** يمة !!!!!!!!
دا كلام شنو ؟؟؟ نعلو انتي كمان خاته في راسك ما بتربيها عشان بت مروة !!!! يمة !!
رددي لي بتكلم معاكي انا يا يمة ؟
__ كان دا فهمي يا سلوان ما كان خليت بيتي و جيت الخرطوم و رميت اي شي ورا ضهري !
انا عاينته لي مصلحة المسكينه دي ! ابوها زاتو ما واعي ليها و يا بتي الرضاعه دي اهم حاجة !
** يمة ! بتو ياها بتنا لمن يوعى ليها .. و كتار شفع رضعو صناعي و اسي عايشين و صحتهم كويسه و في احسن حال ! وين المشكله يعني ؟
__ ما كعوبيه مني انا كنت بس خايفه عليها ! دي حته مننا و دايراها بالحيل والله ! في ايامها الحبه دي ونستني و قطعت وحدتي !
** انا كمان اتعلقت بيها شديد و ان شاءالله الاوضاع كلها حتتحسن .. المهم لحد الوقت داك انا حا اطلع اشوف لي شغل !
__ شغل شنو انتي جنيتي ! مدثر ما حيرضى ، و بعدين ! انتي ناويه تعيشي في خرطومك دي ولا شنو مرة خدمة و مرة شغل ؟
** يمة ! انا القريه دي كرهتها ! و فعلا اسي نهائي ما عندي اي نية بتاعت رجوع !! و مدثر م جايب خبر حاجة ! لمن يبقى كويس انا برفع يدي ! يلا اديني البت بدخلها معاي جوا .. انتي نومي !
__ خليها معاي شايلاها لشنو ؟
** انا كدا كدا حفضل صاحيه شويه ! اخدي راحتك عشان الصباح ان شاءالله حخليها ليكي !
__ طيب ...
#في_جانب_عز !!
كان زي الليله و بكرة عرسي ! ، طلعت اشيل بدلتي ، اتصل بي مالك قال لي انتظرو جمب المحل و ما ادخل من غيرو !! ( مالك كان سافر ف الفترة الفاتت لو متزكرين ، و جا اسي عشان عرسي انا و ندى ) !
و فعلاً بعد وصولي بي عشر دقايق هو وصل :
جاني صوتو من وراااي !
( يا عرررررريس كدا تعرس و تخليني )
بيني وبين نفسي ! دا ما صوت مالك !! اتلفت وراي لقيتو الطيب !!
** الطيب !!!! ياخ انا ما مصدق خششش بالاحضان ياخي اقسم بالله دي اقوى مفاجأة يا سلاام ياخي ( قرابة الربع ساعه نشيل و نتسالم )
مالك : شنوو يا ناس ادونا معاكم حبة حنان ! يعني انا كمان ما كنت مسافر !
** ياخي معقول لكن والله اتصدمته عديل .. خش يا مالك ياخ انت قريب كنت معاي لكن الطيب دا طولته منو عديل هههه ..
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
