*اتنحنح في محلو اول كدا واخد لي صنه
انا والله يا مالك يعني عايز اتقدم لي اختك علي سنة الله ورسوله قلت شنو؟!..
في اللحظة دي ندي جات داخلة وسمعت الكلام و وقفت في زاويه الممر قبل تصلهم ....
و كمل كلامو !
انا عارف كويس ان الوقت م مناسب يا مالك من كل النواحي الفقد اللي فقدناهو فقد يكسر الضهر نصين ، و الجوانا ما حيبرد بالبساهل !
في النهايه زواجي كان رغبة امي ربنا يرحمها لحد اخر انفاسها كان دا مناها ! و شايف ان مافي احسن من ندى !
__ ما عارف اقول ليك شنو صراحه يا عزو و ...*قاطعتهم ندى !
ندى : ( دخلت بالصينيه و عينها ف الارض ) السلام عليكم ( نزلت الصينيه ) انا اسفه اني بتدخل في كلامكم و اسفه كمان اني سمعته بس ما كانت مقصودة ! و ممكن يتشاف كلامي دا في حد زاتو جراءة ، بس اسمح لي يا مالك اوجه سؤال لي صحبك ( كل دا و هي ما رفعت عينها عليهم ) ! بتعرف عني شنو انت ؟؟
مالك : نددددى !! اذا في شي حابه توصليهو بعدين لمن اتكلم معاكي قوليهو لي ! تصرفك دا م صح!
عزو : ليه ما صح يا مالك ! في كل الاحوال انا كنت حا اطلب منك اتكلم معاها ، و بما انه الكلامعنها اذن من حقها تتكلم و تقول كل العايزاهو و حاليا انحنا م مقيدين بالاصول و الصح والغلط !
ندى : مالك !
انا مصممة اني اقول كلامي بي نفسي للاستاذ ! و لو سمحته جاوب على سؤالي !؟
عزو : ابداً ما بعرفك ولا بعرف عنك حاجة غير انك اخت مالك عزيزي !
ندى : اذن على ياتو اساس حضرتك فكرته فيني ؟
و بما انك ما راعيت للتوقيت ( حالة الوفاة ) الانت جاي بتقول فيهو كلامك دا ، دا ما بيخليني غير افكر في حاجة وحدة بس ! و هي انك فكرت فيني من باب الشفقه ! ان امي اتوفت و ابوي الله اعلم بي حاله و مكانه و اخوي مضطر يسافر ! يعني بي اختصار شديد حبيت تعطف علي و تساعد مالك اللي هو صحبك ! كان عندك فهم غير دا ياريت تقوله لي !؟
مالك :ندى كلامك شين شديد ! لو سمحتي اتفضلي ادخلي جواااا !
لا ما تدخل جوا ! انا ما شايف كلامها شين و عايزها تتكلم ! انا فعلا اعتذرت عن التوقيت و لعتذر ليكي مرة تانيه ! بس ابداً انا ما جاي اشفق عليكي و لا اعطف عليكي ! انا بكلمك بكل صراحه و وضوح انا فكرت في الزواج في فترة انا م كنت مخطط اتزوج فيها ، بس حالياً بقى كل هدفي و ما عندي انسانه في حياتي لا من قريب لا من بعيد !
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
