شارع ال60

٥١

"اريج كانت واقفة وبتعاين ليهم وهم قريب بالشارع التاني ل زنوبيا"

امجد : واقف جمب الباب بتكلم:
اريج ما تدخلي يعني ما كفاية سلوان الطلعت انتي كمان واقفة تتفرجي والاوردرات والناس داخلة طالعة فينا كفاية الحصل هسي والتوتر ال نحن فيه،
موقفنا بقي بايخ شديد انتو زودتوها اكتر من اللازم وانا مضطر ارفع شكوي..

"اريج بتعاين ليه بإستنكار"

اريج : امجد انت جادي في كلامك دا ،
دي سلوان يا امجد سلوان البتدافع عنكم ما كفاية انها بتحاول تحفظ لينا حقوقنا وتحفزنا باننا ما نكون مجرد شغالين في شغلنا وبس ونبتكر ونطور من افكارنا ونشاركها في زنوبيا،
هسي جاي تطعن فيها بكلام خارم بارم ياخ علي الاقل خت ليها العزر انت ما شايف حالتا كيف؟!!

امجد: المهم انا نبهتك وبس وانتي شايفة اللخبطة الحاصلة وفي اوردرات لسه م اتجهزت بالشي المطلوب واسيادها علي وصول هسي .

اريج : تمام يا امجد كل شي حا يكون زي ما هو واحسن بس هسي سلوان في  ظرف طارئ زي ما انت شفته.
وهي معظم الاوردرات جهزتهم
وعشان ما نكتر كلام خلينا ندخل وانا بنجز الناقص كلو..

___   ___

تسنيم : يا جماعة الوقت قرب حالتي عايزة اوصي عزو يجيب الكيكة وهو لا حس لا خبر لحدي هسي الحمدلله..
تقوى حالتي كنت عايزة اريحك لكن الله كاتب ليك المشية انتي استلميها وتعالي وللوقت داك حضرت اخوك يكون شرف جا..
..

تقوى : سمح  ياست الغاليين ..
عاينت ل ندى الما شغالة بيهم وقالت ليها :

ندي ارح معاي نجيب الكيكة من زنوبيا

ندى : معليش يا تقوى والله مرهقة ولا كنت مشيت معاكي.

زوجة اسامة : انا بمشي يا تقوى قاعدة فاضية وبالمرة اشوف زنوبيا دا وكلامكم عنو وابقي ليهم زبونة زاتي لاني شايفة اسامة المرة الفاتت وقع في الكيك حقهم اكل مع انو ما بحب السكريات ..

تقوى : طيب قومي قومي ارح عشان حاجزين اورد ما نتأخر في المواعيد..

"طلعو طوالي"
__  __

محمد: انتو دا صوت تلفون منو البضرب ياخ عمل لينا لخمة

اريج بتفتش : بري من قبيل سامعة الصوت وبالجوطة ما اشتغلت بيه

"هدا هدا بين التربيزة لتحت واقع "

شالتو مكتوب الطيب ردت:

*الووو

_السلام عليكم معليش علي الازعاج بس ممكن اكلم عزالدين
"الطيب مفتكرها ندى"

*عزالدين منو الت...

قاطعها
—ندي؟!!

*لا ما ندي و...