—قلتي انك..
"بعاين ليه بعلامة استفهام مبهمة "
"بي ترقب "
*كمل
—جادة ما متزكرة ولا بتستهبلي علي؟!
*علي فكرة اناا لمن بنعس ما بفرق عن الاطفال بحاجة ما بكون بفكر في حاجة غير النوم وممكن اقول اي شي وانا ما بكون متزكراها فا قول
"امم بصرة وش خفيفة"
— قلتيها لي
"رفع راسو عاين لي جوا عيوني"
قلتي بحبك!!!
*"بخلعة " انااااا ابدا ما متذكرةحاجة زي دي مستحيل اقول كدا.
—مستحيل!!
ااه شكلي فهمته غلط معليش يا ستي علي العموم زي ما قلت ليك بكره ان شاءالله حا اسافر وبما انو طيارتي الساعة عشرة صباح
ف حبيت اشوفك
"و اخد نفس طويل "
واوعدك!!
*اممم فهمته ربنا يكتب سلامتك وانجح انجح عشان كلنا بنستحق الحاجة دي وواثقة فيك كمان.
"بقي يضحك فجأة "
*مالك بتضحك ياود
—انتي شايفة ملامح وشك بقت عاملة كيف؟!
*عاملة كيف؟!
"بقت تضحك"
انا مستغربة في ضحكك دا هسي في شنوو
—"بضحك " لا بس حسيتك زي امي لما تكون جادة بتتكلم زييك كدا ،
ربنا يرحمها "بحزن"
*ربنا يرحمها ويغفر ليها
—عارفة ان كل حركاتك بتجبرني اعاين ليك اكتر ، بتتعاملي بعفوية يا سلوان ودا المخلي عيوني تركز معاك لدرجة بسرح فيها وكل لحظة بتزكرني بموقف معاك.
"منتبها في جيب قميصو"
*طيب تلفونك دا بولع وبطفي انت عاملو صامت مالك؟
_عشان الطيب مزعج عذبني
"عاين ليه وما ردا'
* ههه صاحبك الئيم داك كويس ما ترد عليه
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
