[Unicode]
ထိုမိန်းမကို ကြည့်နေရင်းမှ နှုတ်ခမ်းထောင့်က လှုပ်လာတာကို နင်မုန့် ခံစားလို့ရမိနေသည်။
"တဆိတ်လောက်ပါ နင်က ဘယ်သူလဲ"
ထိုသို့ကြားတဲ့အခါ အမျိုးသမီးက အံ့ဩစွာပဲ ပြန်ပြောလိုက်သည်။ "ငါလေ ကျန်းရှန့်မေ"[1]
နင်မုန့် မျက်လုံးတို့ကို လှိမ့်လိုက်ရင်း " 'မှန်ကန်ခြင်း နတ်ဘုရားမ'? ဒါဆိုရင်တော့ ငါကလည်း ချစ်ခြင်းနဲ့ငြိမ်းချမ်းရေးတရားရဲ့ တမန်တော်ပဲ!"
[1] အမျိုးသမီး ပြောလိုက်တာက သူမ နာမည်ဖြစ်တဲ့ ကျန်းရှန့်မေ"(甄善美)ပါ။ မှန်ကန်ခြင်း နတ်ဘုရားမ ကိုကျ တရုတ်လိုရေးရင် (真善美)ကျန်းရှန့်မေ ပါပဲ။ ပြောရမယ်ဆို Hanziကွာပြီး အသံထွက်တူနေတော့ အဓိပ္ပာယ်ကောက် လွဲသွားတာပါ။
"??"
"??"
အချိန်တစ်ခု ကြာတဲ့အထိ ငြိမ်သက်သွားပြီးနောက်မှာ အမျိုးသမီးက သူမရဲ့ မျက်နှာ မြင်သာစေရန် ဆံပင်တွေကို အနောက်သို့ သပ်လိုက်ပြီး "ငါ!! ကျန်း! ရှန့်! မေ လို့! လုပ်စမ်းပါ! ငါ ဒီနေ့ မိတ်ကပ် အထူကြီး လိမ်းထားလို့ မမှတ်မိဘူးလို့တော့ မပြောနဲ့နော်!"
"..."
ကျန်းရှန့်မေ သုန်မှုန်သွားသည်။ "နင်ဘာဖြစ်နေတာလဲ။ ငါတို့ အမြဲတမ်း အဆင်မပြေဘူးဆိုတာ သိပေမယ့် ငါတို့က အတူတူ ကြီးလာကြတဲ့ လူတွေပါ! ငါတို့ နောက်ဆုံးတွေ့ခဲ့တာ ကြာပြီဆိုပေမယ့် ဘယ်လိုဖြစ်ပြီး ငါ့ကိုတောင် မမှတ်မိရတော့တာလဲ!"
"..."
အာ!
သူမ အခု မှတ်မိပြီ!
novelထဲမှာ ဒီ "ကျန်းရှန့်မေ"က အထက်တန်း မိသားစုမှ ပေါက်ဖွားလာတဲ့ နင်မုန့်နဲ့ ဆင်သည်။ သူတို့နှစ်ယောက်က အတူတူ ကြီးပြင်းလာကြတယ် ဆိုပေမယ့် အမြဲတမ်း တွေ့တာနဲ့ တစ်ယောက်နဲ့ တစ်ယောက် ဘာမှ မဟုတ်တာလေးကို ငြင်းခုန်တတ်ကြပြီး ခွေးနှင့်ကြောင်ကဲ့သို့ ဖြစ်၏။
ဘယ်လိုဖြစ်ဖြစ် နင်မုန့် ကံဆိုးလာပြီး ကြမ်းတမ်းတဲ့ ကံကြမ္မာတွေနဲ့ ရင်ဆိုင်ခဲ့ရတဲ့ novel အပိုင်းတွေမှာဆို သူမကို ကူညီပေးခဲ့တဲ့ တစ်ယောက်တည်းသောလူက ကျန်းရှန့်မေ ဖြစ်သည်။ သူမကို အောက်ထိ ဆွဲချသွားမယ့်အစား ကျန်းရှန့်မေက သူမရဲ့ စစ်မှန်တဲ့ သူငယ်ချင်းဖြစ်ကြောင်း ပြခဲ့လေသည်။
အလွယ်ပြောရမယ်ဆို ကျန်းရှန့်မေက tsundereဖြစ်သည်။[2]
[2] tsundereဆိုတာ အစပိုင်းမှာ အေးစက်ပေမယ့် ဖြည်းဖြည်းချင်း ရင်းနှီးတဲ့ နွေးထွေးမှုကို ပြလာတတ်တဲ့ ဂျပန်ဇာတ်ကောင်ကို ပြောတာပါ။
နင်မုန့် သူမကို ကြည့်ပဲကြည့်နေတာကို မြင်လိုက်ရတဲ့အခါ ကျန်းရှန့်မေ သူမ လာရတဲ့ အကြောင်းပြချက်ကို ပြန်သတိရသွားသည်။ တခနအတွင်းမှာပဲ သူမ လက်ပိုက်လိုက်ပြီး သတိပေးလိုက်သည်။ "လီဟောက်ကျယ်ကို ဖျားယောင်းနိုင်ဖို့အတွက် ငါ့ကို မသိချင်ယောင် ဆောင်နေတာလား။ ငါ နင့်ကို သတိပေးလိုက်မယ်နော်! အကယ်၍ ငါ့ သတို့သားလောင်းကို ဖျားယောင်းချင်လို့ကတော့ နင့်မျက်နှာကို ငါ့လက်သည်းတွေနဲ့ ကုတ်ပစ်မယ်!"
သူမ စကားပြောပြီးတဲ့အခါ ကျန်းရှန့်မေက သူမ လက်သည်းတွေကို နင်မုန့်ရှေ့ ထုတ်ပြ၏။
လီဟောက်ကျယ်ဆိုတာ "Throne of Songs"ထဲမှာ ပါဝင်တဲ့ အနုပညာရှင်တွေထဲက တစ်ယောက် ဖြစ်သည်။ ထိုကောင်လေးက အရည်အချင်းရှိတဲ့ လူငယ် တစ်ယောက် ဖြစ်ပေမယ့် စက်ဆုပ်ဖွယ်ကောင်းပြီး ဘဝင်လေဟပ်နေတဲ့ ဇီဇာကြောင် တစ်ယောက်ဖြစ်သည်။ သူ့ရဲ့ ဇီဇာကြောင်တတ်တဲ့ အကျင့်ကြောင့်လည်း အနုပညာနယ်ပယ်ထဲက သီချင်းထုတ်လုပ်သူ တော်တော်များများနဲ့ မကြာခန ကတောက်ကဆ ဖြစ်တတ်လေ၏။ ကျန်းရှန့်မေက သူ့အပေါ် အရင်ကတည်းက သဘောကျခဲ့သူဖြစ်တာကြောင့် သီချင်းနယ်ပယ်ထဲ သူအောင်မြင်ဖို့အတွက် သူမ မိသားစုကို အများကြီး ကူညီခိုင်းခဲ့တာ ဖြစ်သည်။ တခြားစကားဖြင့် ပြောရမယ်ဆိုပါက ဒီနေ့လို သူ အောင်မြင်တဲ့ အဆိုတော် တစ်ယောက်ဖြစ်လာဖို့ ကူညီပေးနေတဲ့ အဓိက တစ်ယောက်သောသူက ကျန်းရှန့်မေ ဖြစ်လေသည်။
ဒါကြောင့်ပဲ မျက်နှာများတဲ့ လီဟောက်ကျယ်က သူမရဲ့ သီးခံနိုင်စွမ်းကို စမ်းသပ်တတ်၏။
ဘာတွေဖြစ်နေတာလဲ ဆိုတာ နင်မုန့် သဘောပေါက်သွားတဲ့အခါ ရယ်ချလိုက်၏။
ဒါတွေ အကုန်လုံးက စုထျန်းထျန်းရဲ့ အကြံပဲ။
"မူလနင်မုန့်"က ယောက်ျားအပေါ် သစ္စာမရှိ ဆိုသော နာမည်ဆိုးနှင့် ကျော်ကြားခဲ့သည်။ အတိတ်မှာတုန်းက နင်မုန့်က ကျန်းရှန့်မေနဲ့ ရန်ဖြစ်တဲ့အခါတိုင်း လီဟောက်ကျယ်ကို ဖျားယောင်းမည်ဟု အမြဲခြိမ်းခြောက်တတ်သည်။ စုထျန်းထျန်းက အခု နင်မုန့် နဲ့ ကျန်းရှန့်မေကြား ရန်ဖြစ်ဖို့ လောင်စာ ထည့်ပေးလိုက်တာ ဖြစ်၏။
သူမ နဲ့ စုထျန်းထျန်းက အမြဲ ကတောက်ကဆ ဖြစ်တတ်တာတော့ အမှန်ဖြစ်သည်။ ဘယ်လိုပဲဖြစ်ဖြစ် တကယ်လို့ စုထျန်းထျန်းက ကျန်းရှန့်မေကို အသုံးချပြီး သူမကို တိုက်ခိုက်ချင်နေတယ် ဆိုမှတော့....သူမလို နင်မုန့်က ဒီကိစ္စကို သူ မျှော်လင့်ထားတဲ့အတိုင်း ဖြစ်အောင် လုပ်ပေးမယ်လို့များ ထင်နေတာလား ဟမ်?
ချိုသာစွာ ပြုံးလိုက်ရင်း နင်မုန့်က ကျန်းရှန့်မေရဲ့ လက်ကို ဆွဲကိုင်လိုက်သည်။ "အိုး ကြည့်ပါဦး! နင့် လက်သည်းလေးတွေက လှလိုက်တာ~ ပြီးတော့ ကြည့်ဦး! ကြည့်ကြည့် နင့်လက်တွေကို! ဖွေးပြီးတော့ နူးညံ့နေတာပဲ!"
ရန်ဖြစ်ဖို့ အဆင်သင့်ဖြစ်နေပြီ ဖြစ်တဲ့ ကျန်းရှန့်မေကတော့ ကြောင်အသွားသည်။
"အာ...အင်း သေချာပေါက် လှတာပေါ့!"
နင်မုန့်က ဆက်လက်ပြီး သူမကို မြှောက်သည်။ "နင့်အိတ်က နောက်ဆုံးပေါ် နာမည်ကြီးနေတဲ့အိတ် မလား။ တစ်အိတ်လောက် ရှိဖို့ ငါ့မှာ အမြဲဆုတောင်းနေလိုက်ရတာ ဒါပေမယ့် အခွင့်အရေး မရခဲ့ပါဘူး! ငါကြားတာတော့ ဒါကိုလိုချင်ရင် တန်းစီရတယ်ဆို!"
"?"
ခပ်မာမာ အနေအထားဖြစ်နေတဲ့ ကျန်းရှန့်မေက စတင် နူးညံ့လာသလို ပြုံးလိုက်သည်။ "ဟုတ်တယ်! ဟိုတလောက ငါ့အဖေ ပြင်သစ်ကိုသွားတုန်း ငါ့အတွက် ဝယ်လာခဲ့ပေးတာ။ အမှန်တော့ သူကအခုထိ ပြင်သစ်မှာပဲ ရှိနေသေးတယ်။ တကယ်လို့ နင် တစ်အိတ်လိုချင်တယ်ဆို နင့်အတွက် ငါ့အဖေဆီကို မှာပေးမယ်"
"..."
ကျန်းရှန့်မေရဲ့ မိဘတွေက သူမကို နာမည်မှားပေးလိုက်တာလို့ နင်မုန့် ခံစားလိုက်ရသည်။ သူတို့က သူမ နာမည်ကို "ညှိနှိုင်းရလွယ်တဲ့ ကျန်း" လို့ ပေးလိုက်ရမှာ။ ချစ်ဖို့ကောင်းပြီး တက်ကြွလိုက်တဲ့ ကောင်မလေး!
ထိုအချိန် အနားမှာ အခြေအနေကို စောင့်ကြည့်နေတဲ့ စုထျန်းထျန်းကတော့ မြင်လိုက်ရတဲ့ မြင်ကွင်းကြောင့် ကြက်သေ သေသွား၏။ မဟုတ်တာ မဖြစ်ရဘူး! သူတို့က ရန်သူတွေ မဟုတ်ဘူးလား။ ဒါဆို ဘာလို့များ သူငယ်ချင်း အရင်းတွေလို ဆက်ဆံနေကြတာလဲ!
-
ကျန်းရှန့်မေ ထွက်သွားတဲ့အခါမှ နင်မုန့် လင်းချင်ပေ့ရဲ့ အခန်းထဲကို ဝင်လိုက်သည်။
နောက်ရက်မှာ ပွဲအတွက် လင်းချင်ပေ့ဆိုရမယ့် သီချင်းကို စိတ်ပူနေရမည့် အစား သူမအနေနဲ့ တခြားအရာကို တွေးလို့နေလေ၏။ အစောက သူမစိတ်ကို ရှုပ်ထွေးသွားစေတဲ့ အရာဖြစ်သည်။
......မနေ့ညက "Nun of yer biz"ဆိုတဲ့ messageက ဘာဖြစ်နိုင်မလဲ။
'နေပါဦး...ဒါဆို အဓိပ္ပာယ်က ဟော်ပေ့ချန်ကလည်း ငါ့လို တကယ့်ကမ္ဘာကနေ စာအုပ်ထဲ ဝင်လာတဲ့ လူပဲလား??"
အချိန်တစ်ခုလောက် တွေးပြီးတဲ့အခါ နင်မုန့် WeChat message ရိုက်ပြီး ဟော်ပေ့ချန်ကို ပို့လိုက်သည် : [သွားကြစို့ ကျောက်ပုစွန်!]
"..."
"သွားကြစို့ ကျောက်ပုစွန်!"ဆိုတာ အင်တာနက် ဗန်းစကားတစ်ခု ဖြစ်ပြီး novelကမ္ဘာထဲမှာ မရှိတဲ့ စကားလုံးဖြစ်လေ၏။
---------------------
[Zawgyi]
ထိုမိန္းမကို ၾကည့္ေနရင္းမွ ႏႈတ္ခမ္းေထာင့္က လႈပ္လာတာကို နင္မုန႔္ ခံစားလို႔ရမိေနသည္။
"တဆိတ္ေလာက္ပါ နင္က ဘယ္သူလဲ"
ထိုသို႔ၾကားတဲ့အခါ အမ်ိဳးသမီးက အံ့ဩစြာပဲ ျပန္ေျပာလိုက္သည္။ "ငါေလ က်န္းရွန႔္ေမ"[1]
နင္မုန႔္ မ်က္လုံးတို႔ကို လွိမ့္လိုက္ရင္း " 'မွန္ကန္ျခင္း နတ္ဘုရားမ'? ဒါဆိုရင္ေတာ့ ငါကလည္း ခ်စ္ျခင္းနဲ႔ၿငိမ္းခ်မ္းေရးတရားရဲ႕ တမန္ေတာ္ပဲ!"
[1] အမ်ိဳးသမီး ေျပာလိုက္တာက သူမ နာမည္ျဖစ္တဲ့ က်န္းရွန႔္ေမ"(甄善美)ပါ။ မွန္ကန္ျခင္း နတ္ဘုရားမ ကိုက် တ႐ုတ္လိုေရးရင္ (真善美)က်န္းရွန႔္ေမ ပါပဲ။ ေျပာရမယ္ဆို Hanziကြာၿပီး အသံထြက္တူေနေတာ့ အဓိပၸာယ္ေကာက္ လြဲသြားတာပါ။
"??"
"??"
အခ်ိန္တစ္ခု ၾကာတဲ့အထိ ၿငိမ္သက္သြားၿပီးေနာက္မွာ အမ်ိဳးသမီးက သူမရဲ႕ မ်က္ႏွာ ျမင္သာေစရန္ ဆံပင္ေတြကို အေနာက္သို႔ သပ္လိုက္ၿပီး "ငါ!! က်န္း! ရွန႔္! ေမ လို႔! လုပ္စမ္းပါ! ငါ ဒီေန႔ မိတ္ကပ္ အထူႀကီး လိမ္းထားလို႔ မမွတ္မိဘူးလို႔ေတာ့ မေျပာနဲ႔ေနာ္!"
"..."
က်န္းရွန္႔ေမ သုန္မႈန္သြားသည္။ "နင္ဘာျဖစ္ေနတာလဲ။ ငါတို႔ အၿမဲတမ္း အဆင္မေျပဘူးဆိုတာ သိေပမယ့္ ငါတို႔က အတူတူ ႀကီးလာၾကတဲ့ လူေတြပါ! ငါတို႔ ေနာက္ဆုံးေတြ႕ခဲ့တာ ၾကာၿပီဆိုေပမယ့္ ဘယ္လိုျဖစ္ၿပီး ငါ့ကိုေတာင္ မမွတ္မိရေတာ့တာလဲ!"
"..."
အာ!
သူမ အခု မွတ္မိၿပီ!
novelထဲမွာ ဒီ "က်န္းရွန႔္ေမ"က အထက္တန္း မိသားစုမွ ေပါက္ဖြားလာတဲ့ နင္မုန႔္နဲ႔ ဆင္သည္။ သူတို႔ႏွစ္ေယာက္က အတူတူ ႀကီးျပင္းလာၾကတယ္ ဆိုေပမယ့္ အၿမဲတမ္း ေတြ႕တာနဲ႔ တစ္ေယာက္နဲ႔ တစ္ေယာက္ ဘာမွ မဟုတ္တာေလးကို ျငင္းခုန္တတ္ၾကၿပီး ေခြးႏွင့္ေၾကာင္ကဲ့သို႔ ျဖစ္၏။
ဘယ္လိုျဖစ္ျဖစ္ နင္မုန႔္ ကံဆိုးလာၿပီး ၾကမ္းတမ္းတဲ့ ကံၾကမၼာေတြနဲ႔ ရင္ဆိုင္ခဲ့ရတဲ့ novel အပိုင္းေတြမွာဆို သူမကို ကူညီေပးခဲ့တဲ့ တစ္ေယာက္တည္းေသာလူက က်န္းရွန႔္ေမ ျဖစ္သည္။ သူမကို ေအာက္ထိ ဆြဲခ်သြားမယ့္အစား က်န္းရွန္႔ေမက သူမရဲ႕ စစ္မွန္တဲ့ သူငယ္ခ်င္းျဖစ္ေၾကာင္း ျပခဲ့ေလသည္။
အလြယ္ေျပာရမယ္ဆို က်န္းရွန႔္ေမက tsundereျဖစ္သည္။[2]
[2] tsundereဆိုတာ အစပိုင္းမွာ ေအးစက္ေပမယ့္ ျဖည္းျဖည္းခ်င္း ရင္းႏွီးတဲ့ ေႏြးေထြးမႈကို ျပလာတတ္တဲ့ ဂ်ပန္ဇာတ္ေကာင္ကို ေျပာတာပါ။
နင္မုန႔္ သူမကို ၾကည့္ပဲၾကည့္ေနတာကို ျမင္လိုက္ရတဲ့အခါ က်န္းရွန႔္ေမ သူမ လာရတဲ့ အေၾကာင္းျပခ်က္ကို ျပန္သတိရသြားသည္။ တခနအတြင္းမွာပဲ သူမ လက္ပိုက္လိုက္ၿပီး သတိေပးလိုက္သည္။ "လီေဟာက္က်ယ္ကို ဖ်ားေယာင္းႏိုင္ဖို႔အတြက္ ငါ့ကို မသိခ်င္ေယာင္ ေဆာင္ေနတာလား။ ငါ နင့္ကို သတိေပးလိုက္မယ္ေနာ္! အကယ္၍ ငါ့ သတို႔သားေလာင္းကို ဖ်ားေယာင္းခ်င္လို႔ကေတာ့ နင့္မ်က္ႏွာကို ငါ့လက္သည္းေတြနဲ႔ ကုတ္ပစ္မယ္!"
သူမ စကားေျပာၿပီးတဲ့အခါ က်န္းရွန႔္ေမက သူမ လက္သည္းေတြကို နင္မုန႔္ေရွ႕ ထုတ္ျပ၏။
လီေဟာက္က်ယ္ဆိုတာ "Throne of Songs"ထဲမွာ ပါ၀င္တဲ့ အႏုပညာရွင္ေတြထဲက တစ္ေယာက္ ျဖစ္သည္။ ထိုေကာင္ေလးက အရည္အခ်င္းရွိတဲ့ လူငယ္ တစ္ေယာက္ ျဖစ္ေပမယ့္ စက္ဆုပ္ဖြယ္ေကာင္းၿပီး ဘ၀င္ေလဟပ္ေနတဲ့ ဇီဇာေၾကာင္ တစ္ေယာက္ျဖစ္သည္။ သူ႔ရဲ႕ ဇီဇာေၾကာင္တတ္တဲ့ အက်င့္ေၾကာင့္လည္း အႏုပညာနယ္ပယ္ထဲက သီခ်င္းထုတ္လုပ္သူ ေတာ္ေတာ္မ်ားမ်ားနဲ႔ မၾကာခန ကေတာက္ကဆ ျဖစ္တတ္ေလ၏။ က်န္းရွန႔္ေမက သူ႔အေပၚ အရင္ကတည္းက သေဘာက်ခဲ့သူျဖစ္တာေၾကာင့္ သီခ်င္းနယ္ပယ္ထဲ သူေအာင္ျမင္ဖို႔အတြက္ သူမ မိသားစုကို အမ်ားႀကီး ကူညီခိုင္းခဲ့တာ ျဖစ္သည္။ တျခားစကားျဖင့္ ေျပာရမယ္ဆိုပါက ဒီေန႔လို သူ ေအာင္ျမင္တဲ့ အဆိုေတာ္ တစ္ေယာက္ျဖစ္လာဖို႔ ကူညီေပးေနတဲ့ အဓိက တစ္ေယာက္ေသာသူက က်န္းရွန႔္ေမ ျဖစ္ေလသည္။
ဒါေၾကာင့္ပဲ မ်က္ႏွာမ်ားတဲ့ လီေဟာက္က်ယ္က သူမရဲ႕ သီးခံႏိုင္စြမ္းကို စမ္းသပ္တတ္၏။
ဘာေတြျဖစ္ေနတာလဲ ဆိုတာ နင္မုန႔္ သေဘာေပါက္သြားတဲ့အခါ ရယ္ခ်လိုက္၏။
ဒါေတြ အကုန္လုံးက စုထ်န္းထ်န္းရဲ႕ အႀကံပဲ။
"မူလနင္မုန႔္"က ေယာက္်ားအေပၚ သစၥာမရွိ ဆိုေသာ နာမည္ဆိုးႏွင့္ ေက်ာ္ၾကားခဲ့သည္။ အတိတ္မွာတုန္းက နင္မုန႔္က က်န္းရွန႔္ေမနဲ႔ ရန္ျဖစ္တဲ့အခါတိုင္း လီေဟာက္က်ယ္ကို ဖ်ားေယာင္းမည္ဟု အၿမဲၿခိမ္းေျခာက္တတ္သည္။ စုထ်န္းထ်န္းက အခု နင္မုန႔္ နဲ႔ က်န္းရွန႔္ေမၾကား ရန္ျဖစ္ဖို႔ ေလာင္စာ ထည့္ေပးလိုက္တာ ျဖစ္၏။
သူမ နဲ႔ စုထ်န္းထ်န္းက အၿမဲ ကေတာက္ကဆ ျဖစ္တတ္တာေတာ့ အမွန္ျဖစ္သည္။ ဘယ္လိုပဲျဖစ္ျဖစ္ တကယ္လို႔ စုထ်န္းထ်န္းက က်န္းရွန႔္ေမကို အသုံးခ်ၿပီး သူမကို တိုက္ခိုက္ခ်င္ေနတယ္ ဆိုမွေတာ့....သူမလို နင္မုန႔္က ဒီကိစၥကို သူ ေမွ်ာ္လင့္ထားတဲ့အတိုင္း ျဖစ္ေအာင္ လုပ္ေပးမယ္လို႔မ်ား ထင္ေနတာလား ဟမ္?
ခ်ိဳသာစြာ ၿပဳံးလိုက္ရင္း နင္မုန႔္က က်န္းရွန႔္ေမရဲ႕ လက္ကို ဆြဲကိုင္လိုက္သည္။ "အိုး ၾကည့္ပါဦး! နင့္ လက္သည္းေလးေတြက လွလိုက္တာ~ ၿပီးေတာ့ ၾကည့္ဦး! ၾကည့္ၾကည့္ နင့္လက္ေတြကို! ေဖြးၿပီးေတာ့ ႏူးညံ့ေနတာပဲ!"
ရန္ျဖစ္ဖို႔ အဆင္သင့္ျဖစ္ေနၿပီ ျဖစ္တဲ့ က်န္းရွန႔္ေမကေတာ့ ေၾကာင္အသြားသည္။
"အာ...အင္း ေသခ်ာေပါက္ လွတာေပါ့!"
နင္မုန႔္က ဆက္လက္ၿပီး သူမကို ေျမႇာက္သည္။ "နင့္အိတ္က ေနာက္ဆုံးေပၚ နာမည္ႀကီးေနတဲ့အိတ္ မလား။ တစ္အိတ္ေလာက္ ရွိဖို႔ ငါ့မွာ အၿမဲဆုေတာင္းေနလိုက္ရတာ ဒါေပမယ့္ အခြင့္အေရး မရခဲ့ပါဘူး! ငါၾကားတာေတာ့ ဒါကိုလိုခ်င္ရင္ တန္းစီရတယ္ဆို!"
"?"
ခပ္မာမာ အေနအထားျဖစ္ေနတဲ့ က်န္းရွန႔္ေမက စတင္ ႏူးညံ့လာသလို ၿပဳံးလိုက္သည္။ "ဟုတ္တယ္! ဟိုတေလာက ငါ့အေဖ ျပင္သစ္ကိုသြားတုန္း ငါ့အတြက္ ၀ယ္လာခဲ့ေပးတာ။ အမွန္ေတာ့ သူကအခုထိ ျပင္သစ္မွာပဲ ရွိေနေသးတယ္။ တကယ္လို႔ နင္ တစ္အိတ္လိုခ်င္တယ္ဆို နင့္အတြက္ ငါ့အေဖဆီကို မွာေပးမယ္"
"..."
က်န္းရွန႔္ေမရဲ႕ မိဘေတြက သူမကို နာမည္မွားေပးလိုက္တာလို႔ နင္မုန႔္ ခံစားလိုက္ရသည္။ သူတို႔က သူမ နာမည္ကို "ညႇိႏႈိင္းရလြယ္တဲ့ က်န္း" လို႔ ေပးလိုက္ရမွာ။ ခ်စ္ဖို႔ေကာင္းၿပီး တက္ႂကြလိုက္တဲ့ ေကာင္မေလး!
ထိုအခ်ိန္ အနားမွာ အေျခအေနကို ေစာင့္ၾကည့္ေနတဲ့ စုထ်န္းထ်န္းကေတာ့ ျမင္လိုက္ရတဲ့ ျမင္ကြင္းေၾကာင့္ ၾကက္ေသ ေသသြား၏။ မဟုတ္တာ မျဖစ္ရဘူး! သူတို႔က ရန္သူေတြ မဟုတ္ဘူးလား။ ဒါဆို ဘာလို႔မ်ား သူငယ္ခ်င္း အရင္းေတြလို ဆက္ဆံေနၾကတာလဲ!
-
က်န္းရွန႔္ေမ ထြက္သြားတဲ့အခါမွ နင္မုန႔္ လင္းခ်င္ေပ့ရဲ႕ အခန္းထဲကို ၀င္လိုက္သည္။
ေနာက္ရက္မွာ ပြဲအတြက္ လင္းခ်င္ေပ့ဆိုရမယ့္ သီခ်င္းကို စိတ္ပူေနရမည့္ အစား သူမအေနနဲ႔ တျခားအရာကို ေတြးလို႔ေနေလ၏။ အေစာက သူမစိတ္ကို ရႈပ္ေထြးသြားေစတဲ့ အရာျဖစ္သည္။
......မေန႔ညက "Nun of yer biz"ဆိုတဲ့ messageက ဘာျဖစ္ႏိုင္မလဲ။
'ေနပါဦး...ဒါဆို အဓိပၸာယ္က ေဟာ္ေပ့ခ်န္ကလည္း ငါ့လို တကယ့္ကမာၻကေန စာအုပ္ထဲ ၀င္လာတဲ့ လူပဲလား??"
အခ်ိန္တစ္ခုေလာက္ ေတြးၿပီးတဲ့အခါ နင္မုန႔္ WeChat message ႐ိုက္ၿပီး ေဟာ္ေပ့ခ်န္ကို ပို႔လိုက္သည္ : [သြားၾကစို႔ ေက်ာက္ပုစြန္!]
"..."
"သြားၾကစို႔ ေက်ာက္ပုစြန္!"ဆိုတာ အင္တာနက္ ဗန္းစကားတစ္ခု ျဖစ္ၿပီး novelကမာၻထဲမွာ မရွိတဲ့ စကားလုံးျဖစ္ေလ၏။