#جانب_تسنيم_والهام :
تسنيم : تقوى ولا رجعت لي تاني !!
الهام : خليك من تقوى انا والله الكيكة دي لو طلعت م تمام اختي حتشرب من دمي !
تسنيم : كل زول في همو .. لفي ليها رجلك دي كدا يا الهام مالك زي الاول مرة ينقشو ليك حنه !
عايني دي بتعرفي تنقشيها ؟ شكل بسيط بس شفتي و لا كامله زاتا اعملي لي الوردة دي مع الصفقتين ديل والرجل نفس النظام عشان انا حنتي عاليه " قبلت ليها التلفون " !
الهام : انتي خليها تعمل ليك بي مزاجها !
تسنيم : لاا انا عاجباني دي ، هي زاتا بتعمل لي حساسيه بس مجازفاها ساي .. اسي اها ما قلتي لي ،حنعمل شنو في موضوع سلوان دي والله انا دايراها تجي تحضر !
الهام : حتى اناا والله .. يا زوله هو مش قال نساها و ما بعرف شنو ؟ خلاااص م تركزي في الموضوع كتير و كان جد نساها ما حيشتغل بيها !!
تسنيم : قلتي كدا يعني ؟؟
لهوم : كدا و نص والله ...
تسنيم : اتفقنا .. بالمناسبه سمعت انه مالك جاا ! ماشاءالله تبارك الله ! دايرة امرق اسلم لكن دايرة اتخارج من حنتي دي !
لهوم : انحنا خلصنا زاتو .. لكن عاد ماشاءالله الله فتحها عليهم ، والله نفسي اشوف ندى صدقي ! حاساها اتهدت كداا !!
#زنوبيا ..
{ طلعت مع سهام برا .. بعد طلبت ليها حاجات }
سلوان " بتعاين لي سهام"
بتتلفتي مالك ؟؟
__ وينا اريج ؟
سلوان : بري ما بعرف بقت ما بتجي الا متاخر و مرات ما بتجي زاتوو !
__ احسن .. " بتاكل " المحل داك بيبع شنو ؟؟
سلوان : وينو !
__ مكتوب نودلز !
سلوان : معناتو بيبع نودلز يا ذكاء هههههه .. عنده اندومي بي دلع كدا .. كلها حوااادق .. واااي يا سهام اها اريج جات ، كان تتطري ليك حاجة نستفيد منها ههه ... المهم انا بكرة معزومة عرس !
__ " نططت عيونا "
ياخ بلا اريج بلا عطرون ، خلينا في العرس ياخي قولي والله .. عليكي الله خلينا نمشي عليكي الله يا سلوان !
سلوان :
يا بت عرس شنو الامشيهو ، ما بعرفهم شديد كدا !
__ ياخ مش عزموك ! تاني عايزة بي عرفتهم شنو ، خلينا نتجيه وحاة الله انا نفسي تجيهيني من وقت كنت حعرس داااك ، اسي فشيني في العرس دا ، شوفي البنات ديل نايرات و سمحات كيفن و شوفيني انا غبشه كيفن !
سلوان : انتي صحي يا سهام ! عرسك ما تما ليه ؟
__ اصلو ما كنت دايراهو ، بس كنت ساكة العرس عشان كلام الناس اتي عارفه ناسنا ! و لامن رجعت منكم ياهو جات من اعلو واخواتو اكلو راسو و قال لاحمد انا م بدور العرس دا ! قلت في سري ، بلاء و انجلا!
سلوان : الله يرزقك بالاحسن ... ** تلفونا بيرن **
ايوااا يا ...#سكتت !
__ ما تنطقي اسمي اشششش !!
سلوان : طيب طيب !
__ خلي الخط فاتح ، و كملي ونستك معاها و اسأليها عني و رايها فيني شنو ؟
سلوان : دا كلام شنو انتـ
__ سلواااان !! ممكن تعملي البقولو ليكي يعني لو ما فهمتي المرة دي حتموتي ؟؟؟
سلوان : طيب طيب ... سلااااام " قفلت الشاشه و ختيت التلفون جمبي " اهاا يا سهام قلتي دايرة تمشي العرس ؟
سهام : ياريت والله ، بس مدثر بوافق ؟؟
سلوان : ااي عادي ليه يرفض ، انتي قايله مدثر صعب ولا شنو ؟ عادي ما حيقول شي !!
سهام : بعرفو حنين ! " ابتسمت "
سلوان : بتدوريهو ؟؟
سهام " اتخلعت و اتكبكبت " : هووي هاااا دا كلام شنو ، احم ، الشي دا سمح خلاس عملتيهو انتي ؟؟
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
