:(انتى فى ايه مقلوبة ليه )
تحدث سيف بانفعال لتجيب ببرود تضع يديها بخصرها
:(انا مش مقلوبة ولا حاجة بيتهيألك)
غضب من برودها ولامبالاتها ليتجه لها قابضا على ذراعها بقوة يجذبها ناحيته بعنف
:(بجد كل شوية أسئلة عن ورد وازاى كنت بعاملها المفروض متسأليش كدا انا اخو جوزها مش جوزها وغيرتك كل ما نتكلم عادى قدام الكل ونظراتك ليها كأنها قتلالك حد والكلام اللى قولتهولها النهاردة الصبح انا سمعتك ليه كدا بتعملى كدا ليه)
طالعته بدهشة هل سمعها حقا؟! تحدثت بثبات وغضب يتنافى مع توترها
:(أه وانت بقا زعلان عشان زعقتلها صح مش هاين عليك قول)
نفذ صبره منها لا يعلم ما بها فجأة تحولت وأصبحت أخرى اقترب منها أكثر يقبض على ذراعها بقسوة
:(قصدك ايه بكلامك دا قولى على طول من غير ما تلمحى)
صاحت بنفاذ صبر وغيرة حمقاء
:(تنكر انك كنت بتحبها قبل حتى ما حازم يجوزها تنكر ان عينك كانت منها دا انت كنت بتعاملها احسن من جوزها ذات نفسه)
صُدِم من حديثها وحلقت الطيور فوق رأسه ها يعقل هذه الحمقاء ماذا تخبره أظلمت عيناه بقوة بنظرات جحيمية جعلتها تخاف بشدة ليهم ب!!!!!!!!!
_____________________________________________
أراد أن يقلها من الجامعة كما السابق بعدما شُفِى وأصبح يستخدم عكاز يساعدها لكنه مازال سيُشفَى تماماً
اقترب من الجامعة استند بجسده على سيارته ينتظرها ساعة مرت وهو ينتظرها ولم تخرج بعد
رفع هاتفه يهاتفها ولكنها لم تجب اقترب منه أحد الشباب يتحدث بتوتر
:(انت مستنى حد)
نظر له مالك يومأ برأسه فقط دون حديث يحاول الاتصال ثانية وقد أقلقه الوضع برمته
فتح الشاب فمه ليتحدث ثانية لكن فتح الخط قاطعه تحدث مالك بلهفة
:(ايوا يا جميلة يا حبيبتى انتى فين)
لم يسمع شىء كل ما يسمعه هو صوت صراخها وهى تستنجد بأحد لينقذها سقط قلبه فوراً خوفاً عليها
استقل السيارة ثانية مغادراً بها تحت نظرات الشاب الخائفة يلطم وجهه مذعوراً
:«ايوا يا حازم هبعتلك رقم جميلة عشان خاطرى شوفهالى فين »
بعث له الرقم وقلبه يتآكل قلقا عليها خمس دقائق وبعث له حازم رسالة بالعنوان شقت السيارة الطريق يتطاير الغبار حولها بقوة
وصل للبناية المقصودة وصوت صرخات جميلة مازال يصدح لا احد هنا العمارة تبدو مهجورة تماما
دفع الباب بقوة بقوة باب غرفة البواب وقف مكانه مشدوهاً بما يرى جميلة مستلقية أرضا وهذا الحقير يجثو فوقها يحاول النيل منها بلوزتها مقطوعة الكمين ووجهها متورم !!!!!!!
______________________________________________
حاول الاقتراب منها مر اسبوعان وهى تتجاهله تعامله ببرود تتشاجر معه دائما على أقل الأسباب وأتفهها
ابتعد عنه مزمجرة بحدة تشعر بأنها مدنسة لا تطيق لامسات أحد عليها
:(ابعد عنى )
ضيق عينيه غضبا يصيح بانفعال
:(فى ايه يا ورد كل ما اقرب منك تبعد مالك )
تحدثت ببرود
:(مفيش حاجة )
اقترب منها يمسك ذراعيها يضغط عليهما بقوة متحدثاً بحدة
:(يبقى ليه مش عاوزانى المسك انا حتى لما اجى احضنك ولا ابوس راسك بتبعدينى)
لانت نبرته وهو يمسح على ذراعيها بحنو
:(انتى فيه حاجة مزعلاكى منى عملت حاجة زعلتك قوليلى يا ورد يا حبيبتى وانا هعملك اللى انتى عاوزاه)
نفت برأسها تبتعد عنه تتجدث بجفاء وقسوة
:(انا مبقتش طيقاك مش طايقة لمساتك ليا ابعد عنى يا حازم متغصبنيش)
تحدث غاضبا وجهه احمر بشدة وكلماتها تدوى داخل أذنيها كسكاكين حادة تغرز بقلبه
:(انتى بتقولى ايه يا ورد انا هغصبك على ايه دا اللى فهمتيه من كلامى)
اشاحت بوجهها غير قادرة على المواجهة انها تحترق حية ما تم وضعها به صعب جدا لما لا يرحمها أحد قليل
:(ورد انتى مبقتيش طايقانى بجد ورد انتى قاصدة اللى بتقوليه)
أومأت برأسها تتحدث بجمود خلفه نيران تحترق بقلبها
:(ايوا طلقنى يا حازم انا مبقتش عاوزاك ولا طايقة العيشة معاك ومبقتش احبك)
لم يصدق اطلاقا ما سمعه تواً حبيبته تخبره بكل سهولة انها لم تعد تحبه كيف اين اختفى الحب الذى تتحاكى به لم تجرحه هكذا شعوره مؤلم وبشع كثيرا
احمرت عيناه بشدة ودمعات حبيسة توافدت داخلهما
:(سمعينى قولتى ايه طلاق ايه وهبل ايه)
آلمها قلبها لحالته بالكاد تحاملت على ذاتها لتتحدث مبعدة عينيها عن مرمى عيناه تتقدم منه تنظر داخل عينيه بثبات بينما قلبها يرتجف كطير خائف
:(بقولك طلقنى مبقتش مستحملة لمساتك ولا العيشة معاك مبقتش مالى عينيا يا حازم زهقت منك ايه مبتفهمش مبقتش حابة وجودك حوليا بيخنقنى كفاية أوى كدا انا مش قادرة امثل ولا اكدب اكتر من كدا)
رأت عينيه تتوهج وتتسع بشدة الألم تمركزا داخلهما يجعلها تود لو تلقى بكل شىء عرض الحائط وتضمه لصدرها ولكن فات الآوان الأن
اقترب منها يقبض على ذقنها متحدثا بغضب جحيمى ومشاعر ممزقة لا يصدق هذه الحبيبة الحسناء تلقى عليه الحديث بكل قساوة وجحود
:(مش بمزاجك من يوم ما اجوزتينى وانتى ملكى مش بمزاجك حتى لو بقيتى تكرهينى انا مش هحررك أبدا هتفضلى أسيرتى تحت طوعى وجناحى فاهمة)
ثم اقترب من أذنها متحدثا بجرح كبير نتج من كلماتها ليتحول الى قسوة شديدة
:(صدقينى مش هحررك يا ورد حتى لو فيها حياتك لو تحريرك هيحيكى انا مش هحررك انتى ملكى بس ملكى حتى أنفاسك سامعة يا مليحة الوجه حسناء الملامح)
___________________________________________________
كل سنة وانتو طيبين يارب وينعاد عليكوا بخير وصحة وسعادة♥️♥️♥️🥰
مهانش عليا اوقف شهر من غير تصبيرة كدا فدا ان شاء الله تصبيرة لحد ما نرجع تانى ان شاء الله
Enjoy princess♥️♥️💖❤️