الرجل الاربعيني باللهجة الليبية

البارت التاسع

بارت 9

#الرجل_الاربعيني_ج1

#جميلة_جاسم

طالت ..
والعمر شيخلصه من تطول
من غم العمر
من ينقضي إتعلعل.....

رعد... قولا تعااال برجليييك تعاااال ...خشييت بسرعه جبت سلاحي نوري مقعمز علي الكنبة حركة بطيئة قعد وضعه مش مستقر خديت مسدس عطيته لي سميير وقتلا...

سميييير انته ونوري خشو داااخل في الداار علي اساس اني بروووحي نووضو ...

سميير.. لاله ياراجل هذا تعلب غدار يقتلك مرات..

رعد..ميدير شي  نوضووو بسسسرععه ...اي حركه تسمعوها ولا دوووشه اطلعو خاطيها شدو الدار  بعدين صبح هذا بيقتل في ضي النهار هذا زي الخانب في الليل يتحرك بس ..

مشيت ساعدت نوري دخلتهم للدار وسكرت اعليهم الباب وقفت مقااابل الباب الرئيسي طووول ونراجي في سيادة الوزييير لحضااات ممكن علي اعصااابي ولا مرة توقعت انه بيجيني الي حوشي ممكن الورقه الي قراها هزتلا كيااانه عدلت كبووطي سحبت مسدسي وحطيته في خصري دقايق وانفتح الباب علي وسعه اشرف الاول وبعده هو نشبحلا ..

لابس دجاكه رسميه زرقاء قصييير ومعبي شااايب واصلع من بدايه شعره عيوونه فيهم خووف مش طبيييعي خشو تلات رجاله وراه واحد اضخم من التاااني شكلا معوض القصر الي فيييه بيهم اشرتلا بيدي بمعني شنو

حاتم... وين بنتي ....

رعد.. وعليكم السلام ورحمه الله وبركاته زارتنا البركه  ياريس..

حاتم.. بنتي وين رعد ولا ايصير فيها كلام تاااني ..

رعد.. الحمد الله كيف حالك انته وسكينه باااهي ..

حاتم... رععععد التار الي بيناتنا مدخلش فيه بنتي ...

رعد.. تعرف حرااااااام انك تكون ليبي وحرام اتشد منصب في الدوله وحرام فيك اسمك
..انته عاااافس في ارضي اي حركه هكي ولاهكي نقتلك ونديرك معتدي عليا بالسلااح انته وجماعتك انلفقهالك تقعد طوول عمرك محبوووس وخاااايس في لحبوس فاااهم لذلك تكلم مزبوط معاي  ..

حاتم.. اني مش جاي علي خاطر لكلام الي كتبتهولي في الورقه ولا خايف منه اصلا جاي علي خاااطر بنتي ...بنتي وييين ..

رعد ..واضح اعلييك جاي علي خاطر بنتك ليها سبوعيين مش جنبك ومدورتهاش ولما سمعت بيها اهني دزيت كلاب مخانب بيهربووها عقاب الليل لاكن الورقه الي وصلاتك اليوم جباتك برجليك للموت ...

حاتم.. بنتي ويين ..

رعد .. بنتي وين بنتي ويين شن تبي فيها بنتك قتلتها خلاااااص بححححح وانصفقلا بي ايدي   تبي قبرها اندلك علي المقبرة.

حاتم...مش غريبه اعلييك معاك سبووووع شبعت في...........

رعد.. قبل لا ايكمل كلامه وقفت قدااامه مشيت ايدي علي لحيتي مرة وتنين عيني في عينه هو قصييير واني ضخم شبحت لي جماعته واقفيين استعداد ...عاود شن قلت ..

حاتم... بنتي نبيها عااايشه ومش صاايبها شي والا ..

رعد.. شبحتلا في عينه وبحركه سريعه مني شديته مع رقبته وسندته علي الحييييط خنقته مرة وتنييين وهو ايكح والي معاه دايرين بسلاااحهم ششادينا عليا..
شاورته في ودنه ..
قول لكلابك اينزلو اسلاحهم ولا اعتبر روحك ميت انته وبنتك ...

حاتم.. اطططلققني ...نزلو سلاحكم ...

رعد.. اقلب وجهك انته وياااه بعييييد يلا شديت الخنقه مزبووط وقتلا تعرف الي لاعب بي بنتك من مش رعد الي دير الناااقصه ياانااااقص ..
ياااعاار..
بنتك معتديين اعليها ولانها شريفه دافعت علي روحها وقتلك ازلامك يانااقص لاني نبببيك ومستحقك بس والله وبالله الاماتطلع مجنز من قدامي جنااازتك العصر سااامع ...
فكيت ايدي من اعلييه  ونفضتها ...
مش عاارف علاش ملوت ايدي بيك وشديتك ياااوزيير عدلت كبووطي ومن الاعصاب عيوني دمممم ...
اسمع
.. عندي معاك كلمتين راس...
كلابك منبيش واحد في حوووشي بري الصووووور كللهم اشرف وصلهم للباب .

اشرلهم بعيونه بمعني اطلعوو...

كويس حاليا بنتك ليها القرار تمشي معاي والي بتقولو بتنفدا زي الكلب والا والله العضيم فضااايحك غدوة ناازله في جميع المواقع ....ونزيدك عندي مقطع لي مرتك الشريفه مع بواب حوشكم فتحي شبحتلا وجها الواان  ..

حاتم.. كذاااب وااحد سرسريي بتخوفني بفلوسك بنتي بنرفعها معااي والا والله العضيم اني اندخلك للحبوس ومعش تطلع..

رعد.. معليشي الصبر بس وشوف جثة من تطلع من هالحوووش اطلع قداامي .

مشيت وهو يمشي ويتلوفت زي القطوس فتحت باب الملحق وخشيت ضبحت اعليها طلعت دااااليا ..تعالي اهني ..
شبحتلا هو وااقف في الفم اتفضل اتفضل

حاتم... بنتي تعااالي هي انرووحو بسرعه شن دار فيك المجرم وشدها مع ايدها بيرفعها بحركه منها نتلت ايدها وااقفه اتأشر بي اصبعها وني واخد دور المتفرج ونشبحلهم ...

داليا... اني مستحيييل انولي معااك ولو هذا الي قلت اعليه بيقتلني راااضيه اني في حياااتي كاامله مرقدتش مرتاااحه زي الاسبوعين هذوو طول عمري نخدم تحتكم....
انته ومرتك ولا يووم قتلي بنتي صغيرة ومراهقه شن تبي شن مستحقه توة طلعت عازه اعلييك مش مروحه معاك ...
لووو انمممووت وبعدين رعد الي تشبح فييه ولا يوووم ضرني بشي وبعدين اني بنتزوجه وانته مللللزم اتواافق وتعقدلي  ...

حاتم.. شن اتقووووولي انتي اني بنتي اخرها عايشه مع واااحد متاع  طالع ونازل وسكييير وتبييني نسكت ونمشي ونخلييك ونقلك اي اتزوجيه وانحط ايدي في ايده  اطلعييي قدااامي توة  اطلعي ..

رعد .. نضت من مكاني .. اني انحط ايدي في ايدك سلاااامااات هبلت  ولا خييرني بعدين ياكلللب ياساقط اني متاع سكيييير ياااعار اني الي عمري هذا منعرفش السكيير طعمه اتجيني انته ابو الملاهي والمراقص اتقولي هكي ....
شديته مع دجاكته وطلعته زي الحشره بري الحوووش اطللللع قداامي انته مش متاع واحد يعطيك وجه المعامله الحقيرة بس تمشي معااك  لحقتني داااليا ....

داليا.. رعد ...اوووقف شوي ...

رعد.. شن فيييه  ... التفتت وشاد بوها وشاد عليه السلاح..

داليا.. اسمعني يابوي اليوم تمشي مع رعد وبيتزوجني وبتواافق غصب مش رضي والا قسم بالله عندي سيديات علي سكينه وعلي غسيييل الاموال الي امشيينه انته وياها نعطيه لرعد ايدخلكم لحبووس وينزل سمعتك في الارض والااني طووول عمري بنت الخدامه مش بنتك مش هكي كنت اتقووولي... وافق وخليني ساااكته واستر علي عمرك..

حاتم... بشني امهددك الكلب هذا وهكي اديري في بوووك .

رعد.. هذا الي اتقول اعليه رعد تااج راسك وراس الي خلفوك ياعار اقلب اقلببب يالا معاك يومين بس اتوافق علي العرض ولا تفرج علي فضاايحك علي اليوتيوب وعاود شباابك الي راح ...شديت عليه المسدس لين طلع..يمشي ويعدل في دجاكته عليييك عاازة وشادلي منصب... انته مفروض ساارح غنم ولا بقر

وصل الباب والتفت .. والله الا ماندمك عليه اليوم هذا يارعد ..

رعد... اعلي مافي خيييلك اركبه  وديير الي بدييير هذا ماناقصني اني شكالات زيك..

طلع وسكر الباب وخش اشرف التفتت لقيت نوري وسمير واقفيين ...

سميير . حلال عليييييييك ياذيييييب صفقه مربحه ولا طلقه طلعت اني شوي ونقول بيولع الرمي  ..

رعد .. نعجبوووك يازاوي ...نوري خش صقع اعليييك
   اشرف تعال تغدي وعندي معاكم كلام ...

خشينا خديت نص ومشروب  وسلايط ودجاجه بنرفعهم لي داليا ...عجبتني قوتها مكسورة وقدرت اتوااجه لاكن ان شالله منضلمهاش معاي لان قلبي مع حوراااء شن درت في عمري اربعين سنه ولا مرة لفتت نض ي بنت توة بنتزوج اتنين مرة وحده علللليك وقت ..
تغدو مدورونيش شوي وجاي ...

سميير...ياعمي عشنا وشفنا رعد مهتم بنواعم

نوري.. قعدنا فيها ياسميير راحت اعلينا احني بنجيبو اردنياات ويقعد هو مع اليبيات  ..

رعد... اللهم لا حسد جيبو حتي بنقلاديشيات انتم مش وجوه نعمه بكل ...

مشيت للملحق لقيتها في الكوجينه داليا اهو غدي مشقلنا مطيبيش..

داليا..مشي بوي ولا قعد ..
رعد.. مشي معش ادورييه يومين ويولي لانه صعب انه ايضيع فرصه زي هذي وبنته تتزوج رعد ..

داليا.. رعد اني بنسألك سوال ومتعصبش مني عادي ..
رعد.. قولي شن تبي..

داليا.. انته بتتزوجني علي اي اساس بتاخد بتارك من بوي والا قعدة معاك هكي من غير زواج والا اتحبني ...

رعد.. ليك الحق انك تسألي لاكن ولاوحده من التلاته الي قلتييهم ..اني زي ماتعرفي كبييير عليك هلبه انتي بدايه العشريين واني اربعيين يعني عشرين سنه بيناتنا لذلك خلي كل شي لي وقته ...

طلعت منها وراسي داييخ اني شن درت في عمري معقوله عشت طول عمري وحداني ومش مفكر نهائي في الزواج اخر شي نرتبط ببنت حااتم اني شن جاااني ممكن ردة فعل لمنضرها ممكن تعاطفت معاها لاكن حبيتها مستحيله صغييرة واني مش في باب الزواج والارتباااط لو بنقول حبييبت حبيت حوراء شكلها واسلوبها وكل شي جذبني ليها اخخخ بس الراس اليابس الي عندها اني مقرر اني نمشيلها في اليل بعد ما يمشو نوري وسميير وبنكلمها نبي نعرف ردة فعلها لما تعرف اني ولد عمتها الي تشبهها  ...

خشيت تغدينا وقعمزنا الي العصر مع بعض بين الهدرزة والضحك اشرف دخلته معانا صح اني طبعي غريب ومانوتقش في اي حد لاكن هذي الحياة ضروري اختبارات مني للناس الي امقابليني ونوتق فيه....
ياللله  انسلمه منصب ونقولا علي اسراري  ...

العصر طلعنا مع بعض بنكملو اوراق الخروج سمير مشي لماليه بيودعهم وبيجيب شناطيه اني ونوري مشينا للمحلات بياخد حاجات واشرف معانا قعدنا من الزحامات طلعنا جو الثمانيه وقت علي الطياره بتطلع العشره ادهمنا مطعم تعشينا وكلمت سميير جاينا في حوش نوري واحني ماشييين لعمتي ساالمه ...

وصلنا للحوش بسرعه سلم اعليهم وطلعنا قتلا ضبحلي علي عمتي بنسلم اعليها ..
شوية وطلعتي هذي الغالية امي التانية ....

سالمه.. كيف حالك رعد وين معش شبحتك كيف حال صحتك وليدي..

رعدد.. باهي الحمد الله كيف حالك انتي ولبنات ان شالله كويسات والله ضروف وحاصل اهني واهني ان شالله تلقيني يوميا عندك اي شي تستحقييه تكلميني موجود في متابة نوري اني ...

سالمه.. ان شالله طوال عماركم ونفرح بيكم الزوز ونديرلكم عرس مصاارش ..

رعد.. ان شاءالله ان شاءالله بارك الله فيك هي بسلامه توة .....نوري اطلع قدامي ...

نوري.. مودعه بالله ياحبيبه و ردي بالك من لبنيات واي شي كلمي رعد خوالي متكلميهمش باهي ..

ركبت اني ونوري واشرف وسميير وطوول للمطاار ..
وصلنا التسعه قعدنا اهني واهني  الي العشرةركبو ودعناهم ومشو اني خديت تاكسي ومشيت للمستشفي واشرف روح بسيارة ...

نمشي وندعي ان شالله قعدة مروحتش نبي انشوفها ونكلمها نحرقلها دمها ونروح .

وصلت للمستشفي خشييت وقفت علي الاستعلامات سألت اعليها قالو عندها عمليه مع الدكتور التونسي ..
ياسلاااام ومن دكتور مصري لي تونسي لي اردني ..

اديير .. رئاسة مجلس التعاون وتريحني ...

ماشي وقفت قدام الحجرة تبع العمليات طلعت نفس البنت الي مش متحجبه نفسها الي سحبتلي الدم ..

كلمتها بصوت عالي .. تعااالي ياهووووو انتي اهني تعالي ..

جايه وشعر اصفر زي الدحي وقفت قدامي ...

نعم تفضل تبي حاجه استاذ ..

رعد ..نبي اعلاش ....متحطيش شلتوته علي شعرك هو ريته اقنين ايحشششم ايحششم استريه خيرلك ..

منسمحلكش اتقول هكي لو سمحت اني حياتي الشخصيه وحرة فيييها وبعدين امناديني من غادي لهني وتبي اتقولي حطي شلتوتة علي راسك ..

رعد ..اني شن دخلني فييك اصلا ..وين الدكتورة حوراااء ...

انته قول من الاول جاي اعليييها دايرلي عرس وريبوخه هكي كبرها عندها عملييييييه مش فاااضيه لو تبي تستني حجرتها في الدور التاااني يااامحترم رقم 25 ..

رعد ..ماشيه وتهز في ايدها والبلوزه لاصقه حصر علي جسمها مش عاارف كلهم هكي موالهم ومش متحجبات واني جديد علي الصنعه ولا خييرها ليبيا هكي ولت ...

مشيت رقيت دور التاني قعدت اندور علي الحجرة بنقعمزلها فيييها ليين تطلع فتحتها بشوي لقيتها فاااضيه ..
مشيت لمكتبها نبي نتأكد هو مكتبها ولا تلعب عليا البنت شبحت ملف لقيت اسمها حوراء عبدالله قريت البيانات طلعت مواليد التسعيين خريجه طب وجراحه جامعه الاردن يعني مش دكتورة مجرد طبيبه مسااعده خديت الملف وقعمزت علي الكرسي الي مقاابل وقعدت نقري شبحت لساعة ايدي لقيتها 11 ياسلااام الي هالوقت ولاخوها لابوها شن هالتقه العمياء الي عندهم غير خل تصبر تحلم اتخش مستشفيات ومراكز خلي تفرح توة نسمع في مكالمات علي تليفونها ونستني فيها اتجي شوي وانفتح الباب والصدمه علي وجها مش متوقعه ......
.........
حوراء...
من اخر يوووم طلع فيه المريض نوري معش شبحت رعد حسيت بفراااغ كبييير ممكن تعودت اعليه.....
ممكن لانه هيبته وجرأته غريبه شدتلي انتبااهي.....

معقوووله يااحوراء تطلعي اتحبييه مستحيييله اني انمووت ولا حد يتحكم فيا ....
لاكن بجد مكانه خاالي فااضي كل يووم نمشي لي ملف المراجع ايقووولو معنداش مراجعات..
علي امل يطلع عنده مراااجعه ..
روحت لبوووي قتلا ايسلم اعليك واحد اسمه رعد تغيير وجها قعد ايقوولي اوصفيلي شكله وحسيته مش طبيعي....
زادت شكوكي من موقفهم في المستشفى والسلاح والدم اكييد ايكون من الناس الي طالعه وخاشه في لحراام وجعني خاطري عليه ..
بيومها خشيت بنرقد قالي بوي كلام غريب جدا تمنيت انه ميقولاش ولا نسمع رعد هكي نفس اليوم الي كلمني بابا اعلييه بكيت ايقنت اني انحبه ومش مستوعبه لكلام الي قالهولي بوووي ...
اليوم عندي عمليه وراسي مصدع معنديش نيه نمشي نهايي اني عبارة عن مسااعده بس اما الجراح تونسي واردني نعرفه في الاردن ...كملت عمليه استئصال مرارة متليفه قعدنا فيها ساعتين بين التخدير والعمليه...طلعت راسي ببتكسر لقتني دعاء ..

قتلي عندك مفاجاه في حجرتك ..البنت هذي مش طبيعيه وصلت للدار وفتحت نلقي رعد علي البااارد امقعمز ولا كأنه الدنيا قايمه قدامه ..

حوراء..رعددد شن اديير اهني ..

رعد.. الناس اتقول السلام عليكم اتقول أهلا وسهلا فيك..وانتي خاشه زي الحااادت شن اديير اهني..

حوراء.....اي شن ادير اهني لو سمحت بري الحجرة ..

رعد .. فتحت الباب واتأشر بي ايدها علي الباب نضت للباب علي بالها بنطلع  صكرته وقفت قدامها..

عيييب انك تستقبلي ضيوفك هكي عيييب بككككل مشيت قعمزت علي الكرسي ودرت رجل علي رجل...

حوراء ...اللهم جيبك ياطوله البال اسمع قسم بالله متطلعش توة انبلغ اعلييك ويجو يرفعوك..

رعد .. تعاااالي تعااالي خودي كفيين وجه وقفي شن اترااجي ...
نزلي ايدك عن نكسرهالك  وتحلمي اتمديها بعديين ..

حوراء..اكييد نضااام داعش امعلمكم العنف والضرب برى بعييد عليا وطلع مراجلك...

رعد .. نضت وقفت هربت فتحت الباب بتطلع  سكرته عليها واشرتلها باصبعي كلمه دااعش منين جايبتيها اه..

حوراء.. داعشي وستين الف داااعشي وقتلا بوي وقاالي هذا منضم لي داعش في ليبيا وضروري لما تشبحيه اتبلغي اعلييه واني لاني محترماتك سكتت ....اطلع من الدااار احسنلك ..

رعد.. هيا اتقول داعشي واني مش مستوووعب معني دااعشي لاكن لما قالت بوي قالها عرفت انه خاالي الموقر عرفني ولد زهرة اخته ....
الشي الي يقهر انه السمعه الزفته الي منتشرة عليا من بوي اول واحد قالي انته ارهاابي

...شبحتلها ..وقربت من علييها شديت ايدها ومشيت بييها لي الطاوله وهيا اطلق ايدي وتتلاوي معاي بحكم اني ضخم خاافت مني اكيييد ..
خديت بيرو من الدرج وفتحت ايدها وكتبت اسمي تلاتي ورقم هاااتفي 091 نكتب ونتكلم ..
يا حضرة الدكتورة حوراء  قولي لي بوووك الدااعشي ولد زهرة قلك كلمني علي الرقم هذا وتعرف كييف الارهاب علي اصوووله ..
قريب منها وهيا تبعد ونجبد في ايدها وتقرب مني اكثر نبي نرعبها كملت رسم علي ايدها قداش ناااعمه شاد روحي بسيييف قمت عيوني في عيووونها الغضب والكره والنااار الي واالعه فيا بمجرد ما شبحتها انطفت عيووون امي حوراااء وجها احمر وتنفس بسرعه علي بالها اني ندل ..قمت ايدها وبستها مع كفها
وطلقتها بسرعه وطلعت وصكرت الباب منبيش نشبح ردة فعلها

للحكايه بقيه ..
جميله جاسم ..