"بدنددن "
— الصبية أم عيون شوقا ليك يوم تعود راجية منك وعود
يا غريب عن ديارك مصيرك تعود
"طق الباب زحه ومالك رفع راسو اتلفت علي الجا
—يازول انت وين انا فتشت ليك ما لقيتك مع الطيب جيت هنا
"بعاين لهدوم مالك المالية السرير
*دا شنو ؟!!
—انا لامي فيك عشان اوريكم الاتنين متنشنين وما بتدو اجابات واضحة
*ما تاخد في بالك اها حا تسافر طوالي الامارات
—لالا بنزل السودان اول
*انت مسافر السودان يازول جادي؟!!
—البخليني اهظر شنو يا عزو الله هههه
*لالا ههه بس ما اتوقعتك ما جبت سيرة ، علي العموم انا زاتي مسافر السودان
—مسافر؟!! انت متين جيت عشان ترجع ولا عزو قدمت استقالتك؟!!
*لا "مشي علي الدولاب طلع الشنطة ومالك بعاين ليه
—عزو انت مسافر متين؟!
*هسي عايز اقطع تزكرتي
—كويس نقطع سوا بالمرة نعملا ليهم مفاجأة يلقونا في وشهم الاتنين.
—كويس
*ما عاجبني ما عارف مالك واجاباتك المختصرة وتصرفاتك وهسي سفرك فجأة كل دا خلاني احس اني بعيد منكم كأني ما صاحبكم ، انت والطيب ما طبيعيين الموضوع اذا بتعلق بي قولو لي ياعزو احسن اسمع منك بدل زي الاطرش في الزفة.
*ما ليه علاقة بيك ولا حاجة كل الحاصل ان الطيب بقي حشري عندو تصرفات مستفزة اتناقشنا في موضوع وهو اتحسس اكتر من اللازم وعامل زعلان
—يعني حسب معرفتي الطيب ما بزعل او ياخد موقف للدرجة دي الا اذا كان الموضوع كبير يا عزو ، نحن الطيب بنعرفو الليلة ولا امس ، اول مرة اشوفو كدا
*ما تشتغل بيه برضى براه بجي
—طيب انت كنت داير ابوعمر في شنو وشايفك مضايق ليه علاقة؟!!
"غير الموضوع من مالك"
*انت حا تقطع تزكرتك الصباح معاي ولا كيف؟!!
"مالك عاين ليه بإستغراب وهو مدنقر بطبق في تشيرت اسود استغرب من تصرفو وعداها عادي سكت"
ايوة في نفس مواعيدك دي مناسبة
هسي نازل اشتري حاجات من المول تجي معاي ولا ؟!!
*ايواا ارح بس اغير هدومي دي اول عايز اشتري ليهم هدايا انت جنيت انزل يدي فاضيات والله دي ما يفوتوها لي "بضحك"
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
