ဂန္တဝင်ဂိုဏ်းချုပ် အတွဲ (၂) Unicode

You are reading

Adventure

✓✓✓✓ MC က FAကြီး ✓✓✓✓ ဇာတ်လမ်းအကျဉ်း ------------- လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမ...

adventure comedy cultivation fantasy system timetravel translation

အပိုင်း ၃၀၅ : ပြိုင်ကွင်းသည် စွမ်းဆောင်ရည် ပြသဖို့ စင်မြင့်ဖြစ်သည်

439 56 0

By KazunoMora

အပိုင်း ၃၀၅ : ပြိုင်ကွင်းသည် စွမ်းဆောင်ရည် ပြသဖို့ စင်မြင့်ဖြစ်သည်

ရှီရှင်းယွမ်သည် လင်းဖုန်း၏ အရှေ့ကို လျှောက်လာလိုက်ကာ၊ သူ့အား နှုတ်ဆက်လိုက်သည်။ လင်းဖုန်းက သူ၏ခေါင်းအား စောင်းကြည့်လိုက်ကာ၊ ပြန်တုံ့ပြန်လိုက်သည်။ "မင်းသမီးရှင်းယွမ်က သိပ်ပြီး ရိုသေနေစရာ မလိုပါဘူး"

"တစ်နေ့မှာ အံ့ဖွယ် ကောင်းကင်ဘုံဂိုဏ်း ခေါင်းဆောင်က၊ ကျွန်မကို အကြံဉာဏ် ပေးနိုင်လိမ့်မယ်လို့ မျှော်လင့်ပါတယ်။ ဒါဆိုရင် ကျွန်မအတွက် ဂုဏ်ယူစရာ ဖြစ်ပါလိမ့်မယ်" ရှီရှင်းယွမ်သည် ပြီးနောက် ဇူရီဘက်သို့ လှည့်လိုက်သည်။ "ကျွန်မရဲ့ မိတ်ဆွေတစ်ယောက်က အရင်က ရှင့်ကို စော်ကားမိပါတယ်။ သူ့ကို ခွင့်လွှတ်ပေးနိုင်လိမ့်မယ်လို့ မျှော်လင့်နေပါတယ်"

ဇူရီသည် သူ၏အရှေ့မှ အဝါရောင် ဝတ်စုံနှင့် မိန်းကလေးအား ကြည့်လိုက်ကာ၊ တည်ငြိမ်စွာ ပြန်ဖြေလိုက်၏။ "ဘာမှ ခွင့်လွှတ်စရာ မလိုပါဘူး။ နားလည်မှု လွဲမှားရုံ သက်သက်ပါပဲ"

ဇူရီသည် သူ၏ အင်္ကျီလက်စအား ဝှေ့ယမ်းလိုက်ရာ၊ ကောင်းကင် အလင်းနှင့်အမှောင် မန်ဒလာ မဟာနယ်နိမိတ်သည်၊ သူ၏ လက်ဖဝါး အလယ်တွင် ပေါ်လာခဲ့သည်။ မန်ဒလာ ပန်းတစ်ပွင့်သည် အလင်းနှင့် အမှောင်ကြားတွင် တုန်ခါနေသကဲ့သို့ ဖြစ်သည်။

သူ၏အလယ်တွင်ကား၊ မင်းတု၏သွားကို ရရှိရန် ကျောက်တုံးအား ဖြတ်တောက်ရာတွင်၊ ဇူရီအား အခွင့်ကောင်းယူ၍ အမြတ်ထုတ်ရန် ကြံစည်ခဲ့သော အရပ်ရှည်ရှည် ပိန်ပိန်ပါးပါးနှင့် လူငယ်ဖြစ်သည်။

ဇူရီသည် သူ၏ နယ်နိမိတ်အား ဖယ်ရှားလိုက်ရာ၊ ထိုလူငယ်သည် မြေပြင်ပေါ်သို့ ပြုတ်ကျလာခဲ့သည်။ သူကဘာမှ မပြောနိုင်မီ၊ ရှီရှင်းယွမ်သည် အပြုံးဖွဖွလေးနှင့် သူ၏အရှေ့သို့ ရောက်ရှိနေခဲ့ပြီ ဖြစ်သည်။

အရပ်ရှည်ရှည် ပိန်ပိန်ပါးပါးနှင့် လူငယ်သည်၊ တုန်ခါသွားကာ ရေရွတ်လိုက်သည်။ "ရှင်းယွမ်မင်းသမီး"

ရှီရှင်းယွမ်သည် သူ၏ခေါင်းကို အသာညိတ်လိုက်ကာ၊ ပြန်ဖြေလိုက်သည်။ "ငါတို့က ရှီးလင်မြို့ကို ပြန်ရောက်ရင်၊ မင်းက ကလန်ခန်းမကို သွားရမယ်"

ထိုလူငယ်သည် သူ့အား အပြစ်ကြီးမှ အခွင့်လွှတ်ခံလိုက်ရသကဲ့သို့ ခံစားလိုက်ရပြီး၊ ရှီရှင်းယွမ်၏ ဆုံးဖြတ်ချက်ကို သဘောတူလှစွာနှင့် ခေါင်းညိတ်လိုက်သည်။

ဇူရီနှင့် ကျန်သောသူများသည် ရယ်ချင်လှစွာနှင့် ဝိုင်းကြည့်နေကြသည်။ ရှောင်ပုတန်လေးသည် ဇူရီဘက်သို့လှည့်လိုက်ကာ မေးလိုက်သည်။ "သူ့ကို ကြည့်လိုက်ပါဦး။ သူက သူရဲ့ပြစ်ဒဏ်တွေကို ခံရအောင်၊ ကလန်ခန်းမကို သွားရတော့မယ်။ ဒါပေမဲ့ သူ့ကိုကြည့်ရတာ၊ ရှီရှင်းယွမ် ကိုယ်တိုင်ရဲ့ အပြစ်ပေးမှုကို ခံရတာကို ပိုကြောက်နေသလိုပဲ"

ဇူရီက တစ်ချက်ပြုံးလိုက်ကာ ပြန်ဖြေလိုက်၏။ "သူမရဲ့ အစစ်အမှန် စွမ်းဆောင်ရည်တွေကို မကြာခင် တွေ့ရတော့မှာပဲ"

ရှောင်ပုတန်လေးသည် ဇူရီ၏ ရှီရှင်းယွမ်အပေါ် သုံးသပ်ချက်အား လက်မခံသကဲ့သို့၊ နှုတ်ခမ်းလေးကို စူလိုက်သည်။

ရှီရှင်းယွမ်သည် ဇူရီအား ထပ်ကြည့်လိုက်ကာ ပြောလိုက်သည်။ "မိတ်ဆွေရဲ့ သက်ညှာမှုကို ကျေးဇူးတင်ပါတယ်" သူမ၏ နူးညံ့ဖြူဖွေးသော လက်ဖဝါးအား လှန်လိုက်ရာ၊ ရွှေရောင်အလင်းတန်း တစ်တန်းသည် ကောင်းကင်ပေါ်မှ ပျံသန်းလာခဲ့၍ ဇူရီ၏ အရှေ့သို့ ကျလာခဲ့သည်။

ထိုရွှေရောင် အလင်းတန်းသည် ဗုဒ္ဓ အငွေ့အသက်များနှင့် လင်းလက်နေခဲ့၏။ ကျယ်ပြန့်တောက်ပ၍ အလွန်အမင်း သန့်စင်လှ၏။

ဇူရီက သူ့အားသိမ်းဆည်းလိုက်၍ ပြောလိုက်သည်။ "အိုး? ကြည့်ရတာ မဟာမိုးကြိုး ကျောင်းတော်ကြီးက ဘုန်းတော်ကြီး တစ်ပါး ဝတ်ဆင်ခဲ့တဲ့၊ သင်္ကန်းတစ်ခုရဲ့ အပိုင်းအစလေး ထင်တယ်။ သူက အလွန်ကို သေးငယ်တဲ့ အစလေး ဖြစ်ပေမဲ့၊ သူ့ရဲ့ မှော်စွမ်းအင်က အတိုင်းမသိ ပြည့်စုံပြီး၊ အစွန်းအထင်း ကင်းမဲ့တယ်"

ရှီရှင်းယွမ်က ရယ်လိုက်ကာ ပြန်ဖြေလိုက်သည်။ "နင်က တော်တော် ဗဟုသုတ ကြွယ်ဝသားပဲ၊ ဇူရီ။ ဒါက တကယ်ကို တောက်ပသော ရတနာ ဝတ်ရုံရဲ့ အစလေးဖြစ်ပြီး၊ ထာဝရ အလင်းတန်းရဲ့ အစစ်အမှန် သဘောတရားတွေနဲ့ ဗုဒ္ဓအနွယ်ဝင် မှော်စွမ်းအင်တွေ အမြောက်အမြား ပါဝင်နေတယ်"

"နင့်ရဲ့ မှော်ကျိန်စာတွေက နင့်ဂိုဏ်းရဲ့ အခြေခံ သဘောတရားတွေရယ်၊ အလင်းနဲ့ အမှောင်တို့ရဲ့ အတွေးအမြင်တွေကို နားလည်ခြင်းနဲ့ ပေါင်းစည်းတည်ဆောင်ထားတာနဲ့တူတယ်။ ဒီဝတ်ရုံစလေးဟာ နင့်အတွက် အသုံးဝင်လိမ့်မယ်လို့ မျှော်လင့်ပါတယ်"

သူက ထိုအရပ်ရှည်ရှည် ပိန်ပိန်ပါးပါးနှင့် လူငယ်အား လှည့်ကြည့်လိုက်ကာ ပြောလိုက်သည်။ "ငါ့ရဲ့ဘက်က ဂျူနီယာ တစ်ယောက်က နင့်ကို စော်ကားမိတယ်။ နင့်ဘက်က ညှာတာစွာနဲ့ ခွင့်လွှတ်မှုကို ကျေးဇူးတင်တဲ့အနေနဲ့၊ ဒီဝတ်ရုံစလေးကို တောင်းပန်တဲ့အနေနဲ့ ပေးပါမယ်"

လုပ်ကြံသတ်ဖြတ်ခြင်းသည် မနေ့ကမှပင် ဖြစ်ပျက်သွားခြင်း ဖြစ်သည်။ ရှီကျုံးယွဲ့သည် အခြားသူများအား ဖုံးကွယ်ထားသော်လည်း၊ သူမကိုမူ ထိန်ချန်ထားမည် မဟုတ်ပေ။ ရှီရှင်းယွမ်သည် မိန်းကလေးတစ်ယောက်ဖြစ်၍ နှိမ့်ချစွာ နေတတ်သော်လည်း၊ သူမ၏ ပါရမီ စွမ်းရည်များအရ သူမသည် သူမ၏ မျိုးဆက်အတွင်းတွင် ကိုယ်စားပြုနိုင်သောသူ တစ်ယောက်ဖြစ်လိမ့်မည်ဟု ယူဆရသည်။

သူမသည် ရွှေရောင်ဗဟိုချက် အဆင့်တွင်သာ ရှိသေးသော်လည်း၊ သူမ၏ စကားများသည် မဟာချင် အင်ပါယာအတွင်းတွင် အတော် အရာရောက်ပေသည်။

ယခင်က ရှီကျုံးယွဲ့တို့သည် ရှောင်ပုတန်လေး၏ ညစ်ပတ်ခြင်းကို သည်းခံခဲ့ကာ၊ သူ့အား လျှော်ကြေးပေးရန် ဆုံးဖြတ်ခဲ့ကြသည်။ သို့တိုင်အောင် ရှီရှင်းယွမ်သည် သူတို့အား သူမကိုယ်တိုင် လာတွေ့၍၊ သူတို့ နှစ်ဦးနှစ်ဘက်၏ ဆက်ဆံရေးကို အဆင်ပြေအောင် ကြိုးစားနေခဲ့သည်။

သူမ၏ လျှော်ကြေးသည် တန်ဖိုးရှိ၍၊ ထိုအရပ်ရှည်ရှည်နှင့် လူပိန်လေးနှင့် ဘာမှမဆိုင်ပေ။

လက်ရှိ ချင်ဧကရာဇ်၏ သမီးတော်ဖြစ်၍၊ သူမ၏ အဆင့်အတန်းသည် မဟာချင် အင်ပါယာ တစ်ခုလုံး အတွင်းတွင် အလေးစားခံရသည့် အတွင်းတွင် ပါသည်။သို့သော်လည်း သူမ၏ အပြုအမူ အနေအထိုင်တို့သည်၊ မာနကင်းမဲ့ကာ နှိမ့်နှိမ့်ချချ နေတတ်သည်။

သို့သော်လည်း ထိုအတွက်ကြောင့် လင်းဖုန်းနှင့် ဇူရီတို့သည် သူမအား လျှော့မတွက်ရဲကြပေ။ ထို့အစား ပို၍ပင် သတိထားနေခဲ့ရသည်။

ဇူရီက လင်းဖုန်းအား လှမ်းကြည့်လိုက်သော်လည်း၊ လင်းဖုန်းက ဘာမှ မပြောခဲ့ပေ။ သူ၏အကြည့်ကို လွှဲလိုက်၍၊ ဇူရီကလည်း လင်းဖုန်းက ဤကိစ္စတွင် ဝင်စွက်မည်မဟုတ်ပဲ၊ သူကိုယ်တိုင်သာ ဆုံးဖြတ်ချက် ချရမည် ဖြစ်ကြောင်းကို နားလည်လိုက်၏။

"ရှင်းယွမ်မင်းသမီးက အရမ်းရက်ရောတာပဲ၊ ကျွန်တော်က ကျေးဇူးတင်ပါတယ်" ဇူရီက အတန်ငယ်မျှ စဉ်းစားလိုက်ကာ ရှီရှင်းယွမ်၏ ကမ်းလှမ်းမှုအား လက်ခံလိုက်၍၊ တောက်ပသော ရတနာဝတ်ရုံ အစလေးကို သိမ်းဆည်းလိုက်သည်။

အစမှနေ အဆုံးအထိ ဇူရီနှင့် သူမ၏ စကားဝိုင်းအတွင်းတွင်၊ ဇူရီသည် လုပ်ကြံသတ်ဖြတ်မှုနှင့် ပတ်သတ်ပြီး စကားတစ်ခွန်းမှ မဟခဲ့ပေ။ သို့သော်လည်း ထိုဝတ်ရုံစလေးကို လက်ခံလိုက်ခြင်းဖြင့်၊ နှစ်ဦးနှစ်ဘက် စလုံးတို့သည် သူတို့၏ ရည်ရွယ်ချက်များအား ဖွင့်ပြောရန် မလိုတော့ပေ။

ထိုအဖြစ်အပျက်လေး အပြီးတွင်၊ ရွှေရောင်ဗဟိုချက် အဆင့်မှ တပည့်များ၏ ပြိုင်ပွဲသည် တရားဝင် စတင်ခဲ့ပြီ ဖြစ်သည်။ ရွှင်ပျော်ပျော် သူတော်စင်က အခမ်းအနားမှူးအဖြစ် ဆောင်ရွက်၍၊ ပထမ အဆင့်၏ မဲလိပ်များကို စနှိုက်ခဲ့ပြီ ဖြစ်သည်။

ဇူရီနှင့် ရှောင်ပုတန်လေးတို့ နှစ်ယောက်သာ အံ့ဖွယ် ကောင်းကင်ဘုံဂိုဏ်းကို ကိုယ်စားပြု၍၊ ဤပြိုင်ပွဲသို့ ဝင်ပြိုင်ခြင်းဖြစ်သည်။ အလားတူပင် နေလဓားဂိုဏ်းမှ ဓားစုံတွဲတို့သည်လည်း၊ နေရာနှစ်ခုကိုသာ ယူထားကြသည်။ ပထမအဆင့် မဲနှိုက်ပွဲတွင် ယှဉ်ပြိုင်သူ သုံးဆယ့်နှစ်ယောက်တို့ အနက်မှ၊ ဆယ့်ခြောက်ယောက်တို့သည် နောက်တစ်ဆင့်သို့ တက်သွားကြမည် ဖြစ်ပြီး၊ လေးယောက်သည် ဘိုင်ရကာ နောက်တစ်ဆင့်သို့ အလိုအလျှောက် တက်သွားကြမည် ဖြစ်သည်။

စည်းမျဉ်းများ အရဆိုလျှင် ဆယ့်ခြောက်ယောက်အဆင့်သို့ တက်လှမ်းနိုင်ကြသော ကျင့်ကြံသူများသည်၊ ရှေးဟောင်း ဟွမ်ဟိုင်ကမ္ဘာ အတွင်းသို့ ဝင်ခွင့်ရမည် ဖြစ်သည်။

ကျင့်ကြံသူ နှစ်ဆယ့်လေးယောက်တို့က ပြိုင်ပွဲဆယ့်နှစ်ပွဲအား ဆင်နွှဲကာ နောက်တစ်ဆင့် တက်ရန်အတွက် ယှဉ်ပြိုင်ရချိန်တွင်၊ ကံကောင်းသော ကျင့်ကြံသူ လေးယောက်တို့သည် ယှဉ်ပြိုင်စရာ မလိုပဲ နောက်တစ်ဆင့်သို့ အလိုအလျှောက် တက်လှမ်းနိုင်မည် ဖြစ်သည်။ ဒါသည် ရှေးဟောင်း ဟွမ်ဟိုင်ကမ္ဘာ အတွင်းသို့၊ အလကား ဝင်ရသည်နှင့် အတူတူပင် ဖြစ်သည်။

ရွှင်ပျော်ပျော် သူတော်စင်၏ မဲနှိုက်မှု၏ ရလဒ်များကို၊ တပည့်အားလုံးက စိတ်လှုပ်ရှားစွာနှင့် စောင့်ကြည့်နေကြသည်။

ဇူရီနှင့် ရှောင်ပုတန်လေးတို့ နှစ်ယောက်စလုံးသည်၊ နောက်တစ်ဆင့်သို့ အလိုအလျှောက် တက်သည့်အတွင်းတွင် မပါခဲ့ခြင်းကြောင့်၊ လင်းဖုန်းက အနည်းငယ် စိတ်ပျက်လက်ပျက် ဖြစ်သွားခဲ့သည်။

အခြေခံအုတ်မြစ် အဆင့်က ပြိုင်ပွဲတွင် ဝမ်လင်းနှင့် ယန်ချင် နှစ်ယောက်တို့က၊ နောက်တစ်ဆင့်သို့ အလိုအလျှောက် တက်နိုင်ချိန်တွင်၊ ရွှေရောင်ဗဟိုချက် အဆင့်က ပြိုင်ပွဲတွင် ဇူရီနှင့် ရှောင်ပုတန်တို့ နှစ်ယောက်စလုံးက ပထမအဆင့်မှစ၍ ယှဉ်ပြိုင်ခဲ့ရသည်။

လင်းဖုန်းသည် ဇူရီအား မျက်လုံးထောင့်ကပ်၍ ကြည့်လိုက်ကာ၊ ကိုယ့်ကိုယ်ကိုယ် တွေးနေခဲ့သည်။ "ရှောင်ပုတန်လေးကတော့ ထားလိုက်ပါတော့၊ ဒါပေမဲ့ မင်းရဲ့ကံက အမြဲတမ်း ကောင်းနေခဲ့တာ မဟုတ်ဘူးလား? မင်းက ဒီမဲနှိုက်မှုမှာ ဘာဖြစ်လို့ ဘိုင်မရခဲ့တာလဲ? ဒါက မင်းရဲ့ မှတ်တမ်းထဲမှာ အစွန်းအထင်းတစ်ခု ဖြစ်သွားပြီ!"

"ကံကောင်းခြင်း ဘုရင်က နောက်တစ်ဆင့်တက်ဖို့ အခွင့်အရေး ရှစ်ပုံတစ်ပုံ ရှိတာကိုတောင် မဲမပေါက်ခဲ့ဘူး။ ငါကမင်းကို ဂိုဏ်းအထဲကနေ ကန်ထုတ်ပြီး၊ စွမ်းရည်စိစစ်ခြင်း ကိရိယာနဲ့ မင်းရဲ့ ကောင်းချီးမင်္ဂလာ အမှတ်က အမှတ်ပြည့်ကနေ ကျသွားသလားဆိုတာကို ပြန်စစ်ကြည့်ရမယ်"

"ဘယ်လောက်အထိ အရှက်ရမှုလဲ! ကောင်စုတ်လေး၊ မင်းက ရှေးဟောင်း ဟွမ်ဟိုင်ကမ္ဘာ အတွင်းကို ဝင်နိုင်ဖို့၊ အစွမ်းကုန် ကြိုးစားမှဖြစ်မယ်။ မဟုတ်လို့ရှိရင် မင်းက ဒီအရှက်ရမှုကို တစ်သက်လုံး သယ်သွားနေရပြီး၊ ငှက်ကြီးဝန်ပိုလိုမျိုး လည်ပင်းမှာ ဆွဲထားနေရမယ်!"

အမှန်မှာမူ၊ လင်းဖုန်းသည် ပျင်းလွန်း၍ သူ၏ခေါင်းထဲတွင် လျှောက်တွေးနေခြင်း ဖြစ်သည်။ သို့သော်လည်း သူ၏ ခေါင်းအတွင်းတွင် အတွေးတစ်ခုက ရုတ်တရက် ပေါ်လာခဲ့၍၊ မအောင့်နိုင်ပဲ ရယ်လိုက်သည်။ "ဪ၊ ဟုတ်သားပဲ၊ ငါက ဒီလိုမျိုး ပြိုင်ပွဲတွေက မင်းတို့ရဲ့ ဗိုလ်ကျလွှမ်းမိုးနိုင်မှုကို ဖော်ပြဖို့၊ အကောင်းဆုံး အခွင့်အရေး ဆိုတာကို မေ့နေခဲ့တယ်"

"တခြားလူတွေ အနေနဲ့ဆိုရင်၊ ဒါက ကွင်းအတွင်းက ပြိုင်ပွဲဖြစ်တယ်။ မင်းတို့လေးတွေ အနေနဲ့ကတော့၊ စွမ်းရည်ပြသတဲ့ စင်မြင့်ဖြစ်တယ်"

ကွင်းအတွင်းသို့ ရောက်လာလျှင်၊ မည်သူက ခက်ခဲသောပြိုင်ဘက် မဟုတ်ပဲ နေပါ့မည်နည်း? အကယ်၍ တစ်ယောက်က အစွမ်းကုန် မတိုက်ခိုက်ခဲ့လျှင်၊ သူသည် ကွင်းအတွင်းသို့ ဝင်ရန်အတွက် ထိုက်တန်သည်ဟု မထင်ရပဲ၊ အရှက်ရမည် ဖြစ်သည်။

ပြိုင်ပွဲဝင် အားလုံးတို့သည် အနိမ့်မှ အမြင့်သို့ ငယ်စဉ်ကြီးလိုက်၊ စီစဉ်ခံသွားကြရမည် ဖြစ်သည်။ နောက်တစ်ဆင့်သို့ တက်ရောက်ရမည့် လမ်းခရီးတွင်၊ တကယ်အစွမ်းရှိသော သူတို့သည် ကျက်သရေ မင်္ဂလာ လှေကားအား တက်ရောက်ရသည့်အတိုင်း၊ သူတို့၏ ပြိုင်ဘက်များကို တည်ငြိမ်စွာနှင့် အပေါ်မှ စောင့်ကြိုနေမည် ဖြစ်သည်။

ခက်ခဲသော ပြိုင်ဘက်များနှင့် တွေ့ခဲ့လျှင်လည်း၊ သူတို့သည် အောင်မြင်မှု လမ်းကြောင်းတွင် တွေ့ကြုံရမည့် ကွဲပြားသည် မြင်ကွင်းများပင် ဖြစ်ပေလိမ့်မည်။

ယခင်က ဝမ်လင်းသည် ထိုအချက်အား သက်သေပြခဲ့ပြီး ဖြစ်သည်။ ယခုအချိန်တွင် ဇူရီနှင့် ရှောင်ပုတန်တို့သည်၊ ထိပ်ဆုံးသို့သွားရန် လမ်းကြောင်းအပေါ်သို့ ရောက်နေခဲ့ပြီ ဖြစ်သည်။

လင်းဖုန်းက သေချာမသိနိုင်သော တစ်ခုတည်းသော အချက်မှာ၊ သူတို့နှစ်ယောက်သားက အချင်းချင်း ပြန်တွေ့ခဲ့လျှင် အနိုင်ရမည့်သူမှာ မည်သူဖြစ်မည်ကိုပင် ဖြစ်သည်။

အခြားလူများကိုမူ လင်းဖုန်းက မျက်စိထဲ ထည့်မထားချေ။ အခြားဂိုဏ်းကြီးများမှ အဖိုးတန် တပည့်များသည်၊ သူတို့၏ အရှေ့တွင် လေ့ကျင့်ရေး အရုပ်များ ဖြစ်သွားပေလိမ့်မည်။

လင်းဖုန်းသည် ရှောင်ပုတန်နှင့် ဇူရီတို့အား ထပ်ကြည့်လိုက်ကာ၊ ဟာသအမြင်ဖြင့် တွေးနေခဲ့သည်။ "ကဲ၊ ဘယ်သူက ပိုအစွမ်းထက်မလဲ?"

ထို့အပြင်၊ အခြားတောင်စဉ်ရေမရ အတွေးများသည် သူ၏ခေါင်း အတွင်းတွင် ပေါ်လာခဲ့သည်။ "ဘဝမှာ အောင်မြင်တယ်ဖို့ ပြောဖို့ဆိုရင်၊ ကျင့်စဉ်တွေ အောင်မြင်ဖို့အပြင် ချောမောလှပတဲ့ သူဌေးမလေး တစ်ယောက်ကို လက်ထပ်နိုင်ဖို့လည်း လိုသေးတယ်။ ပြောမရဘူး၊ ဒီစိတ်ဝိညာဉ် အစည်းအဝေး ပြီးသွားရင်၊ မင်းတို့နဲ့ လိုက်ဖက်ညီနိုင်တဲ့ အချောအလှလေးတွေနဲ့ ဖူးစာဆုံကောင်း ဆုံနိုင်တာပဲ?"

လင်းဖုန်းသည် တွေး၍ကောင်းနေဆဲမှာပင်၊ ပထမအဆင့်၏ မဲများအားလုံးကို နှိုက်ပြီးသွားပြီ ဖြစ်သည်။

လူအုပ်ကြီးက အသိချင်ဆုံး နာမည်လေးခုမှာ၊ နောက်တစ်ဆင့်သို့ အလိုအလျှောက် တက်သွားနိုင်သော ကျင့်ကြံသူလေးယောက်တို့၏ နာမည်များ ဖြစ်ကြသည်။ သူတို့သည် မဟာချင် အင်ပါယာမှ ကျောင်ကျုံချန်း၊ အလင်းဓားမြန်ဂိုဏ်းမှ ထောင်ရောင်ရောင်၊ ဟော်မိသားစုမှ ဟော်မင်နှင့် မြောက်ပိုင်းမျိုးနွယ်စုတို့၏ တော်ဝင်အိမ်တော်မှ စန်းလျှိုဟဲတို့၏ လက်အတွင်းသို့ ကျရောက်သွားခဲ့ကြသည်။

သူတို့လေးယောက်တို့သည် ပထမအဆင့်တွင် ပါဝင်ယှဉ်ပြိုင်ရန် မလိုတော့ပဲ၊ နောက်တစ်ဆင့်သို့ အလိုအလျှောက် တက်သွားနိုင်မည် ဖြစ်သည်။ ဒါသည် သူတို့က ရှေးဟောင်း ဟွမ်ဟိုင်ကမ္ဘာ အတွင်းသို့၊ တိုက်ရိုက်ဝင်ခွင့်ရသွားသည်ကို ဆိုလိုခြင်း ဖြစ်သည်။

လူအများတို့သည် သူတို့အား အားကျနေကြသော်လည်း၊ အမှန်မှာမူ သူတို့လေးယောက်က တိုက်ရိုက်တက်သွားခြင်းသည်၊ ကျန်သောသူများကို သက်သာရာ ရစေခဲ့သည် ဖြစ်သည်။

သူတို့သည် တိုက်ရိုက်မတက်နိုင်ပဲ ပထမအဆင့်ကို ပါဝင်ယှဉ်ပြိုင်ရမည် ဆိုလျှင်လည်း၊ သူတို့၏ ကိုယ်ပိုင် အဆင့်အတန်းနှင့် တူညီသော ပြိုင်ဘက်နှင့်သာ မဲမကျခဲ့ပါက၊ သူတို့၏ ကိုယ်ပိုင်စွမ်းရည်များဖြင့် နောက်တစ်ဆင့်သို့ အလွယ်တကူ တက်ရောက်နိုင်ကြမည် ဖြစ်၏။

သူတို့၏ မဲပေါက်မှုသည် ပထမအဆင့် ပြိုင်ပွဲ၏ ပြိုင်ဆိုင်မှုကို အထိုက်အလျောက် လျော့ကျသွားစေခဲ့သည်။

ပထမ အဆင့်တွင် နောက်တစ်ဆင့် တက်သွားနိုင်သော ရွှေရောင်ဗဟိုချက် အဆင့်မှ ကျင့်ကြံသူများက ပေါ်ထွက်လာခဲ့သည်။

နတ်ရေကန်ဂိုဏ်းမှ စုန့်ချင်းယွမ်နှင့် မုကျိဟိုင်တို့ နှစ်ယောက်သည် နောက်တစ်ဆင့်သို့ တက်နိုင်ခဲ့ကြသည်။

မဟာချင် အင်ပါယာမှ ရှီရှင်းယွမ်က နောက်တစ်ဆင့်သို့ တက်သွားခဲ့ချိန်တွင်၊ ဇူရီနှင့် အတိုက်အခံ ပြုလုပ်ခဲ့သော အရပ်ရှည်ရှည်နှင့် ငပိန်ကောင်သည် စုန့်ချင်းယွမ်အား ရှုံးနိမ့်သွားခဲ့သည်။

အလင်းဓားမြန်ဂိုဏ်းမှ ထောင်ရောင်ရောင်အပြီးတွင် စွမ်းအားအထက်ဆုံးဖြစ်သော ကျောက်ယန်သည်၊ သူ၏ရန်သူအား အနိုင်ယူနိုင်ခဲ့ကာ နောက်တစ်ဆင့်သို့ တက်ရောက်နိုင်ခဲ့သည်။

မြောက်ပိုင်းမျိုးနွယ်စုတို့၏ တော်ဝင်အိမ်တော်မှလည်း၊ အနိုင်ရသူ တစ်ယောက် ပေါ်ထွက်လာခဲ့သည်။ စန်းလျှိုဟဲအပြင် တုခွမ်းသည်လည်း နောက်တစ်ဆင့်သို့ တက်ရောက်နိုင်ခဲ့သည်။

ခရမ်းရောင် တိမ်တိုက်ဂိုဏ်းမှ အဖွဲ့ဝင် နှစ်ယောက်ကလည်း၊ သူတို့၏ ပြိုင်ဘက်များအား အနိုင်ယူကာ နောက်တစ်ဆင့်သို့ တက်နိုင်ခဲ့ကြသည်။ သူတို့သည် ဂူလေနှင့် လီကွေရင်တို့ ဖြစ်ကြသည်။

ထို့အပြင် ဟော်မိသားစုမှ ကျင့်ကြံသူ တစ်ယောက်ကလည်း၊ ဟော်မင်နှင့်အတူ နောက်တစ်ဆင့်သို့ ပူးပေါင်းနိုင်ခဲ့သည်။

လူအများ၏ အာရုံတို့ကု အဖမ်းစားနိုင်ဆုံးမှာ နေလဓားဂိုဏ်းမှ ဓားစုံတွဲ နှစ်တွဲတို့ပင် ဖြစ်ကြသည်။ သူတို့ နှစ်တွဲစလုံးတို့သည်၊ နောက်တစ်ဆင့်သို့ တက်ရောက်နိုင်ခဲ့ကြသည်။ သူတို့၏ စုံတွဲသိုင်းကွက်များသည် အမှန်တကယ်ပင် အထင်ကြီးဖွယ် ကောင်းလှသည်။ သူတို့၏ ရန်သူများသည် အဖော်တစ်ယောက်နှင့် ပူးပေါင်းထားသော်လည်း၊ သူတို့နှစ်ဖွဲ့စလုံးက အနိုင်ယူနိုင်ခဲ့သည်။

သူတို့လေးယောက် စလုံးတို့သည်၊ ရှေးဟောင်း ဟွမ်ဟိုင်ကမ္ဘာ အတွင်းသို့ ဝင်ရန် ထိုက်တန်ကြသူများ ဖြစ်ကြသည်။ ရှုထောင့်တစ်ခုမှ ကြည့်လိုက်လျှင်၊ သူတို့သည် ယခုပြိုင်ပွဲတွင် တစ်ရာ ရာခိုင်နှုန်း အောင်မြင်မှု ရှိခဲ့သူများ ဖြစ်သည်။ တစ်ချိန်တည်းမှာပင် သူတို့သည် ဂိုဏ်းတစ်ဂိုဏ်း အတွင်းမှ လူအများဆုံး၊ ရှေးဟောင်း ဟွမ်ဟိုင်ကမ္ဘာ အတွင်းသို့ ဝင်ခွင့်ရသူများ ဖြစ်ကြသည်။

နောက်ထပ် တစ်ရာရာခိုင်နှုန်း အောင်မြင်မှု ရခဲ့သည့်ဂိုဏ်းမှာ၊ လင်းဖုန်း၏ အံ့ဖွယ် ကောင်းကင်ဘုံဂိုဏ်းပင် ဖြစ်ပေသည်။ ရှောင်ပုတန်နှင့် ဇူရီတို့ နှစ်ယောက်စလုံးတို့သည် သူတို့၏ ပြိုင်ဘက်များအား အခက်အခဲမရှိ အနိုင်ယူနိုင်ခဲ့ကာ၊ နောက်တစ်ဆင့်သို့ တက်ရောက်နိုင်ခဲ့ကြသည်။

သို့သော်လည်း ထိုရလဒ်များသည် လူတိုင်းအတွက် အံ့အားသင့်ဖွယ် မဟုတ်တော့ပေ။ ဝမ်လင်းက အခြေခံအုတ်မြစ် အဆင့်တွင် အစွမ်းပြခဲ့အပြီးတွင်၊ အားလုံးက အံ့ဖွယ် ကောင်းကင်ဘုံဂိုဏ်းမှ တပည့်များ၏ သဘာဝကို ဆန့်ကျင်နေသော စွမ်းရည်များကို အသိအမှတ် ပြုခဲ့ကြပြီး ဖြစ်သည်။

အံ့ဖွယ် ကောင်းကင်ဘုံဂိုဏ်းက တပည့်များက ပြိုင်ပွဲတွင် ရှုံးနိမ့်သွားမှသာ၊ သတင်းထူး ဖြစ်သွားပေလိမ့်မည်။

Novel : History's Number 1 Founder
Author : August Eagle
Translator : Master Shifu

You'll Also Like

လေလံအိမ်ရဲ့အရှင်သခင် ( လင်မို ) Book 1 ongoing မှီ By ❤️💐You can call me...

Adventure

6.7K 474 22

Title - I Inherit an auction house at the start trillion times rebate လေလံအိမ်ရဲ့အရှင်သခင် ဘာသာပြန် - ချိတ်/ဇော်ထက်နိုင် မူရင်းစာရေးဆရာ - Place of Be...

ဂန္တဝင်ဂိုဏ်းချုပ် အတွဲ(၁) Unicode(1-113) By KazunoMora

Adventure

85.3K 10.2K 117

ပြိုင်ဘက်ကင်းမိုးကောင်းကင်သိုင်း၀ိဉာဥ်(ကျွင်းရှောင်ယောက်) Book 1 By ❤️💐You can call me...

Adventure

124K 11.6K 200

ဘာသာပြန်သူထံမှ ခွင့်ပြုချက်ရပြီး အကျဉ်းချုပ်.... ကျွင်းရှောင်ယောက်ဟာ လျှို့ဝှက်ဆန်းကျယ်တဲ့ကမ္ဘာကို ရောက်ရှိသွားပြီးနောက် ရှေးဟောင်းမျိုးနွယ်ကြီးတစ်ခု...

ကူးပြောင်းပြီးနောက်အမြောက်စာမိသားစုကိုငါရလိုက်တယ် By phyo lay

Historical Fiction

98.3K 12.4K 91

Title - After Transmigrated into a Book, I've Gained an Entire Family of Cannon Fodder Description ...

ဂန္တဝင်ဂိုဏ်းချုပ် အတွဲ (၂) U...

By KazunoMora