يـا مفتـاح روحـي ..
والسـوالف بيـك تحـلى!
والهـوى يمـرني ، ويـرطبني هبوبـك
يـانـدى الغبشـة..
يـا خطـار عينـي ، هـاكثر مختـاض ؟
مـن رِمـش لـ رِمـش زعـلان تتمشـى..🖤
هيه لو الدنيا عوجة لو آني عوجة شهل الحض هذا لعندي ،دك موبايلي بيدي باوعتله ورديت بسرعة
الوووو
-تسمعيني الووو
-أسمعك أحمد شبيك
أحمد:الوووو
رؤى:يااا احمدد ترا اسمعك صوتك واضح
-ههههههه الو
رؤى:احمدددد مو وكتك والله تعال شوف آني بيا حال
-شبي حالج حبيبتي
رؤى: البيج لردت منه زي التخرج مال ايو
-اي شبي دحجي تجرين الحچاية جر
رؤى:راسلني الولد يگلي عذريني صار عندي ظرف والتوصيل اتأجل بعد أسبوع زين شسووي هسة اففف
-لج تراسلين ولد من وراي ؟
رؤى:احمد حبيبي شمتريگ اليوم ؟
-نفر كباب يلوگ لهل الحلك
رؤى:جااا شبيك بعد تخوط بصف الاستكان جا مو راسلنا البيج سوة وانت جنت كاعد بصفي!
-يا استكان ؟
رؤى:احمدددد
-ههههههههه هسة شتردين ترا عندي شغل
رؤى:روح روح كلشي مااريد اصلاً اني غلطانة جاييتك تدورلي حل
-تشلعين الحل من عيوني بس خل ارجع ونتفاهم
رؤى:يله أنتظرك
-اوگفي بنيتي وينها
رؤى:هاي فاتحة كنتورك وكاعدة بنصه مو تگول ماكو ساعتي ماكو محبسي اني معلية
-خاااب اروحلها فدوووة صوريها بشرفج
رؤى:سديته منه وصورتها ودزيتها اله مالحكت اجاوبة واشوفها وكعت من الكنتور ركضت شلتهه من الكاع الطفلة ميتة من البجي واني ميتة من الضحك
هههههههه هذا ابوج حسدج ههههه خرررب اشش ماما كافي سوده عليه ، الوكعة خفيفة بچت شوية وسكتت نزلتهه جوة كعدتها يم علوش تلعب ورحت للمطبخ
ايه:ها وين اختفيتي
رؤى:نظفت الغرفة وغسلت الملابس ،اكلج شوكت موعد الجلسة مالتج ؟
-الخميس يعني بعد 3 أيام وهم ارجع أثبت الحجز واتأكد ليش ؟
رؤى:لا هيج بس حتى اثبت حجز الزي
سمعت الجهال تعاركو رحتلهم والگه ليان بنت علي وتوته بنتي متكاتلات علمود لعابة ،شلت ليونه اسكتها لان بنتي الادبسزز مستحيل تتنازل وتنطي لعبتها
اشش حبيبتي ليونه باعي شوفي هاي أحلى
-اني اليد هاي
رؤى:اييع وصخه هاي ختولي شوفي هاي تخبلل وعيونها نفس عيونج الله شوفيها
-هيه عدتني (عضتني)
ايه:تعالي عمة حبيبتي ختولي توته المچلوبة
رؤى:والله مو صوجها صوج ابوها الزود كلما يتعارك ويه العالم يگلها روحي عضي فلان
ايه:ههههههه شترجى من أحمد ابو الطائفية مسوي حرب بينهم
رؤى:ياا ايه البنية نطت من البجي والله عيب شگول ل أمها عود أمنتها يمي اليوم
ايه:هسة تسكت شبيج عادي جهال ويتعاركون قابل أول مرة ،تعالي ليونه انطيج ككو على عناد توته ،اخذتها وصعدت لغرفتي انطيتها ككو وكعدتها ورحت توضيت وصليت بعدين اخذت الموبايل لگيت مكالمة فائتة من شيخ گلبي رجعت اتصلت بي طول يله جاوب
وينك
-جنت أصلي
-تقبل الله حبيبي ، باوع حبيبي من هسة الخميس أنت هنا مو تگول ترا گوة لگيت حجز عند المصورة ف معلية تحترك الدنيا تنقرض البشرية أنت لازم موجود الخميس
-الحمدلله اني بخير انتي شلونج ؟
-هههههههههه فشلتني اووي
-ووجع جري نفس
-مو ياعيني ياحبيبي مااريد تواجهني مشكلة وتخرب عليه فدوه اروحلك
-خوش افتهمنا بيش الساعة الخميس
-نعم نعم ؟
-شكو شبيج
-اصلاً اني اريدك موجود قبل الخميس شنو بس لاتريد تجي بيوم الخميس وگبل للجلسة!
-لا لاتخافين اسبح وازين واكشخ
-لاتجلطني امير لاتجلطني والعباس هسة اخابرها والغي الحجز
-استغفرلله شتردين انتي غير افتهم
-شنو شريد غير أريدك من وكت شنو تريد تجي بيوم الخميس شنلحك لو هيه ركض وكلشي مانفتهم ،خصم الكلام حبيبي قبل الخميس انت هنا غير هل الكلام الغي الحجز وبكيفك بعد
-صار تدللين
-استغربت من جوابة حچيت بعدم تصديق ،، والله صدك ؟
-اي شكو
-لا هذا هو أدري بيك گد حچايتك ان شاءالله
......
فاطمة:طلعت من المستشفى آني وصديقتي بعد ماخلصنة دوام رفعت راسي ادور ع سيارتة ماكو
-ها فطوم أروح ؟
فاطمة:روحي حبيبتي
-خاف زوجج يتأخر عليج
فاطمة:بعدني اريد اجاوبها وشفته طبك بذاك السايد ،،لا عمري هذا وصل
-يله لعد أروح حبيبي
فاطمة:الله وياج حبي ،،مشيت عبرت الشارع وصعدت بالسيارة بدون كلام طلعت كلينس ونزلت المراية لگدامي مسحت وجهي من العرك والمسكارة السايحة وهو حرك السيارة ساكت
سديت المراية ورجعت ظهري ليورة واباوعله بطرف عيني طابك حاجبة متنرفز لحد ماحسيته طك من الغيض وحچه بعصبية
-شبيج ؟
فاطمة:سلامتك
-فاطمة لاتنرفزيني گوة متحمل واصلة وياي للضالين
فاطمة:الله يساعدك
-وتاااااالي
فاطمة:خفت من عاط بيه بس ظليت استفزة ببرودي مااتنازل
-باعي لج سوالفج تبطليهن لا ومُحمد اسوي شي ميعجبج ماصايرة هاي يومية عركة يومية مشكلة
فاطمة:العركة والمشكلة منو صاحبها ؟؟ اني لو انت ؟
-انتييي جااا ياااهو ؟
فاطمة:بذمتك اني ؟ ها اي صح اني يومية اخابر بنية ودك سوالف وضحك واني لـ انعزم على غدة وعشى واني لـ اسافر شهر شهرين ،هوه كله اني اسوي ، أنت سودة عليه فقير واني اسويلك المشاكل اي حقك
-انتي مخبلة والله بعقلج شي
فاطمة:اي مريضة ومخبلة بس انت العاقل
-عليييمن هاي
فاطمة:على حضييي الأغبر اخخخ بسس لووو الزم موبايلك وحق كتاب الله اخسرك شغلك كله واطلع ساقطة وادبسزز اذا ماسويتها ياعلي واخليك ماتعرف أرضك من سماك لهنا وكافيي سكتت واتحملت هواي وأنت تدوس عليه وتمشي ولاعبالك مطي مرتك
-اي زين عود من تلزمي لاتقصرين
فاطمة:اجيت اركع راسي بالجامة من القههر وخلصنة الطريق مناگر وعرك لحد ماوصلنا نزلت والتفتت باوعتله وهو يقفل السيارة
أقفلها زين خاف ينخطف الموبايل
هز أيده وضحك بستهزاء بعد مااتحمل مشيت وآني اغلط وأسب بروحي وبي ،لگيت البنات بالمطبخ يصبن غدة شافني وظلن صافنات بوجهي
شبيجن ؟
ايه:وجهج مايگصه السيف اسم الله ويامن تدردمين ؟
فاطمة:ويه روحي من امداني عفتهن وصعدت للغرفة طلعت ملابسي سبحت ع السريع وصليت ،لملمت الملابس الوصخة وملاعيب لونه نفتح الباب ودخل شايلهه ع چتفة وميتة من الضحك
حتى هيه ضايجة منها لان تحبة أكثر مني اصلا اني ضايجة من الدنيا كلها ظلت عليها
-ماما
فاطمة:ها ماما زين شفتيني ،نزلها واجتني تركض جرت ايدي عود تريد تكعدني ،كعدت واجت كعدت بحضني تسولف بعصبية ولفهمته متعاركة ويه توته وعاضتها وتشوفني بيدها بستها وآني اگللها
ميخالف حبيبتي انتن خوات عيب تتعاركن مو يله تعالي نتصاحب وياها
-لا بابا انزل
فاطمة:تنزلين ويه بابا؟
-اي
فاطمة:مو صوجج صوج الحمارة لمگابلتج شو گومي مني گومي وخرتها من حضني واخذت شالي ونزلت واسمعه يگللها مخبلة ماما
وره الغدة وگفت أغسل مواعين وايه تسوي چاي وتباوعلي كل شوية
ايه:لاعاد وصلت حدها شنو سالفتج أنتي مطنكرة صارلج يومين وحسرة واحد يحاچيج تگبين بوجهة ؟
-بيه مرض
ايه:يا شبيج والله صايرة مخبلة
-غسلت أيدي من الزاهي والتفتت باوعتلهه متخصرة ،، اخوج يصيح مخبلة وانتي تكولين مخبلة ومااستغرب اذا اجتني بت الحمارة ليان وتگلي ماما انتي مخبلة
ايه:غير افتهم شبيج
-اخوج شايفتة لو لا
ايه:اي شايفته شبي
-واحد ماعنده أخلاق والعباس رايدله تربية من جديد بس صبريلي اذا ماربيته ع ايدي واطلع كل ضيم گلبي بي مااطلع بت ابوي
ايه:ههههههه شمسويلج
-كولي شنو مامسوي اذا بيوم لگيتوني ميتة بفراشي فـ اخوج الساقط هو السبب
ايه:هههههههه والله الظاهر مجفص هواي وياج
-الساعة ب1 بليل خابرتة وينك حبيبي ؟ جاي حبيبتي وصلت ،دخل للغرفة سبح وتمدد ويلعب ويه بت الحمارة واجته رسالة والله راد يكشفة سبحان الله جان الموبايل بصفي گبل باوعتله والگة رسالة
(ان شاءالله العزيمة الثانية عليك هههه) وتخيلييي چان التبرير مالته (زميلة عمل وعزمتني اني وصاحبي ع العشى واستحيت اردها)
وهااااا عود هذا الموبايل الخاص مالته وهيج لعد موبايل الشغل شراح الگة بي ؟؟اني هسة يامن يحط موبايل الشغل مالتة بيدي وحق كتاب الله اله اسودنه واخبلة واشوفة منو العاقل ومنو المخبل بسيطة علي بسيطة
ايه:اباوعلها نار صارت وتحجي بحرگة گلب وعيونها مدمعة نكسر خاطري عليها مايهون عليه مدري شجاهم مخلصينها عركات ومشاكل
فاطمة والله علي يحبج ومايخونج وانتي تدرين بي
فاطمة:يحبني أدري مايخوني هم أدري بس اني مرة وأغار لو ثقتي بي مية بالمية هم اشك وأغار يعني احلفج بالله لو امير اجاج بنص الليل وجان يتعشى ويه بنية تسكتيله؟ تعبرين السالفة ؟ راح تنقهرين لو لا ؟
ايه:اموته غير
فاطمة:ها اهااا شوفيي لعد لاتلوميني ولج ايوو مو بس هاي هوه دائماً هيج مامعبرني يخابر هاي ويضحك ويه ذيج ويتعشى ويه صخمة ولايگول عندي زمالة مطية اسمها مرتي خل اشوفها شخبارها شحوالها حتى لو هذا شغلة بس كلشي اله حدود
يعني اني حسرة اراسل زملائي لو اتواصل وياهم يسويلي سالفة شكبرها رغم يدري بيه كلامي بحدود الدراسة وبسس
بس لا هو حلال علي واني حرام عليه، والله حتى من گد ماازعل واعارك مليت
ايه:والله اني وياج ومن ايدج هاي لـ ايدج هاي لان ادري بااخوي طوخها وياج
رؤى:ها وين صار الجاي عمو خبصني عليه
ايه:هذا كملتة بس اصبة
رؤى:شبيجن شو وضعجن متخربط
ايه:فاطمة وعركاتها
رؤى:ياويلييي سولفي خية شيوجعج
فاطمة:رؤى انتي خبرة بهاي السالفة مادام 24 ساعة تبحوشين وره أحمد
رؤى:هههههه ادللي شتردين
فاطمة:علي عنده موبايل ثاني مال شغل ومااعرف الرمز ابد حتى البصمة شايلها خاف افتحه ع اصبعة وهو نايم
رؤى:لاه لاه مو خوش سالفة هاي شعندة هيج خانك ع الموبايل ؟
فاطمة:لان يدري بيه اكرهة هذا الموبايل ودوم اگلة اذا لزمتة اخسرك شغلك كلة لهيج هو محتاط من جميع الجهات لان كل شغلة بي الصغيرة والجبيرة
رؤى:اهممم فهمت والمطلوب خية دخليلي بالزبدة
فاطمة:اريدة اريد افتح الموبايل
رؤى:اعصابج خية تردين تفلسين الرجال بالاخير هذا شغلة خلي الله بين عيونج هههههه
فاطمة:لا مااسوي شي بوخة اني ،بس اريد اشوف شبي مابي
رؤى:آيفون موبايله غير
فاطمة:اي
رؤى:صعبة خية وانتي تگولين ماكو بصمة يعني بس الرمز هو المخرج الوحيد
فاطمة:تنهدت محتارة رجعت أغسل مواعين ورؤى يمي تمسح بالكاونتر ،دخل أحمد من الشغل وبدت سوالفة
احمد:شلونج حب
رؤى:هله حبيبي الله يساعدك
أحمد:اتعلمن اتعلمن دباعن شلون تحچي تعاي ابوسج
رؤى:خزرته وهو صاح
احمد:شني شبيج بوسة اخوية تعاي
رؤى:جرني من ايدي وباس خدي وحطني جوة أيده ويسولف ويه فاطمة
احمد:اكلج دكتورة
فاطمة:ها
احمد:أنتي تدرين شكد احبج مو
فاطمة:خير أحمد صاير شي
أحمد:اكلج حبيبتي شو هاي مطنكرة بوجهي
رؤى:همستله ، اشش عوفهة مو وكت سوالفك البنية نفسيتهة تعبانة
احمد:انه غلام أبوي شبيج ولج احچي
رؤى:حضنته من خصرة وحچيت مبتسمة
حبيبي حمودي أنت ابو الوگفات الحلوة محتاجينك بشغلة حياة او موت ، باوعتلي فاطمة وخزرتني عضيتلهه شفتي بمعنى سكتي
احمد:گولي ياروح وگلب حمودي
رؤى:رفعت رجلي بست خدة واني اگول ،،يلوموني بحبك
احمد:يابعد روحي
رؤى:اي احمد نرجع لموضوعنا لاتطلع زايد
فاطمة:استغفرلله
أحمد:خاب شمالج تتنافخين لاطيرينه وانتي الثانية كافي لواكة ادري عندج سالفة غردي
رؤى:احمد بغلات توته تساعدنه نريد رمز موبايل علي
احمد:امداني الفاهية ماتعرفين رمز رجلج ،جا شو هاي حتى الرمز حاطته على مواليدها
فاطمة:اعرف رمز موبايلة الخاص بس اريد رمز موبايله مال الشغل
احمد:هذا جاي يخونج وآني فاعل خير وانتي اختي وتاج راسي والرمز بليل يمج صدك جذب زلم ماتستحي تدور نسوان صدك زلم گ***
رؤى:أندري ياريت كل الزلم مثلك جا النسوان بخير
احمد:تاج راسي
رؤى:انوب دفعني وصاح
احمد:كافي لج امشي صبيلي غدة متت من الجوع
رؤى:جا مو متريك كباب
احمد:جا ويلي ربي من الصبح اكلتة وانكربت كراب ظل كباب ظل صخام
رؤى:طلع من المطبخ واني اضحك متزوجة زلمة شاخط والله باوعت لفاطمة ،، معليج مادام السالفة بيها خباثة يجيبلج الرمز ادري بي
وصدك لليل دخل للغرفة شايل توته ع چتفة ويهز رگبة متت من الضحك
احمد:سجلي يمج حب 258790
رؤى:العباس عليك ؟
احمد:قابل اغشج
رؤى:اخذت الموبايل بسرعة وكتبتة لفاطمة ودزيته ،،وهو شمر توته ع الفراش يبوس بيها
شلون جبته بله
احمد:اشش والعباس يطين حضي عود مااوصيجن كولن احمد انطانه الرمز اله ادهرجن وانتي تلمين جوالاتج وتولين لـ اهلج
رؤى:شعلية اني أنت تبرعت من وحدك قابل جبرتك
احمد:جا منو حضني وباسني وحبيبي وگلبي وانتي تدرين بيه بسرعة اتفاعل واذوب
رؤى:ضحكت وهو دفع توته وهو يگول
احمد:كافي لج خل اشوف امج خطية
رؤى:حضنته من بطنه ،،اووي حبيبي أنت عسل ماكو منك أثنين
احمد:أدري والله أدري
رؤى:وين موبايلك حبيبي
-لا تكفريني مو جاااي نصخم شلج بالموبايل
رؤى:شبيك اخابر امي ماعندي رصيد
-عوفي عمتي هسة المرة نامت شلج بالكلاوات هاي
رؤى:حضنت وجه ،شبيك حب ليش عصبت خلص خيولي الموبايل صدك جذب
عض أيدي وحصرني ويه الكنتور باسني لحد ماگطع نفسي عض شفتي الجوة وأبتعد
باوعت ورا توته تباوعلنه دفعته وحچيت ،، توازيت هسة دباع الطفلة شلون فاكة عينها خرب حضي طالعة عليك تخرب ع المكسرات
احمد:خليها خليها تتعلم من هسة
رؤى:التربية بصفحة وانت بصفحة لو كل الاباء مثلك جا اتصخمت العالم
رجع جرني من ايدي يبوس برگبتي واني ادفعة وهو مچلب بيه وتوته تصفك مدري اضحك مدري ابجي نحرفت الطفلة
عزاا احمدد تخبلت والقرآن
-بوسيني واعوفج
رؤى:مااا مااا
-مو بكيفج
رؤى:تعاااال بس خلصني ،بست شفته وهو لزك بيه لحد مااختنك يله عافني
-اخخ يابة علاج
رؤى:مسحت حلكي واباوعله الادبسزز يخجلني ،جر ايدي ودفعني للفراش نام بصفي وحط توته ع بطنة
-شبيها فاطمة
رؤى:مقهورة من علي ومتعاركين
-شمسويلهه
رؤى:متعشى ويه بنية ويا بالشغل وراجع ب1 وهيه عرفت ومتعاركين
-اويلي عليج زهرة سافرت أسبوع داح البيت
رؤى:ههههههه اي والله مكانها خالي
-لاچمالة تگلي بعد ماارجع خلوني بسوريا اشبع ،كلتلها سالمين حجية منين تشبعين
رؤى:هههههههههه عزاا احمد
-كالت ارجع لو ماارجع اله اطيح حضك هههههههه تريد تشبع خرب يومج زهرة
رؤى:دكافييي عوف المرة بحالها مصارلهه سنتين من اترملت
-اي والله طلعت عينها وره مادفنة رحيم بكبرة
رؤى:اكلك شو تندمت انطيت الرمز خاف يطلع علي لاعب بذيله وهاي فاطمة تموت والله
احمد:لا علي مايسويها اعرفة عدل
رؤى:زين ليش هيج يسوي ويقهرها
احمد:فاطمة من تزوجوا لهسة بعدها تغار وغيرتها مبالغة وصاحبي ماتصرفلة هاي الشغلة لان هو شغلة تلث ارباعه ويه النسوان وتعال حلها
رؤى:بس مو من حقة يتعشى ويه البنات شسالفة وين كاعدين حتى لو شغلة بس لازم يحط حد لهيج سوالف ترا من حقها فاطمة هيج تغار لو آني بمكانها اتخبل اكثر منها شني تايهة هيه ماوراكم نسوان مالكم رداد
سد حلكي وصاح
-اشش اششش غفت البنية الله يطيح حضج سلت شريطج شبيج ماتكليلي
رؤى:دفعت ايده وجريت نفس صدك شبيه نفعلت واصيح ،ظليت اضحك وهو يهز بيده اخذت توته نومتها بفراشها ورجعت بصفة
باع أحمد حاچي علي حباب وفهمة انو لجاي يسوي غلط وفاطمة حقها ومن هل الكلام بعد أنت ماتتوصى تسفط تسفط بالحچي
-خوش خوش بس تعاي
رؤى:اوگف والموبايل ،،عض خدي بحرگة ضحكت عبالي يزعل بس ميتنازل عن حقوقة
......
فاطمة:رفعت راسي من المخدة الغرفة ظلمة نايم وليان نايمة گمت اتمشى ع أطراف أصابعي وصلت يم الجرباية فتحت فلاش الموبايل دورت السويج لگيته ع الميز اخذته وطلعت من الغرفة
جريت نفس يممه گلبي وگف ،نزلت بسرعة طلعت برة فتحت السيارة وصعدت ظليت ابحوش بيها لحد مالگيت الموبايل وگلبي دگاته مسموعة
رفعت راسي واشوف ضوة بالمطبخ ،يممه عزاا بسرعة نزلت جوة وكاتمة صوتي وعاصرة الموبايل بيدي من الخوف
مااحس اله اندكت الجامة رفعت راسي وأشوف أحمد يممه حسيت روحي طلعت من الاعدام رفعت جسمي ونزلت الجامة
-هههههههه ها لج
فاطمة:اشش بشرفك اجة يوگف گلبي
-ترا كعد
فاطمة:جذاااب
-والعباس يدور عليج گتلة بغرفتنة يم رؤى خليته يطب واجيتج بزون
فاطمة:رجع اشتغل ضوة المطبخ وهو بسرعة گال
-السوييج
فاطمة:انطيته اله گال مستعجل
-ظلي هنا وشگلك السويج عندي لاتفضحينه خرب شورطني ويه هذا المخبل
فاطمة :دخل جوة يركض وآني ظليت بالسيارة ،فتحت الموبايل وگبل للواتساب فكيت عيني ع المراسلات كوومة دخلت عليهن وحدة وحدة كلهن يخصن الشغل بس وحدة شعوطتني مبينه ذيج هيه تزحفله عيوني وعمري مخلصتها ويا
اخذت سكرينات ودزيتهن لرقمي ،،كضيتها وانطيتها بلوك خوما اعوفها هيج ورحت حظرتها من جهات الاتصال سويتلها بلوك من كلشي
دخلت ع الماسنجر والانستا كلة بنات ليش ياربي بس حظي هيج شغلة كله ويه البنات أنوب وحدة احلى من الثانية
خوما اعوفة هيج رحت سويتة ع بصمتي وغيرت الرمز بسيطة اذا ماحرگت گلبك
رجعتة لمكانة ونزلت قفلتها ورجعت صعدت فوك فتحت باب الغرفة ع كيف فزيت من شفته كاعد ومشغل الضوة
-وين جنتي ؟
فاطمة:يم رؤى ،گلت هيج ونمت بفراشي بالكاع وبصفي ليونه
-فاطمة تعاي نامي هنا كبري عقلج
فاطمة:مااريد اختنك ،،اجة رفع الغطا ولزمني من زندي
-يابة والقرآن ماعندي غيرج ليش تخلين الشك يدخل بيناتنه
فاطمة:كعدت على حيلي وحچيت بهدوء وعيني بعينه
أدري ماعندك شي وواثقة بيك بس لسويتة ولجاي تسوي هواي عليه ماعندي صبر جبير وأتحمل ،،
تسافر عذرتك لان شغلك ومالي حق اتدخل علاقاتك الهواي ويه البنات هم نمشيها لان شغلك وواجب بسس الميانة الزايدة بينك وبينهن لا لهنا وكافي شنو عشا شنو عزيمة ؟ ترا أنت رجال متزوج عندك مرة والمفروض من وحدك ترفض هيج شي وتحطلهن حد حتى يعرفن انو أنت متزوج ويستحن على دمهن
باوع علي احبك اي امووت بيك اي بسس كلشيي ولاتدوس عليه وعلى كرامتي خليلي أحترام گدام الناس خليلي مكانة بشغلك خلي يعرفن انو أنت مرتبط بيه اني متزوجني اني تحبني اني حتى يبطلن يفكرن بيك غير تفكير يبطلن يتقربلك بحجة الشغل
يظل ببالهن انو أنت غير مباح بين قوسين يأيسن منك ،مو ضاربلي وياهن ميانة للعكس وعشى وعزيمة خووب روح صاحبهن عليمن مستحي عادي قابلة منو فاطمة وترفض ؟
-منو گلج ماحاطلج إحترام ومكانة؟ الكل يدري قريب وبعيد اني متزوج ومرتي دكتورة واحبها وعندي طفلة ومستقر ومعلية بيهن هنه شيفكرن وشنو براسهن اني ليهمني شغلي وبس
فاطمة:بس شغلك جاي يقهرني مامرتاحة عاجبك وضعنه؟ يومية مشكلة وهاي بتنه كبرت وبدت تستوعب وآني الصراحة مامستعدة اخليها تعيش شعور مزعج بسبب امها وابوها ومشاكلهم
شوفلك صرفة لشغلك ولذني الساقطات زميلاتك عشتو من تالي عشيات وعزايم بس اني مكتوبلي اتمرمر من وره شغلك
رجعت راسي للمخدة وتغطيت وهو وگف رجعت رفعت راسي وحچيت واني أشر بااصبعي
بعد أسبوع عندي سفرة علمية عود أعترض وگول ماترحين والقرآن اله اكطع بنتك تگطع واذب حرگت گلبي بيها
علي:اكلج شو انتي تمسلتين مدي ايدج عليها وشوفي شسوي بيج ومادام هيج ماترحين اعلمج ع الأسلوب ام الثقافة
فاطمة:نشوف عود ،،تقدم عليه وعصر ايده خزرني وطلع من الغرفة رجعت راسي وغمضت عيوني مرتاحة مادام حرگت گلبة نمت وكعدت على صوت المنبه طفيته بسرعة قبل لاتفز ليونه وگمت غسلت وبدلت للدوام وهو ماكو نزلت جوة
البنات واحمد يتريگون كعدت وياهم يردن يرحن للجامعة عدهن شغلة اوراق مااعرف شنو ويفرفرن بالمجمعات بدربهن واحمد يشمر حجي
احمد:اي حبايب ماكملتجن سالفة البزونه
ايه:اييي شصار من لكيتها بالسيارة
احمد:جا غير باگتني
ايه:يااا انت بس لا جاي تضحك عليه
احمد:لا وداعتج لگيتها تبحوش بالسيارة لگفتها وجريتها من ياختها وطلعتها
رؤى:ههههههههههه وبعدين البزونه حصلت لتريده لو لا ؟
احمد:هاي كدامج واسئليها
ايه:منو شتقصد ؟
احمد:هاي الطنكورة لكدامج لگفتهه بسيارة رجلها ماتستحي تدور وره الزلمة وانه ابن عمي شريف وبالشرف معروف
فاطمة:اي طالع عليك
احمد:اني رجال امشي بصف الحايط واگول يارب سترك شهل الاتهامات هاي من الصبح
رؤى:أندري ترا اني ربيته عدل
احمد:لا ياادبسزز على هل الحچاية
ايه:متنه من الضحك من شال خاشوكة الجاي ورگعها وهيه گامت وسوت روحها زعلت
رؤى:جا اني شحجيت ع كيفك عيني يـ المتربي مرتين
احمد:هاي كله من عيون هاي البزونه حسدتنه أعوذ بالله
فاطمة:اي ديربالك مني
احمد:دگومي گومي ذاك الخاين كاعد بالسيارة منتظرج من الصبح يتريك جكاير بس مو صوجة صوج النسوان العوبة
رؤى:جا وانت شنو ماتگوم صارلك ساعة تاكل اتاخرنه
احمد:هاي البنية شكد احبها بس يااخي ادبسزز وماعدها أخلاق بدال ماتكول بالعافية حبيبي أكل هسة من اگوم انعنع ضلوعج احد يلومني
رؤى:اني علمودك حبيبي شوف شلون سمنان وانت رجال رياضي أخاف عليك
احمد:دگومن انسدت نفسي مااريد اتزقنب
رؤى:هو شخليت وراك
احمد:سمعينيييي ست رؤى
رؤى:جاي اكول بالعافية حبيبي عافيات
فاطمة:طلعنة ونضحك ع المناگر مالتهم وبس امي ظلت يم الجهال بيبي وعماتي بسوريا
هنه راحن ويه أحمد واني علي وصلني للمستشفى وخلصنه الطريق سكتة..
للظهر كملت الدوام هلكت بالمستشفى تدريب صيفي
دك موبايلي احمد جاوبته ،الو
-ها بزون اني برة وينج انتي
-ليش وين علي
-عندة شغل وخابرني كال رجعها وياك يله طلعي طابك بالسايد الثاني
-اي هاي شفتك اجيتك ،،وصلتهم صعدت ورة بصف ايو
رؤى:الله يساعدج
فاطمة:ويساعدكم شلونكم
رؤى: وهاي ام علوش تخربطت
فاطمة:التفتت باوعتلهه صدك وجهة اصفر وخانسة ،، شبيج ايو
ايه:مابيه شي بس حارة وضربتني شمس ودخت
فاطمة:وهسة شلونج
ايه:لا الحمدلله أحسن
رؤى:نويرة تسلم عليج
فاطمة:ختولي
رؤى:هههههههه خوب انتي متعاركة ويه الدنيا كلها
فاطمة:داست بطني الحقيرة كضيتها وحظرتها
احمد:كولي يالله ام ليونه استهدي برحمانج
رؤى:هو انتم وراكم رحمان كل ضيمنه من وراكم
احمد:خوب انتي مشتهية عركة على واهس الجماعة
رؤى:ضحكت والتفتت باوعت لفاطمة ،،يمكن بليل تجي وكالت خابرن هبة وياجن
ايه:هبة مريضة
رؤى:سلامتها شبيها ؟
ايه:معدتها وجاي تراجع دكتور وامها اجت يمها البارحة متخربطة بليل ومخلصتها بالمستشفى
فاطمة:ياا شو ماادري
رؤى:لعد بليل نروحلها خطية
ايه:اي كلتلهه نجيج بليل وناخذلهم عشا هم نتعشى يمهم
فاطمة:اي زين
احمد:تخطيطات اسرائيلية
رؤى:زيارة المريض واجبة حبي
احمد:وهم زيارة المريض قصيرة وانتن ياعيني عشاجن وجوكة شگدها رايحات عدجن زفة
رؤى:نتونس ضايجين وعود خل فهد يجي يمك اتعشوا سوة
احمد:هو انه شايفة فهد حتى الموبايل مايرفعة علية
ايه:صايرتله مشكلة بشغلة ودايخ بيها وحتى يمكن يسافر ومنا هبة وملتمة علي
احمد:جا مايحجي يصخم يكول شغلة كله سكتة وانتي استخبارات الداخلية كلشي تعرفين
ايه:ههههه والله هبة تسولفلي هوه مايحجي تدري بي
فاطمة:وصلنه للبيت تغدينا وكلمن طش لغرفتة ،سبحت ليونه ونومتها بصفي وتدردم على راسي خبصتني بابا بابا
ليونه تحبيني لو تحبين بابا ؟
-بابا
فاطمة:اي واني هنا خراعة خضرة امده حظي وللج مامااا حبيني اني خيولي بابا مو حباب
-بابا حباب
فاطمة:ليونه من يجي بابا عضي من ايده خوش
-ختيه
فاطمة:والله ماغيري خطية ،باعي ماماتي أول مايجي لزمي ايده وعضي حييل
ظلت صافنة بوجهي مامقتنعة ،حطت ايدها بصدري ماتبطل هاي العادة ماتنام اذا ماتحط ايدها بصدري مبزعتني ظليت اسولف وياها لحد ماغفت وغفيت وياها
فزيت على حركتها تلعب بوجهي بستها وگمت غسلت وبدلت واخذتها ونزلت جوة لگيت البنات كاعدات بالصالة ويباوعن بالموبايل والجهال يلعبون
رفعت راسي من سمعت صوت سيارتة طبگت برة ودخل وأول ماشافني خزرني وعيونه تطاير شرار أشرلي بعيونه وصعد
ايه:يريدج
فاطمة:اي اي ، صعدت وأدري منتظرتني مشكلة شكبرها أول مافتحت الباب عاط بيه
-شمسوووية ؟
فاطمة:سديت الباب والتفتتله ،،شمسوية ؟
-لاتغشميين روووحج شمسووية بالموبايل ؟
فاطمة:سكتت وهو ضرب ايد باايد بعصبية وصاح
-تصرفيين بكييفج تلعبيين بكييفج منييين جبتي الرمززز شلوون تبدلينه وتخلينييي بمووقف طاايح حضة
فاطمة:غثتك الشغلة مو
-وصلتتت وياااج لهناااا تعبتينييي تصرفااتج مااال وحدة زعطووطة اكلللج ماعندي شي يااسلام الله ماعندي شييي وانتييي ترحيين تخربين كلشي بيدج ،يعنييي انتي بهاي تصرفاتج جاي تكليلي رووح خونييي روح صاااحب رووح سقط ويه النسوان
فاطمة:هه اي روح اذا أنت گد حچايتك روح حتى صدك ساعتها تنتهي بالنسبة الي شووف علي اخررر كلام وياااك شغللك هذااا مايصرفلي
علي:وعسسى لاصرفلج وعلى هذا كلامج واسلوبج التعبان هم ما الي كلام وياج بعد لحد مايرجع عقلج لراسج
فاطمة:انتتت هذاااا لگاادر عليييه تتهررب من المشكلللة وتعوفنييي اكل برروحي والقرااان اذاا ظليييت بهذااا اسلوبك وياي ماااالي كعدة ويااك بعدد
لوو انييي لو شغللك
فزيت من شال الموبايل ورگعة بالگاع تفلش وصاح بعلو حسه
-هذااا الموبااايل لموتي نفسج علييه ؟ يله فلشته ارتاحي هسة
فاطمة:حچيت بستهزاء ،، اي هسة انحلت كل مشاكلنة يعني
تقدم جرني من زندي بقوة ولزگني بي خازرني
-شتردين فهميني شتردين
فاطمة:للمرة المليون شغلك هو مشكلتي
-يعني شتردين مااشتغل ابطل ؟ انتي مستوعبة شجاي تلغين لو لا ؟
فاطمة:ماكتلك بطل بس شغلك ويه البنات مشكلتي الساقطات الكاتلات نفسهن عليك مشكلتي لتراسلك وتگلك عمري وعيوني وساحلة نفسها عليك مشكلتي ،يله ذن مشاكلي حلهن الي وآني اسد حلكي وانلصم
-يعني جاي تگليلي طيح حضك بيدك ضيع تعبك بيدك
فاطمة:التعب لماخذ راحتنه ومدمر حياتنه ما منه خير وأنت بعد بكيفك
-هذا آخر كلام عندج مو
فاطمة:غيرة ماعندي
-ظلي لعد بهذا حالج وخبالج
فاطمة:دفعني وطلع ،صرخت بقهررر وشلت الموبايل من الكاع وركعته بالحايط
ليييش هييج ربييي شمسوووية انييي شمسووية شهللل القهرررر هذااااا
نار واشتعلت بصدري ظليت أفتر مثل المخبلة ابجي واصيح
دخلن البنات مستغربات اجت ايه لزمت ايدي
ايه:شبيج فاطمة تخبلتي شمسويه بيدج باعي
فاطمة:باوعتلهه مشخطة بااظافري حتى دم طالع منهن ،،بچيت بحرگة گلب
ايه:تعالي متكليلي شجاكم ،حضنتها اسكت بيها تناشغ
گوة سكتت
رؤى:گومي يله فطوم كافي شوفي بنتج شلون خايفة ع كيفج ياعيني والله كلشي ينحل كولي ياالله
فاطمة:مسحت دموعي وجريت ليونه لحضني حضنتها لصدري واهز براسي
ايه:گومي يله نسوي عشا حتى نروح لهبة نغير جو ويصفى راسج
فاطمة:نزلت وياهن جوة ساعدتهن واني ساكتة مابيه حيل احچي كلمة ،كملت وصعدت صليت وبدلت لليونه واني بدلت ونزلت وصلنة احمد
دگ الباب طلعلنه فهد ضحك من شافنة
فهد:هاي شنو الجيش اليوم هنا
احمد:دولي من وجهي ماجاي عليك
فهد:اه
احمد:ومرض
ايه:ضحكت من دفعة ودخلنة واحمد يصيح
احمد:جاي على بنت عمتي گالوا مريضة وينج وللج هباااوي فاشنيستا
ايه:باوست فهد واخذ الجهال يبوس بيهم وانوب صاح على احمد
فهد:ترا انت بيتي لاتخليني اهينك
احمد:هذا شجاي يحجي مااسمعة
ايه: دخلنه لجوة اتلگتنه عمة ام هبة سلمنة عليها وكعدنه انوب طلعت هبة من الغرفة شكلها تعبان وضعفانة
احمد:سودة بوجهك ولك شمسوي بالبنية
فهد:سد حلكك
احمد:خوية هباوي بفهد ولابيج وعلي
فهد:سد حلكك
احمد:سولفي ولج فاشنيستا سولفيلي ضيمج
هبة:ههههههه والله جنت منتظرتك ادري بيك تصنف عليه
احمد:حشى وعلي من سمعت وجعني گلبي سئلي هاي مرتي حتى مااتغديت
رؤى:ابد مااتغدة والله بس ماعونين تمن
ايه:ضحكنه وهو خزرها وعض شفته يگلها
احمد:بسيطة ولاچنج مرتي اني متزوجلي عدوة مو مرة لاحكتني ع اللكمة
فهد:جا غير صاير بغل
احمد:هم مااسمعه شيحجي هذا ؟
فهد:انجب لك تحملتك هواي لاتخليني اكوم ادوس بطنك
احمد:باع لك جاي على بنت عمتي خوش لاتسمعني حسك مالي حجي وياك
ام هبة:ياا شجاكم ولكم صدك تحجون لو تشاقون
احمد:عمة نسيبج فد واحد گ*** لايعرفلة ابن عم ولايعرفلة صاحب يومين ادگ علي مايجاوبني يغلس واسمع اخبارة من اخته
فهد:جا ماتندل البيت وتجي ادك الباب
احمد:دنجب ماتكلف روحك تشيل الموبايل وتجاوبني وتريدني اجيك ليش يابة منو أنت
فهد:حقك
احمد:انتهت وياك اني جاي على بنت عمتي
فهد:راح اگوملك
احمد:تعال بوسني
ايه:متتت من الضحك من يأشرله على خدة وفهد گام باسة وبنفس اللحظة ضربه على علبته وأحمد فلت لسانة
اندك الباب وطبت نور وعايفة بنتها وراها تمشي أجت گبل على هبة باستها وحضنتها
نور:خاب گلبي اشتعل نار عليج ماعولت اجيج
احمد:ترا احنه هنا ،هاي اختي هم صايرة ادبسزز
ايه:راحتله بسرعة حضنته وتبوس بي
نور:شميت ريحتك واني بالباب
احمد:بوليسي
نور:عابتلك والله مو صوووجك
-هههههههههه
ايه:اجت كعدت بنصنه توزع بوسات
احمد:جا وينه النسيب
نور:مو هنا ملتحق
احمد:جا ياهو جابج
نور:وحدي
احمد:هلووو هلووو
نور:جذب جابني علي
احمد:ها
نور:اي والله خابرني سئلني على دانيال وگتلة انت وين گال قريب عليكم چلبت بي وجابني ذبني بالباب وراح توسلت بي يدخل گال عندي شغل بعدين
فهد:گوم گوم خابرة عازمكم بمكانة
احمد:ايباااخ شلون مشتاق لمكانة صارلي شهرين مارايح
رؤى:يامكان هذا
احمد:والعباس مطعم
رؤى:اي بالعافية مقدماً
ايه:طلعوا الولد وگامت نروح تبحوش بالاكل
نور:جوعانة كلشش مامتغدية
رؤى:گومي وياي نصب الاكل
ايه:كعدنة نتعشى ونور ماخذتنه بسوالفها بس فاطمة ضاربتلهه صفنة حتى ماتاكل بس توكل بنتها
هباوي هسة شنو شگال الدكتور
هبة:التهابات بالأمعاء انطاني علاج وگال استمري عليه شهر ونشوف النتيجة ولجن متت الوجع دمرني بودي اركع راسي بالحايط عايشة ع المسكنات
ايه:اووي سودة عليه الله يساعدج منين اجتج
هبة:الحمدلله على كلشي
ايه:غمزتلي هبة وهيه تأشر بعيونها ع فاطمة ،، رفعت ايدي وشكلتهن سوة بمعنى متعاركة
هبة:ام ليونه شسالفة شو صامت
فاطمة:تنهدت بحسرة وابتسمت ،، تعبانة شوية
ام هبة:شبيج عمة شو شكلج مگلوب من طبيتي لهسة خيرج يمه ؟
فاطمة:ماكو شي عمة سلامتج
ايه:لا اكو شي ،عمة مشاكل هيه وعلي وقبل لانجيكم گبت بينهم للستار صوتهم رج البيت
ام هبة:قل أعوذ برب الفلق ليش يمه شصاير
ايه:عمة احجي وياها نصحيها انتي اكبر منة وفاهمة الزواج والمشاكل عدل
بدت فاطمة تسولف مشاكلها وتبجي وعمة تسمعلها لحد ماكملت
ام هبة:حقج اني وياج النسوان ماتتأمن وماعدهن ضمير وكلشي يسون بس انتي هم غلطانة عمة ميصير تحلين مشاكلج بالصياح والعرك هيه مو مسابقة ياهو ليعلي صوتة أكثر
فاطمة:وغلاتج ياعمة حچيت ويا بهدوء وفهمته بس هو قافل مطنشني الحايط يسمعلي وهو لا
ام هبة: عوفي الموضوع هذا لاتفتحينه ويا بعد وهم بعد لاتعاركين ولاتسويلج مشكلة خلي وحدة هو يعرف غلطة ويصلحة بس انتي اعقلي ولاتاخذينها بخبال ولاتظلين تهددين وتخيرينه بينج وبين شغلة هم صعبة ترا هذا شغلة وتعبة وكدة مو سهلة يايمه
وعيونج ياعمة كلشي بالتفاهم والهدوء ينحل هاي انه كدامج صارلي 35 سنة متزوجة وياما مشاكل وهموم مرت علية بس جنت اكبر عقلي واحلهه بالتفاهم رغم تدرن بعمجن شكد عصبي وخلكه ضيك بس صبرت وتحملت وعرفت طبعة وعرفت شلون من تصير مشكلة احلها بالهدوء
نور:وياج عمة اضم صوتي لصوتج
ام هبة:خوب انتي ماتتوصين تاخذين حگج غصب
نور:ههههههه والله عمة عقلت مو مثل قبل تعالي وشوفيني شحلاتي واسمع الكلام حتى هوه يگلي عين الله عليج
رؤى:حمت حمت ولاچنه قبل أسبوع مخابرني يگلي حاچيلي المخبلة صاحبتج شلت حالي
نور:ياااا هاي شوكت شو ماادري
رؤى:معليج أسرار اني واخوي
هبة:تعاركن تعاركن فد مرة
نور:لا عيني اني خوما ذولاك الناس وامشي واعارك واضرب بلوكات بالعالم
فاطمة:دنجبي انتي وحدة ادبسزز اخابرها اشكيلها تگلي يله فدوة الج وتضحك
نور:والله علمودج خوما اروح ازيدها عليج غير اضحكج اشاقيج اووي شبيج صايرة نفسية
هبة:يله تصاحبن عيب
نور:تردلي اعتباري وتشيل الحظر مني وتعتذر وللج انيييي رجلي مسودة عيشته ماضاربني بلوك انتي تجين تضربيني بلوووك!
رؤى:سودة عليه ياخوية
هبة:هههههههه انوب تعترف
نور:اوووي يله كافي گلبتن عليه تكيفن تحشن بيه
هبة:اووكفن صدك طلع ألبوم الصور
ايه:عاااا واخيراً وينه
هبة:البارحة جابة فهد ولجن يخبلللل متتت بالصور
ايه:كملنة ونظفنه المطبخ والبيت ع السريع وكعدنه نباوع صور عرس فهد وهبة واخيراً طلعن منتظريهن على نار صارلهن شهرين ،،عرس فهد وهبة صار يجننن سوينة حنة هندية وحفلة مهر بقاعة لعبنه لعب لان جان ختام الزواج بعائلتنه
نور:عزاا باع جمالي
رؤى: ماجاي اشوف جمال
نور:تغارين والعباس
هبة:اكثر ألبوم حبيته هذا مالتنه احنه البنات مال الحنة يخبل
ايه:اييي يجنن اووف والله اشتهيت عرسكم هسة
هبة:هههههههه گتلة بعيد زواجنة نرجع نسوي هيج حفلة يگلي اييي گعديني ع الحديدة
ايه:هههههههه حقة ولج ماخلينه على حاله حال
هبة:لا چمالة حظي چنت اخطط لشهر العسل وانكربت بالمستشفى حتى انسد واهسي وهو راح يسافر بعد أسبوع علمود شغلة
ايه:يطول ؟
هبة:الله أعلم شغلة كلش متخربط حتى هو ضايج وماله خلك
ايه:خطية الله يساعدة ان شاءالله
هبة:انتي وين صار تخرجج
ايه:گوة لگيت حجز يم المصورة هذا الخميس
فاطمة:يوم الالي واذبح طلي متتت بزعت
هبة:ماظل شي سنة وتخلصين غمض فتح تخلص
نور:رؤى
رؤى:ها
نور:طاح حظج وحظي چان هسة متخرجين هاي السنة لوما رسبنة بالثالثة
هبة:ههههههه والله انتن سالفتجن سالفة قررتن ترسبن سوة
نور:غير نسيبات ع الحلوة والمرة
رؤى:يله فدوه للشعب نتخرج السنة الجاية ويه فطوم ع الواهس
فاطمة:اي اني وياجن وخل ذني الاثنين يتخرجن وحدهن
هبة:ايه عود من يرجع فهد من السفر حجزيلي يم هاي المصورة
ايه:دگومي بالسلامة وجلستج ع حسابي
نور:الله حيووو
رؤى:ترا اني هديتي لـ ايه زي التخرج
ايه:ذليني بعد
هبة:وانييي وحد
رؤى:انتي اطش عليج جكليت من هذا الماركة
هبة:باع هاي صايرة نفس سوالف أحمد
ايه:كلشش والله
رؤى:ههههههه من عاشر قوم
هبة:كلش تونست بلمة البنات وطلعت من جو المرض والاكتئاب صارت ب12 اجة احمد أخذهن تمددت ع القنفة وامي لملمت البيت وطبت نامت ظليت منتظرة فهد اتأخر ل1 يله أجة
دخل شافني مطفية ضوة الصالة وبس ضوة البلازمة
فهد:ما نمتي
هبة:انتظرك طولت ،، كعد بصفي وحضني من چتفي
فهد:چنت ويه علي
هبة:اهمم شعدكم
فهد:ندردش
هبة:شصار ع شغلك
فهد:الاسبوع الجاي طيارتي
هبة:رفعت راسي باوعتله ،، تطول
فهد:مامعلوم بيد الله التسهيل
هبة:ليش مااروح وياك ،، رفع ايده يلعب بشعري ويحچي
-اريد اروح وارجع الگاج بصحتج ديربالج على روحج وتنتبهين لعلاجج مااوصيج حبيبتي
هبة:دخذني وياك
-شسوين بابا رايح العب آني بعدين وينج وين السفر ،وعد من ارجع وارتب شغلي نسافر لدبي مثل ما ردتي
هبة:زين خل نتفق
-عليمن
هبة:اروح يم أهلي بس هم تسمحلي أروح بيت جدو يم البنات وابات يمهن تدريني مااتحمل اذا مااطلع
-على طاري الطلعة عيني
هبة:ابتسمت وهزيت راسي ، اي احجي
-مولات مطاعم سوالفج ذن ماكو تگرصين روحج وتكعدين حدج بيت اهلج وبيت اهلي غيرهم لا
هبة:لو سمحت
-اشش لاتحچين وتاخذيني بلسانج
هبة:اهووو
-وجعو انتي لايكضج مرض لا برد لاحر
هبة:هههههههه احچي ضميرك صارلي شكد محبوسة بالبيت ؟
-هوه أسبوع
هبة:احنه مو متفقين من قبل يوم بالاسبوع الي
-اي هاي جانت بأيام الخطوبة اسايسج
هبة:يااااا ،،سد حلكي بيده وكال
-امج نايمة الله اكبر عليج
هبة:دفعت ايده وحچيت ،، قصدك قشمرتني
-تقريباً
هبة:ماتسويهه
-هه ليش
هبة:قرب وجهة مني رفعت ايدي لرگبته ،، لان احنه متفقين وحاطين شروط ونقاط نمشي عليهن
-اي وآني صارلي سنتين ماشي عليهن
هبة:عسى ما عشر سنوات الاتفاق يبقى اتفاق
-مادام تذكرين الاتفاقات عدل اتذكري بدربج شمتفقين احنه بعد
هبة:فقدت الذاكرة
-هههههههه دگولي والله
هبة:ههههههه اففف المشكلة آني بنية محترمة ما أنكر الاتفاقات والوعود
-يله نفذي الي
هبة:ليسمعك يگول بيدي هيه
-جا بيدمن؟
هبة:ياا أنت گتلي تريد طفل من وكت وآني رفضت وبعدين اتفقنة وگتلك ماشي شوكت مايجي خير وبركة بعد بيش تطلبني
-بس ؟
هبة:اي شكو بعد ؟ ،، هاا فهد هاا امي هنا
-اشش
هبة:بلعت ريگي وعيني ع الباب لاتطلع ماما وهو دافن راسه برگبتي مدري شلون ثولني ويا
بست طرف شفته همس
-مشتاقلج
هبة:جريت نفس واني اباوع بعيونه دنك باسني بشفتي حضنت وجهه مبادلته
فزيت من دفعني بسرعة وعدل كعدته ظليت صافنة بوجهة خزرني ويأشر بعينه وراي
التفتت واشوف ماما واگفة يااايمه شصار بيه طفرت بسرعة من مكاني وأعدل بالبدي مالتي مدري شمنزلة من چتفي
اباوعلهه وارجع اباوع لفهد لمدنك راسه يحك بلحيته
-كملو يمه چني ماشفت شي
هبة:گالت هيج ورجعت للغرفة صخنت من الفشلة التفتت ع فهد وركعته بالكوشة
كللله من ورااك خرررب شووف الموقف الخايس
فهد:ههههههه تعاي نكمل عمتي روحهه رياضية
هبة:اشش اسكت لاتحجي شي ، رجعت كعدت وحاصرتني البجية وهو يضحك حرك گلبي
ضربت ايده وعطت ،فهددد
فهد:هههههه ووجع شبيج شمسوين احنه
هبة:ابد كلشي مامسوين بس مو صوجك والله صوجي آني طاوعتك ،شبييه شغفلني جنت مركزة ويه الباب
رجع تقرب مني وهو يكول
-معتي بيدي مالحكت عليج
هبة:باسني دفعته بسرعة ،، باع الصلافة اخجل ماما اخجل
-منين اخجل بت الأوادم
هبة:انت خطير وآني هم ثولة كاعدة يمك ،گمت للغرفة ولحكني يضحك عليه ويذكرني بالموقف يخبث واني اغط بهدومي شلون اباوع بوجهه ماما باجر يافشلتي ...
......
فاطمة:فزيت من النوم ع برودة ايده على خدي باوعتله دايخة ،، شتسوي ؟
علي:مصخنة
فاطمة:لزمت وجهي حرورة بوجهي وجسمي كعدت افرك براسي دايخة راسي يوجعني
تقرب مني يسألني شبيه دفعت ايده ووگفت ع حيلي
-فاطمة مو وكت زعل جسمج نار
فاطمة:رايحة لـ ايه ،،لزم ايدي خازرني
-الساعة ب4 وين رايحة
فاطمة:معليك بيه رايحة أنام يم ايه ديربالك ع ليونه ، طلعت وعفته يسب بروحه
فتحت باب غرفتها ظلمة ضويت بموبايلي
نايمة وعلوش بحضنهه ،،رفعت راسها بسرعة وكالت
-منو
فاطمة:اني لاتخافين،، فركت عيونها وكعدت تباوعلي
-شبيج خوفتيني
فاطمة:مصخنة وراسي راح يطك من الوجع ،، كعدتني وسوتلي كمادات وتلوم بيه
-هاي من الحرگة جسمج گب نار شبيج فاطمة ع كيفج ويه روحج
فاطمة:شو بردت
-نامي واتغطي اروح ادورلج خافض حرارة
فاطمة:مااريد صرت زينة بس تعالي هنا
-صعدت ع الفراش حطيت راسها بحضني العب بشعرها ودموعها بللت رجلي ،، فطوم وجعتي گلبي والله كافي
فاطمة:ايو خليني ابجي مختنكة كلش
-عصرت ايدها بيدي ، يله ابجي واني اظل اباوع عليج
فاطمة:تضحكين عليه انتي
-هههههه لا والله تعالي تعالي بحضني
فاطمة:حطيت راسي ع صدرها واگللها ،، ولو هذا مكان أمير بس ميخالف
-اي هذا مكان حبيبي بس يله اكسب بيج أجر هم انتي مرة زعلانه
فاطمة:اخوج فد واحد حقير وأناني وساقط وگ***
-گابلة وبزة بعينه ترا اخوي هذا
فاطمة:اشش انجبي انتي واخوج واصلاً من باجر اروح اخلعه
-لابشرفج
فاطمة:والنبي من باجر اله أرفع دعوة طلاق ضده وانعل أصلة
-الصخونة كلش مأثرة
فاطمة:ياصخونة
-والله هسة ثبتيلي جاي تمسلتين وماتدرين بروحج شتخرطين
انفتح الباب ع كيف واباوع علي دخل وهاي مغمضة عينها وتحچي
فاطمة:شايف روحه المغرور ليكول بس هو حلو ترا اني هم حلوة واصلًا كومة يزحفولي بس لأني شريفة ومحترمة اطيح حضهم بس اخوج گ*** يكيف ع النسوان
ايه:سديت حلكها بسرعة وهيه دفعت ايدي وعاطت بيه
فاطمة:وسم شبييج ماترضين احجي عليه مو؟ دنجبي يله انتي واخوج الساقط والله والله من باجر ارفع دعوة ضده
علي:دعوتيش بله ؟
ايه:شافته وصفنت حچيت بسرعة ،، ماكو شي والله مصخنة وماتدري شتحجي
فاطمة:لا اني گلت ارفع دعوة طلاق ضدة
علي:اي ؟
ايه:علي وداعتك مصخنة دباع عيونها گوة فاتحتهن ماتدري بروحها
علي:تردين تطلكين ست فاطمة ؟
فاطمة:لا اي اي هيج كلتلها ارفع دعوة طلاق ضدك لان اصلا صرت مااحبك ومااكدر اكول اكرهك لخاطر بنتك وأنت بعد اخذ راحتك ويه ام شعر الأحمر شسمهه اي اي رغد ام عيوني وعمري تفيدك اكثر مني
علي:قصدج رغد السمرة ام عيون العسلية ؟
فاطمة:اييي بالضبطط هااي شفتي شلون مركز وياها
ايه:اي والله مركز،التفتت باوعتله وخزرته وهو هز راسه مبتسم وهاي اشتعلت نار ونزلت من الفراش وهيه تصيح
فاطمة:انت لو صددك تحبنيي ماتركز بغيررري وفوكاها يگلي احبج مااكو اسهل من الجذذب والقرآن انتت أكبر جذاب وواحد ابو نسوان وماتستحي وهذا احمد طلع اشرف منك
علي:هيه برأيج حلوة ؟
فاطمة:منوووو
علي:هيه رغد ام شعر الأحمر
فاطمة:انتتت تضحكك علييه لوو ناووي تجلطنيييي شووف علي وحق كتاب الله امووتك اطين عيشتك
علي:انتي حاظرتهه من الموبايل مو
فاطمة:اييي حظرتهه انزعجت موو ؟
علي:لا عادي موجود رقمها بموبايلي الخاص
ايه:فتحت عيني ع وسعها من هجمت عليه ملخته تملخ وتصرخ وهو يريد يلزمهه ماكو هاجت علينه
اباوع علوش فز ، شلته بحضني واگله ،، شوف ماما خالك انكتل
فاطمة:والله من باجررر تطلكنيييي من باجررر
علي:تايهة هيه غير احبج ومرتي شلون اطلكج
ايه:اي والله ترا اخوي يحبج والعباس والدليل انكتل ومادافع عن نفسه
علي:انجبي انتي كيفتي
ايه:ترا انتوا بغرفتي جاي تتكاتلون وفززتو ابني من النوم اخذ مرتك وتعاركوا بغرفتكم
علي:يله مرتي تعاي وياي
فاطمة:رووح عوزها احط ايدي بيدك والله والله نظرة مااباوع بوجهك بعد
علي:مو هاي جاي تباوعين
ايه:عافته ورجعت للفراش وهوه باوعلي وكال
علي:عينج عليها هاي المخبلة
فاطمة:معلييك بيه خووش
علي:خوش
ايه:طلع رجعت للفراش اباوعلها هم تبجي
عليمن تبجين
فاطمة:شفتي شلون حافظ شكلها ويگلي مااباوعلهن
ايه:جاي اجاوبهه وانفتح الباب مد راسه وگال
علي:ترا جذب لاسمرة ولابطيخ حتى مااتذكر شكلها ونهيت شغلي وياها خل يرتاح گلبج
ايه:طلع وطبك الباب ورا
هااا شفتي شبيج بعد موتي روحج
فاطمة:ايووو
-ولج هاا
فاطمة:احبه والله شسوي
-ههههههههه والقرآن الصخونة سودنتج نامي نامي
......
رؤى:احمددد
احمد:ها ها
رؤى:موبايلللك يدك جاوب ،، فركت عيوني بنعاس والموبايل سطرنة واحمد نايم لو تنگلب الدنيا مايتحرك ويجاوب ،صعدت فوكاه وجريت الموبايل امير يدك
هزيته من چتفه ،، ولك احمد اكعددد
احمد:رفضي
رؤى:هذا امير يدك
احمد:اشتعلت صفحته شيريد من الصبح رفضي رفضي
رؤى:هزيت ايدي وفتحت الخط وحطيته سبيكر وقربته منه
احمد:هااا شترييد من الصباحيات كول ناس مطمورة
أمير:ومرض وينك ادك عليك صارلي ساعة وذاك الثاني جهازة مغلق
احمد:نايمين ناييمين
أمير:گوم لك بسرعة البس وبوجهك للمطار الحبايب وصلن
احمد:شني شوكت رجعن
امير:شمدريني بيهن خابرتني امي تگلي صارت رجعتنه بساع بساع وهسة احنه بالمطار
الووو الوو احممد
رؤى:ها امير احمد نام
امير:اشتعلللت روووحه كعدي بسرعة
رؤى:سديته منه وعضيته من زندة حييل كفخني وصاح رجعت عضيته دفرني عطت بوجع
اخخخ خاصرررتي
احمد:شو بله خرب روحج
رؤى:وخرر وخرر فلشت خاصرتي
احمد:ووجعه شكو نچلبتي من الصبح
رؤى:غيررر موتتني ماتكعددد
احمد:زين خل اشوف
رؤى:مابيه شي بس گوم استعجل خطية ظالات بالمطار ،،غسل وبدل بسرعة وراحلهن واني كعدت البنات حتى نستقبلهن
سوينة الريوك ونظفنه طولوا يله أجو
ايه:يممه هله هله توه نور البيت
زهرة:ولجن مفلوكات طك گلبي عليجن
ايه:حضناهه نبوس بيها وحضنت ماما وعمة ام أمير تلاثتهن راحن صارلهن 10 ايام
نور:بيبيييي شجبتيلنه
زهرة:ولك حمييد جيب الجنط
احمد:عاد كون جايبتلي صوغة تسوة كعدت من الصبح وطكيت درب للمطار
زهرة:شني انت حاط روحك وياهن شجيبلك يعني
احمد:والله مو صوجج
ام أمير:تشاقة وياك ولك جابتلك سبحة من هاي الكشخة غالية
احمد:هله هله گلت انه زهرة خوش زهرة
ايه:التمينه يمها جايبتلنه اشكال ملابس النه وللجهال وعبي ومصلايات والولد جايبتلهم سبح تخبل من غير الحلويات الطيبة
فرحت لفرحتهن السفرة مبينه بوجهن
للعصر أتصل على أمير مغلق گلبي گرصني باجر الجلسة بس لا يضربني بوري
نور:ايه زهرة تريدج
ايه:رحتلهه لگيتهه تون من راسها شربتهه علاجها وكعدت اعصر براسها
زهرة:انوب هذا الحبوب مايمضي بيه
ايه:اي بيبي لازم تراجعين الدكتور حتى يغيرلج العلاج
اباوع دخل علوش يصيح بابا بابا وراح ركض برة ضحكت وگلبي رفرف وبيبي باوعتلي وضربتني ع ايدي
زهرة:گومي گومي لرجلج تيهتي حلكج من سمعتي اسمه
ايه:هههههههه ظليت كاعدة وهو دخل ببدلته العسكرية شايل علوش
امير:الله يساعدهم
زهرة:هله باابو طول الحلو
امير:زيارة مقبولة يمه
ايه:دنك باس راسها وايدها وكعد بيناتنه جرني لحضنه باس راسي بست خده ،،الحمدلله ع سلامتك
امير:الله يسلمج
ايه:ظل يسولف ويه بيبي وعلوش لازك بحضنه يبوس بي ارتاحيت نفسياً واطمنت خفت مايجي بسبب شغلة
احمد:لك هاااا گ*** الله يساعدك والعباس مشتاقلك
امير:كض لسانك
احمد:كضيته
زهرة:هذا الولد يمته ينعدل زوجنا لافكينه صار عدة خلفة لافكينه
احمد:على كيفج يابة شدعوة عليج شمسويلج انه ولو انه حالف عليج مرتبطة وماترضين تعترفين
زهرة:يادهر طرك كون شني شفت عليه تحمرت تكحلت
احمد:هوه انتي بزمن رحيم المرحوم ماتحمرتي وتكحلتي تردين من تالي تتحمرين يافشلتنه كدام الوادم
ايه:متت من الضحك حتى امير يضحك عليهم خبلها وگامتله بالعوجية طردتة ، التفت امير يباوعلي
امير:شلونك عيني
ايه:بخير عيني ولو هبطتني عبالي تضربني بوري
-واعدتج انه
ايه:فدووة لوجهك ظليت ابوس بي وعلوش يدفع بيه
امير:هههههه وخري لج لاتحركين گلبة يغار عليه
ايه:ابنك يشتغل بالعكس بدال مايغار عليه يغار عليك
امير:وليدي السبع شو باوعلي ضعفان هذا
ايه:ماياكل شالع گلبي مخلصها حلويات
امير:لا هسة ياكل وياي جوعان شعندج
ايه:اصبلك الغدة مرگة دجاج
امير:كلشي لچان نعمة، ولك هاي شمسوي بشعرك
علوش:ماما
ايه:هههههه حارة وشعرة ضوجة گمت سويتله ذيل حصان
امير:ولج حتى ليشوفه مايعرفه بنية لو ولد من باجر ازينه
ايه:مااا امير تريد تخرب شكلة دباع شعرة مو حرامات
امير:لج بابا الولد كبر غير ارتب شكلة حتى ليشوفه يكول ولد مو شعرة شطوله مال بنات
ايه:دروح انت وبيبي هيه ماتقبل هم ،، صبيتله غدة وكعد يتغدة هو وعلوش صعدت فوك حضرتله ملابسة يسبح ،انفتح الباب ودخلت رؤى
رؤى:وينج دورتج جوة مالگيتج تعالي هذا المندوب خابرني واگف براس الشارع
ايه:خلي يجي لهنا
رؤى:مايقبل عاط بوجهي الادبسزز ماعنده أسلوب لوما رگبتي بيدة جان تعاركت ويا بس خاف يرجع الطلب
ايه:احمد هنا ؟
رؤى:لا طلع قبل شوية، دباعي هذا رجع أتصل بيه
ايه:نزلت لـ امير اباوعله ياكل وگفت بالباب أبتسم لواگة
امير:اكو شي؟
ايه:اي اكو هذا المندوب واكف براس الشارع جايب الزي مالتي ومايقبل يجي لهنا ومحد موجود غيرك بلييز حبيبييي
امير:يعني اروحله للشارع
ايه:اي فدوة صار عصبي صارله شكد واكف لايرجع الطلب ويدهرني ،، شرب مي وگام انقهرت ماكمل غدا
حبيبي اسويلك عشى يخبل والعباس ، باوعلي صفح انوب علوش لزك ويا اخذه وراح
رؤى:اكلج خاف انوب يطلع مو قياسج غير نجربة قبل لايروح المندوب
ايه:اني وحظي بعد ،ظلينه منتظرينه بالمطبخ لحد ما أجة اخذت العلاكة من ايدة وطلعت الروب لبسته وتنهدت براحة
رؤى:الف الحمدلله فييت عليج واووو يخبل باع اللون والقماش
ايه:طلعت الوشاح وابتسمت منقوش عليه (الصيدلانية آيه محمد رحيم)
رؤى:القبعة شوفيهاا
ايه:طلعتها ناقشة عليها اسمي اني وامير بالانكليزي تصميم يجنن متتت بيهن
باوعت لرؤى وحضنتها ،، شكراً ياروحي عاش ذوقج ويوم اوكفلج بتخرجج
رؤى:تستاهلين كل خير وان شاءالله مستقبل ناجح يااحلي صيدلانية بالدنيا
ايه:مراح اشوفهن لـ امير اخليهن مفاجأة باجر
رؤي:ايييي لبسي القاط ولبسيهن ونزلي بيهن اووي تخيلتج
نور:هاييي شنوو
ايه:ولي مااشوفج
نور:عاببت لاتخبثين
ايه:ما والله باجر شوفيهن
رؤى:ع عنادج بس اني شفتهن
نور:ديله ع اساس راح اموت اذا ماشفتهن
رؤى:اكلج شو انتي هنا ماتولين لرجلج مو خطية نازل من الواجب تعبان
نور:وسم اكلتيني بگشوري بليل يجيني اكلجن هاي فاطمة بغرفتها مطفية الضوة ونايمة ماترضى تكعد ولاتنزل
ايه:صعدتلهه ملفلفة بالبطانية ومشغلة السبلت طفيته وجريتهه ،، مو مريضة شكو مشغلة التبريد وانوب بطانية شو گومي كافي نوم
فاطمة:وين ليونه
ايه:جوة يم بيبي بس گومي سبحي واتنشطي شهل الحال
فاطمة:ايو مالي خلك والله عوفيني
ايه:سمعت صوت عالي من برة طلعت ومديت راسي من الدرج اباوع احمد وعلي يتعاركون وأحمد شارد وره القنفات ويضحك وذاك عيونه ناطة يريد يلزمة
علي:ساااقط گ*** زلمة انتتت تعال هنااا
احمد:هههههههه ماتقشمرني
علي:وحق علي ابن ابي طالب اذااا مالزمتك وفلشت سنونك مااطلع ابن ابووي
زهرة:هسسة غيير نفتهم شكووو شمالكم
علي:يممه فدد واحددد مخررب وخبييث اگووول انيي منين جابت الرمز تااالي تذكررت انت اخذته مني وضحكت عليه عوود عبالك افوتهه الك ؟
احمد:اني محامي وشغلتي ادافع ع النسوان ذن القوارير احميهن من امثالكم الخونة
علي:رؤى ويينج
رؤى:هنا اني خوية
علي:باعي هذا قبل اسبوعين أشترة رصيد ابو 25 ودزة لبنية بالبداية عبالي الج بس شفت الموبايل طلع دازة لبنية غيرج ويگلها ادللي وآمري
احمد:لا ياااا گ*** جذاااب لاتصدكينه يريد يخرب بيناتنه
علي:وحق كتاب الله مامجذب بحرف واحد وبكيفج بعد
امير:شكوووو
ايه:اوكف حبيبي خليهم واحد يطلع سوالف الثاني بس لحظة روح انزل بينهم حتى يطلعون سوالفك خاف عندك منا منا وماادري
احمد:عنده عنده لاتخافيين
ايه:صددك
امير:انجب لااجي ادوس بطنك
علي:احمد قصدك ذيج السالفة؟
احمد:اييييي هيه هاي
علي:لا اسكت يمعود لاانوب تعلگ بينهم
ايه:شقصددكم ؟
امير:جذابين انتي الثانية ترديلج حجة
احمد:اي اسكتي اسكتي شلج بوجع الگلب
ايه:والله ضامين شي علييي احجي انت حباب
علي:ماكو شي خوية نشاقة وياج
رؤى:خزرته بتوعد وصعدت فوك
احمد:ارتاحيت هسة ؟
علي:ماي بارد ونزل على گلبي اذا أنت سبع روح طلع روحك من ايدها
امير:طاح حضكم هيه هاي سالفة
علي:هوه لبده دخل روحه بشي ميخصه
احمد:خاب دسكت دروح راضي مرتك صارلهه ايام تبجي وتنوح من وراك ويينج زهرررة ترا هذاا مطيح حض مرته روحي شوفيها شصاير بحالها من ورا ضربها وخانها
زهرة:صدك ولك
علي:جذاب والله لاضاربها ولاخاينها
زهرة:جاا شمالك وياهه
علي:هيه شمالها وياي مو آني
ايه: نزلت فاطمة وبيبي باوعتلهه ورجعت باوعت لعلي وجرتهم اثنينهم لغرفتهه وسدت الباب
التفتت على امير كاعد يفرك براسه
امير:سويلي جاي راسي موتني
ايه:ياسالفة لحچو عليها بداعت علوش احجي الصراحة
امير:والله جذابين يضحكون عليج
ايه:سويتله جاي ع السريع وصعدت جهزت القاط مالتي وكويتة للمرة العاشرة ههههه وكويت الروب هم وعلگتهن وقاط امير وعلوش اخذهن للمكوي متحمسسة كلش اني مااحتفلت ويه قسمي ابد بوقتهه مريضة ومالي خلك ومر كم شهر على تخرجي وقررت أسوي جلسة تصوير وزي تخرج حتى تبقى ذكرى
ثاني يوم كعدت من الصبح سويت ريوك ونظفت الغرفة وكعدت علوش ريگته وامير نايم مايرضى يگوم موعد الجلسة ب2 الظهر بس من الحماس كعدت من الصبح صارت ب11 سبحت علوش وكعدته بالغرفة ورحت للفراش جريت الغطا منه
اميير اكعدد والله صارت ب11 ونص
-خوش
ايه:يله گوم هسة ،، رفع راسه يباوعلي مغمض گوة شلعته من الفراش سويتله ريوك بين ميسبح
فاطمة:ايوو
ايه:تعالي هنا
فاطمة:شو بعدج شوكت تسبحين تبدلين تسوين مكياجج
ايه:هسة اصعد اسبح
فاطمة:عوفي من ايدج اني اكمل بس روحي ،، حطيت الريوك ع الميز ونزل امير يتريك سئلني على علي ،، بالشغل
امير:مو گتلة انتظرني لاتطلع
فاطمة:ماادري اتصلوا بي وطلع مستعجل ،هز راسه واني صعدت ورة ايو تصيح على علوش وهيه بالحمام
ايه:وللك علووش لاتلعب بالعطوراااات
فاطمة:الولد كاعد مامسوي شي
ايه:سمعت طكطكه عبالي يبحوش ،فطووم
-هااا
ايه:نسيت الخاولي معلك يمج
-اخذته الهه ووكفت اسولف وياهه من وره الباب ،، ساكت اصلاً ولايحچي وياي ودائماً طالع برة
ايه:يجوز عنده شغل
-وإذا شنو تعلم ع زعلي وصار عادي عنده ؟
ايه:اكيد لا بس انتي رخي الحبل شوية
-ما ارخي ابد لان صدك مقهورة وضايجة منه ومستحيل أتنازل هل المرة
ايه:اكلج
-ها
ايه:روحي وياي للجلسة هذا علوش ادري بي يطيح حضي مااگدرله وحدي
-غير ابو وياج يساعدج عليه
ايه:لا اريدج انتي امير خلكه ضيك مايتحمل هوسة وهم اريد ناخذ صور سوة
-ياا مامحضرة نفسي هسة يله حچيتي
ايه:مو عندج القاط النيلي يخبل لبسي وكعب وهل السوالف
-واخوج
ايه:اي كليله
-لا مااحچي ويا شنو اروح اتوسل بي ادري بي راح يذلني
ايه:ياا فطوم لاتخربين واهسي
-يله اروح وياج هو مو مطنشني عليمن اروح اگله خلي بواهس الزعلة
ايه:ديله بله انوب تتعاركون من وراي ناقصين أنتم
-اريد من الله يعاركني حتى صدك اطلع ضيم گلبي بي هل المرة وگبل للمحكمة
ايه:انتي شمفاوله على روحج محكمة ما محكمة
-مو هو يتخبل بس اگله هيج ،يا ماگتلج غير البارحة الدكتور الي يدربنة رجال جبير ومحبوب اخذني ع صفحة يگلي بابا انتي خوش بنية وشاهد الله حبيتج ومتمنيج چنتي
ايه:يا ههههههههه جذابة
-هههههه والله شبيج
ايه:عزاا جا ماشاف الحلقة الصخام
-مالابستهه شبيج مو ضاعت
ايه:اي شگلتيله
-گتله دكتور العفو منك بس آني متزوجة وعندي طفلة وخطيية لو تشوفينه شلون خجل مني وظل يعتذر ردت احطه بوسط گلبي على گد ماينگرط من اللطافة ولج البنات كلنا مكرشات عليه مزوجات وعزابيات ههههههه
ايه:هههههههه وين علي ويسمعج
-خيروح بگد جدي وهيج احمراني وعيونه زرك وشعرة ابييض وانوب اسلوبة يخبل ويشاقينه ويتغزل بينه ههههههه
ايه:ذول الشياب ينگرطون
امير:واحنا ننعلس
فاطمة:فزيت والتفتت بسرعة واگف بباب الغرفة يباوع ضحكت وايه طلعت بطرك الروب تحچي
ايه:شبيك حبيبي ذول الخير والبركة ماقصدي شي
امير:الشياب الخير والبركة ،والاربعيني هيبة ،والشاب كيوت ،والطفل ينوكل، ورجولتجن مايتفاهمون ماينحملون
فاطمة:هههههههههه والله جبتهه صح سبحان الله تدرون بروحاتكم
امير:سكتي لج ماعدجن مالت الله شنسوي ماترضن
ايه:اووي چنك جاي تبسمرني ؟ رفع حاجبة ماعاجبة وراح للكنتور طلع قاطة
امير:لبسي علي خل اسويله شعرة
ايه:نزل جوة وفاطمة اخذت القاط تلبس علوش واني مشطت شعري وكعدت منتظرة فطوم تسويلي المكياج
فاطمة:فدوه للشباب الحلووة حبيببب خالتة
ايه:اوووي شنوو هاييي فديت وليدي ينوكل ينوكل
فاطمة:دلبسي بين ماانزلة لـ ابو واجيج ،طلعت وصار بوجهي علي صاعد شاف علوش وضحك اخذة من ايدي يبوس بي
علي:طالع على خالك كشخة
فاطمة:گلبت عيوني وحچيت من وره خشمي ،، نزلة لـ امير يريده
علي:وشكو تحجين بخشمج
فاطمة:ماكو شي درت وجهي ورجعت للغرفة سديت الباب وكعدت كدامهه امكيجهه وهيه ولاسكتت تسولف بلقطات
ولج سدي حلكج اريد احط الحمرة
ايه:هههههه صبري خل اكملج السالفة
فاطمة:صارت بالوحدة ولج اشش سكتي ، حطيت حمرة ومركزة عدل لحد ماكملت وباوعت بوجهة
يبوووو تفلشين طلعتي
ايه:ركضت للمراية وصحت ،، واوووو هاي شنوو ولج صايرة ماكيرة أصلية
فاطمة:دفعتهه من المراية ووكفت احط مكياج لروحي وهيه تبدل طگت القاط والكعب والحجاب انوب لبست الروب والوشاح والقبعة ووگفت گدامي دمعت عيوني واني اشوفهه بهيج جمال وكشخة اسمها
اففف ايووو حبچي والله شنوو هل الجمااال
ايه:حضنتها اضحك عليها ام دميعة بسرعة بچت ،،حلووة عليج الله ؟
-والله تخبلين احلى خريجة وصيدلانية ،،يله خل اخذلج صور
ايه:لا لا روحي بدلي ع السريع وناخذ سوة ،طلعت ودخل امير بيدة علوش شافني وصفن ثواني وأبتسم
امير:اويلييي
ايه:ضحكت وغطيت عيوني عود خجلانة تقرب مني باوع بعيوني وگال
-فخور بيج فوك ماتتصورين
ايه:ابتسمت والدموع تجمعت بعيني فرحة بداخلي وفخر عجيب حضنته حيل ، ماانسى وگفتك ويايه ودعمك المستمر اليه وتشجعيك اليوم انت جزء جبير من فرحتي هاي ربي مايحرمني منك ومن حنانك بست رگبته وضحكت من شفت الحمرة طبعت
امير:تعاي ابوسج منا لانتملطخ
ايه:باس خدودي وكصتي وعلوش يگمز يريد يبوسة ع الواهس
هاي شنو شيخ گلبي شو طلعتني كسر شهل الكشخة والكاريزما
امير:حتى نناسب مقامج
ايه:اوووي انت من غير شي ماخذ عقلي مو انوب قاط وكلام معسول ،ضحك ولزم ايدي يباوعلي
امير:يله ولو السترة كصيرة بس سماح اليوم
ايه:ايييي حباب خليك ريلاكس اليوم ولاتعترض على شي
امير:شو هاي رموشج طولانة حيل
ايه:ههههههه مركبة رموش
امير:لابله
ايه:هههههه والله حلوات مو
امير:شو بله
ايه:تقرب يتلمس بيهن واني اضحك على ردة فعلة
امير:ماخليتن شي ماسويتنه
ايه:وعيوني ؟
امير:عيونج بگلبي شحدج تلعبين بلونهن
ايه:لابسة عدسات
امير:بكلشي تغشيني اله عيونج لونهن حافظهن هنا
ايه:أشر على گلبة ،يا بعد عيوني والله اله ابوسك تعال
لزمت وجهة وبست شفته حيل
امير:خرب مو كتلج لاتلطخيني
ايه:وگفت امسح بحلكه واضحك بعدين راح لبس ساعتة ومحبسة وشسور شعرة واتأنق على الأخير لزمته من ايدة ووگفنا ناخذ صور گدام المراية وعلوش على ايد امير
اندك الباب ودخلت فاطمة ابتسمت من شافتنه
فاطمة:عائلة كيك عيني باردة عليكم ههههه
ايه:وانتوا عائلة شكر
امير:فتحن معمل على حجيجن هذا
ايه:هههههههه
امير:يله بسرعة منتظرجن جوة
ايه:نزل علوش وياك هسة نجي ،،تعالي تعالي بسرعة ناخذ صور
فاطمة:دوگفي حجابي عدل ؟
ايه:ضمي هاي هنا ها اها شكر شكر
-هههههه نومت ليونه يم بيبي تگلي ماما راح ترحين
ايه:خطية گلبها حس هههههه ،،وكفنة گدام المراية كومة صور وبعدين رمزيات للايد والملابس لحد ما صاح علينا من جوة
نزلت والكل كاعد بالصالة افتريت گدامهم وهمه يصفكون
احمد:باع باع وعلي هيبة على ابن عمج
ايه:ضحكت ودزيتله بوسة بالهوة وبيبي اجت باستني وهيه تكول
زهرة:بنياتي رفعت راسي
ايه:ياروحي انتي بست ايدها وراسها ،، اجت ماما حضنتني وبابا بوكتها صدك حسيت بنفسي رفعت راسهم ومفتخرين بيه وماضاع تعبهم بيه
طلعنا للسيارة نزعت الروب والوشاح من اوصل البسهم دخل علي شافني حضني وباس راسي يباركلي انوب باوع على فاطمة وگال
علي:وين ست فاطمة ؟
امير:وياي رايحة عندك أعتراض؟
علي:لا خاف ماترضى
امير:ارضى لاتخاف
علي:عود شتسميهه عيني سيادة الضابط ؟
امير:مثل ماتسميهه سميها يله صعدن فضني تأخرنه
ايه:صعدنة وهمه ظلو يحجون مانسمعهم وانوب اجة امير وحرك السيارة التفتت على فاطمة مطنكرة برطمت شفتي بزعل ضحكتلي وكالت
-ماضجت شبيج
ايه:غلسي حبابة اريدج تطلعين حلوة بالصور مو مطنكرة
-ادللي
ايه:وصلنة لموقع التصوير خارجي ، استقبلتنه المصورة ميتة بيها متابعتها على الانستا ومغرمة بتصويرها ومتت يله حصلت حجز يمها
جانت حيل حبابة وفرفوشة ومحضرتلي باقة ورد ناعمة
-هاي المسكة مالتج
ايه:ههههه فدوه تجنن
-مثلج
ايه:لاتخجليني هههههه
-هههههه يله تعالي بالبداية نبلش بصورج وحدج وبعدين ويه زوجج
ايه:امير اخذ علوش وواگف على جهة يباوعلنه بهدوء
وفاطمة تعدل بيه عبالك عروس وگفت أصور ومرتاحة واضحك بعدين اني وامير
امير:اني اتكهرب من الصور وانتي تنكتين
ايه:هههههه انت بس ابتسم وارتاح ومعليك
امير:مبتسم يابة شعندي
ايه:شو بله عدلت ياخته والسترة ومااحس اله المصورة تاخذلنه صور التفتت باوعتلهه ضحكت وكالت
-عشقي الصور العفوية وسبحان الله يطلعن يخبلن وغير عن الصور
ايه:ابتسمت ووگفنه مثل ماكالت واخذتلنه هواية صور وحركات حتى رمزيات للايد وعلوش هم ويانة بعدين فطوم المصورة باوعتلنه وكالت
-انتن شتعودن لبعض
ايه:بنت عمي وزوجة اخوي
-وگعت بغرامجن ترا
فاطمة:هههههه فدوة والله اني وكعت بغرامج وغرام روحج الحلوة
-هههههه اليوم ادللجن بالصور والحركات اني من ارتاح للبشر تلقائياً ابداع الكامرة يشتغل وياي
ايه:لعد ممكن صورة وياج للذكرى
-اوووي شلون بيجن تخجلني
ايه:كملنة صور اني وفاطمة واجة امير بيدة علاكة اخذتها منه بيها بطالة مي وميزو بارد انطيت للبنات وگع على گلبنا لان حارة
وگفنه اني وفطوم يم المصورة تشوفنه الصور بالكامرة
-احس زوجج ينطيج شبه
ايه:هههههه ابن عمي واحنه عائلتنه شي متزوجة شي
-وابنكم يشبهه كلش بس عيونه عليج
ايه:يله نعمة مو زين طلعت عيونه عليه جا متت قهر لو مايشبهني بشي
-ههههه وانتي فطومة شوكت اصورلج تخرجج
فاطمة:هههههه ان شاء الله السنة الجاية من هسة ثبتي اسمي يمج
-صار من عيوني
ايه:على الطاري اريد احجز يمج جلسة تخرج لبنت عمتي وزوجها هم يصير اخوي
-شكلي راح اتعرف على العائلة كلها
ايه:اي اي اعرفج عليهن وحدة وحدة ههههه السنة الجاية تلث جلسات يمج بسلامة
-هله بيكم كلكم احطكم بعيوني
ايه:سالمة عيونج ياعمري
ودعناهه ورجعنا للبيت نزلت من السيارة علوش نام بحضني وفاطمة مارضت اله هيه تشيلة من ايدي ،،دعوفي اني اصعدة عليمن
فاطمة:لا لا اني اصعدة جيبي
ايه:ههههه شبيج عود
فاطمة:والله تجيبينه يله مااخليج تطبين للبيت اذا ماتنطينيا
ايه:هههههههه عزا ضحكتيني شعندج
فاطمة:شو جيبييي اخذته من ايدها غصب وامير يضحك علينه تعاركنة وهيه طبت قبلي وتدردم
ايه:مخبللة والله انووب تصي... سكتت مصدومة اباوع
فاطمة:هههههه هااا
ايه:التفتت اباوعلهم ورجعت عيوني للصالة وفزيت من احمد طك النشرة بوجهي
ضحكت واني اباوع للصالة مزينة بالنفاخ والنشرات والميز يخبل اشكال الاكل والحلويات تقربت اباوع للكيكة عليها صورتي ،،صدمتونييي
نور:فكرتييييي
احمد:على حسابي هاي الكيكة دشوفيها تملخ
امير:لا ياساقط شلوون حاط صورتها عليها ؟
احمد:عادي شبيك رسلت صورتها للولد گتلة الزگها ع الكيكة مسوي باطل؟
امير:ولللك تحجييي صدك
نور:هههههه جذاب والله هاي بنية مسويتها وصيتهه من الانستا وهو دفع فلوسها
احمد:دكليلهم بيش
نور:والله خبصتنه هيه ب40
احمد:ول 40 شووية ؟
امير:وغصباً ماعليك تدفع شنو شغلتك لعد
احمد:اندري تاج راسي انت ومرتك
ايه:حبيبي حمشمش شكرا تخبل مثلك
امير:أستلم
احمد:بعد روحي اموت عليج شعندي غيرج
امير:سد حلكك لا اسده الك ب40
ايه:متت ضحك احمد يحرگ بگلبة عمداً التفتت على صوت فهد دخل يصيح
فهد:خومااا گطعتي الكيكة
هبة:فهههد
فهد:ها ها نسيت
هبة:رجع وگف بصفي وهو يگول
فهد:صبروا شوية خل مرتي تقدم هديتهه
ايه:اباوعلهه تسحل بكارتونة شكبرها وفحطانة بيها انوب تعاركت ويه فهد لان دخل قبلها
احمد:يمعووودة فاشنسيتا فضينه
هبة:هاا ها اوكف ،تعالي ايوو فتحيها
ايه:اجييت رحت ركض متحمسة افتح بيها وظليت فاكة حلكي ،،عزاا ولج شنوو هذا هههههههه
هبة:يشبهج هههههه
ايه:دبدوب ابيض شكبرة بطولي ضخم گوة طلعتة ثكيل بس يخبل والجهال اجو يركضون كعدو بطنه واني ميتة من الضحك حتى اني اكدر اكعد بطنة گد ماجبير
زهرة:يادهر طرج شنهاي ولج شجايبه
هبة:هههههههه بيبي هذا دبدوب تعالي كعدي بطنة عليج الله
احمد:تخزينه ولج زهرة ام دبدوب
ايه:ضحكنا وبيبي تغلط على احمد واني شحتت الجهال وكعدت بطنة ،،اخذيليي صور بالقاط اني ودبدوبي ،اخذلي صور البنات وكلها كعدت ببطنه تاخذ صور
انوب ورة ماكملت صفنت بي وصحت
ولج هبة هسسة هذا وين احطه
هبة:شعلية اني احتاري بي
احمد:الناس تجيب ذهب لو مكياج لو عطورات والفاشينستا جايبتلهه دب لا وچمالة مكيفات بي الفطيرات
هبة:غيير يخبللل يسوة ابو الذهب دباوعله شلون فخم وكيووت هذا خاف ماتدري وصيتة من خارج العراق
احمد:العب
هبة:ها فهد
فهد:اي والله احتاريت بي اكثر من عرسي
ايه:فدووة اروحلكم يخبلل والله فرحت بي
هبة:ياعيوني انتي مبروك احلى صيدلانية والله
فهد:مبروك رفعة راسنا يوم افتتاح صيدليتج
احمد:اي صدك شتسمينها بلة ؟
ايه:صيدلية بيت رحيم
احمد:لو فاتحة مخضر احسلج
ايه:اهووو بدة يعيب
احمد:هو انتم الصيادلة چنكم بگالة بس الفرق همه يبيعون مخضر وانتم ادوية
امير:صير احسن منهم
احمد:باع هذا صاير محامي لمرتة حتى احسن مني اني المحامي العملاق
فاطمة:انتم المحامين اهل الشر تخربون على المشاكل حتى يمشي شغلكم خوب الطلاكات ترگصولهه بچفية
احمد:حچت لتفقص ببطون العالم
نور:هههههههههاي همزين اني ورؤى مايلوحنه طشار شحلاتنه مثقفات وامهات اللغة
احمد:سكتن مني لا اطلگجن على ايدي
زهرة:فالك ماگبلنا صدك مشراني
فهد:يمعوديين والكيكة
احمد:انت شمالك تتنسى على كيكة ؟
فهد:طاح حظك مااگول غير شي
ايه:وگفت اقطع الكيكة ،شبيكم صفگولي
احمد:صفگولهة يله لاتبجي
علي:ها شني
احمد:اهووو هذا شجابة
علي:راعبهم يابه
احمد:هذا ياهو عفط ؟؟
ايه:الولد خربوا ضحك وعلي جر الجطل وركعة بي وذاك سوة روحه كلش تخربط
زهرة:شكبركم تصيرون بعد
احمد:يمه اجة يطلگني البارحة لوما مرتي بنية واعية وعقلها جبير عينك عينك يذب عليه تهايم
علي:فقير كلش البزون تاكل عشاك
احمد:يله راح اصير احسن منك وامشي بمعاملة طلاگك وبلاش هم لخاطر الخوة هاي
علي:والله لو تظل اخر واحد بالدنيا مااجهبك
احمد:باع باع يعني ناوي يطلك سمعتي ولج فطيم
زهرة:شو دنجبو عاب هيج طاري
فاطمة:خزرته ودنكت راسي ألوب ،لليل ورة العشا كلمن طشله اتونسنه بحفلة ايو واللمة
نومت ليونه ودخلت سبحت وصليت متأخرة وكعدت اقرة قرآن والغرفة ضواهه خفيف حسيت بخشوع ودموعي ترست خدي مسحتهن من انفتح الباب ودخل باوعلي درت وجهي عنه
سد الباب واجة تربع وكعد كدامي يباوع بوجهي ويتنهد سديت القرآن بسته وحطيته بصفي
علي:تقبل الله
-ماجاوبته بس عيني بعينه منتظرة اسمع كلامة
علي:مو كافي زعل
-ماادري گول لنفسك هذا الكلام
علي:وحق هذا كتاب الله وكل حرف بي وهاي دموعج لمتعبة عينج احبج وعيوني ماتشوف غيرج
-الحب مو كافي علي
علي:أدري والله أدري بس مابيدي شي شكد أحاول ارضيج بس مايطلع بيدي شي والله مامرتاح لا باأكلة ولاشربة ولانومة كل تفكيري بيج لاعبالج مرتاح لزعلج بس انتي كليلي شبيدي وماسويته ؟
-ابتعد عنهن لاتشتغل وياهن
علي:زين عندي أقتراح
-شنو
علي:آني ماأثق بأي بشر وأمنة على شغلي والتواصل والاتفاقات والعلاقات كلهن اني بيدي اشتغلهن بس اريد اخليج انتي تستلمين هذا الشغل
-مافهمت
علي:يعني انتي وكاعدة هنا اسلمج كل حساباتي تتواصلين ويه الزبائن وتتفقين وياهم وترتبين مواعيد
-والمواعيد منو يقابلهم ؟
علي:هم گولي انتي تردين تلتقين وياهم!
-ماسوينه شي هم راح تشوفهن
علي:لا اله الا الله لج بابا اجتماعات مو حفلات شبيج انتي لهل الدرجة ماتثقين بيه
-شمعنى اني ؟
علي:ها سئلتيني حتى كلشي يصير كدام عينج وهم اريدج تلتهين بالشغل وتفكين ياخة مني
-لا بله
علي:اي حبيبتي اريدج تلتهين عقلج يشتغل بغير علي
-ودراستي ؟
علي:انتي وشطارتج ترتبين شغلج ودراستج والشغل هذا يكلفج اكثر شي اربع ساعات باليوم وهم ترا الج راتب لان راح تشلين حمل جبير عني
-خل افكر
علي:انجبي توافقين وغصباً ماعليج تردين تجلطيني انتي
-هاي عود بعدك مافاتح شركتك الخاصة وهيج مرمرتني
علي:اذا فتحته احطج موظفة وياي حتى تراقبيني عدل وعوفي الطب والتهي بيه
-والله اسويها اهم شي مااخليك ترتاح
علي:والله؟
-اقصد اكعد على كلبك بهذا المعنى
علي:باعي لج عندج شهر واحد تعلمتي خير على خير مااتعلمتي انسي السالفة وفنج تفكين حلكج وياي بعد
-اتعلم لاتخاف بس فهمني يعني بعد مايراسلنك ؟
علي:مايراسلني ارتاحي حساب الشغل يمج وتتفاهمين وياهن بسس وعلي بس تجفصين وتتعاركين وياهن لاتلومين روحج احطج واكتلج كتلة اطلع بيها خبالج كله
-لاتخاف عيني ما احاچيهن راح اصير كيوت وياهن خاف تنخدش مشاعرهن
علي:فاطمة بروح جدي اعقلي وساعديني مو تخربين عليه ترا مسلمج رگبتي اني خاف ماتدرين
-لهل الدرجة
علي:اي والعباس لهل الدرجة وأكثر وانتي بكيفج بعد ظلت يم ضميرج
-من زمان وصير خوش رجال
علي:بديتي تجفصين
-اقصد وين چان عنك هذا الحل من قبل
علي:والله الله ينطي صاحبي انطاني هذا الحل
-اي صدك شكد راتبي
علي:هاي بدال ماتكولين لاحبيبي مابيناتنه راتب
-بيناتنه على المر لشفته من وراك تحطلي راتب ينسيني القهر كلة
علي:ادللي
-وهسة شكوو رقم بنية موجود بموبايلك الخاص تحذفه وتگللهن اتفاهمن ويه مرتي بعد
علي:المشكلة ماعندي ثقة بيج
-اطمن راح اداريهن الك
علي:فاطمة
-شبيك والله اداريهن واحطهن بعيني
علي:زين نتوكل على الله ؟
-ونعم بالله ولو ردت اطلكك اله شوية بس زين اتلاحكت روحك
علي:شو انتي تعلگين تعلك بالحچي ؟
-شحجيت قابل
علي:لا ابد بس تفشرين وتغلطين وتردين ترفعين دعوة ضدي واني واحد مغرور وساقط وگ***وانتي الشباب تزحفلج بس ماتنطينهم مجال بس اني ساقط وانطي مجال للبنات
-صفنت بوجهة احاول اتذكر شوكت حجيت هيج
علي:اتذكري من چنتي مصخنة وتكتيهن كلهن
-مااتذكر والله
علي:ورغد ام شعر الاحمر ؟
-اييي هاي الادبسزز اتذكرها چمالة تگلي سمرة عيونها عسلية صدك ماتستحي
علي:هاي تذكرتيها
-طبعا اتذكرها لان حچايتك دگت بگلبي
علي:ياهو لزاحفلج ؟
-محد شبيك
علي:انتي اعترفتي بلسانج
-جنت مصخنة
علي:بس تحجين الصراحة
-شسمه هذا دكتور بكد جدو خطبني لـ ابنه بس اني كتلة متزوجة حرامات
علي:ها حرامات
-اي والله مايتفوت شلون دكتور ينحط ع الجرح يطيب لعد ابنه شلون ،،جرني من ايدي وسد حلكي ببوسة قاسية غمضت عيوني متوجعة لحد ماابتعد ونفسه عالي بوجهي
علي:ابنه ؟
-ماشايفتة ولااعرفة بس ردت استفزك
رجع باسني وهل المرة بهدوء واني اتذكرت كاعدة على مصلاية دفعته مني امسح بحلكي وأستغفر وهو يضحك عليه
شكد حررام وخرر اففف
علي:اللهم اني بريء من مما فعلت عبدتك فلقد اغوتني
-ضحكت ولميت المصلاية وهو بسرعة حصرني
علي:وين وين صارلج شكد كاطعة بيه ؟
-ليجي من ايده الله يزيده ،
علي:حچي يفيدج هذا ...
.........
ايه:مر كم شهر والحمدلله حياتنا ماشية وبيوم خابرني فهد رديت عليه مبتسمة وطرت من الفرح من گال
فهد:راح اصير أب
ايه:ياروووحي الف مبرروك والله فررحت اووي يارب يتمملكم على خير
فهد:ههههه امين يارب وبهل المناسبة عازمكم باجر ع الغدة
ايه:هههههه دنطي مجال خل تجيب وعود اعزم
فهد:لا لا هاي وحد
ايه:سديته منه اضحك شكد فرحتله لان ادري بي شكد نفسة بطفل ومتلهف يصير عندة أطفال ،بلغت العائلة كلها وكلهم خابروا يتباركوله وثاني يوم اتغدينه ببيته والدينا ماسايعتة من الفرحة والولد نصبوا عليه
احمد:عود من يجي للدنيا اعزمنة بدبي
فهد:وجهك مو مال دبي مع الاسف
احمد:شعليك هسة انت سفرنا لدبي واغسلك وجهي عدل بليفة وصابون
امير:وبقاصر هم نغسل اذا تريد
علي:ونتعقم بكلور مو مشكلة
فهد:والله لو مو كلور وقاصر تبقون چلحين ملحين
احمد:خوب فضهه وگول مااريد اسفركم
فهد:امشو لكم گاعدلي على بنك اني
احمد:دخل يصير عندي ولد اله اخذكم
فهد:اي بله وين
احمد:لشط العرب
ايه:ضحكنة على سوالفة وللعصر رجعنة للبيت وبوجهي للحمام اسوي اختبار حمل شاكة بروحي صارلي أيام وهسة تحمست ويه هبة اخذتلي واحد منها ،،باوعت بي وضحكت ظليت اگمز من الفرحة
امير:ايه ويينج
ايه:طلعت بسرعة من الحمام
امير:ها هذا نام
ايه:اي رحت نزعته حذائة حبيبي غافي وامير حطه بفراشة ورجع يباوعلي
امير:شعندج
ايه:ضامة ايدي وراي ضحكت وحطيته بوجهة صفن وكال
امير:والله
ايه:ههههههه اي والله
امير:الف الحمدلله والشكر تعاي ولج
ايه:ضحكت حضني حيل يبوس بيه فرحان
امير:روحي أنتِ
ايه:شيخ گلبي أنتَ ...
🥀🥀🥀🥀🥀🥀🥀🥀🥀🥀🥀🥀
هاي شنو هاي منو رجعنا ببارت هدية من قصتي لـ أحبها وختامها مسك وهاي آخر مرة نكتب عنهم بس القادم أفضل ان شاءالله
اتمنى من گلبي عجبتكم وحبيتوها
لاتنسون التصويت ⭐️ومتابعة لحساب الواتباد ‼️واريد تفاعلكم الحلو بهذا البارت ✅
وتابعوني على الانستغرام الرابط بالبايو 👇👇