عشان ردمتوني حقو انزل ليكم حلقتين بس 😑
#زنوبيا ..
"اريج عينها على سلوان من برا القزاز "
اريج : امجد من فضلك حدد لي كمية الايسكريم، المفروض تنزل بكرة عشان اسجلها !
امجد : " قبل عليها و ربع يدينو " كمية شنو يا اريج البتتكلمي عنها ! هو انحنا الليله عرفنا نشتغل حاجة ؟ " بي انفعال " تعالي شوفي التلاجة بي عينك ، ياتو يوم بتفضل عندنا الكميه دي في نهايه الدوام ؟؟ لا يا ستي م تحددي لي اي كمية لي يوم بكرة !
محمد : طيب بتكورك في اريج زنبها شنو ؟؟
اريج : سكوتي عنك يا امجد ما عشان انا غالبني ارد لانه دي المرة التانيه ترفع صوتك علي ، انا ساكته عشان اليوم ما ناقص تنشنه و قرف ! انت هنا ما مسئول عني عشان ترفع صوتك علي ، انت هنا زي زيك بالضبط ، و دي اخر مرة اسمح ليك انك تتكلم معاي بالنبرة دي !! مفهوم ؟؟؟
محمد : اريج .. " اخد نفس " معليش !! الساعه 5:42 حالياً بي اعتبارها 6 ، في كبايات و معالق ناقصه بس امجد ما اخد بالو ، و عندي كمان البوكسات شبه انتهت و الموجود 12 متوسط ، المهم انا بسجل الاوردرات اطلعي على سلوان !
امجد : لسه باقي 12 دقيقه ! انا ما عارف انتو مالكم شغالين بي راسكم ؟ انا بقيت ما عارف المحل دا حق منو بالضبطط ! بس اليوم دا و الحصل فيهو ما حيعدي على خير !
اريج : انا ما حا ارد عليك يا امجد على فكرة ! عشان بالجد مصدومة فيك لدرجة بعيده شديد ، و الداير تعملو اعملو مد يدك و ما تقصر .. " عاينت لي محمد " بالنسبه للكبايات و المعالق سلوان رفعت الطلب مسبقاً و كانت مراجعه الناقص ، اللي هو اصلاا امجد م راجع و لا عارف و لا جايب خبر بيهم !
يعني دي نبذه بسيطه عن اهتمامك الرهيب بالشغل الجايط فينا بي سببو و عن سلوان برضو !!
محمد : اريج .. شيلي حاجاتكم و اطلعي و كلمي سلوان تخلي لي نسخه من المفتاح ، عشان حا اجي المحل من 11 ، لانه طلبت صيانه للجهاز و لازم اكون معاهو !
اريج : تمام يا محمد !! م نعدمك يا رب ..
اريج بتقول :
دخلته غيرته و شلت شنطتي و شنطه سلوان ، و تلفون سلوان ، و طلعته ..
لمن لمحته عربية عزو ، رجعت المحل شلته تلفونو من الامنيات و طلعته ، بقيت بتلفت بفتش على سلوان بي عيوني بعد م كنت مترقباها من القزاز فجأة اختفت ، بعد تفتيش لقيتها ماسكة تلفوني في يدها ساي و مقبله على الحيطة و بتبكي !
مسكتها من كتفها فوق و لفتها علي ، و انا بقول ليها : " ما تبكي " لمن ردة فعلها لي كانت حضن و زادت في البكى ، وقتها عرفت قدر شنو هي متألمة و مافي زول حاسس بيها !
كل العملتو بقيت بطبطب عليها و اقول ليها :
" كل شي حيبقى بخير ، استحملي كمان شويه و حتعدي ، انتي قوية و قادرة تتخطي الحاصل دا !
البكى بيريح لكن الواقع حيفضل واقع و اياً كان الحاصل فا هو حصل و انتهى و ما حتقدري تعملي حاجة غير انك تواجهي ، ما غلط انك تنفعلي و تجوطي و تبكي ، طول مافي الم و الالم دا بسبب الم زول تاني يبقى انتي بخير .. معليشش "
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
