متاهة مشاعر
للكاتبة مهرة
أبو عُمر : يعني أنت تريد تتزوج
: اي يابه
: عجل هاي هيه زواجكم أنت و سارة بس عقد مثل ما أنت ردت
وأنت أبو كنعان تنطي لعُمر مره
:انه ماعندي مانع وين الكه مثل عُمر لبتي
:عجل نعقدلك على سارة وبعدين نخطبلك بت عمك
: عُمر أخذ سويچ سيارته وترخص منهم و طلع من البيت ضايج راح لبيت اخته رنا خابرها وطلعتله باباب
:السلام عليكم
:وعليكم السلام هلا عُمر شلونك شبيك خويه مبين ضايج
:خالد وين
:موجود تعال ندخل الغرفتي
دخل عُمر سلم على بيت خاله
رنا :تعال عُمر خالد بالغرفة
فز خالد من شاف عُمر
:هلا بابو الخطاب
خالد اشر لرنا بمعني شبي عُمر رنا هزت چتفها يعني متدري
:خل اروح اجيبلكم چاي
گعد عُمر وضل ساكت رنا جابت الچاي وگعدت يم عُمر
:خير خويه شبيك
: سارة وافقت
:وهذا الي مخليك ضايج ؟
: طلبت نور من عمي
:شلون !!!
يعني راح تتزوجهن ثنينهم ؟!
:سارة زواجي الها بس عقد
خالد : ليش خطبة نور وانه اعرفك أنت ما رايدها ،عُمر هذا زواج و عشرت عمر
:هذا الي صار
:خويه الكاتبه الله يصير و نور تحبك و ان شاء الله تسعدك
:ان شاء الله ما اتندم
:لا ان شاء الله ماكو ندم
ثاني يوم أم عُمر اتصلت علىٰ سارة و خبرتها اتحضر أغراضها لان باچر يجون يأخذوها
ثاني يوم عُمر و ابوه و أمه طلعو لبغداد وصلو لبيت أهل سارة ، جابو الشيخ وعقدلهم
:يله يمه اتحضري حته انروح ورانه صريق
:عمه ما عندي شي بس اطلع الجنط مالتي
:طلع علي جنط سارة ،عُمر اخذهن للسيارة ،سارة سلمت على أهلها وصعدت ،البرود كان سيد الموقف ولا كأن الي صار زواج ، مجرد عقد حتى تگدر سارة ترتاح من ملحت ابوها لان يريد يزوجها وحتى يزن يربه بين أهله
سارة من دخلنه الرمادي احس گلبي نعصر شلون رجعت لهذا المكان و احمد مو بي كُلشي هنا يذكرني بأحمد حتى هذا الشارع الي دنمر بي شلون ارجع للبيت و ما اشوفه شلون ادخلي غرفتنه وهو مو بيها رجعتي فتحت جروح احاول اتناساها انملت عيوني دمع و نزلن
عُمر : الي صار هو عقد رجعت سارة بي النه بس انه ما طايق أشوفها لان قبلت بس من شفتها ماكو شي يبين عليها انو هي راغبه هل شي اسوق وأفكر بهذا الشئ هي گاعده بالسيارة وراي باوعتلها بالمرايه خاله راسها ع الجام مال السيارة ويزن بحضنها و دموعها تجري
:وصلنه البيت عُمر دخل السيارة للبيت ،عمو نزل أخذ يزن مني و گال هلا برجعتج لبيتچ ابنيتي وانه من هل لحضه كل الي تردينه تطلبينه مني وانه مو بس عمج لا انه اكثر من ابوج
دخلنه ما اريد ابچي وخالي عمتي تبچي وياي مثل كل مره تشوفني من ابچي بس والله ما أگدر أسيطر على عصرت گلبي كل شي يذكرني بي هنا گدنه هنا أكلمه بهذا المطبخ چان يجي يحضني واني اشتغل خليت أيدي على حلگي اكتم شهگاتي عمتي حضنتني وگمنه نبچي
:أم عُمر اخذتها لغرفتها خل ترتاح هي ويزن
:دخلت غرفتي كلشي بيها مثل ما تركته إلا احمد راح وتركني فتحت الكنتور ملابس احمد بعدها معلگه حضنت ملابسة وأحس گلبي گام يوجعني گمت اصرخ
اجه عمو حضني كافي يا بنيتي ما مليتي من البچي يول حتى عيونج ذبلن ، عمو والله شتاقيتله مو بيدي گلبي ما نسى ، عمي دموعج يأذنه ، لو المرحوم يشوفچ تنچين شيصير بي ، تره الميت يعلم بأهله يا بويه ،
أم عُمر ليش هاي هدوم المرحوم ما مطيتها لفقير ، تصدقي بيهن بثوابو
:والله گُتلها هي حلفتني ما الزم شي من غراضو
:بعد ما مر شهر من رجعتي بديت أتعود على وضعي رجعت مثل ما جنت قبل يمهم بس فراغ الي تركه احمد ما ينملي بس الي مصبرني عليه ابني و عمو وعمتي مهتمين بينه كُلش بس عُمر ابد ميحچي وياي متجنبني فد مره ، اني هم ما اهتميت ،
:بعد رجعت سارة و يزن للبيت صار بي صوت ويزن يزحف ميگعد بمكان أبويه و امي حيل فرحانين بي ، صح انه ما احچي ويه سارة ابد ، بس هلولد مأخذ روحي ، اول ما ادخل للبيت اروحله ، بس ما اريد أتقرب من سارة حتى لا تفكر مجرد تفكير انه رايدها
كعدوا العصر سارة طلعت من غرفتها شايله يزن أبو عُمر واكف يخسل خلص وأخذ يزن من أيد سارة
:ابنيتي سويلي چاي
: صار عمو
سويت الچاي و عمتي هماتين گعدت و عُمر نزل من غرفته و داصبلهم چاي
:يابه يمته تحچي ويه عمي حتى انفض سالفة خطبتي
:يمه أنت صدك تريدها ؟!
:اي يوم عجل شلون مو گدامچ حاچيت عمي
:اي يمه بس البنيه موظفه وأنت گبل من نحچي وياك عليها تگول موظفه ما أخذ
:تفاهمت وياها وشرطي تترك الوظيفه وهي قبلت
:إذا هيچ عجل اخابر عمك وحدد يوم خطبتكم
عُمر طلع لغرفته بس بدل ميكون فرحان بخطبته ضل يفتر بغرفته ما هدء
:صح انه ما مقتنع بنور والي سويته بس حتى سارة ما تفكر بيوم من الأيام اخذها مره الي ومن رحت حچيت ويه أبويه خليتها تجي تگعد يمنه حتى يصير الحچي گدامها بس من انتبهتلها وهي تسمعنه ما انطت اي ردت فعل ولا عبالك تسمع يزن بحضنها وتلعب ويا ولا كأن سمعت شي ، بس انه ليش چنت متوقع تكون الها ردت فعل ولو بسيطه ، ليش انقهرت لان ما هتمت ، مو هذا الي انه أريده ؟!!
للكاتبة _مهرة
@mohra_9_30
الجمعة تحددت خطوبة عُمر البنات اجوي علينه ، طبعا فات على وفات أحمد اكثر من سنه و طبيعتهم ميحبون الحزن واني تعبتهم لان مرت أگعد و بقى ابچي ، بس بعدين حاولت ما ابينلهم حزني ، إذا اشوف نفسي ضاگت الدنيا بعيني أگعُد بغرفتي و ما اطلع اعزل نفسي لحد ما ارتاح و ابچي اطلع الي بگلبي وحدي بدون ميشوفني أحد
غزمو أقاربهم كُلها على خطوبة عُمر اني بنفسي ما اروح واحضرها بس خجلت من عمي و عمتي شلون اعزل نفسي منهم بفرحهم !
البنات تحضرو واني سبحت زيون وبدلتله لبست اني ردائي وحجابي عُمر هم نزل مبدل البنات كامن يهلهلن
أخوهن الچبير و فرحانات بي رغم انو ما حابات يأخذ نور
:طلعو و سيارة عُمر بيها أبو و أمه وسرى وسيارة خالد بيها رنا وأولادها و سارة وياهم رنا اخذت يزن بحضنها والطريق كُله هي تبوس وتلعب بي
خالد :يول ليش متخلينه نسوينه واحد مثل يزن ويغمزها قصده يضحك سارة
رنا التفتت على سارة يول والله شتاقينه الضحكتچ وعلى مود ضحكتج راح ادلل خالد اليوم
سارة : باوعت الرنا بطرف عينها دگوالي انتي مشتهيتها و فضينه اني شكو ؟!
خالد و رنا ماتو ضحك وهي بس ابتسمت
وصلو لبيت أبو كنعان نزلو الكُل سارة دخلت اخر شي و وراها عُمر أبو كنعان و اگف بره يستقبلهم سلم عليهم ورحب بيهم شاف سارة دخلت ابتسملها وراحلها حضنها ول بويه شتاقتلج هي حضنته وعيونها دمعت لان ما شايفته من فاتحة احمد
عُمر دخلت البيت عمي سارة تمشي گدامي عمي من دحگ سارة ابتسملها واجه حضنها وسلم عليها وهي هم اخذاه الواهس حضنتو بس انه أحس نار وشبت بگلبي هو عمي ما يسلم بدون حضن ، وبعدين انه شكو يحضهنا ما يحضنها انه شعلي ، لا هي هسه على ذمتي !!
اووو عُمر كافي مو أنت بس ردت تخلص من مسؤليتها ؟
للكاتبة _مهرة
@mohra_9_30