Isang babaeng maamo ang mukha at may pagka pula ang buhok ang nasa aming harapan.
Nakakamangha. Ang lugar, ang mga tao ang mga pangyayari. Sobrang namamangha ako.
Nasa tabi ko si Frosto at naramdaman ko ang paghaplos niya sa aking buhok.
"Ang ganda niya no?" tumingala ako kay Frosto. Nakatitig pala siya sakin kahit na patuloy ang seremonya.
"Hm." tango lamang ang kanyang tugon. Kinagat ko ang labi ng senswal na humaplos ang kanyang kamay sa aking baywang at naramdaman ko ang labi niya sa aking tenga.
"But you're beautiful Sol."
Ngumisi ako sa kanya at eto na naman ang mga mata niya sa tuwing ngumingiti ako sa kanya. Parang natutulala siya. Pinilig niya ang kanyang ulo at kinagat ang labi.
"Ano ang pangalan ng asawa ng kambal mo?" tanong ko.
Napapalingon sa amin ang ibang bisita. Ang hindi ko maintindihan ay kung bakit sa akin sila mismo tumitingin?
"Ava." sagot niya na sa akin na nakatingin.
Tumango tango ako. May nakita akong babaeng may edad na pero maganda parin. Ang buhok ay medyo kulay pula rin at umalis siya sa kasagsagan ng seremonya.
"Son," isang lalaki ang lumapit sa amin pagkatapos ng kasal. Nagkalat ang mga dumalo at dumapo ang tingin ko agad sa mga pagkain.
"Dad." sagot ni Frosto kaya natuod ako. Papa niya!
Napanga-nga ako at tulala sa lalaking nasa harapan ko! Parang si Frosto talaga pate ang tindig ng katawan!
Huminga ng malalim ang papa ni Frosto. Malamlam itong nakatitig sa akin at tila ba isa na naman akong problema na kinaaawaan niya.
Bakit ganon?
"Puwede mo ba akong maipakilala sa magandang binibining kasama mo Frosto?" sabay ngiti niya sa akin.
Humawak ako sa braso ni Frosto at dumikit sa kanya sa takot ko sa papa niya.
Hinalikan naman ni Frosto ang buhok ko.
"She's Soledad. Soledad, ama ko si Paulino."
Dahan dahan na nag abot ng kamay ang papa niya sa akin at ngumiti. Ngumiti rin ako at tinanggap ang kamay niya.
"Tapatin mo nga ako hija, nobya ka ba ng anak ko?"
"Dad." malamig ang boses ni Frosto.
Umiling iling na agad ako dahil nanliligaw palang sa akin si Frosto.
"M-Manliligaw ho si Frosto s-sir."
Humalakhak bigla ang papa niya tila ba hindi inaasahan ang panliligaw ni Frosto. Kinagat ko naman ang aking labi. Kalaunan naman ay naging seryoso ang papa niya.
"Lets talk later."
"Yes dad."
"Your twin would like to know Soledad too."
Umiwas lang si Frosto at hindi sumagot sa kanyang ama.
Ilang sandali ang lumipas. Hindi gaano kadami ang bisita kaya pagkatapos nun' ay nakalapit agad ang kambal ni Frosto. Halos mamangha ako sa kambal niya at sa asawa nito.
Parang napaka perpekto nilang dalawa.
"Hi! Anong pangalan mo?" tanong ng babaeng kanina ko pa tinititigan. Nakabihis narin siya at ang sexy niya!
"S-Soledad po."
Nakahawak si Frosto sa aking baywang at ng titigan ko ang kambal niya ay sumimsim ito sa alak sa kamay at nanunuyang tinitigan si Frosto.
"Wow. Ako nga pala si Ava at ang asawa ko si Faustino. Ang ganda ng pangalan mo. Tsaka.. mag enjoy ka lang dito."
"Hmm, iyang kambal ko Soledad... mahirap yan kapag magselos. Hindi ko pa siya nakitang nagselos noon pero alam ko... Matindi yan magselos."
"Shut up Faus."
Mamaya pa ay may lumapit na batang babae! Ang kulay ng buhok niya ay kapareho rin ng buhok ni Ava! Nakakamangha!
"Mama..w-where’s lola?"
Natahimik si Ava at tinitigan ang bata. Manang mana sa kanya ang anak niya. Hindi ko alam kung ilang oras ako nakakanganga sa pagkakamangha.
Hindi kami doon nagtagal ni Frosto. Busog na busog ako ng pumasok kami sa kotse at tingin ko ay may importante siyang lakad.
"Saan tayo pupunta? Uuwi na ba tayo?"
Tanong ko.
Binalingan niya ako habang pinaandar ang kanyang sasakyan. Hindi lang pala isang sasakyan meron siya dahil kanina ay nalaman ko na mayroon pang isa. At ito nga iyong sinasakyan namin ngayon.
"Saan mo gusto mamasyal? Ipapasyal kita bago tayo umuwi sa hotel."
Nang imbestigahan ko ang mukha niya ay tila nagiging mabait lang siya sa akin pero napipikon siya sa kung anong bagay.
"Galit ka ba?"
Nilingon niya agad ako. "Hindi ako galit. My twin just pissing me off."
"Ah.." tumango tango ako. Baka ganon talaga silang dalawa.
Sinabi niya sa akin na kailangan muna namin pumunta sa isang hotel na malapit lang rin sa hotel na tinutuluyan namin.
Binalot niya sa akin ang kanyang makapal na jacket ng lumabas kami ng kotse.
Pinaupo niya ako sa isang malapad na area doon. Halos ako lang mag isa. Sa bukana ay may tatlong babae doon na nakauniporme.
"Stay here. Kakausapin ko lang si Dad. Anong gusto mong kainin?" tanong niya habang nakauklo ang kamay sa mesa at malamlam akong tinititigan.
"Sabay nalang tayo kumain mamaya sa hotel. Puwede ba?"
Tumango tango siya. "Huwag kang umalis dito. Importante lang ang ipapakita ni Dad. Things you're not allowed to see. Aasikasuhin ka mamaya ng waiter ng mga gusto mo. Sandali lang ako."
"Sige ayos lang naman."
Umalis siya kaya kinuha ko ang magazine na nasa aking harapan. Kakaiba nga talaga dito sa Manila. Gusto kong gumala muna bago umuwi ng Mindoro.
Maya maya pa ay may babaeng nakauniporme na lumapit. Ngumiti siya sa akin at nilapag ang hawka niyang sandwich at juice.
"Here's your food. Uhm...mawalang galang na ha? Ka ano ano ka ni sir Frosto Grey?"
"Uh...-" nag dalawang isip ako lalo na at hindi ako kampante sa tono ng babae sa akin.
"Probinsyana." sabi niya pa sa akin. "Ka ano ano ka niya? Alam mo hindi ako makapaniwala na pinatulan ka niya. You are too young..o baka nagkamali ako. Baka nakita kalang niya sa labas at pinakain dito?"
"H-Hindi magkasama po kami talaga."
Umirap siya at iniwan nalang ako basta basta. Halos sumabog ang puso ko sa kaba. Tumayo ako at pumunta sa Comfort room na malapit lamang sa bulwagan ng hotel. Kita ko lang agad lalo na sa sign nito sa itaas.
Halos tumakbo ako papasok doon. Naiihi ako sa sobrang nerbiyos! Bakit ganon sila sakin? Ganon ba ang iba dito kapag nakita nilang mahirap lamang?
Umihi ako at nakita ko na may konting dugo ang panty ko.
"Hala!" malakas akong napasinghap ng malaman na magkaka menstruation ako!
Mabilis akong umayos at lumabas ng cubicle. Ng makalabas ako ay nakita ko na may babae sa harapan ng malapad na salamin.
"Hi!"
Nabigla ako ng kanya akong binati. Napakaganda niya.
"H-Hello po!"
"You are Soledad right?"
Paano niya ako nakilala?
"O-Opo."
Inayos niya ang pagkakasabit ng bag sa kanyang balikat at naging seryoso at inembistigahan ang pisikal na anyo ko. Nakaramdam ako ng takot.
"Hmm.. Ako nga pala si Genevive! Nice meeting you!"
Nilahad niya ang kamay sa akin kaya tinanggap ko iyon.
"Sana maging magkaibigan tayo." aniya at ngumisi sa akin.
"A-Ah..opo."
"Good girl." aniya at hinimas ang aking buhok.