بنت المعلم

اقتباس العودة

يا هلا بالغاليييييين 🥹🤎
وحشتوني جددددددًا ووحشني كلامكم والله 🫂🤎 الحمدلله فترة وعدت وكانت سنه تقيله عليا وحقيقي مش مصدقه اني ليا عمر ارجع ليكم تاني 🫣😂 شكرًا لدعواتكم كنت محتاجها حقيقي وشكرًا لكل اللي سأل عليا وكلمني بحبكم جدا، المهم أنا عارفه اني تأخيري في الرواية كان سبب أن كتير منكم يوقفها بس هل في حد مش عايز يطور نفسه، أنا قبلكم عايزه اخلصها وأبدأ في الجديد لكن الظروف مش مساعده خالص، بس بإذن الله بدأت تتعدل وفي بداية العودة دون انقطاع أن شاء الله، ده اقتباس لحد ما الفصل الجديد ينزل وفي رواية هتنزل كاملة على جروب بيت الروايات اسمها وردة بين أشواك الحياة يوم 1/2 وبعد المدة الحصرية للجروب هنزلها فيس وواتباد، دمتم بخير احباب 🤎🫶🏻

؛************

هدر بنبرة محتدمة وهو يمسك عبده من أطراف جلبابه :

في ظرف خمس دقايق لو المهزلة دي مخلصتش هخلص عليك وعلى ابنك ومفيش مخلوق هيوقفني

هرول جابر يهدأ المعلم سالم قبل أن يفقد أعصابه أكثر، بينما ركضت صباح تغلق باب المطبخ حتى لا يخرج أصواتهم إلى الضيوف الجالسين بالخارج، ستكون هند علكة في أفواههم إذا علموا باختفاء موسى قبل عقد قرانهم بلحظات .. صُدم عبده من حركته ولكنه تغاضى عن ذلك فموقفه لا يتطلب جدال، قال بضيق من الإتهام الموجه إليه :

وأنا على اخر الزمن هعمل كده في بنتي أخويا ؟؟ هعمل كده في هند يا سالم

لمعت الدموع في عين هند التي هتفت باختناق:

يا بابا محمود ملوش دعوة هو تلاقيه بس شاف الموضوع دخل في الجد

لم تستطع إكمال جملتها من غصتها التي وقفت في حنجرتها كسكين مسموم يمزق صدرها ... ليتها ماتت ولا تتعرض لهذا الموقف، ليتها رفضت وجوده في حياتها ولا يكسرها كفتات الخبز، نظرت كوثر إليها وأردفت بعتاب :

ايه الكلام ده يا هند موسى مستحيل يعمل كده

واستطردت بقلق :

أكيد في حاجه حصلت وهو هيجي دلوقتي

حسنًا هذا الثبات الزائف لن تتمكن في رسمه، انفجرت تبكي وهي تقول بصوت محشرج :

لا هو ده اللي حصل أنا سمعت عمه كان بيقوله ايه لما عرف اني مطلقة

حين إذًا ود المعلم سالم أن يحرق المنزل بمن فيه ويخفي موسى وعائلته من على وجه الأرض ولا يرى دموع هند .. وليكن من حظك بطشه يا موسى على فعلتك، اقترب منها وحاوطها بذراعيه يرتب عليها برفق فالاهم الان أن تهدأ، لم تقدر صباح عن كبح دموعها هي الأخرى، مصيبة حلت عليهم وأفسدت فرحتهم، لم ينسى أحد ما يحدث عندما يسأل المؤذن عنه وقد تم الاتفاق أنه أول من سيعقد القران ..

وعلى حين غرة انتبهوا جميعًا على سعد وهو يقتحم المطبخ قائلاً بتحفز ويشير على نافذة المطبخ :

لقيته، لقيته

؛********

كونوا على استعداد 🤌🏻
وإن شاء الله هنزل ملخص صغير كنا واقفين فين 🤎