[Unicode]
ပြိုင်ပွဲတွေနဲ့ စစ်ပြီးတဲ့အခါမှာတော့ အလွန်ထူးချွန်တဲ့ အဆိုတော်တွေ အနည်းငယ်သာ ကျန်တော့တာ ဖြစ်သည်။
နောက်ဆုံးပြိုင်ပွဲမှာ အရှေ့က သူတို့ပြိုင်ခဲ့တဲ့ ဖျော်ဖြေမှုနဲ့ ရလဒ်တွေအပေါ် အခြေခံပြီး ရွေးချယ်မှာ ဖြစ်သည်။ ထို့အတူ နောက်ဆုံးပြိုင်ပွဲနေ့ လာရောက်ကြည့်ရှူတဲ့ လူသောင်းပေါင်းများစွာကလည်း မဲပေးကြမှာဖြစ်ပြီး ထိုရလဒ်ကလည်း နောက်ဆုံးချန်ပီယံ ဘယ်သူဖြစ်မလဲဆိုတာ ဆုံးဖြတ်တဲ့အခါ အကူအညီ ဖြစ်စေမှာ ဖြစ်၏။
အခုလို အဆိုပြိုင်ပွဲက အဆိုတော်တစ်ယောက်ရဲ့ မျိုးစုံသော စွမ်းရည်တွေမှာ အဆိုတော်တဲ့ စစ်မှန်တဲ့ ခွန်အား၊ နာမည်ကြီးမှု နဲ့ ပုံရိပ်တွေတို့ ပါဝင်လေပြီး စုထျန်းထျန်းက အကျော်ကြားဆုံး အဆိုတော်ဖြစ်လေတာမို့ ဟိုးအစောတည်းက စုထျန်းထျန်းပဲ အနိုင်ရမယ်လို့ မျှော်လင့်ထားပြီးသားဖြစ်၏။
ဒါပေမယ့် ဘာတြွေဖစ်လာမလဲဆိုတာ ဘယ်သူက ခန့်မှန်းနိုင်မှာလဲ? ပြိုင်ပွဲ အနည်းငယ် ပြိုင်ပြီးတဲ့အခါ ကောင်းမွန်တဲ့ ပုံရိပ်၊ ထူးချွန်တဲ့ အကစွမ်းရည်၊ မှင်သက်ဖို့ ကောင်းလောက်တဲ့ စင်ပေါ်က အပြုအမူ အစရှိတဲ့ အရာတွေကြောင့် လင်းချင်ပေ့ရဲ့ အဆင့်က လျင်မြန်စွာပဲ ထောင်တက်လို့လာ၏။ သူက အခုဆို စုထျန်းထျန်းရဲ့ အသန်မာဆုံး ပြိုက်ဖက် တစ်ယောက် ဖြစ်လာလေပြီ။
တဖက်မှာလည်း စုထျန်းထျန်းက လွန်ခဲ့တဲ့ ပြိုင်ပွဲမှာ ဆိုးရွားစွာ ဖျော်ဖြေခဲ့တာမို့ သူမရဲ့ အမှတ်တွေက အနည်းငယ် ပြုတ်ကျသွားလေ၏။
ဒီတခေါက် ပြိုင်ပွဲအလှည့်မှာတော့ သူမ တစ်ယောက်ပဲ ဆိုနိုင်လောက်မယ် ထင်ရမယ့် ခက်ခဲတဲ့ သီချင်းကို ရွေးချယ်လိုက်သည်။ ထိုပုံစံက သူမ အနေနဲ့ ဘာမှ မဖြစ်ခဲ့သည့်သယောင်။
အခန်းထဲမှာ ဖြစ်သည်။
ဆိုဖာပေါ်မှာ နင်မုန့် နဲ့ ကျန်းရှန့်မေတို့ စကားစမြည် ပြောနေစဉ် မိတ်ကပ်ပြင်ဆရာက လင်းချင်ပေ့ကို မိတ်ကပ်ပြင်ပေးနေလေ၏။
ကျန်းရှန့်မေက ပြောလိုက်သည်။ "ငါ ကြောင် ဒါမှမဟုတ် ခွေးတစ်ကောင်လောက် မွေးချင်တယ်။ မုန့်မုန့် တကယ်လို့ နင်သာဆို ဘယ်အကောင် မွေးမလဲ"
နင်မုန့်က သူမကို တချက်ကြည့်လိုက်ပြီး "နင့်ကို မွေးမှာ"
ကျန်းရှန့်မေက ရုတ်တရက် ရှက်သွားလျက် "ဘာလို့လဲ"
သူမက နင်မုန့်ရဲ့ အချစ်ဆုံး သူငယ်ချင်းဖြစ်တာမို့ နင်မုန့်က သူမကို ရှည်လျားတဲ့ ချစ်ခွင့်ပန်စကား ပြောလာတော့မယ်လို့ ကျန်းရှန့်မေ ထင်လိုက်သည်။ သို့သော်လည်း နင်မုန့်က သူမကို ထေ့ငေါ့စွာ ကြည့်လာပြီး "ဘာလို့ဆို ၀က်မွေးတာကမှ ချမ်းသာလို့လေ"
ကျန်းရှန့်မေကတော့ ဆွံ့အလို့သာ သွားရသည်။
သူမရဲ့ ပါးစပ်ကြီးက တကယ် ကင်ဆာပဲ! ကျန်းရှန့်မေ အဲ့လောက်ထိ အကြီးကြီး မမျှော်လင့်ဘဲ နေလိုက်ရမှာ။
ထိုသို့ ပြောပြီးနောက် နင်မုန့်က လင်းချင်ပေ့ကို ကြည့်လိုက်သည်။
အနက်ရောင် သားရေဂျက်ကက် ၀တ်ထားတဲ့ သူက ကြည့်ကောင်းပြီး မိုက်တဲ့အရှိန်အဝါကို ပြနေလေ၏။ သူ့ မိတ်ကပ်က အနည်းငယ် ထူနေပေမယ့် ထိုအရာကပဲ သူ့ရဲ့ ညှို့အားပြင်းမှုကို ပြသလို့နေပြီး ပိုပြီး ယောက်ျားဆန်အောင်တောင် ထောက်ပံ့ပေးလို့နေ၏။
ကျန်းရှန့်မေက ငြင်သာစွာ ပြောလာသည် "စုထျန်းထျန်း ဒီည တခုခုလုပ်မယ်လို့ ငါ ခံစားနေရတယ်"
နင်မုန့်က အဖေကြီး တစ်ယောက်လို ဂုဏ်ယူစွာနဲ့ "နောက်ဆုံးတော့ ငါ့ဝက်ကလေးက ကိုယ်တိုင်တောင် စဉ်းစားနေတတ်ပြီပဲ"
ထိုအရာကို ဘယ်လို တုံ့ပြန်ရမလဲ ကျန်းရှန့်မေ မသိတော့။
နင်မုန့်ရဲ့ ပါးစပ်ပိတ်သွားအောင် သူမ ဆွဲဖြဲလိုက်ရင် ကောင်းမလား?
အရာအားလုံး ချောချောမွေ့မွေ့သာ သွားနေသည်မို့ နင်မုန့်လည်း သံသယ၀င်နေမိတာ ဖြစ်၏။ ရန်မစ မကြံစည်ပဲ နေတတ်တာက စုထျန်းထျန်းနဲ့ တူမနေဘူး။
ထိုသို့ တွေးနေရင်းမှ သူမဖုန်းက တုန်ခါလာသည်။
လင်းချင်ပေ့ရဲ့ အေးဂျင့်က သူမဆီ WeChat message ပို့လာတာ ဖြစ်ပြီး ရေပန်းစားနေတဲ့ linkတစ်ခု ဖြစ်လေသည်။
နင်မုန့် အလိုလို မျက်မှောင် ကြုပ်မိသွားသည်။ သူမ နှိပ်ကြည့်လိုက်တော့ __လင်းချင်ပေ့ နဲ့ လျူယင်း ဆိုသော ခေါင်းစဉ်ကို မြင်လိုက်ရသည်။
ထိုသတင်းထဲမှာ လင်းချင်ပေ့ရဲ့ albumအသစ်က လျူယင်းအတွက် ရေးထားတာ ဖြစ်ပြီး ဒါကြောင့်ပဲ လျူယင်းကို သူ့albumအတွက် သရုပ်ဆောင်ပေးဖို့ အမေးခံထားရတာဟု ရေးထားလေသည်။
ထို့အတူ သူမအရှေ့မှာ လင်းချင်ပေ့ အကြောင်း သူတို့ပြောတိုင်း လျူယင်းက ရှက်နေတဲ့ ပုံစံပေါ်တတ်လေ၏။ သူတို့ နှစ်ယောက်ရဲ့ ဓာတ်ပုံ အနည်းငယ်ပါ သတင်းထဲ ပါဝင်လေသည်။
ဓာတ်ပုံတွေက ကုမ္ပဏီက အုပ်စုတွေနဲ့ အတူ ရှိနေတဲ့ အချိန် ရိုက်ထားတာ ထင်ရှားနေသော်လည်း ဓာတ်ပုံထဲမှာ လူအားလုံးကို ဖျောက်ထားလေ၏။
တခြားလူတွေကတော့ ထိုအရာကို စိတ်မ၀င်စား အချိန်ကောင်းကိုသာ စောင့်နေကြတာ ဖြစ်သည်။
ကျန်းရှန့်မေလည်း တွေ့လိုက်တာမို့ တိုးတိုးပြောလာ၏။ "ဘယ်လို အဓိပ္ပာယ်မရှိတဲ့ သတင်းလဲ! တကယ်လို့ ငါတို့က တရားဝင် Weibo accountမှာ ဖြေရှင်းချက်ထုတ်ရင် လျူယင်းရဲ့ နာမည်ကြီးမှုကို ပိုတိုးလာအောင် လုပ်ပေးသလို ဖြစ်သွားမယ် တကယ်လို့ မဖြေရှင်းပြန်ရင်လည်း အရမ်း စက်ဆုပ်ဖို့ ကောင်းလွန်းသွားပြီ!"
လျူယင်းက သူမတို့ ကုမ္ပဏီမှာ နာမည်အကြီးဆုံး အနုပညာရှင်တွေထဲက တစ်ယောက် ဖြစ်ပြီး ပရိတ်သက်ကလည်း ၃သန်း ပတ်ဝန်းကျင်လောက် ရှိသည်။
တစ်စုံတယောက်က အခုသတင်းကို hot topicsထဲ ၀င်အောင် ပိုက်ဆံထိုးထားမှန်း သိသာလှ၏။ လျူယင်းဆိုတဲ့ မိန်းကလေးက အစတည်းက ကုမ္ပဏီအပေါ် သစ္စာမရှိတာ ဘယ်လိုလုပ် လင်းချင်ပေ့ကို အသုံးချပြီး သူမကို နာမည်ကြီးအောင် ခွင့်ပြုပေးနိုင်မှာလဲ?
နင်မုန့်က linkကို ပိတ်လိုက်ပြီး အေးဂျင့်ဆီမှ စာကို ဖတ်လိုက်သည်။ : [CEO နင် ဒီသတင်းကို လင်းချင်ပေ့ မသိစေနဲ့နော်။ ကုမ္ပဏီထဲမှာ သူက လျူယင်းနဲ့တောင် ရင်းနှီးတဲ့ ဆက်ဆံရေး မဟုတ်ဘူး။ တကယ်လို့ သူသာ ဖတ်မိသွားရင် သေချာပေါက် ဒေါသအကြီးအကျယ် ထွက်လိမ့်မယ် ပြီးရင် အဲ့ဒဏ်က ဖျော်ဖြေတဲ့အခါပါ သွားထိခိုက်လိမ့်မယ်။ သူ့ခံစားချက်တွေ ရှုပ်ထွေးကုန်မှာဆိုးတယ်]
နင်မုန့်က စာဖတ်ပြီးတဲ့အခါ တည်ငြိမ်စွာပဲ စာပြန်ပို့လိုက်၏။ [ကောင်းပြီ]
အရေးကြီးဆုံး အချိန်မှာမှ လင်းချင်ပေ့က hot topicဖြစ်လာခဲ့တာ ဖြစ်သည်။ သေချာပေါက် သူတို့က လင်းချင်ပေ့ရဲ့ လာမယ့် ဖျော်ဖြေမှုမှာ ထိခိုက်အောင် လုပ်ချင်သာ သိသာလှ၏။
သူမ မျက်လုံးတွေက အနည်းငယ် မည်းမှောင်သွားသည်။
တစ်နာရီ ကြာပြီးနောက် လင်းချင်ပေ့ကို မိတ်ကပ်ပြင်ပေးပြီးသွားပြီ ဖြစ်သည်။ သူတို့ ထွက်လာတာနှင့် ၀န်ထမ်း လမ်းပြမှုနဲ့ သူတို့ဆီ လျှောက်လာတဲ့ လျူယင်းကို တွေ့လိုက်ရသည်။ သူမက ချိုမြိန်စွာ ပြုံးလျက် ပြောလာ၏။ "ကျွန်မ ဒီနေ့ ဘာမှ လုပ်စရာ မရှိတာမို့ အကိုလင်းကို လာအားပေးတာ!"
ပြီးနောက်မှာတော့ ရှက်သွေးဖြာလျက် ပြောလာသည်။ "ကံဆိုးချင်တော့ နောက်ယောင် လိုက်ခံရပြီး သတင်းထောက်တွေနဲ့ အခုလေးတင် ပက်ပင်းတိုးခဲ့တယ်။ ကြည့်ရတာ အခုဆို ကျွန်မတို့ရဲ့ သတင်းတွေကို ဖြေရှင်းရ ခက်ပြီ ထင်တယ်"
[၂၅ပိုင်းစီပါတဲ့ pdf စာစဉ်၁ခုကို ၅၀၀ကျပ်နဲ့ wp acc cbမှာ လာဝယ်လို့ရပြီနော်^^ ။ ပြီးသွားတဲ့ စာစဉ်တွေပါ စာစဉ်၇ [EP-165 to 189]၊ စာစဉ်၈ [EP-190 to 214]၊ စာစဉ်၉[ EP-215 to 239]၊ စာစဉ်၁၀ [EP-239 to 264]၊ စာစဉ်၁၁[EP-265 to 289]၊ စာစဉ်၁၂ [EP-290 to 314]၊ စာစဉ်၁၃ [EP-315 to 339]၊ စာစဉ်၁၄ [EP-340 to 364]၊ စာစဉ်၁၅ EP-365 to 389တို့ပါ🥰]
---------
[Zawgyi]
ၿပိဳင္ပြဲေတြနဲ႔ စစ္ၿပီးတဲ့အခါမွာေတာ့ အလြန္ထူးခြၽန္တဲ့ အဆိုေတာ္ေတြ အနည္းငယ္သာ က်န္ေတာ့တာ ျဖစ္သည္။
ေနာက္ဆံုးၿပိဳင္ပြဲမွာ အေရ႔ွက သူတို႔ၿပိဳင္ခဲ့တဲ့ ေဖ်ာ္ေျဖမႈနဲ႔ ရလဒ္ေတြအေပၚ အေျခခံၿပီး ေရြးခ်ယ္မွာ ျဖစ္သည္။ ထို႔အတူ ေနာက္ဆံုးၿပိဳင္ပြဲေန့ လာေရာက္ၾကၫ့္ရႉတဲ့ လူေသာင္းေပါင္းမ်ားစြာကလည္း မဲေပးၾကမွာျဖစ္ၿပီး ထိုရလဒ္ကလည္း ေနာက္ဆံုးခ်န္ပီယံ ဘယ္သူျဖစ္မလဲဆိုတာ ဆံုးျဖတ္တဲ့အခါ အကူအညီ ျဖစ္ေစမွာ ျဖစ္၏။
အခုလို အဆိုၿပိဳင္ပြဲက အဆိုေတာ္တစ္ေယာက္ရဲ့ မ်ိဳးစံုေသာ စြမ္းရည္ေတြမွာ အဆိုေတာ္တဲ့ စစ္မွန္တဲ့ ခြန္အား၊ နာမည္ႀကီးမႈ နဲ႔ ပံုရိပ္ေတြတို႔ ပါ၀င္ေလၿပီး စုထ်န္းထ်န္းက အေက်ာ္ၾကားဆံုး အဆိုေတာ္ျဖစ္ေလတာမို႔ ဟိုးအေစာတည္းက စုထ်န္းထ်န္းပဲ အႏိုင္ရမယ္လို႔ ေမ်ွာ္လင့္ထားၿပီးသားျဖစ္၏။
ဒါေပမယ့္ ဘာေတျြဖစ္လာမလဲဆိုတာ ဘယ္သူက ခန႔္မွန္းႏိုင္မွာလဲ? ၿပိဳင္ပြဲ အနည္းငယ္ ၿပိဳင္ၿပီးတဲ့အခါ ေကာင္းမြန္တဲ့ ပံုရိပ္၊ ထူးခြၽန္တဲ့ အကစြမ္းရည္၊ မွင္သက္ဖို႔ ေကာင္းေလာက္တဲ့ စင္ေပၚက အျပဳအမူ အစရိွတဲ့ အရာေတြေၾကာင့္ လင္းခ်င္ေပ့ရဲ့ အဆင့္က လ်င္ျမန္စြာပဲ ေထာင္တက္လို႔လာ၏။ သူက အခုဆို စုထ်န္းထ်န္းရဲ့ အသန္မာဆံုး ၿပိဳက္ဖက္ တစ္ေယာက္ ျဖစ္လာေလၿပီ။
တဖက္မွာလည္း စုထ်န္းထ်န္းက လြန္ခဲ့တဲ့ ၿပိဳင္ပြဲမွာ ဆိုးရြားစြာ ေဖ်ာ္ေျဖခဲ့တာမို႔ သူမရဲ့ အမွတ္ေတြက အနည္းငယ္ ျပဳတ္က်သြားေလ၏။
ဒီတေခါက္ ၿပိဳင္ပြဲအလွၫ့္မွာေတာ့ သူမ တစ္ေယာက္ပဲ ဆိုႏိုင္ေလာက္မယ္ ထင္ရမယ့္ ခက္ခဲတဲ့ သီခ်င္းကို ေရြးခ်ယ္လိုက္သည္။ ထိုပံုစံက သူမ အေနနဲ႔ ဘာမွ မျဖစ္ခဲ့သၫ့္သေယာင္။
အခန္းထဲမွာ ျဖစ္သည္။
ဆိုဖာေပၚမွာ နင္မုန႔္ နဲ႔ က်န္းရွန႔္ေမတို႔ စကားစျမည္ ေျပာေနစဉ္ မိတ္ကပ္ျပင္ဆရာက လင္းခ်င္ေပ့ကို မိတ္ကပ္ျပင္ေပးေနေလ၏။
က်န္းရွန႔္ေမက ေျပာလိုက္သည္။ "ငါ ေၾကာင္ ဒါမွမဟုတ္ ေခြးတစ္ေကာင္ေလာက္ ေမြးခ်င္တယ္။ မုန႔္မုန႔္ တကယ္လို႔ နင္သာဆို ဘယ္အေကာင္ ေမြးမလဲ"
နင္မုန႔္က သူမကို တခ်က္ၾကၫ့္လိုက္ၿပီး "နင့္ကို ေမြးမွာ"
က်န္းရွန႔္ေမက ရုတ္တရက္ ရွက္သြားလ်က္ "ဘာလို႔လဲ"
သူမက နင္မုန႔္ရဲ့ အခ်စ္ဆံုး သူငယ္ခ်င္းျဖစ္တာမို႔ နင္မုန႔္က သူမကို ရွည္လ်ားတဲ့ ခ်စ္ခြင့္ပန္စကား ေျပာလာေတာ့မယ္လို႔ က်န္းရွန႔္ေမ ထင္လိုက္သည္။ သို႔ေသာ္လည္း နင္မုန႔္က သူမကို ေထ့ေငါ့စြာ ၾကၫ့္လာၿပီး "ဘာလို႔ဆို ၀က္ေမြးတာကမွ ခ်မ္းသာလို႔ေလ"
က်န္းရွန႔္ေမကေတာ့ ဆြံ႔အလို႔သာ သြားရသည္။
သူမရဲ့ ပါးစပ္ႀကီးက တကယ္ ကင္ဆာပဲ! က်န္းရွန႔္ေမ အဲ့ေလာက္ထိ အႀကီးႀကီး မေမ်ွာ္လင့္ဘဲ ေနလိုက္ရမွာ။
ထိုသို႔ ေျပာၿပီးေနာက္ နင္မုန႔္က လင္းခ်င္ေပ့ကို ၾကၫ့္လိုက္သည္။
အနက္ေရာင္ သားေရဂ်က္ကက္ ၀တ္ထားတဲ့ သူက ၾကၫ့္ေကာင္းၿပီး မိုက္တဲ့အရိွန္အဝါကို ျပေနေလ၏။ သူ႔ မိတ္ကပ္က အနည္းငယ္ ထူေနေပမယ့္ ထိုအရာကပဲ သူ႔ရဲ့ ၫွို႔အားျပင္းမႈကို ျပသလို႔ေနၿပီး ပိုၿပီး ေယာက္်ားဆန္ေအာင္ေတာင္ ေထာက္ပံ့ေပးလို႔ေန၏။
က်န္းရွန႔္ေမက ျငင္သာစြာ ေျပာလာသည္ "စုထ်န္းထ်န္း ဒီည တခုခုလုပ္မယ္လို႔ ငါ ခံစားေနရတယ္"
နင္မုန႔္က အေဖႀကီး တစ္ေယာက္လို ဂုဏ္ယူစြာနဲ႔ "ေနာက္ဆံုးေတာ့ ငါ့၀က္ကေလးက ကိုယ္တိုင္ေတာင္ စဉ္းစားေနတတ္ၿပီပဲ"
ထိုအရာကို ဘယ္လို တံု႔ျပန္ရမလဲ က်န္းရွန႔္ေမ မသိေတာ့။
နင္မုန႔္ရဲ့ ပါးစပ္ပိတ္သြားေအာင္ သူမ ဆြဲၿဖဲလိုက္ရင္ ေကာင္းမလား?
အရာအားလံုး ေခ်ာေခ်ာေမြ့ေမြ့သာ သြားေနသည္မို႔ နင္မုန႔္လည္း သံသယ၀င္ေနမိတာ ျဖစ္၏။ ရန္မစ မႀကံစည္ပဲ ေနတတ္တာက စုထ်န္းထ်န္းနဲ႔ တူမေနဘူး။
ထိုသို႔ ေတြးေနရင္းမွ သူမဖုန္းက တုန္ခါလာသည္။
လင္းခ်င္ေပ့ရဲ့ ေအးဂ်င့္က သူမဆီ WeChat message ပို႔လာတာ ျဖစ္ၿပီး ေရပန္းစားေနတဲ့ linkတစ္ခု ျဖစ္ေလသည္။
နင္မုန႔္ အလိုလို မ်က္ေမွာင္ ၾကဳပ္မိသြားသည္။ သူမ ႏိွပ္ၾကၫ့္လိုက္ေတာ့ __လင္းခ်င္ေပ့ နဲ႔ လ်ူယင္း ဆိုေသာ ေခါင္းစဉ္ကို ျမင္လိုက္ရသည္။
ထိုသတင္းထဲမွာ လင္းခ်င္ေပ့ရဲ့ albumအသစ္က လ်ူယင္းအတြက္ ေရးထားတာ ျဖစ္ၿပီး ဒါေၾကာင့္ပဲ လ်ူယင္းကို သူ႔albumအတြက္ သရုပ္ေဆာင္ေပးဖို႔ အေမးခံထားရတာဟု ေရးထားေလသည္။
ထို႔အတူ သူမအေရ႔ွမွာ လင္းခ်င္ေပ့ အေၾကာင္း သူတို႔ေျပာတိုင္း လ်ူယင္းက ရွက္ေနတဲ့ ပံုစံေပၚတတ္ေလ၏။ သူတို႔ ႏွစ္ေယာက္ရဲ့ ဓာတ္ပံု အနည္းငယ္ပါ သတင္းထဲ ပါဝင္ေလသည္။
ဓာတ္ပံုေတြက ကုမၸဏီက အုပ္စုေတြနဲ႔ အတူ ရိွေနတဲ့ အခ်ိန္ ရိုက္ထားတာ ထင္ရွားေနေသာ္လည္း ဓာတ္ပံုထဲမွာ လူအားလံုးကို ေဖ်ာက္ထားေလ၏။
တျခားလူေတြကေတာ့ ထိုအရာကို စိတ္မ၀င္စား အခ်ိန္ေကာင္းကိုသာ ေစာင့္ေနၾကတာ ျဖစ္သည္။
က်န္းရွန႔္ေမလည္း ေတြ့လိုက္တာမို႔ တိုးတိုးေျပာလာ၏။ "ဘယ္လို အဓိပၸာယ္မရိွတဲ့ သတင္းလဲ! တကယ္လို႔ ငါတို႔က တရား၀င္ Weibo accountမွာ ေျဖရွင္းခ်က္ထုတ္ရင္ လ်ူယင္းရဲ့ နာမည္ႀကီးမႈကို ပိုတိုးလာေအာင္ လုပ္ေပးသလို ျဖစ္သြားမယ္ တကယ္လို႔ မေျဖရွင္းျပန္ရင္လည္း အရမ္း စက္ဆုပ္ဖို႔ ေကာင္းလြန္းသြားၿပီ!"
လ်ူယင္းက သူမတို႔ ကုမၸဏီမွာ နာမည္အႀကီးဆံုး အႏုပညာရွင္ေတြထဲက တစ္ေယာက္ ျဖစ္ၿပီး ပရိတ္သက္ကလည္း ၃သန္း ပတ္၀န္းက်င္ေလာက္ ရိွသည္။
တစ္စံုတေယာက္က အခုသတင္းကို hot topicsထဲ ၀င္ေအာင္ ပိုက္ဆံထိုးထားမွန္း သိသာလွ၏။ လ်ူယင္းဆိုတဲ့ မိန္းကေလးက အစတည္းက ကုမၸဏီအေပၚ သစၥာမရိွတာ ဘယ္လိုလုပ္ လင္းခ်င္ေပ့ကို အသံုးခ်ၿပီး သူမကို နာမည္ႀကီးေအာင္ ခြင့္ျပဳေပးႏိုင္မွာလဲ?
နင္မုန႔္က linkကို ပိတ္လိုက္ၿပီး ေအးဂ်င့္ဆီမွ စာကို ဖတ္လိုက္သည္။ : [CEO နင္ ဒီသတင္းကို လင္းခ်င္ေပ့ မသိေစနဲ႔ေနာ္။ ကုမၸဏီထဲမွာ သူက လ်ူယင္းနဲ႔ေတာင္ ရင္းႏွီးတဲ့ ဆက္ဆံေရး မဟုတ္ဘူး။ တကယ္လို႔ သူသာ ဖတ္မိသြားရင္ ေသခ်ာေပါက္ ေဒါသအႀကီးအက်ယ္ ထြက္လိမ့္မယ္ ၿပီးရင္ အဲ့ဒဏ္က ေဖ်ာ္ေျဖတဲ့အခါပါ သြားထိခိုက္လိမ့္မယ္။ သူ႔ခံစားခ်က္ေတြ ရႈပ္ေထြးကုန္မွာဆိုးတယ္]
နင္မုန႔္က စာဖတ္ၿပီးတဲ့အခါ တည္ၿငိမ္စြာပဲ စာျပန္ပို႔လိုက္၏။ [ေကာင္းၿပီ]
အေရးႀကီးဆံုး အခ်ိန္မွာမွ လင္းခ်င္ေပ့က hot topicျဖစ္လာခဲ့တာ ျဖစ္သည္။ ေသခ်ာေပါက္ သူတို႔က လင္းခ်င္ေပ့ရဲ့ လာမယ့္ ေဖ်ာ္ေျဖမႈမွာ ထိခိုက္ေအာင္ လုပ္ခ်င္သာ သိသာလွ၏။
သူမ မ်က္လံုးေတြက အနည္းငယ္ မည္းေမွာင္သြားသည္။
တစ္နာရီ ၾကာၿပီးေနာက္ လင္းခ်င္ေပ့ကို မိတ္ကပ္ျပင္ေပးၿပီးသြားၿပီ ျဖစ္သည္။ သူတို႔ ထြက္လာတာႏွင့္ ၀န္ထမ္း လမ္းျပမႈနဲ႔ သူတို႔ဆီ ေလ်ွာက္လာတဲ့ လ်ူယင္းကို ေတြ့လိုက္ရသည္။ သူမက ခ်ိဳၿမိန္စြာ ၿပံဳးလ်က္ ေျပာလာ၏။ "ကြၽန္မ ဒီေန့ ဘာမွ လုပ္စရာ မရိွတာမို႔ အကိုလင္းကို လာအားေပးတာ!"
ၿပီးေနာက္မွာေတာ့ ရွက္ေသြးျဖာလ်က္ ေျပာလာသည္။ "ကံဆိုးခ်င္ေတာ့ ေနာက္ေယာင္ လိုက္ခံရၿပီး သတင္းေထာက္ေတြနဲ႔ အခုေလးတင္ ပက္ပင္းတိုးခဲ့တယ္။ ၾကၫ့္ရတာ အခုဆို ကြၽန္မတို႔ရဲ့ သတင္းေတြကို ေျဖရွင္းရ ခက္ၿပီ ထင္တယ္"
[၂၅ပိုင္းစီပါတဲ့ pdf စာစဉ္၁ခုကို ၅၀၀က်ပ္နဲ႔ wp acc cbမွာ လာဝယ္လို႔ရၿပီေနာ္^^ ။ ၿပီးသြားတဲ့ စာစဉ္ေတြပါ စာစဉ္၇ [EP-165 to 189]၊ စာစဉ္၈ [EP-190 to 214]၊ စာစဉ္၉[ EP-215 to 239]၊ စာစဉ္၁၀ [EP-239 to 264]၊ စာစဉ္၁၁[EP-265 to 289]၊ စာစဉ္၁၂ [EP-290 to 314]၊ စာစဉ္၁၃ [EP-315 to 339]၊ စာစဉ္၁၄ [EP-340 to 364]၊ စာစဉ္၁၅ EP-365 to 389တို႔ပါ🥰]