[Unicode]
နင်မုန့်သည်လည်း ဖျော်ဖြေမှုကို ကြည့်ရင်း ထိရှသွားသည်ကြောင့် စိတ်လှုပ်ရှားမှုကို မထိန်းနိုင်တော့တာမို့ တစ်စုံတယောက်နှင့် ဝေမျှပြောဖို့ လိုအပ်လာသည်။ လီဟောက်ကျယ်က သူမရဲ့ ညာဘက်မှာ ထိုင်နေတာ ဖြစ်တာမို့ ဘယ်ဘက်ကို လှည့်လိုက်ရုံသာ တတ်နိုင်လေသည်။
သူမက ဟော်ပေ့ချန်ရဲ့ လက်မောင်းကို ဆုပ်ကိုင်လိုက်ပြီး ဂုဏ်ယူစွာ ပြောလာ၏။ "ဟီးဟီးဟီး ကျန်းရှန့်မေက တကယ်ကို အံ့ဩစရာကြီးပဲ!! in-ear monitor တစ်ခုတောင် မတပ်ထားဘဲ သံစဉ်တွေကို ပြီးပြည့်စုံအောင် ဘယ်လိုများ ဆိုနိုင်သွားရတာလဲ? စကားပြောရင်ကျ အရမ်းကြမ်းတမ်းနေတတ်ပြီး သီချင်းဆိုတဲ့အခါကျ ဘယ်လိုတောင် နူးညံ့နေလိုက်တာလဲ? တကယ်ပဲနော် ကျွန်မ အခု သူမရဲ့ ပရိတ်သက်အကြီးစား ဖြစ်သွားပြီပဲ!"
ထိုသို့ ပြောပြီးနောက် တစ်ခုခုမှားနေတာကို သူမ ခံစားလိုက်ရသည်။ ဟော်ပေ့ချန်တဲ့ မျက်နှာက တောင့်တင်းလို့ နေပြီး တုန်ရီနေတဲ့ သူ့ရဲ့ မျက်ခုံးတွေကို သူမ ကြည့်မိတဲ့အခါ ဂဏာမငြိမ်ဖြစ်အောင် လုပ်နေတဲ့ ကြီးကြီးမားမား တခုခုရှိနေမယ်ဆိုတာ သူမ ပြောနိုင်သည်။ သူက တစ်စုံတခုကို အရမ်း ဖိနှိပ်နေပုံပေါ်သည်။ သူ့လက်မောင်းပေါ်မှ သူမ လက်ကို ပြုတ်ရုတ်လိုက်သည်။ ပြန့်နေတဲ့ သူ့ရဲ့ အင်္ကျီလက်က သူမရဲ့ ဆုပ်ကိုင်ထားမှုကြောင့် တွန့်သွား၏။
နင်မုန့်က အလျင်အမြန်ဆိုသလိုပဲ သူ့ရဲ့ အင်္ကျီလက်ကို နဂိုအခြေအနေအတိုင်း ဖြစ်အောင် ပြန်သပ်ချပေးလိုက်၏။ သူက သူမအပေါ် သစ္စာဖောက်ထားတာကို သူမ မေ့သွားခဲ့တာပင်။ သူမကတော့ ရှက်ပြုံးသာ ပြုံးပြလိုက်သည်။
"ဘုရင်ကြီးချန်ရဲ့ suitက တကယ်ကို အရမ်းမိုက်တာပဲ။ ချုပ်ထားတာလေးကို ကြည့်ပါဦး အရည်အသွေးကို ကြည့်ပါဦး။ ဒီလောက် အဆင့်မြင့်လွန်းနေတာတောင်မှ ရှင့်ရဲ့ အရည်အသွေးကို နည်းနည်းပဲ ဖော်ပြပေးနိုင်တယ်။ ဘာလို့ဆို ရှင်က အရမ်း ဆွဲဆောင်မှု ရှိလွန်းလို့လေ!"
ပြီးနောက်မှာတော့ သူမက မျက်လုံးမှိတ်ပြလိုက်ကာ "ကျွန်မ ဘယ်သူလဲဆိုတာ ရှင်သိလား"
"ဘယ်သူလဲ"
နင်မုန့်က အတည်ပေါက်ကြီး ပြောလာသည်။ "ကျွန်မကလည်း အရမ်းဆွဲဆောင်မှု ရှိတဲ့လူလေ"
"…"
သူမ ထိုသို့ပြောနေရင်းမှာ တဖက်မှ စီနီယာက မျက်ခုံးတွေကို တွန့်ကြုပ်နေရင်း သူ့အတွေးတွေကို ထုတ်ပြောလိုက်သည်။ "ဘာလို့များ သူမပုံစံက မော့နရှား ကို သတိရိမိစေတာလဲ?"
'မော့နရှား?'
လီဟောက်ကျယ်လည်း မေးစေ့ကိုင်ပြီး တွေးတောမိသွားသည်။
'မော့နရှားဆိုတာ ပြည်တွင်းမှာ နာမည်ကြီးခဲ့တဲ့ အနုပညာရှင် တစ်ယောက်ဖြစ်သည်။ လွန်ခဲ့တဲ့ ၁၀နှစ်တုန်းကတော့ ပြည်တွင်းမှာရော ပြည်ပမှာပါ နာမည်ကြီးခဲ့သော်ငြား သူမက အခုခေတ်စားနေတဲ့ သီချင်းတွေကို သီဆိုခဲ့သူတော့ မဟုတ်ပေ။ ထို့ကြောင့်ပဲ ကွင်းထဲက လူအုပ်ကြီးက သူမရဲ့ အောင်မြင်မှုကို သိကြမှာ မဟုတ်။ ဘယ်လိုပဲဖြစ်ဖြစ် အနုပညာရှင် တစ်ယောက်အနေနဲ့ကတော့ မော့နရှားလို နာမည်ကြီးတစ်ယောက်ကို မသိဘဲ နေမှာလဲ? အဆိုကမ္ဘာဂိမ်းထဲမှာတော့ သူမက ထိပ်ဆုံးကစားသမား တစ်ယောက်ပဲ။ နာမည်အကြီးဆုံး အနုပညာရှင် တစ်ယောက် ဖြစ်တောင်မှ သူမကို လေးစားစွာနဲ့ ဆရာလို့ ခေါ်ရမည်မှာ ဧကန်ပင်။'
'ကျန်းရှန့်မေ နဲ့ မော့နရှားတို့က ဘယ်လိုလုပ်ပြီး အဆက်အသွယ် ရှိမှာလဲ? ကျန်းရှန့်မေက ကောင်းကောင်းကြီး သီဆိုသွားနိုင်တာ ဘယ်လို ဖြစ်နိုင်မှာလဲ?'
လီဟောက်ကျယ်ကတော့ စင်ပေါ်ကို ထပ်ကြည့်လိုက်သည်။ ကျန်းရှန့်မေက ထိုနေရာမှာ ယုံကြည်ချက်ရှိစွာ ရပ်နေတာ ဖြစ်၏။ သူမနဲ့ လင်းချင်ပေ့က လူအုပ်ကြီးကို လက်ဝေ့ယမ်း ပြပြီး တူရိယာဝိုင်းကလူတွေကိုတော့ ပင်ပန်းသွားပြီဖြစ်ကြောင်း ကျေးဇူးတင်စွာနဲ့ ခါးကိုင်း အရိုအသေပြုလိုက်သည်။ ပြီးနောက်မှာတော့ ပျော်ရွှင်စွာပဲ စင်ပေါ်က ဆင်းခဲ့ကြလေ၏။ လီဟောက်ကျယ်ကတော့ ညှို့ယူခံထားရသည့်အလား မျက်ဝန်းတွေက သူမ အပေါ်မှာပဲ ကျရောက်လို့နေသည်။ နားနေခန်းကို မသွားဘဲ ပရိတ်သက်တွေ ရှိရာဆီသို့ လျှောက်လှမ်းလာတဲ့ သူမကို ကြည့်နေမိသည်။
အလင်းရောင်က သူမရဲ့ မျက်နှာလှလှလေးပေါ်မှာ ကျရောက်လို့နေပြီး မင်းသမီးလေး တစ်ပါးလို ကျက်သရေရှိလှလေ၏။ ကျန်းရှန့်မေကို အဝေးကပဲ ကြည့်နိုင်ပြီး အနီးကပ်လို့ မရတဲ့ လူတစ်ယောက်လို လီဟောက်ကျယ် ခံစားလိုက်ရသည်။ သူမက သူ့ဆီကို တမင်ရှိုးလာပြတယ်လို့ ထင်လိုက်စွာပဲ သူ ခပ်တန်းတန်း ပြန်ထိုင်လိုက်၏။
ကျန်းရှန့်မေက နင်မုန့်ကို သွားဖက်လိမ့်မယ်လို့ သူ လုံးဝ မထင်ထားခဲ့။ ပြီးနောက်မှာတော့ စီနီယာဘက် လှည့်ကြည့်ကာ "ကျေးဇူးပါ"
စီနီယာက အလျင်အမြန် လက်ခါယမ်းပြရင်း "မလိုအပ်ပါဘူး မိန်းကလေးကျန်း။ မေးခွန်း တစ်ခုလောက် မေးလို့ရမလား"
ကျန်းရှန့်မေက စီနီယာကို ပြုံးပြနေပြီး သူ့ကို လုံးလုံးလျစ်လျူရှူထားတယ်ဆိုတာ လီဟောက်ကျယ် တွေ့လိုက်ရသည်။ သူမက တရိုတသေနဲ့ပြန်ဖြေလိုက်သည်။ "ဟုတ် ရပါတယ်"
"မော့နရှားနဲ့ သိတာလား"
ထိုသို့ကြားတဲ့အခါ လီဟောက်ကျယ်လည်း နားစွင့်ထားလိုက်သည်။ မော့နရှားက သူမရဲ့ အအောင်မြင်ဆုံးအချိန်မှာ အနုပညာလောကမှ ထွက်သွားခဲ့တာ ဖြစ်သည်။ ထိုအချိန်တည်းကနေ အခုထိ ၁၀နှစ်ကြာခဲ့ပြီ ဖြစ်သလို ဘယ်သူမှလည်း သူမ အကြောင်း တော်ရုံ ပြောမလာကြတော့။ သူမရဲ့ သင်ကြားတာ ခံရမယ့် အနုပညာရှင်ဆိုတာ ကံကောင်းလွန်း၍သာ ဖြစ်နိုင်လေသည်။ အခုလိုမျိုး ထူးခြားတဲ့ အဆိုတော်တစ်ယောက်ကို မြင်နိုင်ဖို့ရာ အရမ်းကြာအောင် စောင့်ခဲ့ရသည်။ ကျန်းရှန့်မေက ချမ်းသာတယ် ဆိုရင်တောင် ပိုက်ဆံနဲ့တော့ ထိုထူးချွန်တဲ့ အနုပညာရှင်ရဲ့ အရည်အသွေးကို ၀ယ်လို့ရမှာ မဟုတ်။
ထိုသို့ တွေးနေရင်းမှ ကျန်းရှန့်မေက အပြုံးနှင့် ပြန်ပြောလာတဲ့ အဖြေကို ကြားလိုက်ရသည်။ "သူမက ကျွန်မရဲ့ အမေပါ"
"???"
[ ၂၅ပိုင်းစီပါတဲ့ pdf စာစဉ်၁ခုကို ၅၀၀ကျပ်နဲ့ wp acc cbမှာ လာဝယ်လို့ရပြီနော်^^ ။ ပြီးသွားတဲ့ စာစဉ်တွေပါ စာစဉ်၇ [EP-165 to 189]၊ စာစဉ်၈ [EP-190 to 214]၊ စာစဉ်၉[ EP-215 to 239]၊ စာစဉ်၁၀ [EP-239 to 264]၊ စာစဉ်၁၁[EP-265 to 289]၊ စာစဉ်၁၂ [EP-290 to 314]၊ စာစဉ်၁၃ [EP-315 to 339]၊ စာစဉ်၁၄ [EP-340 to 364]၊ စာစဉ်၁၅ EP-365 to 389တို့ပါ🥰]
---------------
[Zawgyi]
နင္မုန႔္သည္လည္း ေဖ်ာ္ေျဖမႈကို ၾကၫ့္ရင္း ထိရွသြားသည္ေၾကာင့္ စိတ္လႈပ္ရွားမႈကို မထိန္းႏိုင္ေတာ့တာမို႔ တစ္စံုတေယာက္ႏွင့္ ေဝမ်ွေျပာဖို႔ လိုအပ္လာသည္။ လီေဟာက္က်ယ္က သူမရဲ့ ညာဘက္မွာ ထိုင္ေနတာ ျဖစ္တာမို႔ ဘယ္ဘက္ကို လွၫ့္လိုက္ရံုသာ တတ္ႏိုင္ေလသည္။
သူမက ေဟာ္ေပ့ခ်န္ရဲ့ လက္ေမာင္းကို ဆုပ္ကိုင္လိုက္ၿပီး ဂုဏ္ယူစြာ ေျပာလာ၏။ "ဟီးဟီးဟီး က်န္းရွန႔္ေမက တကယ္ကို အံ့ဩစရာႀကီးပဲ!! in-ear monitor တစ္ခုေတာင္ မတပ္ထားဘဲ သံစဉ္ေတြကို ၿပီးျပၫ့္စံုေအာင္ ဘယ္လိုမ်ား ဆိုႏိုင္သြားရတာလဲ? စကားေျပာရင္က် အရမ္းၾကမ္းတမ္းေနတတ္ၿပီး သီခ်င္းဆိုတဲ့အခါက် ဘယ္လိုေတာင္ ႏူးညံ့ေနလိုက္တာလဲ? တကယ္ပဲေနာ္ ကြၽန္မ အခု သူမရဲ့ ပရိတ္သက္အႀကီးစား ျဖစ္သြားၿပီပဲ!"
ထိုသို႔ ေျပာၿပီးေနာက္ တစ္ခုခုမွားေနတာကို သူမ ခံစားလိုက္ရသည္။ ေဟာ္ေပ့ခ်န္တဲ့ မ်က္ႏွာက ေတာင့္တင္းလို႔ ေနၿပီး တုန္ရီေနတဲ့ သူ႔ရဲ့ မ်က္ခံုးေတြကို သူမ ၾကၫ့္မိတဲ့အခါ ဂဏာမၿငိမ္ျဖစ္ေအာင္ လုပ္ေနတဲ့ ႀကီးႀကီးမားမား တခုခုရိွေနမယ္ဆိုတာ သူမ ေျပာႏိုင္သည္။ သူက တစ္စံုတခုကို အရမ္း ဖိႏိွပ္ေနပံုေပၚသည္။ သူ႔လက္ေမာင္းေပၚမွ သူမ လက္ကို ျပဳတ္ရုတ္လိုက္သည္။ ျပန႔္ေနတဲ့ သူ႔ရဲ့ အက်ႌလက္က သူမရဲ့ ဆုပ္ကိုင္ထားမႈေၾကာင့္ တြန႔္သြား၏။
နင္မုန႔္က အလ်င္အျမန္ဆိုသလိုပဲ သူ႔ရဲ့ အက်ႌလက္ကို နဂိုအေျခအေနအတိုင္း ျဖစ္ေအာင္ ျပန္သပ္ခ်ေပးလိုက္၏။ သူက သူမအေပၚ သစၥာေဖာက္ထားတာကို သူမ ေမ့သြားခဲ့တာပင္။ သူမကေတာ့ ရွက္ၿပံဳးသာ ၿပံဳးျပလိုက္သည္။
"ဘုရင္ႀကီးခ်န္ရဲ့ suitက တကယ္ကို အရမ္းမိုက္တာပဲ။ ခ်ဳပ္ထားတာေလးကို ၾကၫ့္ပါဦး အရည္အေသြးကို ၾကၫ့္ပါဦး။ ဒီေလာက္ အဆင့္ျမင့္လြန္းေနတာေတာင္မွ ရွင့္ရဲ့ အရည္အေသြးကို နည္းနည္းပဲ ေဖာ္ျပေပးႏိုင္တယ္။ ဘာလို႔ဆို ရွင္က အရမ္း ဆြဲေဆာင္မႈ ရိွလြန္းလို႔ေလ!"
ၿပီးေနာက္မွာေတာ့ သူမက မ်က္လံုးမိွတ္ျပလိုက္ကာ "ကြၽန္မ ဘယ္သူလဲဆိုတာ ရွင္သိလား"
"ဘယ္သူလဲ"
နင္မုန႔္က အတည္ေပါက္ႀကီး ေျပာလာသည္။ "ကြၽန္မကလည္း အရမ္းဆြဲေဆာင္မႈ ရိွတဲ့လူေလ"
"…"
သူမ ထိုသို႔ေျပာေနရင္းမွာ တဖက္မွ စီနီယာက မ်က္ခံုးေတြကို တြန႔္ၾကဳပ္ေနရင္း သူ႔အေတြးေတြကို ထုတ္ေျပာလိုက္သည္။ "ဘာလို႔မ်ား သူမပံုစံက ေမာ့နရွား ကို သတိရိမိေစတာလဲ?"
'ေမာ့နရွား?'
လီေဟာက္က်ယ္လည္း ေမးေစ့ကိုင္ၿပီး ေတြးေတာမိသြားသည္။
'ေမာ့နရွားဆိုတာ ျပည္တြင္းမွာ နာမည္ႀကီးခဲ့တဲ့ အႏုပညာရွင္ တစ္ေယာက္ျဖစ္သည္။ လြန္ခဲ့တဲ့ ၁၀ႏွစ္တုန္းကေတာ့ ျပည္တြင္းမွာေရာ ျပည္ပမွာပါ နာမည္ႀကီးခဲ့ေသာ္ျငား သူမက အခုေခတ္စားေနတဲ့ သီခ်င္းေတြကို သီဆိုခဲ့သူေတာ့ မဟုတ္ေပ။ ထို႔ေၾကာင့္ပဲ ကြင္းထဲက လူအုပ္ႀကီးက သူမရဲ့ ေအာင္ျမင္မႈကို သိၾကမွာ မဟုတ္။ ဘယ္လိုပဲျဖစ္ျဖစ္ အႏုပညာရွင္ တစ္ေယာက္အေနနဲ႔ကေတာ့ ေမာ့နရွားလို နာမည္ႀကီးတစ္ေယာက္ကို မသိဘဲ ေနမွာလဲ? အဆိုကမ႓ာဂိမ္းထဲမွာေတာ့ သူမက ထိပ္ဆံုးကစားသမား တစ္ေယာက္ပဲ။ နာမည္အႀကီးဆံုး အႏုပညာရွင္ တစ္ေယာက္ ျဖစ္ေတာင္မွ သူမကို ေလးစားစြာနဲ႔ ဆရာလို႔ ေခၚရမည္မွာ ဧကန္ပင္။'
'က်န္းရွန႔္ေမ နဲ႔ ေမာ့နရွားတို႔က ဘယ္လိုလုပ္ၿပီး အဆက္အသြယ္ ရိွမွာလဲ? က်န္းရွန႔္ေမက ေကာင္းေကာင္းႀကီး သီဆိုသြားႏိုင္တာ ဘယ္လို ျဖစ္ႏိုင္မွာလဲ?'
လီေဟာက္က်ယ္ကေတာ့ စင္ေပၚကို ထပ္ၾကၫ့္လိုက္သည္။ က်န္းရွန႔္ေမက ထိုေနရာမွာ ယံုၾကည္ခ်က္ရိွစြာ ရပ္ေနတာ ျဖစ္၏။ သူမနဲ႔ လင္းခ်င္ေပ့က လူအုပ္ႀကီးကို လက္ေဝ့ယမ္း ျပၿပီး တူရိယာဝိုင္းကလူေတြကိုေတာ့ ပင္ပန္းသြားၿပီျဖစ္ေၾကာင္း ေက်းဇူးတင္စြာနဲ႔ ခါးကိုင္း အရိုအေသျပဳလိုက္သည္။ ၿပီးေနာက္မွာေတာ့ ေပ်ာ္ရႊင္စြာပဲ စင္ေပၚက ဆင္းခဲ့ၾကေလ၏။ လီေဟာက္က်ယ္ကေတာ့ ၫွို႔ယူခံထားရသၫ့္အလား မ်က္ဝန္းေတြက သူမ အေပၚမွာပဲ က်ေရာက္လို႔ေနသည္။ နားေနခန္းကို မသြားဘဲ ပရိတ္သက္ေတြ ရိွရာဆီသို႔ ေလ်ွာက္လွမ္းလာတဲ့ သူမကို ၾကၫ့္ေနမိသည္။
အလင္းေရာင္က သူမရဲ့ မ်က္ႏွာလွလွေလးေပၚမွာ က်ေရာက္လို႔ေနၿပီး မင္းသမီးေလး တစ္ပါးလို က်က္သေရရိွလွေလ၏။ က်န္းရွန႔္ေမကို အေဝးကပဲ ၾကၫ့္ႏိုင္ၿပီး အနီးကပ္လို႔ မရတဲ့ လူတစ္ေယာက္လို လီေဟာက္က်ယ္ ခံစားလိုက္ရသည္။ သူမက သူ႔ဆီကို တမင္ရိႈးလာျပတယ္လို႔ ထင္လိုက္စြာပဲ သူ ခပ္တန္းတန္း ျပန္ထိုင္လိုက္၏။
က်န္းရွန႔္ေမက နင္မုန႔္ကို သြားဖက္လိမ့္မယ္လို႔ သူ လံုးဝ မထင္ထားခဲ့။ ၿပီးေနာက္မွာေတာ့ စီနီယာဘက္ လွၫ့္ၾကၫ့္ကာ "ေက်းဇူးပါ"
စီနီယာက အလ်င္အျမန္ လက္ခါယမ္းျပရင္း "မလိုအပ္ပါဘူး မိန္းကေလးက်န္း။ ေမးခြန္း တစ္ခုေလာက္ ေမးလို႔ရမလား"
က်န္းရွန႔္ေမက စီနီယာကို ၿပံဳးျပေနၿပီး သူ႔ကို လံုးလံုးလ်စ္လ်ူရႉထားတယ္ဆိုတာ လီေဟာက္က်ယ္ ေတြ့လိုက္ရသည္။ သူမက တရိုတေသနဲ႔ျပန္ေျဖလိုက္သည္။ "ဟုတ္ ရပါတယ္"
"ေမာ့နရွားနဲ႔ သိတာလား"
ထိုသို႔ၾကားတဲ့အခါ လီေဟာက္က်ယ္လည္း နားစြင့္ထားလိုက္သည္။ ေမာ့နရွားက သူမရဲ့ အေအာင္ျမင္ဆံုးအခ်ိန္မွာ အႏုပညာေလာကမွ ထြက္သြားခဲ့တာ ျဖစ္သည္။ ထိုအခ်ိန္တည္းကေန အခုထိ ၁၀ႏွစ္ၾကာခဲ့ၿပီ ျဖစ္သလို ဘယ္သူမွလည္း သူမ အေၾကာင္း ေတာ္ရံု ေျပာမလာၾကေတာ့။ သူမရဲ့ သင္ၾကားတာ ခံရမယ့္ အႏုပညာရွင္ဆိုတာ ကံေကာင္းလြန္း၍သာ ျဖစ္ႏိုင္ေလသည္။ အခုလိုမ်ိဳး ထူးျခားတဲ့ အဆိုေတာ္တစ္ေယာက္ကို ျမင္ႏိုင္ဖို႔ရာ အရမ္းၾကာေအာင္ ေစာင့္ခဲ့ရသည္။ က်န္းရွန႔္ေမက ခ်မ္းသာတယ္ ဆိုရင္ေတာင္ ပိုက္ဆံနဲ႔ေတာ့ ထိုထူးခြၽန္တဲ့ အႏုပညာရွင္ရဲ့ အရည္အေသြးကို ၀ယ္လို႔ရမွာ မဟုတ္။
ထိုသို႔ ေတြးေနရင္းမွ က်န္းရွန႔္ေမက အၿပံဳးႏွင့္ ျပန္ေျပာလာတဲ့ အေျဖကို ၾကားလိုက္ရသည္။ "သူမက ကြၽန္မရဲ့ အေမပါ"
"???"
[ ၂၅ပိုင္းစီပါတဲ့ pdf စာစဉ္၁ခုကို ၅၀၀က်ပ္နဲ႔ wp acc cbမွာ လာဝယ္လို႔ရၿပီေနာ္^^ ။ ၿပီးသြားတဲ့ စာစဉ္ေတြပါ စာစဉ္၇ [EP-165 to 189]၊ စာစဉ္၈ [EP-190 to 214]၊ စာစဉ္၉[ EP-215 to 239]၊ စာစဉ္၁၀ [EP-239 to 264]၊ စာစဉ္၁၁[EP-265 to 289]၊ စာစဉ္၁၂ [EP-290 to 314]၊ စာစဉ္၁၃ [EP-315 to 339]၊ စာစဉ္၁၄ [EP-340 to 364]၊ စာစဉ္၁၅ EP-365 to 389တို႔ပါ🥰]