[Unicode]
ကျန်းရှန့်မေမှာ ဝိုင်းစက်စက် မျက်လုံးတွေ ရှိတဲ့အပြင် ဥရောပ-အမေရိကန် တွေလို မျက်ရစ်နှစ်ထပ်လည်း ရှိ၏။ သူမရဲ့ အသားအရည်က ဖြူပြီး ဆွဲဆောင်မှုရှိတဲ့ ခပ်ထဲထဲ နှုတ်ခမ်းတစ်စုံ ပိုင်ဆိုင်ထားတာမို့ စွဲမက်စရာကောင်းပြီး နှစ်လိုဖွယ်ပုံစံ ဖြစ်နေလေသည်။
ကျန်းရှန့်မေရဲ့ လှပတဲ့ သွင်ပြင်ကို တွေးတောနေမိရင်း တစ်စုံတခုကို သဘောပေါက်သွားသည်။
မူလnovelပေါ် အခြေခံ ပြောရရင် နင်မုန့် နဲ့ ကျန်းရှန့်မေက သဟဇာတ မဖြစ်ခဲ့ပေ အကြောင်းအရင်းမှာ နှစ်ယောက်စလုံးက ထူးခြားလောက်အောင်ကို လှပချောမောကြပြီး ငယ်ရွယ်တဲ့လူတွေကြားထဲ အချောဆုံး ဖြစ်ချင်ကြတာမို့ အမြဲတမ်း သူ့ထက်ငါလှအောင် ပြိုင်ဆိုင်ခဲ့ကြတာဖြစ်၏။
နင်မုန့်မှာ သဘာဝအလျောက် နှစ်လိုဖွယ်ကောင်းသည့် မက်မွန်ပန်းလို မျက်လုံးတစ်စုံ ရှိသည်။ ဒါကြောင့်ပဲ ကျန်းရှန့်မေရဲ့ အလှက ခမ်းခမ်းနားနား စွဲမက်ဖွယ် ရှိနေချိန်မှာ နင်မုန့်ရဲ့သွင်ပြင်က နူးညံ့တဲ့ဘက်သို့ သွားလေ၏။
ငိုရမလား ရယ်ရမလား နင်မုန့် မသိတော့။
'လီဟောက်ကျယ်က သူ့ရဲ့ ရည်းစားဟောင်း ကျန်းရှန့်မေကို ပစ်သွားတဲ့အချက်က သူမရဲ့ ရုပ်ဆိုးလွန်းတဲ့ မျက်နှာကို သီးမခံနိုင်လွန်းလို့ ဆိုတော့ ငါ့မျက်နှာပုံစံကိုလည်း အဲ့လို မြင်သွားတဲ့ အခါကျရင်ရော သူ့ တုံ့ပြန်မှုက ဘယ်လိုများ နေမလဲ?'
ရုတ်တရက်ဆိုသလို နင်မုန့် စူးစမ်း မိချင်သွားသည်။
—
အိတ်အတွက် အစားပြန်လုပ်ပေးတဲ့ အနေနဲ့ ကျန်းရှန့်မေရဲ့ အိမ်ကို နင်မုန့် လိုက်ပို့လိုက်သည်။
သူတို့နှစ်ယောက်လုံး ကျန်းရှန့်မေရဲ့ အိမ်လှေကား မရောက်ခင်အထိကို စကားတတွတ်တွတ် ပြောလာကြတာ ဖြစ်သည်။ ကျန်းရှန့်မေ အိမ်ထဲထိ ဝင်သွားတာကို နင်မုန့် စောင့်လိုက်ပြီးနောက် သူမလည်း ထွက်လာခဲ့လိုက်သည်။
ကျန်းမိသားစုရဲ့ ဗီလာမှာ သက်လတ်ပိုင်းအရွယ် လင်မယားနှစ်ယောက်က ထွက်သွားတဲ့ နင်မုန့်ကားကို ကြည့်ရင်း ပြင်သစ်ပြတင်းပေါက် အရှေ့မှာ ရပ်နေလေသည်။
မားမားကျန်းက ပြောလိုက်သည်။
"နင်မိသားစုနဲ့ ကျွန်မတို့ မိသားစုဆိုတာ ဘာမှ မဆိုင်ကြတဲ့လူတွေ ကျွန်မတို့ သမီး ရှန်းမေ့တောင်မှ အမြဲတမ်း နင်မုန့်နဲ့ဆို အချေအတင်ဖြစ်တတ်ကြတာ။ တကယ့်တကယ် ကျွန်မတို့ သမီးလေး ပြဿနာလဲတက်ရော သူမရဲ့ဘေးမှာ ရှိနေပေးခဲ့တဲ့လူက နင်မုန့်ဆိုတာ မယုံနိုင်သေးဘူး"
ပါးပါးကျန်းကလည်း သဘောတူစွာပဲ ခေါင်းညိမ့်လိုက်သည်။ "ကလေးမလေး နင်မုန့်က ငါတို့ ရှန်းမေ့ကို ဒီမကောင်းတဲ့ကောင်နဲ့ လမ်းခွဲနိုင်အောင် ဆုံးဖြတ်ချက်ချနိုင်ဖို့ ကူညီပေးခဲ့တာ။ အခုတော့ ငါတို့ သူမအပေါ် ကျေးဇူးကျွေးတင်သွားပြီ"
ထိုအခါ မားမားကျန်းကလည်း ပြောလိုက်သည်။ "အခုလောလောဆယ် နင်မိသားစုကလည်း ခက်ခဲနေတော့ အခုကစပြီး ကျွန်မတို့လည်း သူတို့ကို ငွေကြေး ကူညီပေးကြတာပေါ့"
"ဒါနဲ့ မကောင်းတဲ့ကောင် လီဟောက်ကျယ်ကိုရော ကျွန်မတို့ဘယ်လိုလုပ်လိုက်သင့်လဲ? တကယ်လို့ ကျွန်မတို့ သူ့ကို ဆွဲချလိုက်မယ်ဆိုရင် ရှန့်မေရဲ့ နှလုံးသားက သူ့အတွက် ပြန်ပျော့ရင်ပျော့လာဦးမှာ။ ဘယ်လိုဖြစ်ဖြစ် အဲ့လိုအခြေအနေမျိုးကိုတော့ အဖြစ်မခံနိုင်ဘူးရှင်!"
ပါးပါးကျန်းက ပြန်ပြောလိုက်သည်။ "ဒီလိုဖြစ်လာတော့ နင်မုန့်ဆိုတဲ့ ကလေးမက ငါတို့အတွက် မတူညီတဲ့ ပျော်ရွှင်မှုကို ယူဆောင်လာပေးလိမ့်မယ်လို့ ခံစားမိတယ်"
—
ဟော်အဖွဲ့အစည်းတွင် ဖြစ်သည်။
ဟော်ပေ့ချန် အလုပ်ကဆင်းဖို့ လုပ်တဲ့အခါ ညနေ၆နာရီ အတိထိုးပြီ ဖြစ်သည်။
ရုံးခန်းထဲက ကိုယ်လုံးပေါ်မှန်အရှေ့မှာ ရပ်လိုက်ပြီးနောက် အဝတ်အစားတွေကို သေသပ်အောင် ပြန်ပြင်လိုက်ပြီးမှ ရုံးခန်းထဲမှ ထွက်လာလိုက်၏။
'မနက်က သူမနေရာထိ သွားပြီး စိတ်မဆိုးတော့ဘူးဆိုတာ ပြောလိုက်ပြီးပြီဆိုတော့ အခုချိန်လောက်ဆို ငါ့ဗီလာကို ပြန်ရောက်နေရောပေါ့'
ကိုယ့်အတွေးနဲ့ကိုယ် ဟော်ပေ့ချန် ပြုံးမိသွားသည်။
အိမ်ပြန်ရင်း သူသဘောကျတဲ့ ခရမ်းချဉ်သီးကြက်ဥ ခေါက်ဆွဲတစ်ပွဲကို လုပ်ပေးထားတာကိုပါ တွေးမိနေ၏။
သို့ပေမယ့်လည်း ဗီလာကိုရောက်တဲ့အခါ မှောင်မဲပြီး ဘာမှမရှိတာကိုသာ တွေ့လိုက်ရသည်။
ဟော်ပေ့ချန် ခနတာ ရပ်တံ့သွားပြီးနောက် မီးဆိုင်းရှိရာ ဧည့်ခန်းဆီသို့ လမ်းလျှောက်သွားလိုက်သည်။
necktieကို ဖြေလျော့လိုက်ပြီးနောက် ဆိုဖာပေါ်မှာ ထိုင်ချလိုက်၏။ သူ့ဖုန်းကို ထုတ်လိုက်ပြီးနောက် bodyguardဆီကို ဖုန်းခေါ်မေးလိုက်သည်။ "မဒမ် အိမ်ကို ပြန်ရောက်ပြီလား"
bodyguardက ရိုသေစွာနဲ့ ဖြေလာလေ၏။ "လွန်ခဲ့တဲ့ တစ်နာရီတည်းက မဒမ် အိမ်ကို ပြန်ရောက်ပါပြီ"
ဟော်ပေ့ချန်က အပေါ်ထပ်ကို တချက်ကြည့်လိုက်ပြီး "သူမ အိပ်ပျော်သွားပြီလား"
"ဟင့်အင်း အိပ်မပျော်သေးပါဘူး။ မဒမ့် အိပ်ခန်းမီးက လင်းနေတုန်းပါပဲ။ ပုံစံက တယောက်ယောက်နဲ့ စကားပြောနေတဲ့ပုံပါ"
တစ်ခုခု ပျောက်ရှသွားသလို ခံစားချက်နှင့်အတူ ဟော်ပေ့ချန် ရပ်တံ့လို့သွား၏။ "သူမက ဘယ်ဘက်က ဗီလာမှာလဲ"
bodyguardက ပြန်ဖြေလိုက်သည်။ "ယွီရှုဥယျာဉ်မှာပါ"
ဟော်ပေ့ချန် ဘာမှ ပြန်မပြောတော့။ သူ့ မျက်နှာအမူအရာက ချက်ချင်းဆိုသလို မည်းမှောင်သွားသည်။
ခနလောက်ကြာပြီးတဲ့ အခါ ဟော်ပေ့ချန် သူ့ဖုန်းကို ပြန်ထုတ်လိုက်ပြီး သူ့ကိုယ်ပိုင် WeChatအကောင့်ထဲ ဝင်လိုက်ပြီးနောက် စာရိုက်လိုက်သည်။ "မင်း ဘယ်မှာလဲ" သို့ပေမယ့်လည်း နင်မုန့်ဆီကို မပို့လိုက်ဘဲ ချက်ချင်းကို ပြန်ဖျက်လိုက်လေတော့၏။
နောက်ဆုံးမှာတော့ သူ့ဖုန်းကို ဘေးသို့သာ ပစ်ချလိုက်ပြီး အပေါ်ထပ်သို့သာ တက်သွားလိုက်လေတော့သည်။
—
ကျန်းရှန့်မေရဲ့ ခါးသီးလှတဲ့ လမ်းခွဲမှု အတွေ့အကြုံကြောင့် ကျန်းရှန့်မေ တစ်ယောက်တည်း လျှောက်မတွေးမိစေရန် နင်မုန့်က ဈေးဝယ်ထွက်တိုင်း အမြဲလိုက်လာဖို့ မေးလေ့ရှိ၏။
ငါးရက် ကြာပြီးနောက်
သူမတို့နှစ်ယောက် ရေဓာတ်ပြည့်ပြီး လှပတဲ့အသားအရည်ရဖို့ မနက်ပိုင်း skincare sessionကို သွားလိုက်ကြသည်။
နေ့လည်ခင်းမှာတော့ ကျန်းရှန့်မေအတွက် အနီရောင်တောက်တောက် dressတစ်ထည် ဝယ်ဖို့ နင်မုန့်က ကျန်းရှန့်မေကိုပါ ခေါ်သွားလိုက်သည်။ ပြီးတဲ့နောက်မှာတော့ သူမရဲ့ နောက်သို့ ခပ်ကောက်ကောက် ဆံပင်တွေကို ချလိုက်၏။
ကျန်းရှန့်မေက တစ်ခုခုထူးဆန်းသလို ခံစားလိုက်ရတာမို့ "ဘာလို့ နင်ဒီလိုမျိုး ဝတ်စားပေးနေရတာလဲ"
နင်မုန့်က ပြုံးလိုက်သည်။ "ဒီည သီချင်းဆိုပြိုင်ပွဲမှာ လင်းချင်ပေ့ကို အားပေးဖို့ ငါနဲ့အတူ လိုက်ခဲ့ပေးပါဦး"
နင်မုန့်ရဲ့ တောင်းဆိုချက်က ကျန်းရှန့်မေကို ပဟေဠိတစ်ခုလို ခံစားသွားရစေ၏။
[ ၂၅ပိုင်းစီပါတဲ့ pdf စာစဉ်၁ခုကို ၅၀၀ကျပ်နဲ့ wp acc cbမှာ လာဝယ်လို့ရပြီနော်^^ ။ ပြီးသွားတဲ့ စာစဉ်တွေပါ စာစဉ်၆ [EP-140 to 164]၊ စာစဉ်၇ [EP-165 to 189]၊ စာစဉ်၈ [EP-190 to 214]၊ စာစဉ်၉[ EP-215 to 239]၊ စာစဉ်၁၀ [EP-239 to 264]၊ စာစဉ်၁၁[EP-265 to 289]၊ စာစဉ်၁၂ [EP-290 to 314]၊ စာစဉ်၁၃ [EP-315 to 339]၊ စာစဉ်၁၄ [EP-340 to 364]၊ စာစဉ်၁၅ EP-365 to 389တို့ပါ🥰]
----------------
[Zawgyi]
က်န္းရွန႔္ေမမွာ ဝိုင္းစက္စက္ မ်က္လုံးေတြ ရွိတဲ့အျပင္ ဥေရာပ-အေမရိကန္ ေတြလို မ်က္ရစ္ႏွစ္ထပ္လည္း ရွိ၏။ သူမရဲ႕ အသားအရည္က ျဖဴၿပီး ဆြဲေဆာင္မႈရွိတဲ့ ခပ္ထဲထဲ ႏႈတ္ခမ္းတစ္စုံ ပိုင္ဆိုင္ထားတာမို႔ စြဲမက္စရာေကာင္းၿပီး ႏွစ္လိုဖြယ္ပုံစံ ျဖစ္ေနေလသည္။
က်န္းရွန႔္ေမရဲ႕ လွပတဲ့ သြင္ျပင္ကို ေတြးေတာေနမိရင္း တစ္စုံတခုကို သေဘာေပါက္သြားသည္။
မူလnovelေပၚ အေျခခံ ေျပာရရင္ နင္မုန႔္ နဲ႔ က်န္းရွန႔္ေမက သဟဇာတ မျဖစ္ခဲ့ေပ အေၾကာင္းအရင္းမွာ ႏွစ္ေယာက္စလုံးက ထူးျခားေလာက္ေအာင္ကို လွပေခ်ာေမာၾကၿပီး ငယ္႐ြယ္တဲ့လူေတြၾကားထဲ အေခ်ာဆုံး ျဖစ္ခ်င္ၾကတာမို႔ အၿမဲတမ္း သူ႔ထက္ငါလွေအာင္ ၿပိဳင္ဆိုင္ခဲ့ၾကတာျဖစ္၏။
နင္မုန႔္မွာ သဘာ၀အေလ်ာက္ ႏွစ္လိုဖြယ္ေကာင္းသည့္ မက္မြန္ပန္းလို မ်က္လုံးတစ္စုံ ရွိသည္။ ဒါေၾကာင့္ပဲ က်န္းရွန႔္ေမရဲ႕ အလွက ခမ္းခမ္းနားနား စြဲမက္ဖြယ္ ရွိေနခ်ိန္မွာ နင္မုန႔္ရဲ႕သြင္ျပင္က ႏူးညံ့တဲ့ဘက္သို႔ သြားေလ၏။
ငိုရမလား ရယ္ရမလား နင္မုန႔္ မသိေတာ့။
'လီေဟာက္က်ယ္က သူ႔ရဲ႕ ရည္းစားေဟာင္း က်န္းရွန႔္ေမကို ပစ္သြားတဲ့အခ်က္က သူမရဲ႕ ႐ုပ္ဆိုးလြန္းတဲ့ မ်က္ႏွာကို သီးမခံႏိုင္လြန္းလို႔ ဆိုေတာ့ ငါ့မ်က္ႏွာပုံစံကိုလည္း အဲ့လို ျမင္သြားတဲ့ အခါက်ရင္ေရာ သူ႔ တုံ႔ျပန္မႈက ဘယ္လိုမ်ား ေနမလဲ?'
႐ုတ္တရက္ဆိုသလို နင္မုန႔္ စူးစမ္း မိခ်င္သြားသည္။
—
အိတ္အတြက္ အစားျပန္လုပ္ေပးတဲ့ အေနနဲ႔ က်န္းရွန႔္ေမရဲ႕ အိမ္ကို နင္မုန႔္ လိုက္ပို႔လိုက္သည္။
သူတို႔ႏွစ္ေယာက္လုံး က်န္းရွန႔္ေမရဲ႕ အိမ္ေလွကား မေရာက္ခင္အထိကို စကားတတြတ္တြတ္ ေျပာလာၾကတာ ျဖစ္သည္။ က်န္းရွန႔္ေမ အိမ္ထဲထိ ၀င္သြားတာကို နင္မုန႔္ ေစာင့္လိုက္ၿပီးေနာက္ သူမလည္း ထြက္လာခဲ့လိုက္သည္။
က်န္းမိသားစုရဲ႕ ဗီလာမွာ သက္လတ္ပိုင္းအ႐ြယ္ လင္မယားႏွစ္ေယာက္က ထြက္သြားတဲ့ နင္မုန႔္ကားကို ၾကည့္ရင္း ျပင္သစ္ျပတင္းေပါက္ အေရွ႕မွာ ရပ္ေနေလသည္။
မားမားက်န္းက ေျပာလိုက္သည္။
"နင္မိသားစုနဲ႔ ကြၽန္မတို႔ မိသားစုဆိုတာ ဘာမွ မဆိုင္ၾကတဲ့လူေတြ ကြၽန္မတို႔ သမီး ရွန္းေမ့ေတာင္မွ အၿမဲတမ္း နင္မုန႔္နဲ႔ဆို အေခ်အတင္ျဖစ္တတ္ၾကတာ။ တကယ့္တကယ္ ကြၽန္မတို႔ သမီးေလး ျပႆနာလဲတက္ေရာ သူမရဲ႕ေဘးမွာ ရွိေနေပးခဲ့တဲ့လူက နင္မုန႔္ဆိုတာ မယုံႏိုင္ေသးဘူး"
ပါးပါးက်န္းကလည္း သေဘာတူစြာပဲ ေခါင္းညိမ့္လိုက္သည္။ "ကေလးမေလး နင္မုန႔္က ငါတို႔ ရွန္းေမ့ကို ဒီမေကာင္းတဲ့ေကာင္နဲ႔ လမ္းခြဲႏိုင္ေအာင္ ဆုံးျဖတ္ခ်က္ခ်ႏိုင္ဖို႔ ကူညီေပးခဲ့တာ။ အခုေတာ့ ငါတို႔ သူမအေပၚ ေက်းဇူးေကြၽးတင္သြားၿပီ"
ထိုအခါ မားမားက်န္းကလည္း ေျပာလိုက္သည္။ "အခုေလာေလာဆယ္ နင္မိသားစုကလည္း ခက္ခဲေနေတာ့ အခုကစၿပီး ကြၽန္မတို႔လည္း သူတို႔ကို ေငြေၾကး ကူညီေပးၾကတာေပါ့"
"ဒါနဲ႔ မေကာင္းတဲ့ေကာင္ လီေဟာက္က်ယ္ကိုေရာ ကြၽန္မတို႔ဘယ္လိုလုပ္လိုက္သင့္လဲ? တကယ္လို႔ ကြၽန္မတို႔ သူ႔ကို ဆြဲခ်လိုက္မယ္ဆိုရင္ ရွန႔္ေမရဲ႕ ႏွလုံးသားက သူ႔အတြက္ ျပန္ေပ်ာ့ရင္ေပ်ာ့လာဦးမွာ။ ဘယ္လိုျဖစ္ျဖစ္ အဲ့လိုအေျခအေနမ်ိဳးကိုေတာ့ အျဖစ္မခံႏိုင္ဘူးရွင္!"
ပါးပါးက်န္းက ျပန္ေျပာလိုက္သည္။ "ဒီလိုျဖစ္လာေတာ့ နင္မုန႔္ဆိုတဲ့ ကေလးမက ငါတို႔အတြက္ မတူညီတဲ့ ေပ်ာ္႐ႊင္မႈကို ယူေဆာင္လာေပးလိမ့္မယ္လို႔ ခံစားမိတယ္"
—
ေဟာ္အဖြဲ႕အစည္းတြင္ ျဖစ္သည္။
ေဟာ္ေပ့ခ်န္ အလုပ္ကဆင္းဖို႔ လုပ္တဲ့အခါ ညေန၆နာရီ အတိထိုးၿပီ ျဖစ္သည္။
႐ုံးခန္းထဲက ကိုယ္လုံးေပၚမွန္အေရွ႕မွာ ရပ္လိုက္ၿပီးေနာက္ အ၀တ္အစားေတြကို ေသသပ္ေအာင္ ျပန္ျပင္လိုက္ၿပီးမွ ႐ုံးခန္းထဲမွ ထြက္လာလိုက္၏။
'မနက္က သူမေနရာထိ သြားၿပီး စိတ္မဆိုးေတာ့ဘူးဆိုတာ ေျပာလိုက္ၿပီးၿပီဆိုေတာ့ အခုခ်ိန္ေလာက္ဆို ငါ့ဗီလာကို ျပန္ေရာက္ေနေရာေပါ့'
ကိုယ့္အေတြးနဲ႔ကိုယ္ ေဟာ္ေပ့ခ်န္ ၿပဳံးမိသြားသည္။
အိမ္ျပန္ရင္း သူသေဘာက်တဲ့ ခရမ္းခ်ဥ္သီးၾကက္ဥ ေခါက္ဆြဲတစ္ပြဲကို လုပ္ေပးထားတာကိုပါ ေတြးမိေန၏။
သို႔ေပမယ့္လည္း ဗီလာကိုေရာက္တဲ့အခါ ေမွာင္မဲၿပီး ဘာမွမရွိတာကိုသာ ေတြ႕လိုက္ရသည္။
ေဟာ္ေပ့ခ်န္ ခနတာ ရပ္တံ့သြားၿပီးေနာက္ မီးဆိုင္းရွိရာ ဧည့္ခန္းဆီသို႔ လမ္းေလွ်ာက္သြားလိုက္သည္။
necktieကို ေျဖေလ်ာ့လိုက္ၿပီးေနာက္ ဆိုဖာေပၚမွာ ထိုင္ခ်လိုက္၏။ သူ႔ဖုန္းကို ထုတ္လိုက္ၿပီးေနာက္ bodyguardဆီကို ဖုန္းေခၚေမးလိုက္သည္။ "မဒမ္ အိမ္ကို ျပန္ေရာက္ၿပီလား"
bodyguardက ႐ိုေသစြာနဲ႔ ေျဖလာေလ၏။ "လြန္ခဲ့တဲ့ တစ္နာရီတည္းက မဒမ္ အိမ္ကို ျပန္ေရာက္ပါၿပီ"
ေဟာ္ေပ့ခ်န္က အေပၚထပ္ကို တခ်က္ၾကည့္လိုက္ၿပီး "သူမ အိပ္ေပ်ာ္သြားၿပီလား"
"ဟင့္အင္း အိပ္မေပ်ာ္ေသးပါဘူး။ မဒမ့္ အိပ္ခန္းမီးက လင္းေနတုန္းပါပဲ။ ပုံစံက တေယာက္ေယာက္နဲ႔ စကားေျပာေနတဲ့ပုံပါ"
တစ္ခုခု ေပ်ာက္ရွသြားသလို ခံစားခ်က္ႏွင့္အတူ ေဟာ္ေပ့ခ်န္ ရပ္တံ့လို႔သြား၏။ "သူမက ဘယ္ဘက္က ဗီလာမွာလဲ"
bodyguardက ျပန္ေျဖလိုက္သည္။ "ယြီရႈဥယ်ာဥ္မွာပါ"
ေဟာ္ေပ့ခ်န္ ဘာမွ ျပန္မေျပာေတာ့။ သူ႔ မ်က္ႏွာအမူအရာက ခ်က္ခ်င္းဆိုသလို မည္းေမွာင္သြားသည္။
ခနေလာက္ၾကာၿပီးတဲ့ အခါ ေဟာ္ေပ့ခ်န္ သူ႔ဖုန္းကို ျပန္ထုတ္လိုက္ၿပီး သူ႔ကိုယ္ပိုင္ WeChatအေကာင့္ထဲ ၀င္လိုက္ၿပီးေနာက္ စာ႐ိုက္လိုက္သည္။ "မင္း ဘယ္မွာလဲ" သို႔ေပမယ့္လည္း နင္မုန႔္ဆီကို မပို႔လိုက္ဘဲ ခ်က္ခ်င္းကို ျပန္ဖ်က္လိုက္ေလေတာ့၏။
ေနာက္ဆုံးမွာေတာ့ သူ႔ဖုန္းကို ေဘးသို႔သာ ပစ္ခ်လိုက္ၿပီး အေပၚထပ္သို႔သာ တက္သြားလိုက္ေလေတာ့သည္။
—
က်န္းရွန႔္ေမရဲ႕ ခါးသီးလွတဲ့ လမ္းခြဲမႈ အေတြ႕အႀကဳံေၾကာင့္ က်န္းရွန႔္ေမ တစ္ေယာက္တည္း ေလွ်ာက္မေတြးမိေစရန္ နင္မုန႔္က ေဈး၀ယ္ထြက္တိုင္း အၿမဲလိုက္လာဖို႔ ေမးေလ့ရွိ၏။
ငါးရက္ ၾကာၿပီးေနာက္
သူမတို႔ႏွစ္ေယာက္ ေရဓာတ္ျပည့္ၿပီး လွပတဲ့အသားအရည္ရဖို႔ မနက္ပိုင္း skincare sessionကို သြားလိုက္ၾကသည္။
ေန႔လည္ခင္းမွာေတာ့ က်န္းရွန႔္ေမအတြက္ အနီေရာင္ေတာက္ေတာက္ dressတစ္ထည္ ၀ယ္ဖို႔ နင္မုန႔္က က်န္းရွန႔္ေမကိုပါ ေခၚသြားလိုက္သည္။ ၿပီးတဲ့ေနာက္မွာေတာ့ သူမရဲ႕ ေနာက္သို႔ ခပ္ေကာက္ေကာက္ ဆံပင္ေတြကို ခ်လိုက္၏။
က်န္းရွန႔္ေမက တစ္ခုခုထူးဆန္းသလို ခံစားလိုက္ရတာမို႔ "ဘာလို႔ နင္ဒီလိုမ်ိဳး ၀တ္စားေပးေနရတာလဲ"
နင္မုန႔္က ၿပဳံးလိုက္သည္။ "ဒီည သီခ်င္းဆိုၿပိဳင္ပြဲမွာ လင္းခ်င္ေပ့ကို အားေပးဖို႔ ငါနဲ႔အတူ လိုက္ခဲ့ေပးပါဦး"
နင္မုန႔္ရဲ႕ ေတာင္းဆိုခ်က္က က်န္းရွန႔္ေမကို ပေဟဠိတစ္ခုလို ခံစားသြားရေစ၏။
[ ၂၅ပိုင္းစီပါတဲ့ pdf စာစဥ္၁ခုကို ၅၀၀က်ပ္နဲ႔ wp acc cbမွာ လာ၀ယ္လို႔ရၿပီေနာ္^^ ။ ၿပီးသြားတဲ့ စာစဥ္ေတြပါ စာစဥ္၆ [EP-140 to 164]၊ စာစဥ္၇ [EP-165 to 189]၊ စာစဥ္၈ [EP-190 to 214]၊ စာစဥ္၉[ EP-215 to 239]၊ စာစဥ္၁၀ [EP-239 to 264]၊ စာစဥ္၁၁[EP-265 to 289]၊ စာစဥ္၁၂ [EP-290 to 314]၊ စာစဥ္၁၃ [EP-315 to 339]၊ စာစဥ္၁၄ [EP-340 to 364]၊ စာစဥ္၁၅ EP-365 to 389တို႔ပါ🥰]