بَعد بيّه حِزن يِنكتب مَا ينشَاف حِزن محَد أضَن شافهَ
حِزن شَفاف
وتعّب مستوطِن بِروحي
متلفّلف عليّه لفاف
حِزن مِثل الله مَا ينشاف .
______________
( المـاضي )
- جابت أيَناس بـ خير و سلامة ، و بليل اُمي جابت وياها
ايليا ، شلتة بين أدية اللهم صلِ على مُحمد و الـ مُحمد
شِنو مِن جمال ابيض و عيونة كبار و حلكة صغيرر
- بقيت شايله أيليا و افتر ورا اُمي و احچِي وياها
ديانا : ماما مِنو بقى يم ايناس ؟
دُرية : عمتج اُم حسَن خطية ما قبلت ترجع و كالت أبات يم ايناس
ديانا : يا بعد روُحي عمة ، لو شنسويلها ما نكدر نجازيها ما نكدر
نرجع ولو شيَ بسيط مِن افضالها
دُرية : اي و الله ما تتجازة هيَ بـ كُلشي ويانا لو تشوَفيها شتسوي هناك
بَس تصيح أيناس مِن الوجع هيَ تمسح على راسها و تقرا ايات
ديانا : فدوه اروحلها عمتي الحَنينه ، لو شافتنا نبچي تبچي
دُرية : اصيلة أُم حَسن
- بقيت أسأل بـ اُمي و نسَولف بـ مواضيع عامة
شوي و كالت راح انام لان باچر ايناس تطلع مِن المُستشفى
بقى أيليا يمي رحت للغرفه ، سديت الباب و شلت ايليا و اغنيلة
- و يُمة الولد فدوة الولد
و يسَوى البنات بلا عدد
و بأچر يشبَ مِثل الأسد
و يصيرلچ عَون و سند
- و ايلياتي هِيل و فُستقه
و يسَوى شباب المنطقة
- أثناء ما اغنيله و مسويتلة اجواء بقى يبچي و يعيط
و فَزيت على عطيه اُمي و راد يوكع مِني ، رحت الها و اني شايله
ايليا الي خبَص الدُنيا بـ البچي ، اشرت الي انطيها ايليا و هيَ تحچي
دُرية : شَبي ليش يبچي ؟ شسويتي الة
ديانا : هددتة كُتلة إذا تبچي أرميك و هَو بچة
دُرية : لج دياناا احچيي شسويتي الة ؟
ديانا : يمه قايل شسويت؟ هَو بقيت أغنيله و اهوسلة و فجأة
صار يبچي يمكن نعسَس
دُرية : دنطينا و روحَي نامي باچر يجون بيت خالاتجَ و خوالج
و بيت عمامج كُلهم
ديانا : دخيلك يا علي اي والله دخيلك يمه شنيه هَوايي
و ان شاء الله كُلهم اخدمهم!
دُرية : لا ما يعوفنج البنات ، دروحي نامي يا اُمي حتى تلحكين
تكعدين
- عفتها و رحت نمت ، ثاني يوم كعدت لكيت اُمي تحضر
ريوك و راح نسيم يجيبهم مِن المستشفى ، بدون ريوك بديت اشتغل
انضَف و اركض على جُلنار و
- بالأخير بديت بـ نفسي سبحت و رتبتها
نزلت لكيت ايناس موجوده ، بَس شِنو ميته تعب
و عيونها صاير جواها
اسود و كوه تتحرك ، كعدتها بالغُرفه و بَقت ترضع بـ ايليا
- اندك الـ بَاب و طلع ابوي يسَتقبل الخُطار ، الي هَم ماعتبرهم خُطار
كُلهم بيت عمي و عماتي و خالاتي ،
- من بين الكُل شفتها تمشَي و تتعارك هيَ و نسيم
رحت الها رُكض ، يمة روحي هيَ
- حضنتها و هيَ بدالتني الحُضن ، و ابتعدنا و حرفياً خدي راح
مِن البوس ، لان ما شاء الله هواي
- بالمطَبخ مخبوصين بالغده لان عدنا الجماعة اهم شي بطنهم
أسَوي بالطرُشي و اندك الـ باب رحت فتحته طلعت بنت جوارينا
الابنيه : هَلاو دينا اُمي دكول سلميلي على اُم صافي
و دكول اريد دين 25 الف و مِن يصير عندي ارجعهن الها
ديانا : اي حبيبتي تدللين انتِ و ماما تعالي ادخُل بالطرمة
بين ما اجيب الفلوس
- عفتها و رحت الاُمي شاورتها سحبتني على صفحة تحچي ويايَّ
دُرية : يمُة ديانا انطيها مِن فلوسچ و اني بعدين انطيج اضعافهن
- رحت صعدت فوك انيَ مجمعه فلوس حتى اشتري بيَهن أشياء
الرأسَ السنه اتفقنا اني و وجود نسوي حفَلة ، فَ ضامتهن بـ الكنتور
- فتحت الكنتور و انصدمت ! وين الفلوس ماكو ؟
استغفرت و تعوذت مِن الشيطآن و رجعت تدور بسس مالكيتهن
كلت خاف اُمي ماخذتهن بَس شلون تأخذهن و هيَ كالت الي انطيني منج
- رحت انزل ركض لكيت اُمي تحضر بالصواني ، لان اكُل العزايم
نسوي بـ صواني ، سحبتها على صفحة و اني احچِي و العبرة
مالية روحَي
ديانا : ماما چانن فَلوس بالكنتور مالتي وينهن هسه ؟
دُرية : يا يمة والله ماعرف انتِ دورتي زين؟
ديانا : اي گلبت الغرفة على بطانه
دُرية : أنتِ قافله كنتورج
ديانا : لا ما قفلته الصبح بسَ طلعت ملابسي
دُرية : ديلا لعَد نلگفَن مِنچ و انتِ مشغولة ، و هسه فنچ تحچِين
كُلها تزعل و نطلع احنى مو زينين
- هَنا الدمعة وكفن بـ طرف عيني مو على مود الفلوس
لا بَس لان چَنت مجمعتهم و تذكرت هٰذاك اليوم الي رحنا بي
البيت عمي ابو وجود و شَلون اتفقنا
وجود : شَوفي ترة بـ راس السنه تجون يمنا و نسوي حفلة
صغيره بيناتنا اريد ابدي السنه الجديدة وياكم
ديانا : اييي و اني هم اريد ابدي وياكم
وجود : و حتى رِيتاج و خواتها خل يجن
ديانا : مادري ما اعتقد يجن يمكن يحتفلن ببيت جدهن
وجود : هَو نُكللهن و نشَوف
ديانا : ان شاءالله
وجود : يا ولج ايناس شوكت تجيبين؟
ايناس : بعد 3 ايام عمليتي بَس متت بـ هٰذا حملي
وجود : ان شاء الله تجيبين بـ خِير و سلامة و بدون تعب
ايناس : تسلمين عيوني
- كامت ايناس تشوف بنتها لان صارت تبجي ، شافت وجود جسم
ايناس و حاچتها
وجود : ياا ولج انوو هاي شصاير بيج ، ليش هِيج ضعفانه
بَس للامانه صاير يجنن
ايناس : مِن السعادة و الراحة ضعافنه
وجود : هههههه حقج حقج هَو الي يعيش وي اُم ميثم شيصير بي
- بقينا نسولف ، شوي و رجعنا للبيت و مِن هذاك اليوم
الـ هٰذا اليوم انَي اجمع ، بَس الحض تعيس و انسرقن
- وعيت مِن صفنتي و عيوني حُمر مِن البچي على مسج مِن غياث
فكرت انُ احچيلة بَس كلت لا هَو غريب و هسه يكول عني حرامية
و حتى بيَّ بعد ما يُثق و يغير نضرتة عني
- راسًا بدون اي تردد اتصلت على شادي و هَو بسرعة جاوبني
مِن سمع شهكتي حچة بـ فَزع
شادي : هاا دودي شَبيج؟؟ مِنو وياج و مِنو بچاج ، هسه غير تحچي
ديانا : خُطار يمنا و ضاعن فلوسَي ، و ماكدر احچِي كُلها تزعل
شادي : ولج صدك تحچِين و تبچين على مود فَلوس؟
ولج مَحفضتي و فلوسي و اني كُلني كدامج بَس لا تبچين فدوه اروحلج
- مِن صدُك فرحتتتت مَو بالفلوس لا ابداً ، فرحت بـ موقف شادي وياي
حَسيت مِن صدُك عندي أخ و سند و صديق ، ابتسمت و جاوبته
ديانا : لا هاي هَي ما أبچِي بعد
- حاول يطلف الجَو
شادي : هسه دكولي شكراً دكولي رحم الله والديك ما كسرت خاطري
كولي خلي فَلوسك بجيبك
ديانا : لا داده يم الفَلوس أنسَى الدُنيا كُلها ، و أبيعك و أشتريك بيهن
- سديته بوجهة بدون ما اسمع جوابة ، ورحت انزل جوة
________________
(الحاضر )
ديانا :
- كعد صَافي على كرواتية و احنى حيلنا رايح نريد بَس نعرف
ابوي وين و ليش صافي رجع وحده الف فُكرة اجت على بالي
و مِن ضمنهم " اغتالوا ، خطفوا ﮼ حچة و هَو يتنهد بـ ضيق
صافي : مادري جاي نسَولف و فجأة ما انحس إلا صارت طبه
قويه على كاع چان ابوي واكعَ بـ المحل ، و نصحي بي ما يصحى
ركضنا بي بالمُستشفى و عمامي كُلهم يمة هسَة و اني جبت
غراضة و هسه شوي و يطلعوا
- عاطت بيَّ اُمي و هَي ميته بچي
دُرية : ولككك كوم آخذني الـ ابوك شلون عايفة وحدَة !
صافي : يمه وين ترحين ! هسَه شوي ويجي ما بي شي
- بقى صافي و اُمي يتجادلون اُمي تريد تروح و صافي ما يقبل
و مِن بعد نقاش طويل دخلوا عَمامي ساندين ابويَّ
نيمو على تُختم و رحت اُمي يمه تحچي و تبچي
دُرية : شبيك يا عِيني ليش تخربطت؟ شصار بيك
- ابوي تعبان ما يكدر يجاوبها بَس يباوع بـ عيونة ، فَ جاوبها واحد مِن عمامي
حاتم : أطمَئني اُم صافي مابي شي الحَمدُلله عدت سلامات
صارت عنده عارض ، و هسَه هو هٰذا يمج حيًُ يُرزق
- بقينة محاوطين ابوَي و خايفين حِيللل خاف نخسرة لا سامح الله
حچة عمي حاتم
حاتم : يابه اليوم كُلكم تجَون يمي بأچر راس السنه و اريد
احتفل وياكم !
دُرية : تسَلم عيوني أبوَ وجود ما تقصر بَس اعذرني ما اكدر اجي
و اعوف ابو صافي وحدة
حاتم : ونعم مِن البطن الشالتجَ ام صافي اصلية ،
و اني هسه اخذ ديانا وياي للبيت لا دكولين لا
دُرية : تسلم عيوني ابو وجود ونعم مِن اصلك ، اي عادي اخذها بَس
اشو احس بعد ما تسوى الساعة صارت ب11 ونص
حاتم : لا البنات متعودات يم بنات عمهن ، و رادن انو تجي
بَس انو عملية
دُرية : باجر حفلتكم يمَنا ، و هَم البنات يشوفن ايليا ما شفنة زين
حاتم : ان شاء اللة نجَي ، و هاي زنَوبة متخبلة عليَّ تريد تشوفة
_ باوع عليّ و أشَر بيدة يلا نروح بَس شِنو بـ حماس ، رحت حتى
ابدل بَس ستوقفني كلام نسيم
نسيم : يلا يلا حَبيبـي ساهري كوم نبدل عمك الغالي عزمنا
حاتم : انتَ مِنو عزمك ليش تچذب تبقى ملكلك "ملطلط"
نسيم : عميَي انتَ عزمتني شنو ما تدري بنفسك؟
حاتم : شوكتتت عزمتك المسربت ليش تچذب
نسيم : هاي ليش تتجاوز يا عمي؟ و بعدين عزمتنا و انتَ ناسي ترا
- متتت ضحك على سوالفهم و شَلون نسيم خبل عمو رحت ابدل
و ودعت اهَلي ، طلعوا وياي نسَيم وساهر
- نسيم صعد بـ صف عمو و ساهر بـ صفي ، و هم ماخلصنا
مِن سوالف نسيم يشغل أغاني و عمو يعيط بيَ و يطفيها
و نسيم يشغل اخير شي حاچة عمو
حاتم : بابا حرام شبيك تسمع أغاني
نسيم : باجر راس السنه سنة جديده ، الناس بدت دك و ركص
و اريد اركض و بعدين الحرام عليه عمو حبيبي أشو ابوسك
حاتم : شبيك يا ابني مدكُلي شبيك تبقى بـ هاي سوالفك
و بعدين شتسوي الناس تسوي مثلها
نسيم : عمو هسه شَرايد هيَ اُغنية ،
- و مد ايده شغل اغنيه و بدة يرُكص و كُل شوي يطك أصبع
و عمو صار نار بسببة اخير شي رزلة
حاتم : خرببب بيككك الدايح الشعار تبقى بـ السربتة
دصير مَثل ساهر و مثل صافي أتعلم منهم الثكل و الهدوء
نسيم : عمو ترا بَس گڤر هو مِن فوك هلة هلة و مِن جوة يعلم الله
- عمو شال ايد وحده و غم نسيم و نسيم عادي عنده ، ما عنده احساس
- وصلنا البيتهم ، و لكيت وجود واكفه بـ الطرمة مِن نزلت حضنتني حِيل
و همست بـ أذني
وجود : ولِج باچررر رأسَس السَنة و احتفل وياچ الله شكِد حلو الشعور
ديانا : اويييي عُمريي احلى سَنة وياچ
- دخلنا و سلمت على زوجة عَمي ، و عمي راح يبدل
و بقت تسولف وياي زوجة عمي
ثُريا : شلونها ايناس
ديانا : شوي زينه بَس اوجاع قوية
ثُريا : اي الله يساعدها هيَ هاي العملية ، و امج شخبارها
مِن رجع ابوج
ديانا : ماما ماتتت مِن البچي ، هَو كُلنا خفنا الف فكرة اجت على بالنا
ثُريا : الحَمدًلله مِن رجع بـ سلامة عمة ،
- شوي و كاموا نسيم و ساهر ، شافهم عموَ تفاجئ و حچة
حاتم : ها عمو وين رايحين
ساهر : عَمو نرجع للبيت و شُكراً على ضيافة ،
حاتم : يا عَمو وين رايحين ؟ و الدنيا ليل و الساعه عبرت 12
ساهر : عَمو مو صغَار و هم خطيه اُمي و صافي ميلحكَون
صافي يم ابوي راح يبقى و اُمي يم ايناس خَطية خاف يتعبون
حاتم : إذا هَيج تمام اني أوصلكم
- راح عَمي يوصلهم ، و احنى رحَنا حتى ننام
ثاني يوَم كعدنا مِن الصبح نضَفنا و انطلقنا البيتنا
- لكيت اُمي تسَوي كليجة و كِيك ، و انَو بـ الغرفه ترضع
بـ ايليا و صافي بـ الشغِل
- سوينا عَناية ، و جلفنا البيت جَلف ، ما حسينا بـ الوقت
بسبب الفَرح و الاغاني والسوَالف الحَنينة
الاا و صاير المُغرب اجة عمي و ابوَي و صافي
- صَلوا و چان صافي مُشتغل فَ جاب عشَة كباب ويا
بَس مِن شاف وجود ضاج حِيل لان عرف اُمي راح تحاچي و صح
سحبته على بالغرفه على صَفحة ، و هاي اول مره اروح أتسمع
عليهم بسبب فضولي
دُرية : ولك يُمة شوَفها شلون نادرة و نضيَفه و مِنا و بينا
دخليني احاچي ابوك يحاچي عمك
صافي : يمةةة اخخ يمة أني الـ هسة ما نسَيت هذيچ
و كُل يوم احلم بيها و أشَوفها تبچي شلون ترديني اتزوج و گلبي مو مُلكي
يمُه أريدها متلوع عليها
دُرية : يمه مو مِن نصيبك عوفها أنسَاها الله يعوضك بـ وجَود
- صافي صار نار و سمعت ضَربة فُخذة و سمعته يريد يطلع
ركضَ صعدت على درجة سويت نفسي انزل
بَس بقى كلام صافي ببالي صارلة 4 سنَوات ما ناسيها؟ و يفكر بيها
و يحلم بيها ، شَفت نسيم و ساهر تسحبوا و طلعو ورا صافي
______________
نسَيم :
- شفت صافي طلع مِن غرفه اُمي و ابوي و هَو نار صاير
و عيونه مدمعة ، باوعت على ساهر و هَو أشر الي نكوم ورا
- طلعنا بالباب شفَنا يدخن و هَاي اول مرة يدخن ، لان ابوي ميقبل
واحد بينا يدخن ، باوع علينا ببرود ورجع نضرته على فَراغ
سحب نفس و زفرة و حچة بدون ميباوع علينا
صافي : شعدكم طالعين ؟ بارده ادخلوا جَوة و عيب عمي بقى وحده
- راحلة ساهر طبطب على چتفة و يحچي بـ هَدوء
باوعت عليهم شلون اخَوان هادئين و مذغفين قابل مَثلي
بَس شبيك أنَي أخبل هَُم نفسية
- حچة ساهر و هَو يكعد على صبة
ساهر : لا تحرك بـ دمك الي تريده يصير و مَا دام ما عندك مشاعر اتجاه
وجود عَوفها لا تشيل همها
الله يحَلها
صافي : شلون تريدني أتزوج و انيَ بعدني احلم بيها؟
ساهر : يا خوية شوكت تنسى؟
صافي : ليش هيَ بيدي؟ ماكدر النسيان صعب هيَ مالتي أريدها
ساهر : رَب العالمين يكول (عسىٰ ان تحبوا شيئًا وهو شرًا لكم)
هسَه انتَ مو تحبها و تريدها و شكد حاربت علمودها و على مول تصير
مِن قسمتك! ، و انتَ كُلش حاب هٰذا الشي ، بَس هَو شَر الك !
شفت شصار بيك 4 سنوات راحت مِن عمرك لا ليلك ليل
و لا نهارك نهار ، مُرهق و فاقد الشغَف و طافيه الدنيا بـ عينك
و مالك واهَس الكُلشي ، بَس يا اخي هٰذا الشي زين الك
-تذكر ربَ العالمين يأخذ شي و يعوضك بالأفضل ، يجوز اهلها موزينين
يجوز بالأخير زواجكم ما يصير نفس ما تردوا يمكن تخلصوها مشاكل
و يصير كُره بيناتكم ، و بعدين إذا مقسومين البعض تصيرون
- صفنت على كلام ساهر و شكِد صح ، چااا اني شبية ما اصير مثلة
بَس أشش نسوم انتَ حجيك كلام
صافي : ونعَم بالله و عِندي إيمان بـ رب العالمين كلش چَبير
انُ راح أتعوض
ساهر : راح تتعوض عوَض ينسيك بـ شِنو مريت
صافي : ان شاء الله حَبيبي
- رحت يمهم و أني احچِي بـ صوت عالي
نسيم : اخوَاني اريد اغانييي كون كلة ردح مِن العيار الثقيل
صافي : ليشش شكو عرس ابوك !
نسيم : هاي شبيك انتَ دافن روحك ، غَير راس السنه اليوم
و دك وركص
صافي : الي يشوفك يكول حارمي مِن الركص ولا عبالك يوميه
كالب البيت ديسَكو
نسيم : مو انَييي هاي شبيك
صافي : اي ابوَي يعوف الجامع و يجي يغني و يركصَ
ساهر : أثكَل وليدي ترة ويانا بنات ، زينب و ديانا و وجود
صافي : صار اسم وجود يسويلي جالي
نسيم : هههههههه غير زوجتك المُتسقبلية
صافي : دنجبي حِيوان
- صاحنا ابوَي رحنا يمه و انيَ بس احَشش على صافي
و هَو ما يقصر يكفخَني بسَ يلا عادي يمون اخوي حزام البنطرون
_______________
ديانا :
- صاح ابوي على الولد و دخلوا ، صبينا العشَة و وجود تنقل الأكل
بَس صافي ولا باوع عليها و حتى مِن سلم عليها ببرود
- أنطيت الخضرة الـ زنَوبة توديها ، و انداريت على وجود شفتها ضايجة
خَفت خاف صافي حاچي شي وياها بَس هَو ابد ماحچة
رحت يمها و اني احچِي
ديانا : شَبيج جوجي ليش ضايجة
وجود : لج ليش البنات ما اجن اريد أتعرف عليهن
- جريت نفس بـ راحة و أني أجاوبها بـ ضحكة
ديانا : يم بَيت جدهن راحن يحتفلن بَس مِن تصير بـ 12 نخابرهن
وجود : تمام هَاي هيَ
ديانا : دمشيي ناكُل متت جَوع اليوم صافي مدللنا
وجود : صدُك على طاري صافي شَبي وياي ؟
- توترت و خفت أسألها صفنت عليها و شجعت نفسي و سألت
ديانا : شَبي ؟
وجود : لا يباوع عليَّ لا يحچي وياي و احسة كارهَني شمسويتلة
ديانا : ما مسويتلة شَي عيوني بَس هو حتى ويانا هِيج
صاير لا يحجي ولا شي ، بسبب الضغط الشُغل
وجود : يااا خطَية الله يسهلة
ديانا : امين و يلا امشَي نروح ناكل
وجود : يمُة مِنج تموتين على شي اسمة اكُل
ديانا : اوييي العشقققق
- رحنا ناكُل و أشَوف نضرات اُمي الـ وجود ، و صافي معامل وجود
هيَ و الماكو سوى
- خلصنا بَسرعة بسرعة و غسلنا مواعين و رحنا نبدل و اُمي
و زوجة عَمي يحچن
اُم وجود : أي اي تركضن على طلعة
- بدلنا و أخذنا صَور دزيتها للبنات ، سحبت وجود و رحنا علىٰ غرفة
البيها ايناس حتى نغورها
ديانا : أيَيي عيني راح نطلع و نتونس و نصور و نركص
و انتِ ابقى حايره بـ جُلنار و ايليا
ايناس : أيي بالعافيه عليچن ، يمه شعنَدي غيرهم شمعه بيتي هُّم
وجود : ايناس الله عليج شعور الأمومة حِلوة؟
ايناس : كُلشش حِلو و يجنن و حَنون اتمنى كُلچن تجربنة
ديانا : ماريددد ، اريد ابقى يم اُمييي
ايناس : هسَه انتِ منو ضربج و كلج تزوجي و مِنو فتح موضوع
الزواج بالاساس شَبيج نرعصتي
- حچَت و جود هيَ تغمزلي
وجود : ايي ايي متريد تتزوج اييي
ايناس : انجبن بعدجن صغار و اطلعن يلا يلا برا لا يكعد ايليا
- انطردنا و طلعنا ، لكينا نسَيم عالكها كاعد بـ الصدر
و ساهر الي ورا و صافي يسَوق
- صعدنا و نسيم وجه الكلام النا
نسيم : شَوفن بَس نفرچن بالشارع و ترجعن خَوش؟
- خزرة صافي و حچة ويانا
صافي: معليچن بـ هٰذا ، وين ما تريدن نروح اخذجن
- حچينا اني و وجود بـ نفس اللحضة
ديانا & وجود : لا هَو بَس نفتر و نرجع نحتفل بالبيت
- هَز رأسه بـ أي ، و شغل اغاني بـ اعلى صوت على طلب نسيم
و نسيم ما قصَر بحيث حتى طلع جسمه مِن الجامة و صار يركص
و صافي يصيح عليَّ بَس هو ما يسمع بسبب الأغاني
مِن صدُك تونسنا
- نسيم دخل جسمه و رجع المكانه و حچة وي صافي بـ بيرائة
نسيم : انتَ اخوي و حرام ضهري و سندي
صافي : مِن الأخير شتريد؟ احچِي بسرعة تره مِن ورة لواكتكك حمضت
نسيم : اريددد اشتري صعاداتت
صافي : هههه طفل بابا انتَ !
نسيم : تره بعدني صغير و هسه معليه اريد صعاداات
ساهر : اشتريله ترا يبچي
نسيم : نجبي سَوسة لا تددخلينن
صافي : ما دام تجاوزت علىٰ ساهر ما تشتري
نسيم : ولعباسسس اشترييي
صافي : اعتذر و تشتري
نسيم : اسفين حبيبي
صافي : يلا قهرتني روح اشتري
- نزل نسيم ركض اشتره و اجة ، رجعنا للبيت والولد طلعوا و
رحنا نبدل
أثناء ما جاي اطلع ملابسيَ حچَت وجود
وجود : ولج ديانا شصار على غياثث
- شهكتت و ضربت علىٰ خدي و حچِيت
ديانا : عععزا رجلي ماكو ليوم ما مَراسلتة و لا سألة عليَّ همزين ذكرتيني
وجود : اي اي بسرعة صار رجلها
- غلست عنها و رحت على جهازي ركض فتحته و دخلت على حسَاب
غياث ، يمة رُوحي شفتة مَراسلني
غياث : اول بدايه النه رومايتي ان شاء الله كل السنين احنى سوه ٫ رومايتي احبج هواي ٫ تعالي مسويلج مفاجئة
رومايتي ان شاء الله سنه التجي نحتفل اني و انتِ يمي بـ البيت
- قريتهن و اني الفرح غامرني بكُل مرة يثبتلي حُبة ، جاوبته
ديانا : هااا حَبيبي والله أبويّ تخربط و اختي جابت والتهيت
- هَو أنصدم اول مرة اُكلة حبيبي
غياث : شكلتييي كلتييي حبيبي ؟ ولج احبجج
ديانا : اي شصار ما صار شسويت ؟
غياث : اي اي غيري الموضوع ، دشَوفي شسويت
ديانا : شسويت
- شوي و دزلي صورة كيك حَمرة و عليها كتابة " احبِچ ديانا"
انصدمت و شوفَتها الـ وجود و هيَ هم انصدمت !
ديانا : ولك غياثثثث شنو جايب هِيج كيكة الأهلك والله عيب و فشلة
شِنو كُلهم يدرون!
غياث : ليش عيب و فشله حبيبي غير مريتي و لازم يعرفون بيج
ديانا : ماعرف حسَيت عيب و استحيت
غياث : اروح فدوه للـ يسَتحي
- بقينا نحچي ، و هَاي اول سنه وي غياثَي حبيبي اول شخَص
يدُخل حياتي و يغيرها كُلش احبة و حَابه هَاي السنه ويا
( بعَد مرور اشهر)
- ماكو شَي تغير بـ هاي الأشهر
ماكو شي تغير بس رد حُبي الغيَاث يوم بعد يوم يزيد
- اليوم احد ايام محرم و هَو يوم الـ 10 ، يوم كُلش صعبَ و نحج بي
و الأجواء تجنن حَنينة بـ شُكللل و حزينه
بـ نفس الوقت و اعشَق هاي الأجواء اني
- كاعدين ساعه 3 الضهَر ، صافي يبدل لبس دشاشة سودة
و هَو يحچي وي اُمي
صافي : يمُة بدون زحمة عليج اليوم تعالوا مِن وگت انتِ و ديانا
و قمَر تعرفين اليوم حجة و هَواي قرايات ترا
دُرية : شلون ما أجَي تلكاني منتضرتك
صافي : و انتِ ديانا صوريني
ديانا : بـ عِيني غير افتخر بيك و أصورك
- طلع ، و احنى رحنا بدلنا و طلعنا ورا
وصلنا و بدة صافي يقرى و أشَوف اُمي تبچي
قرىٰ قصيده للـ حاج باسم الكربلائي چانت قديمة
- يا ريح الهَاب وياك وديني
يا ريح الهَاب وياك وديني
ازور احباب غَياب عِن عيني
سفرهم طال و انهَ بـ هل حال
ازور احباب غَياب عِن عيني
عليله و ذاب دلالي
و خلص بـ اه و الونه
ابويَّ حسين فارگني
و خبر لليوم ما مِنة
اخذ وياه كُل اهَلي
كطع رجواي و الضنه
اريد وياك تاخذني
يا ريح الهاب و اتعنة
ديانا : يااا يمة شكو ليش تبچين
دُرية : ما دري يمكن لان مُفتخرة بي و بـ صوتة أبچِي
- اباوع الصافي عِين على قصيده و يقرى و عين على اُمي
اخير شي ما تحمل انطة السماعه للـ يمة و نزل على اُمي
يبوسَ بيها و حاضنها
حضنتة اُمي و هيَ تحچي
دُرية : اريد الحُسين يحفضك اريد ينطيك بنت الحلال و يسعدك
- أنَي هنا عيوني دمعت فعلاً صافي ماكو مِنة ، طلعنا متوجهين
البيت جَدي ، و طبعاً بيت جدي كُلشش صغير و التجمع كُلة بي
بحيث بقيت كاعده على اعصابي و اختنكت و ضجت ، اخذت جهازي و راسلت غياث
ديانا : غياث
غياث : عيونة
ديانا : عادي اطلع برة
غياث : يعني وين برة؟؟
ديانا : للشارع هّنا خنكة كُلشش و اليوم حجة للصَبح و تطبير
غياث : تدرين الشارع كُلة شباب
ديانا : ميخالف أغطي وجَهي محد يشوفني
غياث : ديانا انتِ تعرفين شي و اني اعرف شي عيون الشباب ما ترحم و ما تعرفين شلون يباوعون للبنيه و هسه الشارع كله شباب لا تقنعيني محد يباوع أصلاً يستغلون الفرصة
- الصراحة أقنعني ، لان فعلاً الشباب تآكل الابنيه اكُل بـ عيونها
جاوبته
ديانا : هاي هي صار ما اطلع
- مرت ساعتين و اجو بيت عمي اهل وجود هنا مِن صدُك ارتاحيت
حضنتني وجود مِثل كُل مرة حِيل ، و اني بادلتها الحضن أقوى
همست بـ اذنها
ديانا : اييي همزين اجيتي انقذتيني چَنت كاعدة بـ سِجن و ماكدر اطلع
وجود : شتطلعين غير لعبان نفس بره
ديانا : حتى نشوف صافي ، طلعنه العصر وشفنا
وجود : يممةةة اخويه الجبير بعد كلبي
ديانا : انجَبي أخوية مو اخوج
وجود : شِنو ترة هم اخوية و تربينا سوى فَ يعني اخوية مو بَس اخوج
ديانا : اهووو اي خوش
وجود : هاي ختام بت عمتي شبيها هيج تباوع
ديانا : شمدريني من اجيت لـ هسة مخليه هتفونات باذانها و لا كعدت يمي
وجود : عوفَج مِنها و غياث
- كُرصتها و انَي احچِي بين أسناني
ديانا : اشششش لا يسمعوجَ مو وكتها بعدين
- بعدنا نحچي ما نحَس غير عاصفه اجت علينا حامية ، عمَتي اُم ختام
حچَت ويانا بـ عصبية
ام ختام : عود ليشش انتَن كاعادات سوية دوم ، وحدجنَ سوية
ما تختلطنن وي ختام و وي بنات عماتتجنن
ديانا : ترا اني من العصر هنا و ختام كاعده لوحدها ماجت يمي
ام ختام : يي انتي صيحيها و كعدن سوية
- و خزرت ختام و جابتها كعدتها بـ بيناتنا
- ضلينه احنى ساكتين لان ماعدنه علاقه كلش قويه وي بنات عماتي شوي و كالت مرة عمي ام وجوود
ام وجود : يلا بنات امشو نرجع للبيت هم نتمشه شوي
- كامن البنات ، باوعتلي و حچَت بـ ابتسامة
ام وجود : ديانا امشي ويانه يم البنات احسلج
- هنا أنَي حسيت احد فك اسري رحت ركض الاُمي حاچيتها
ديانا : راح ارووح وياهم فدوه لتكولين لا
دُرية : روحَي يُمةة
- طلعنه نتمشه و تباوع الناس عبالك عدهم عرس البنات مخليات مكياج الولد محلقين و لبس جديد حَسيت بـ شعور غريب و حچِيت بـ داخلي
- ( هسه لو ميت واحد من اهلهم يكدرون هيج يتزينون ويطلعون كأنو عدهم عيد )
ام وجود : تعرفن هذوله الناس تركص على جراح الامام الحسين
- جسمي كزَبر ، وصلنا البيت عمَي راسًا فرشنا فراشات
و جود و زينب و كعدنا شغلنا واقعه الطَف و كُلش تأثرنة
حچَت ام وجود
ام وجود : كومن بناتي توضن و خل نسوي اعمال ليله العاشر
- كمنا توضينا اني و البنات كل وحده فرشت سجادتها و كعدنه نصلي و سوينه الاعمال خلصنه ، كعدنه اني و وجود مثل كل مره
وجود : تعالي تعالي ولج سولفيلي حقيره شصار على غياث لوين وصلتي
ديانا : ولج اكو شي جديد
وجود : يا ستار استر
ديانا: يكلي اريد اشوفج بالزياره
وجود : عزااااا لا ديانا لا مستحيل تلتقين بـ ولد
ديانا : بس خل اكملج اني هم متوتره بس هوَ يكلي اني
اريد اخطبج و انتِ متدزين صورتج عاد خل اشوفج
من بعيد مااتقرب يمج ابد من بعيد اشوف وجهج و اروح
- صفنت وجود و بعَدين فركت وجها و جاوبتني
وجود : اذا هيج تمام احسن من ما تدزين صورتج بس هم ديري بالج
ديانا : اي شلون لعد اصلا كُلش خايفه و متوترة بس احسن مِن
الصوره و هم اشوف نضرته اليَّ لان العيون تحجي كُلشي
وجود : اي صح يلا الله كريم
- نمنا وحده يم الثانيه كعدنه الصبح
الدنيه كئابه يوم العاشر لاإرادياً يصير كئيب و نحسَ روحنا
رايحه كأنما فعلاً المقتل نعاد
- شغلت مرة عمي المقتل بالتلفزيون و صاحتنا
ام وجود : بنات تعالن يمي نسمع المقتل اليوم ما نسوي شي لا نشتغل ولا نطبخ
- كعدنه سمعنه المقتل طلعنه على التلفزيون ، حرك الخيام و واقعه الطف لحد وره الضهر اجو اهلي عليه
- رجعت للبيت ذبيت نفسي نمت كعدت وي صلاة المغرب كعدتني اُمي
دُرية : كافي كعدي كلنه حجينه للصبح تره شنو هٰذا النوم هذا
ديانا : يمه وين نسيم خل يجيبلي شموع مال ليله الوحشه نعلك
بـ الطرمة
دُرية : امشي كليله
- رحت عليَّ ما اعترضَ و كُلي
نسيم : هسه وين اكو اسواق مفتح
ديانا : دكوم دور و تلكى بَسرعة لطمت
- كام ما حچة شَي ولو كُلنا بـ هٰذا اليوم مالنا خُلك نحچي
جاب و شعلنا الشَموع و صلينا و شغلنا قصائد
_________
( مِـن بعـد مـرور شَــهــر )
دُرية : يلا يُمة ديانا تعاي نكمل
ديانا : ايي ماما اجيتتت
- اليوم مسَوين حملة تنضيف على بيت لان باچر لو عگبة
نسّوي قراية
- شلهت رداناتي و بدينه نشتغل هيَّ تسوي المطبخ و اني بديت بالبيت
و الصُحيات مستمره بـ الشغل ، طلعت راسي و صحت على اُمي
ديانا : يمة عوود السيراميك هم امسحه
دُرية : اي تدرين الناس تجي بس تباوع على البيت و محد يعذر اذا شي مو نضيف
ديانا : ولو تعبت و تكسرت بس ميخالف امري لالله
- جبت الوصله و كعدت امسح ب السيراميك و صلت للسيراميك القريب على الصحيات شفت كتابه غريبه ماكدرت اقراها بس انتبهت اسمي متكرر 3 مرات ، طلعت راسي و حچِيت و اُمي بـ صوت عالي
ديانا : يمااااا هذا نسيم شوكت يكَبر و يعقل لييش هيج كاتب على
الحايط و يغلط عليَّ ما يبطل هٰذا الطيع مالته كلما نتعارك
وراح يكتب على الحايط و يغلط
- أجَتني بـ سرعة
دُرية : شكووو شكو ليش تصيحين
ديانا : سئلي نسييم مدري شكاتب على الحايط غالط عليه
دُرية : وين بلا أشَوفف
- سويت مكان و أجت شافتة و حچَت
دُرية : ولج هاي 6 اسطر مكتوب
ديانا : اي هوَ نسيم كلما نتعارك يكتب على الحايط
دُرية : ميخالف تدرين بي و بـ سوالفك انتِ
- اجه نسَيم و استلمنا و هَو عصب و كال
نسيم : أي ب كلشي حطو الجلب ب النص شمسويلكم
ديانا : ليش كاتب و غالط عليه
نسيم : وينها بلا شوفيناهاااا
- رحت أخذته للمكَان شافها و هز ايده يحچي
نسيم : عميي مو أنَيي كُلشي و كلتوا نسَيم
- بقى يحلف نسيم انً مو هَو الي كاتب و اني هم صدكته لان فعلا
ما لكيت غلط جان كلام ما مفهوم مثل رموز بس اسمي وياهن ما
هتميت و تركت الموضوع كملت شغلي بالليل ، و رحت فتحت جهازي
لكيت غياث مراسلني الي صار ملجأيَي كاتب
غياث : شلونها مريتي الحلوه
ديانا : مو بس تعبانه لا اني ميته متكسره
غياث : سوده عليه يا بنيتي بيَّ التعب ولا بيج
ديانا : اي هسه وين وصلت بـ المشَي
غياث : الـ منطقة ***
ديانا : خوش لعد احنى كم يوم و نطلع
غياث : اي و أشَوفجج
ديانا : غياث والله متوتره ابد ما مسويتها
غياث : ولج والله لا اوصل يمج و لا اصير قريب عليج و
لا احجي وياج ابد لتخافين ، و لج انتي مرتي مستحيل
اذيج و اسوي شي موزين وياج ولج انتِ صرتيلي اهل
- اطمنِيت وارتاحيت نوعاً ما ، و بديت احَچيلة عِن الكاتبة
غياث : شنووو شمكتوب ما فهمتي
ديانا : إلا والله ممفهوم شَي
غياث : ديانا اكو احد يكرهج بـ أقاربجَ ؟؟
ديانا : لا وين منوو يكرهني
غياث : مادري بَس تأكدوا مِن الكتابة
ديانا : الله كريم عود
- مرت الأيام و نسَيت الموضوع و سوينا قرايه و طبخنة
و باچر لقُائي ويَ غياث و ميته مِن التوتر و القلق
شفت غياث دازلي
غياث : اييي وا خيراً باجر راح اشوف مرتي و حبيبتي و
يروح كُل تعبي
ديانا : متوتره كلش
غياث : وحق أبو فاضل العَباس لا أوصل يمج بَس مِن بعيد
و ارجع لتخافين ابد
- كمت اخذت ملابسي و رحت للبنات يم ريتاج و
التووتر مو طبيعي باجر راح اشوفه
راح اشوف نضراته باجر لأول مره بحياتي راح التقي وي وَلد
شِنو راح يكون شعوري؟ مِن أشوف عيونة و طولة
و اسمع صوتة بالحقيقة
يتبع | بـ قلمي مَريم العَّليْ . . .
___________
وبعَد لتگلِي مَا ناسِيك
وأنهَ لجيتِك متَاني
ضحكتَك والعُطر والتغْير
وفراگِاك هَاي أعرِاض نَسياني
لِا تشغَلني بعيونِك
وتدرِي بَبالي موُ ناسِي
چَنت أتمنىٰ مِن أزعَل
أجِي وألگّاك مَا غافِي
أوَل مرِة مَا عذرِك
وأخُر صَدفة تجمعنىٰ
وبعَد متهمْني مِن تزعَل
ولِا دوُر طَرق ثالِث يصالحنَة 🔥
إلسلام عليكم عُمري نساويني شلونكم شخَباركم 🥹🤏🏻
رأيكم بـ البارت؟ و توقعاتكم الصاكة
و تتوقعون شراح يصير بـ اللقاء ؟
صوتوا عُمري كُلش جاي اتعبَ و هٰذا بارت طويل الكم
الباقيات الصالحات
سبحان الله
الحمدُلله
لا إله إلا الله
الله أكبر
استغفر الله العظيم واتوب اليه
لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ
ياحي ياقيوم برحمتك أستغيث
اللهم صلَّ على محمد وآل محمد
استَودعدكم الله🩷
- و ضَيفوني على انسَتا عُمراييي