شارع ال60

٦

وماذا عنها ؟!

ما زالت صابرة تنتظر جبر خاطرها..

*وبعلياااااا يا توته الحقيني الحقيني اقول ليك شنو ولا شنو ولا شنو وبعلياااا بس وبعلياااا عايني يدي ديل تلج كيف وبترجف..

-واي يا بت دا شنو يديك مالم وفي شنو قبل تصليني فرحانة كدا..

*جا يا توته جا جاااا انا فرحااانة شديد طبعا قدر ما اقول ليك ما حا اقدر اعبر عن الجواي...

-قولي اقسم بالله انتي جادة بتحبيه قدر دا يعني لاقاك ولا شنو وشنو الحصل انطقي..

*هئ هئ بحبو والله سيرتو ساي بتجهجهني ابكي ولا اسوي شنو لسه ما شفتو لكن امس بالليل حبوبتي قالت لي عزالدين جا من السعودية وبالمرة نمش نشوف خالتو ونحمدن لي جيتو بالسلامة..

"مدخل تعريفي:؛

"هاجر يتيمة الاب والام ساكنة مع جدها وحبوبتها معرفة قديمة بينهم مع "إخلاص " ام عزالدين".. زولة مسكينة علي نياتها وهمها تعرس عزالدين لانها شافت فيه الاب والاخ والحب الممكن يعوضها عن كل الانكسار الشافتو في حياتها رسمت في مخيلتها كل حياتها معاه وانها حا تكون مبسوطة وسعيدة معاه هو وبس ...

"جانب سلوان ومدثر؛:

كان في هدوء ما عادي وكأن جعجعت سلوان ديك كلها راحت..

لما جا صوت مدثر وقطع الهدوء دا

*اوصلك الشعبي ولا...

-اي وصلني ما عندي طريقة اقعد معاكم والوقت إتأخر شديد بس اول شي نوصل مروة البيت ترتاح شكلها تعبانة..

*لالا شديدة والله وقت ابيتي تمشي تتغدي معانا خلاص يا مدثر اغشي بيها شيلا ساندوتشات ساي ..

-لالا والله العظيم ولا شي انا حلفته يا مدثر خلاص وانت عارف التأخير ما في مصلحتي..

*خير يا سلوي بس كرريها تاني انتي ما عارفة انا الليلة مبسوط كيف حتي مروة فرهدت كدا وشكها اتغير ويارب خطوتك في بيتنا تكون مدخل خير علينا. . 

"عاين لي مروة "

-خييير يا اخوي انا متأكدة المهم بكرا ارجع المعمل عشان النتيجة وانتي يا مروة خلي بالك من روحك شديد ونظمي اكلك الضغط عندك مرتفع وكان طلعتي حامل لازم تراجعو دكتور طوالي عليك الله يا مدثر ما تهملو كلامي داوخليها تبطل الملح..