جايب الاكياااس مشيت حطيتهم لداليا ورجعت ..

اول ماوصلت للباب سمعت الباب ايطق الخااارجي بنمشي مشي اشرف فتح الباب خشو وراه اربعه باين انهم  مديرية امن طرابلس ..

رعد تفضلو شن فييه اي خدمه..

رد واااحد منهم طملووووب في محضر مفتووح باسمك تقدر تمشي للمركز وتفهم ...

رعد.. تو بتفهموووني انكم دوله وعندكم شرطه ومركز وفاتحين محضر فيا  مش ماااشي والي فاتح محضر ايجيني أهنئ في حوشي ...

علت الاصوات بيني وبييينهم وطلعو الجماعه من داااخل ...

اسمع من غييير كثر دوة دوله غصبا قهرا عليكم شبحت اتنين شدوني مع ايديا ضربت واحد منهم برجلي كأني عطيت الاشااارة لجماااعته
وفتحنا فيييهم شااااااارع بالضرب  ....

للحكايه بقيه

جميله جاااسم