الفصل الخامس والعشرون والاخير
......
عقدت حاجبيها بتعجب فاردف قائلا:انتي اكيد متعرفنيش بس انا اعرفك واعرف اخوكي كمان
نظرت اليه بدهشه قائلة:تعرف يوسف منين
نظر هشام في الجهه الاخرى قائلا ببرود:متسأليش كتير
زفرت نادين بضيق ونظرت لزياد النائم بيت ذراعيها بهدوء ثم نظرت لهشام قائلة:طب انت وخدني على فين
هشام:هتعرفي دلوقتي
ظلت نادين تتأمل ملامحه القاسية الحادة وانعقاد حاجبيه بطريقة اثارت دهشتها..زفرت مرة اخرى وظلت تراقب الطريق بشرود..بعد قليل توقفت السيارة في مكان خالي من الماره..انقبض قلبها لكنها لمحت آسر يستند على سيارته..همست بأسمه وترجلت من السيارة بسرعة..عندما رأها لم يصدق عيناه..ركض بسرعة حتى وصل اليها وضمها لصدره..اغمضت نادين عيناها وقد عاد اليها الشعور بالامان من جديد..ابتعد آسر عنها وظل ينظر لكل شبر فب وجهها قائلا:انتي كويسة..طب عملك حاجة
هزت رأسها بالرفض فهمس:كنت خايف مشوفكيش تاني
انسابت دموعها وهمست:وانا كنت حاسه اني هشوفك تاني
ابتسم آسر وضمها لصدره مرة اخرى..انتبه لذلك الرجل الذي ترجل من سيارته ووقف بعيدا عنهما ويراقبهم بصمت..بوجه متجمد التقت نظرتهما بتعبير غريب لم يفهمه سواهما..نظر آسر لنادين وقال:اركبي على العربية
نظرت نادين لهشام وعادت بنظرها اليه واومأت برأسها..استقلت نادين السيارة اما آسر فقد اقترب من هشام حتى اصبح على مسافة قليلة منه وقال:هشام بيه بنفسه
هشام:اهلا آسر
آسر:فين خالد
هز كتفيه قائلا:معرفش
آسر:امال عرفت مكان نادين وزياد ازاي
التوت شفتيه بابتسامة ساخرة وقال:انت ناسي انا مين
ضحك آسر بسخرية قائلا:اه عارف انت هشام الانصاري..اكبر تاجر مخدرات وسلاح في البلد ولسه ممسكوش عليك دليل
هشام بسخرية:بدل التريقه اتجدعن انت بس وهات دليل..
آسر:ليك يوم يا هشام
هز هشام رأسه قائبل بسخرية:تؤ تؤ هشام باشا يا آسر باشا
زفر آسر بحده فقال هشام:مش موضوعنا..انا عايز اروح لطارق عز الدين
قال آسر عاقدا حاجبيه بتعجب:كدة فيها حاجة يا سيادة المقدم
آسر:لا..امشي ورايا بالعربية
اومأ هشام وعاد لسيارته واستقل آسر بجانب نادين..وانطلق بسرعة..نظرت له نادين قائلة:مين هشام ده؟
آسر:متشغليش بالك
نادين:لا عايزة اعرف
آسر:بعدين هفهمك كل حاجة
نادين:طب احنا رايحين فين
آسر:عند طارق
نادين:ليه
ضرب آسر المقود بقبضته قائلا:هو اداكي حبوب غباوه مش ابنهم معانا
نظرت له نادين بحنق ثم اشاحت بوجهه بضيق..مد يده ليحتضن كفها وهمس:اسف
نظرت لكفها التي اختفت بين راحته..شعرت بالارتباك فسحبت يدها وقالت:عادي
آسر بابتسامة:لينا كلام مع بعض بعد ما نوصل زياد لاهله
نظرت لزياد بحزن وقالت:مش مصدقه انه هيبعد عني اتعودت عليه خلاص
ابتسم آسر بصمت..يريد ان بسألها ان كان خالد تعرض لها ام لا..نظر لها بطرف عينيه وقال:نادين
نظرت اليه قائلة:نعم
ابتلع ريقه بتوتر وقال بخفوت:خالد..عملك حاجة
عقدت حاجبيها قائلة:حاجة زي ايه
همس بصوت خافت:لمسك
اتسعت عيناها واحمرت وجنتيها بشده واشاحت بوجهها..تنهد آسر قائلا:نادين ردي عليا
همست بصوت ظنت انه لم يسمعه:لا
تنهد بارتياح وهمس:الحمدلله
نادين:انت يهمك في ايه
آسر:انتي تخصيني
نظرت له بعدم فهم فأكمل:بتعتي وبس!
كانت تنظر اليه وقلبها يخفق بعنف..هل حقا قال انها ملكه!!..صمتت ولم تعقب لتستمتع بذلك الشعور الذي نمى بداخلها ولاول مرة...
****
كان الجميع مازالوا في منزل سمير..كانوا في غرفة المعيشة تحدث سمير قائلا:ومعرفتوش مين اللي عمل كدة
طارق:مفيش غيره خالد
هزت منال رأسها قائلة بدهشه:انا مش فاهمه الواد ده جاب الشر ده كله منين!!
ايمي بشرود:الحقد يعمل اكتر من كدة ،تنهدت وهي تنظر لطارق قائلة:انا خايفه يكون عمل حاجة في زياد ونادين
تدخلت منه قائلة:متقلقيش يا ايمي انا متفائلة وحاسه ان زياد هيرجع
همست ايمي:يارب
رن جرس الباب فعقدت منه حاجبيها قائلة:ياترى مين؟
نهض عماد وهو يتجه للباب:يمكن يكون آسر
فتح الباب ليجد آسر الذي نظر له بابتسامة..رفع احدى حاجبيه بتعجب وهو يرى آسر ينظر جانبه قائلا:تعالي
ظهرت نادين وهي تحمل زياد..اتسعت عينا عماد بصدمه وهتف:زياد
انتفضت ايمي عندما سمعت اسم طفلها..وركضت باتجاه الباب وطارق خلفها..اتسعت عيناها بسعادة واخذت زياد منها وظلت تضمه وتقبله في كل جزء في وجهه..انهمرت دموعها وهي تسمع صوته..قبله طارق على جبينه وضمهما معا وقبل جبهة زوجته وهو يهمس:الحمدلله
انتبه طارق للرجل الذي كان يقف على باب ولم يدخل فقال آسر موجها حديثه لطارق:هشام بيه الانصاري
صافحه طارق قائلا:اهلا بحضرتك
ابتسم هشام برسمية قائلا:حمدلله على سلامة الولد
آسر:هشام باشا هو اللي قدر يعرف مكان نادين وزياد
انتبهت ايمي لنادين فاقتربت منها وقالت:اسفه حمدلله على سلامتك اتشغلت بزياد انا اسفه
ابتسمت نادين قائلة:ولا يهمك يا ايمان المهم ان ابنك رجعلك
عانقتها ايمي قائلة:ربنا يخليكي..ادخلي اوضتي مع منه مش هينفع تبقي لوحدك
اومأت نادين ونظرت لآسر الذي ابتسم لها بحب.. ،بعد قليل كان الرجال يجلسون في غرفة المعيشة بصحبة آسر وهشام..بدأ طارق الحديث قائلا:وانت قدرت توصلهم ازاي
صمت هشام قليلا ثم قال:غباء من خالد انه يخبيهم في البيت بتاعي مع اني حذرته من انه يخالف اوامري
سمير:وانت ايه علاقتك بيه
هشام:والله ده مش موضوعنا المهم ان خالد كدة كدة ميت
آسر:والله برضه اظن ان ده شغلنا احنا
ابتسم هشام قائلا:مش هنختلف..المهم ان ابن الباشمهندس رجع بالسلامة
ثم نهض قائلا:ياريت حضرتك تخلي بالك منهم المرة دي لحد خالد يقع تحت ايدي او ايدهم
نهض طارق وصافحه قائلا:متشكر يا هشام باشا تعبناك
ابتسم هشام ولم يعقب ونهض آسر هو الاخر ليذهب..خرجا الاثنان ووقف كل منهما امام سيارته..نظر آسر لهشام قائلا:هنتقابل قريب يا هشام باشا
ابتسم هشام بسخرية قائلا:هنشوف
استقلا سيارتهما وانطلق كل منهما في طريقه..
****
خرج خالد من الغرفة التي كانت بها نادين واخذ يكسر في كل ما يرى امامه بغضب..هتف بصوت:ازااااااي
امسك احدى التحف والقاه بعنف لتسقط متحطمه لقطع صغيرة وهو يصيح:مش هسيبك وعليا وعلى اعدائي بقى
دخل الى احدى الغرف واخرج مسدسه وهتف بغضب:خلصت...
****
كانت ايمي تجلس وسط عائلتها وزوجها يجلس بجانبها..اما نادين فكانت في غرفة ايمي بدلت ملابسها باحدى ملابس ايمي وخرجت اليهم..جلست بجانب منه وقالت:انا اسفه هزعجكم
ايمي:عيب تقولي كدة انتي اختي يا نادين..وكفاية انك خدتي بالك من زياد طول الفترة دي..
ابتسمت نادين فقال سمير:احنا اللي مفروض نتأسفلك على اللي عمله خالد
تنهدت نادين قائلة:انتوا ملكوش ذنب هو حاول يعملها قبل يوسف ما يموت..ده مريض
لارين:كائن بشع بجد
احمد:ده مش مريض ده شيطان
كاد طارق ان يتحدث ولكن رن جرس الباب فنهضت لارين قائلة:انا هفتح
اتجهت ناحية الباب وفتحت..وعندما رأت من الطارق صرخت بفزع..جاء الجميع على صوت صراخها..دفعها خالد لتسقط ارضا واغلق الباب بقدمه وهو يصوب المسدح باتجاههم وهو يقول بسخرية:ماشاء الله متجمعين دي احلوت اوي
ارتجفت ايمي واحتمت هلف طارق الذي نظر له بغضب..اما احمد فركض بسرعة ليساعد لارين على النهوض وهي تمسك ظهرها متآلمة..اشار لهم خالد بسلاحه قائلا:اجمعوا جانب بعض كدة
هتف سمير بحده:انت اتجننت يا خالد بترفع سلاحك علينا وفي بيتي
هتف خالد وهو يصوب المسدح ناحيته قائلا:انت اتخرس خالص
كاد طارق ان يقترب منه الا ان خالد صوب المسدح اليه قائلا:خطوه كمان وهفرغ السلاح ده فيك ارجع
لم يأبه له طارق فاطلق خالد الرصاص بجانب قدمه فصرخت ايمي وجذبته ليقف بجانبها..اقترب خالد مت نادين بسرعة وجذبها من شعرها فصرخت بآلم..همس في اذنها ومازال يصوب سلاحه باتجاههم:مش خالد اللي يتاخد منه حاجة وهو عايزها
اغمضت نادين عيناها وهي تبكي..في تلك اللحظة لعن طارق نفسه لانه ترك مسدسه فب السيارة..اما احمد فاجلس لارين على المقعد ونظر لخالد قائلا:انت عايز ايه منهم..
طارق بغضب:لو راجل نزل المسدس..اللي بينا هما ملهومش دعوة بيه
ضحك خالد بسخرية وهو يزيد من ضغطه عبى شعر نادين ابتي صرخت بآلم:انا ليا حق عند كل واحد فيكم..
كان عماد يمسك بيد منه التي ترتجف بشده ليطمئنها وعندما قال خالد ذلك تدخل قائلا:انت ملكش حق عند حد فينا
ضحك خالد قائلا:اهلا اللي كان عملي فيها راجل هنا
هتف عماد وهو يتقدم منه:انا راجل غصب عنك..آآآآه
عندما تحرك اطلق خالد رصاصة لتستقر في قدمه..اتسعت عيناهم بصدمه وصرخت منه وهي تقترب منه وجلست على الارض وقالت وهي تبكي:عماد عماد
تأوه عماد بصوت عالي من شدة الآلم فنظرت منه لخالد قائلة ببكاء:حرام عليك منك لله
امسك عماد يدها وهمس بآلم:اهدي متخافيش
اما ايمي فكانت ترتجف وهي تنظر لخالد ولارين نهضت وقالت:حرام عليك انت ليه بتعمل فينا كدة
نظر لها قائلا:هو انا وحش اوي كدة!! ده حتى جوزك زيي
هتف طارق بغضب:اخرس اخويا عمره ما هيكون زيك
ضحك خالد بسخرية قائلا:ليه هو مقلكش انه كان معايا انا ويوسف خطوه بخطوه لنا قررنا نغتصب ايمي
اتسعت عيناهم بصدمه وهم ينقلوا بصرهم بين خالد واحمد..اما ايمي فشهقت وهي تضع يدها على شفتيها وبدأ جسدها كله يرتجف وهي ترى شقيقتها وعماد ينظران لها بعدم تصديق..هز احمد رأسه نافيا وهو يرى زوجته تنظر له بصدمه والدموع تنساب من عينيها..اقترب منها بسرعة وهمس:لا لا متصدقيش والله العظيم ما عملت كدة
حاول ان يلمسها لكنها نفضت يده بعيدا عنها واحاطت بطنها بذراعيها لتحمي صغيرها وهي تهمس:ابعد عني..ابعد عني
هتف سمير بعدم تصديق:انت بتقول ايه! انت اكيد اتجننت
خالد:لا صدق احنا اللي عملناها
صرخت نادين فجأة:لا كداااااب يوسف هو اللي عمل كدة
نظر طارق لايمي التي كانت ترتجف وتهز رأسها بصدمه وتهتف بانهيار وهي تضع يدها على اذنيها:بس بس كفاية
اقترب طارق منها فصرخت:كفااااااية
سقطت على الارض وضمت ركبتيها لصدرها وظلت تهتف:ابعدوا عني كفاية بقى حرام عليكوا كفاية
زفر خالد وهو يقول:ما تخلصونا من جو الدراما دي..انا همشي ونادين معايا وكفاية عليكم لحد كدة
هتف سمير بغضب:انت مش هتخرج من هنا الا على جثتي
ابتسم بسخرية قائلا:غالي والطلب رخيص
صغط خالد على الزنادة انطلقت الرصاصه لتستقر في صدر سمير صرخت منال ومنه..وفي نفس اللحظة انطلقت رصاصه ليسقط خالد غارقا في دماءه صرخت نادين وهي تبعد عنه..وسقط سمير على الارض واقتربوا منه بسرعة..همس سمير بصعوبة:خلي بالك منهم يا طارق
اغمض عيناها فاقدا الوعي..نظر الجميع باتجاه باب الحديقة الخلفية ليجدوا هشام هو من اطلق الرصاص وصاح في احد رجاله:اطلبوا اسعاف بسرعة
اما ايمي فكانت في عالم اخر بدأ صوتها يخفت تدريجيا حتى اختفى تماما..اقترب منها طارق وساعدها على النهوض نظرت له والدموع تغرق وجنتيها..وكان اسمه اخر شئ همست به قبل ان تسقط مغشيا عليها بين ذراعيه
****
جاءت سيارت الاسعاف لتنقل سمير وعماد الذي فقد وعيه من كثرة الدماء الذي فقدها..وفي سيارة اخرى تم نقل ايمي ومعها طارق ومنال مع زوجها ولحقهم عماد ومنه..جاءت الشرطة وتم نقل خالد هو الاخر للمشفى..جاء آسر مع الشرطة ودخل المنزل بسرعة ليجد نادين تجلس على الارض وتبكي..اقترب منها بسرعة وضمها لصدره حتى يهدأها..اما احمد اقترب من زوجته وهمس:صدقيني معملتش كدة
كادت ان تتحدث لكنها صمتت فجأة عندما شعرت بسائل ساخن على قدميها..نظرت اليه وهمست:الحقني
حاوطها بذراعيه قبل لن تسقط على الارض وحملها بين ذراعيها وخرج بسرعة من المنزل..كان آسر يقف امام المنزل مع نادين..عندما رأوه اقتربوا منه بسرعة فقال:هاتوا زياد وتعالوا
اومأت نادين ودخلت المنزل..اما احمد فوضع زوجته في السيارة وانطلق للمشفى..بعد لحظات خرجت نادين وهي تحمل زياد واستقلا السيارة وانطلق آسر خلفهم للمشفى...
****
في المشفى كانت الفوضى تعم المكان..عماد وسمير بداخل غرفة العمليات وسمير حالته حرجه..لارين هي الاخرى بداخل العمليات ستلد..واضطر الطبيب ان يجرء لها عمليه قيصرية حتى لا يفقدوا الطفل..خرج الطبيب من الغرفة التي بها ايمي..اقتربوا منه طارق بسرعة وسأله عنها فقال:للاسف اتعرضت لانهيار عصبي
مسح طارق وجهه بكفيه وقال:طب هي حالتها خطيرة
الطبيب:مش بظبط بس هتبقى تحت الملاحظة كام يوم
طارق:طب ممكن اشوفها
الطبيب:مش قبل ساعتين تكون فاقت
اومأ طارق وذهب باتجاه غرفة العمليات ليجدهم جميعا يقفون امامها في حالة قلق..منال تبكي على زوجها..ومنه تبكي على والدها وزوجها..اما احمد فكاد ان ينهار عندما اخبره الطبيب ان من الممكن ان يفقد زوجته وطفله..ربت طارق على كتف شقيقه وقال:هتبقى كويسة ادعيلها
نظر له احمد وهمس والدموع في عينيه:خايف..خايف تسيبني..خايف اخسرها
طارق:متقولش كدة صدقني هتبقى كويسة
ابتلع احمد ريقه قائلا:طارق..انت صدقته
عقد طارق حاجبيه قائلا:انت اتجننت صح؟..اكيد لا مستحيل اصدقه طبعا
احمد:انا حاولت امنعه بس..بس معرفتش مكنش بايدي حاجة
تنهد طارق قائلا:اللي حصل حصل ده قدر واحنا مؤمنين بكدة
في تلك اللحظة خرج احدى الاطباء فاقترب الجميع منه وقال احمد:طمنا يا دكتور
الطبيب:المدام الحمدلله بخير وجابت تؤام
ابتسم احمد رغما عنه وهتف:انت بتتكلم بجد!!
الطبيب:ايوا بنتين زي القمر
منه:طب وعماد وبابا
الطبيب:الاتنين حالتهم مستقرة الحمدلله
تنهد الجميع بارتياح وقال طارق:طب هنقدر نشوفهم امتى
الطبيب:الحاج الكبير هيتنقل العناية المركزة للصبح عشان نتأكد ان الحالة مستقرة والتاني هبنقله غرفة عادية ان شاء الله
عانقت منه والدتها وهي تهتف:الحمدلله
الطبيب:مفيش داعي لوجدكم هنا..العناية ممنوع الزيارة فيها والمرافق بيبقى واحد بس..عن اذنكم
انصرف الطبيب ونظر طارق لآسر الذي كان يقف في ركن بعيد ومعه نادين تحمل زياد..اقترب طارق منه وقال:معلش يا آسر تعبناك تقدر ترواح انت
آسر:الدكتور قال ايه؟
طارق:طمنا الحمدلله ولارين ولدت تؤام بس ايمان عندها انهيار عصبي
وضعت نادين يدها على شفتيها وهمست:ياحبيبتي اللي حصلها كان صعب
طارق:معلش يا آسر هتعبك..وصل نادين وطنط منال للبيت عندي
نادين:لا انا عايزة افضل مع ايمان
طارق:معلش يا نادين روحي انتي وخلي بالك من زياد لحد الصبح..منه هتفضل مع جوزها وانا مع ايمان واحمد هيفضل مع مراته
نادين:طيب خلي بالك منها
****
في اليوم التالي تم نقل سمير غرفة عادية واما عماد فاستيقظ ليجد زوجته نائمة على الكرسي ممسكه بيده..همس باسمها ففتحت عيناها بسرعة واقتربت منه قائلة:حبيبي انت كويس
ابتسم عماد قائلا:الحمدلله
منه بدموع:كنت هموت لو جرالك حاجة
عماد:بعد الشر عليكي..
رفعت كفه لشفتيها وقبلتها وهمست:ربنا ما يحرمني منك ابدا
عماد:عمي كويس؟
منه:الحمدلله نقله غرفة عادية
عماد:طب ساعديني عشان نروح نطمن عليه
منه:لا طبعا الجرح بتاعك..
قاطعها قائلا:يالا يا منه خلي حد يجي يساعدني عشان اروح
****
في غرفة ايمي..فتحت عيناها ببطء ،اقترب طارق منها وهمس:حمدلله على سلامتك
همست ايمي:بابا
طارق:كويس متقلقيش
اغمضت ايمي عيناها وانسابت دموعها فمسحها طارق قائلا:متعيطيش عشان خاطري
ايمي ببكاء:كلهم عرفوا
طارق:اللي حصل حصل خلاص انسي متفكريش في حاجة
ايمي:عايزة اشوف بابا
طارق:انتي تعبانه
ايمي:عشان خاطري انا كويسة
طارق:طيب هشوف الدكتور
بعد قليل دخل الطبيب للغرفة وطلبت منه ايمي ان ترى والدها فأذن لها
.....
في غرفة سمير دخل عماد وهو يستند على زوجته واحد الممرضين..اجلسه على الاريكة واقتربت من والدها قائلة:سلامتك يا بابا
سمير بتعب:الله يسلمك ياحبيبتي
عماد:الف سلامه عليك ياعمي
سمير:الله يسلمك قمت ليه بس يابني انت تعبان
عماد:انا كويس ياعمي المهم اننا اطمنا على حضرتك
في تلك اللحظة فتح الباب ودخلت ايمي ومعها طارق..اقتربت من والدها وامسكت يده قائلة:الف سلامه عليك باحبيبي
ربت سمير على شعرها وقال:الله يسلمك..انتي كويسة ياحبيبتي
ايمي:الحمدلله
طارق:الف سلامه على حضرتك ياعمي
سمير:الله يسلمك
اقترب طارق من ايمي وقال:ايمان..لارين ولدت تعالي نطمن عليها
اومأت ايمي وخرجوا متجهيا لغرفة لارين...
.....
في غرفة لارين عندما استيقظت وجدت احمد بجانبها..همس احمد وهو يقبل جبهتها قائلا:حمدلله على سلامتك
اشاحت بوجهها بعيدا عنه..زفر احمد قائلا:انتي صدقتيه؟
لارين:ومصدقهوش ليه!!
احمد بدهشه:تصدقي الحيوان ده!!!
نظرت له والدموع في عينيها قائلة:فاكر لما سأبتك مخبي عني ايه؟..كذبت ومرضتش تقول..ساعتها قولتلك مش هسامحك
احمد:مكنتش اقدر اقولك..كنت خايف..خايف اخسرك وانا مش هقدر اعيش من غيرك
صمتت. قليلا ثم همست:طلقني
التفتا هما الاثنان على صوت شهقه اتت من عند الباب..كانت ايمي تقف بجانب طارق وعيناها متسعه بصدمه..اقتربت منها بسرعة وهتفت:انتي اتجننتي!!!!! يطلق ايه
اشاحت لارين بوجهها قائلة:ايمي لو سمحت..
قاطعتها ايمي وهي تنظر لاحمد وطارق قائلة:اطلعوا برا
رفع طارق احدى حاجبيه بتعجب ثم نظر لشقيقه قائلا:تعالى
جذبه من معصمه ليخرجوا لكن احمد توقف عندما الباب ونظر لها قائلا:اعملي اللي انتي عايزاه لكن مش هتطلق..مش هسيبك الا اما اموت
خرجا واغلقا الباب خلفهما..جلست ايمي بجانبها على الفراش وقالت:ايه الجنان اللي انتي عايزة تعمليه
نظرت لها لارين قائلة بتعجب:انتي اللي بتقولي كدة!!!
ايمي:ايوا لان احمد معملش حاجة
لارين:وانتي عرفتي ازاي
ايمي:احمد اللي وداني المستشفى..هو اللي حاول يمنع خالد من البي عمله بس مقدرش..واحد غيره كان هيقول وانا مالي
لارين:بس كدب عليا
ايمي:وانا كمان كدبت عليكي وعلى طارق وده اللي خلانا سبنا بعض
ربتت ايمي على يدها واردفت:لارين متخسريش احمد عشان خاطري..عشان بناتكم
لارين بتعجب:بناتنا!!
ايمي بدهشه:انتي متعرفيش انك حبتي بنتين
هزت لارين رأسها بابتسامة وهي تقول:انا جبت بنتين!!
في تلك اللحظة طرقت اخدى الممرضات الباب ودخلت ومعها الطفلتين واحمد معها..حمل احمد واحدة منهم وحملت الممرضى الاخرى واعطتها لوالدتها..ابتسمت لارين بسعادة وهي تقبل وجنتيها..جلس احمد بجانبها. وجعلها تنظر للصغيرة الاخرى وهمس:اسف سامحيني
لارين بعتاب فهمس بجانب اذنها:وحياة عيالك
ضحكت رغما عنها..اما طارق فاحاط كتفي زوجته وهما يراقبوا لارين واحمد..هتفت ايمي قائلة:هتسميهم ايه
لارين:ملك
احمد:مريم
ضحكت ايمي فقال طارق:انا حجزت مريم..البنت ملهاش غير ابن عمها ولا ايه
ضحكوا ثلاثتهم ونهض احمد واقترب منه قائلا وهو يمد يده ليصافحه بابتسامة:يبقى نقرا الفاتحة
****
بعد مرور يومين خرجت لارين من المشفى وتحسن سمير وقرر ان يكمل علاجه بالمنزل..حتى عماد لم يظل بالمشفى..وعاد كل منهم لحياته من جديد ..
......
في الطائرة المتجهه لنيويورك..كانت نادين تستند برأسها للنافذة ودموعها تسقط..تتذكر انها لن تراه مجددا..لقد جرحته للمرة الثانية وهو لم يمانع..لم يقول انه يحبها فلماذا تظل بجانبه..تذكرت عندما طلب منها ان تستقر في مصر..اجابته قائلة:مينفعش..انا حياتي كلها هناك جانب شهد..بنت اخويا
آسر:طب وانا
نادين:انت ايه؟
صمت فصمتت هي الاخرى وانتهى كل شئ...
مسحت دموعها عندما شعرت باحد يجلس بجانبها..اغمضت عيناها وهي تشعر بقلبها يكاد يخرج من مكانه وهي تشعر برائحة عطره تكاد تطبق على انفاسها..ظلت تضغط على عينيها بقوه..انتفضت عندما سمعت صوته يقول:كفاية قفل في عينيكي
فتخت عيناها بسرعة والتفتت اليه لتجده ينظر لها مبتسما بمشاكسة..رمشت بعينيها عدة مرات غير مصدقه انه هنا..بجانبها..همست رغما عنها:انت بجد
ضحك وقال مقلدا الحملة الشهيرة:وايه اللي يثبتلك ان انا بجد
هزت رأسها بعدم تصديق قائلة:جيت ليه
اقترب منها قائلا:جيت عشانك..عشان انتي تخصيني
نظرت لكفه الذي احتضن كفها وهو يقول:عشان بحبك
اغمضت عيناها واتسعت بابتسامتها..لتكتمل روحهما في بداية حب جديد
****
في لندن امام شاطئ البحر..جلست رضوى على الرمال وغسان يجلس بجانبها..همس باسمها..نظرت اليه فقال:فاكرة لما قولتلك اني بحب واحدة واتمنى انها تحس بيا
اومأت برأسها فاكمل:وجه الوقت اللي لازم تعرفي انها انتي
ارتجف قلبها ولمعت عيناها وحاولت ان تتكلم لكن لم تستطيع..رفع كفها لشفتيه وقبلها بحب قائلا:بحبك..محبتش ولا هحب غيرك
ابتسمت رغما عنها ولم تعقب فقال:معايا..هتنسي كل حاجة..هتنسي عماد..هننسى الدنيا دي كلها..هتنسي كل حاجة حصلت الا الحاجة اللي حصلت معايا..معايا وبس
ابتسمت..فابتسم هو الاخر ولم تكن تلك هي النهاية بل مجرد..بداية جديدة..
****
عاد الهدوء والراحة للجميع..وجاء الوقت لتتذوق قلوبهم طعم السعادة..السعادة التي كادت تنهيها نيران الحقد والانتقام..تلك المرة انتهى خالد وللابد..وانتهت معه متاعبهم في الحياة
......
كانت تلك حكايتهم لكنها لم تنتهي بعد..مع كل دقة عقرب ساعة تولد حكاية جديدة..مع كل ليلة تمر..ينبض فيها القلب..مع كل صباح يأتي..تأتي معه "حكاية عشق"..
تمت بفضل الله 😍
والى اللقاء في الجزء الثالث و.." في ارض العشاق" 😉
#نهلة_مجدي