الرجل الاربعيني باللهجة الليبية

البارت الخامس

#الرجل_الاربعيني_ج1

#جميله_جاسم ...

لوكان اشتياقي لصوت  امي مسموع
لكنت زلزلت الكون ضجيجاً باسمها وزعزعت استقرار الكون بلفضها لاكني اري في عينيها امي وعنفواني وغضبي علي الايام الراحله .

بقلمي جميلة جاسم

حوراء... اني حوراء بنت عبدالله ال...... مواليد ٩٠ دكتورة جراحه مقيمه في الاردن طيله عمري كاامل طلعت من ليبيا عمري سنتين وروحت في ٢٠١٤ بعد السقوط النظام السابق  حياتي بين الدراسه والشغل صحباتي اردنيات قريت وتخرجت قسم جراحه التجميل لانه ليبيا مافيهاش اطريت نشتغل في مستشفى اهلي في طرابلس اكثر حاجه ملوحتها من بالي هيا الزواج بحكم شكلي وطولي ومكانه بوي هللبة يتقدمولي واني كرست جهدي لدراستي لما تخرجت ولا وااحد اتقدملي ...
من غيير مايشرط تبطل واني نرفض تلقائيا للعلم اني بعمري ماحبيت مع اني قدامي دكاترة ونااس لاكن منغلقه علي روحي بمعني مش امدايرة جو علاقات وكذي ...
طولي طوييله مقارنه بطول البنات طولي ١٦٥ بييضاء البشرة عيوني حووور سووود هلببه بوي دايما ايقولي انتي ريحه زهرة عمتك نشبها مع اني منعرفهاش نهاائي ولا عمري تعرفت عليها...
 ولا بوي عنده صوره نعرف انها توفت قديم وعندها ولد سمعنا انه مساافر خارج لبلاد اكثر من هكي منعرفش  عندي خوي مراد مواليد ٩٣مهندس خاطب بنت صاحب بوي تعرفنا عليهم في الاردن وصارت علاقه بيناتهم وتوافق بين العايلتين وخطبناها ....

علي حسب ما امي تحكيلنا ديما قالت اول ماطلعنا للاردن بعد ولادة مراد خوي وقفت  خمس سنين الي حد ما استقرو مزبوط وجابت نور ويزن مواليد ٩٨ توأم ولد وبنت وهذي عائلتنا بسيطة وصغيرة بس تربينا علي العلم امي مدرسه تربوية
وبوي كان معارض لنظام السابق وطلعنا من ليبيا اشتغل في مكتب صحافه في الاردن كرسنا جهدنا للعلم بس وبعد سقوط النظام بدينا نرجعو تدريجيا

اني ولا يوم لفت نضري راجل او حسيت باعجاب اتجاه حد نهائي نتفكر قبل اربع ايام  يوم دوامي في الليل صارت ضجه في المستشفي  فيه حالات مضروبين بالسلاح وقصتهم غاامضه قعدو مدة يهدرزو بيهم منهم ايقوول جماعة تهريب ومنهم ايقوول احزاب سياسيه ومنهم يقول خارج الدوله اني بحكم جراحه تجميليه والمهنة مش متواجدين جراحين هلبه بحكم الوقت متأخر اطريت ندخل معاهم  للعمليااات طلبنا دم ونسمع في دوووشه في قسم التحاليل مشيييت  عند دعاء صح هيا من غير حجاب ومش مزبوطه لاكن طلعت وجها اسود قالت في شرخاان الداخل طلعني

مشيت اني لقييته شرخان حق ههههه انصدمت من الطول والعرض والهيبه الي عليه.. مسحتلا الدم ونكذب عليكم لو قلت مش خاايفه بس درت روحي قويه وغاااضبه سكت ولا كلمه قعدت مدققه في ملامحه والدم ينزف من خشمه ولا معبر الموضوع قعد ايقااوم ونهاار في لحضه شدة تركيزة عليا حسسني انه يعرفني ربكني بالزايد لاكن نكذب اعليكم لو منقولش شخصيته جدبتني ...

حسييت انه كبرياء غاامض وشكلا راافع هييبه بسلامته متقولش ليبي بس الشي الوحيييد انه صوته عاالي وغليييظ ليين ايخوفك...

مرة لما بنغير التغديه للمريض معاه عيط في وجهي ويين تبي معاه بووه شديت ضحكتي حتي كان خطيبي ميقوليش هكي  كلاني الفضوول نبي نعرف اسمه ومن ويين  اليوم الصبح مشيت للحجرة مالقيتاش درت روحي نبي انغير التغديه طلعت انجر في الخيبة مشيت بنسجل اسمي في قائمة الحضوور كتبت اسمي ومشيت انصدمت من صوته الغلييظ ايناادي يبسني في مكاني  التفتت وقفت جاي بتجاهي يااارب سترك مايطلعلي فضيحه..

رعد .. حورااااء..
التفتت ومشيت بتجاها ..
وقفت جنبها مستغربه فيا كيف ناديتها بصووت عاالي ..

حوراء..نعم شن فييه اني مربيه منوقفش علي راجل منعرفاش ..

رعد.. اسم بووك شن ..

حوراء..هههههه بجد تحكي انته شن تبي فيه  ..

رعد.. بوووك عبدالله ال..... صح ولا

حوراء.... شن يبي في اسم بوي معقوله يكون عنده معاه تاار ولا شي تنحنحت وقتلا...اي صح اسمه مزبوط هوينك تعرفه والمطلوب يعني ..

رعد.... قعدت نشبحلها مدة هيا استغربت من نضرتي لو كنت قبل حاطها في بالي توة تربعت فيييه مش فايتها حتي كانها مخطوبه تفسخ بسيف اعليها عيوني مركزة علي عيووونها هيا لمحه من الوقت لاكن اني حسيتها دهر
مشت قداامي واني مركز في ملامحها هي كانها امي سبحان الله اتقول اول مرة نشبحها تأكدت من بعد ماعرفت اسمها واسم بوها خالي عبدالله وبنته حوراء هيا لكبييرة هذي مستغرب في روحي كيف معرفتهاش اكييد السنين كفيله بأنها تغير كل شخص اواولهم اني....
  بنت خالي وتغيرت طلعت برة داايخ في التفكيير ردتني الذاكرة لي قبل خمسه وعشرين سنه نتفكر في حاجات بسيطه مش متفكر في اي سنه ممكن في ٩٢ او بعد نتفكر لما امي جت لي بوي قالتلا نبي نمشي لي خوي زايد عليه ولد ..بيومها بوي رفض قطعا لانه خالي كان من جماعه الثوريين في هذاك الوقت القليل النادر يعرف معنااها عبارة عن ناس اتسرب في معلومات لي جيهة معينه ضد الدولة و نظام الساابق بدورهم  يطلبو فييهم وسجن تعذييب وهووول ايصير فيهم ولانه بوي ضد خالي رافض المواصله  بيناتهم .... واني متمني نمشي نواصل

بيومها صارت  عركه كبيييرة بين بوي وامي وامي خالفت بوي وطلعت من غير علمه ورفعتني معاها طلعنا مشي علي رجلينا شوارع تراب قديمة نتفكر في كل حدت مع امي وصلنا طلعتلي بنت صغيرة قتلي امي هذي حوراء ممكن اني وقتها كان عمري،١١سنه او اقل  سلمت اعليها و قعدت البراء واقف في زنقتهم تراب ناخد ونرسم علي الوطاء بعودان لوح ...

طلعت عطتني شمعدان الليبي قديم وحلوة معروفه من ايام التسعينات كرميل صناعه ليبية ..
ركزت علي عيونها وملامحها شبيهة امي ....

بوقتها  لما عرف بوي انه امي مشت لي خالي واني معاها جي روح بينا بالضرب وسمعنا اليوم التاني بوي بلغ الدوله وجيهات مختصه علييه يبي ايجلييه من لبلاد وبخبرته ومعرفته قدر يهرب خالي خارج لبلاد....
والي يومي هذا منعرف اعليه شي لاكن متفكر ملامحه مزبووط ..
خالي عبدالله وحيد لي امي يعني جداي كان عندها امي وخالي نااصر بس اني مانعني بووي منهم نسمع من امي انه خالي عنده بنت وحده في هذاك الوقت عمرها سنتين منعرفش شكلها ولا شابحها كنت الااخر مرة قبل لا يهاجر خالي بيوم   ومن بعد ما طلعو خارج ليبيا وفاة امي معش عرفت عليهم ش بكل الي يومي هذا..

ردتني الدامرة ضربة الشمس علي عيووني ..التفتت للباب تفكرت ....روحي مشيت من غير منقلها انتي قريبتي او شي نبي خالي نشبحا  يعرفني او لا يشبح فيا وجه امي ولا حتي وحيدته نسااها...

الشي الوحيد الي نبي نعرفه علاش حتي في وفاة امي متواصلش معاي صح في وقتها كان معندناش هواتف لاكن اقل شي لما روح للبلاد مفروض يسال وين ولدها لوحه الدهر  لذلك اني مقرر بنجيب سكنها بروحي وبنمشيلا .

خشيت داخل  داييخ طول لحجرة نوري ... مصيبتين طاحو علي راسي كان آخر همي جنس حواء بين يوم وليلة لقيت زوز في راسي وحده بنت عدوي والاخري بنت قريبي ...

فتحت عليهم  الباب من غير طقان لقيت سمير ونوري هدرزة ومعاهم خوال نوري اتنين كبار  واحد منهم نكره وجها في الدم .. رابع يوم وهذا وين سمعو عليك خوال وعيله اني ونوري معندناش حظ في الاقااارب نهائي سلمت اعليهم وقعمزت علي الكنبه وتفكييري ايجر في بعضه من جيهة البنتين ومن جيهة نبي نعرف الهجم عيلنا من جماعة نوري من هما.. الدنيا قداش داسه ..

حسيت سمير قرب مني ويتنحنح ..

سمير.... شن فيييه شن البنت قالت خيرك قالب خلقتك ..

رعد.. كان تعرف من طلعت تنصدم من القصه ..

سميير.. لامعقوولة لهذرجه..

رعد.. واكثر .. اني امضايقني هذا الزفت خال نوري كنصلهم ولا بنوض ندرز فيها ..

سميير.. شن اني وجهي سمح وطاارح في دجاكه ميخافوش مني مدني نوض انته اوقف بس هما بيطلعو غير السفتي الي لابسه كان يشبحوه يهربو طوول وجهك ايهرب بلاد ..

رعد ..  ..قولتك هكي .. نضت وقفت عدلت الكبوووط رقبته وقفتها وتنحنحت بصوت عالي  ومشيت لي نوري مضاايق نوري زيي ولا اني بس ..

نوري.. مضاايق بنفد ياااراجل افتح الروشن خلي نتنفس ..

رعد.. لاله صقع اعلييك تو تفضي الداار ترتاااح  غير غمة الداار وتلوت بيئي ..وعطيته شبحه ..

شوي وناضو  ويتفلسفو علي اساس دبلوماسي دوليا احني نستاذنو نوري عندك العاافيه ان شالله حد السووء ..
مشيت للباب فتحتهولهم طلعو واحد ايدف في الثاني ..صكرته بقوة .. وكل وااحد قال حااجه ..

رعد.. تي بري ياعنبووك يافرخ الكلب الطلعه الجايه خالك هواه بنربطه في خنفورة السيااارة خلي ايموت بطلقه من الطلقات ..

سميير.. هذاك الي عليييهم جايين يحمدو في السلامه..

نوري.. كذاااب خالي واحد سرسري تعرف توة شن قالي ..
رعد.. شن قال ..

نوري.. هدرزنا علي الضربه ومابيتش انجيب سيره طالعين وهجوم والجو هواه ..قالي هيا كويس الي الطلقات مقتلوكش ولا هذولا حرايميه ايبيعوكم بتراب ولا ارواحكم اتهمهم ... كلمه مبهمة لاكن حسيته عنده علم ..

رعد .. تي بالله يطلع هو الي دازهم مادخلني فيك لا انته لاعمتي سالمه قتل طوووول ..

سميير.. كلمت ناصر انته رعد ولا لا ..

رعد .. تكييت علي الكرسي للخلف .... تي وين كلمته واني راسي معبي بالهووول تو شوي تانيه ونكلمه نعرف منه ..

سميير.. حق شن صار في البنت شن قصتها وبنت من ..

نوري.. اي حق شن صااار فيها ..

رعد .. عدلت تقعميزتي ..طلعت بنت حااتم ال.... الكلب الي اربع سنين بنشدووه ومحصلناشي ..

نوري.. ايييياه بجديات تحكي رعد..

سميير.. والله وطاااح سعدة البييييك طااااااح في ايد الي مايرحم ..

رعد.. المشكله انه البنت هااربه من مرت بوها وامها متوفيه اني مش عاارف قداش متزوج  وزياده متعرضه لحاله اغتصااب لاكن هربت منهم قاتله واااحد وجايه حفياااانه وطااحت في وكر الذئاب ..
كملت كلامي لقيت نوري وسمير فاتحين افامهم ومش مصدقيين ...

خييييركم تكلمو عبروو احني في ليبيا هذي الدولة الي دايرينها دوله بنت صاااحب الدولة هكي صاااير فيها حاااتم الي فلوس ليبيا دايرها في المراااقص والملاهي في تركيا  وبنته في الشااارع وخايف من لفضيحه كان تكلم اعليها لذلك بينكرها ولا ينفضح بين الناااس ..

نوري.. توة كيف الحل كااارثه يااراجل ماصرتش ..

رعد .. توة الحل بنهددا بيها  ببنته يا ايرد الي وااخدة ولا ...

سميير ... بتقتلها  لا لا حرااااااااام يااراجل لا ..

رعد .. اسسس اي عييط عييط اعليها وشرك ادجاكه الي علييك وقول بنية حااتم قتلوووها زي لمراء ...
بنقولا بنقتلها عندي مخطط في بالي كبييير مش قتل

نوري .. تريت رعد مزال خليها لييين ترتااح القصه وتطلع لما تسمع الناس بيها وقتها انته تحرك قعدة ما طلعتش الدوة مش كاتبين عليها في الفيس

رعد .. هذا مينفضحش كانه وااحد عاادي تحكي بيه الناس دهر لين يكسرولا ضهرا....
لاكن عنده مكان ونوفود ايدير الي يبيه من غييير شي .. المشكله طيحته في ايدينا جت في وقت زفت

نوري..اخخخخ بس لو ما مضرووب كنا لعبنا بيييه لعببب فرخ الحرام السراااق ..

رعد.. اني هذا الي كاااسرني بس انتو بتطلعو التلاته وبيقعدلي اشرف الي مش فاااهم راسه من رجلييه ..

سمييير .. اعتمد علي ناااصر يخدم مزبووط وعندنا جماعه الجبل خيري وجماعته...حتي هما يخدمو وانور الشرقااوي وان شالله احني منعطلوش  ..

رعد.. مش اي شي بنقوله يفرق هلللبة يستر الله وخلاص ....هيتم ويين قعععد..

سمير .. طلع جوه اماليه اليوم ودارولا خروووج من الصبح بكري ..

رعد.. تعرفو اني علي لحم بطني من الصبح دخان وقهوة واخلاااص

نوري..نوض خود حاجه تااكلها وتعاال انديرو راي في جماعة الجنوب قالي ناصر غدوة وااصليين ..

رعد.. سميير الميناء شن موضوعه نقدرو انطلعو سلاح اندخلو ..

سميرر.. قبل يومين دايرين تفتييش لاكن بخبرتي اندوخهم ..

رعد.. طلعت من الحجره وفي بالي منبيش انقلهم علي حوراء قريبتي عييييب اني رعد وحده هكي في المستشفي غيير نشبح خاالي انقعمزها في الحوووش وخمااااار منغيرة ماتطلعش ....
جيت طاالع من الحجرة وماشي للمطعم مقابل شبحت حوراء خااشه هيا واحد شااايب كبييير خااالي طوووول عرفته ركز النظر عليا واني وااقف بشموووخ وعيني في عيينه..
لحضه صمت واحدة  تساااوي دهههر من العناء

للحكاية بقيه ..
جميلة جاااسم ..

البارت جاهز من امس لاكن الكااارثه في
الضي الضييييييي هااارب  وزير الكهرباء يبي من يشكي فيه لي رعد وجمااعته ايديرولا زي حاتم..😡😠😡