سمعت كلامها دا و خبطت تلاته خبطات على باب الغرفه !! " كا تنبيه لي وجودي في الغرفه "
__ اتلفتت علي و زحت التلفون من اضانها !!
عزوووو !! " بي خلعه " انت الجابك شنو ؟ ااا قصدي جيت متين ! و بعدين مالك ما خبطت الباب اول قبل تجي داخل كدا ؟؟
** ( وقتها انا كان قعدت في السرير و بطلع الساعه من يدي و بفتح في الادراج ) !
خالتها من برا : ندى انا في الحمام يا بتي انتي ما سامعه صوت الباب دا من قبيل ؟؟
**اهو خالتك ردت ليكي م اظن محتاجة لي ردي في حاجة ! كملي .. كملي كلامك مع صحبتك الخط فاتح !
__ " بي توتر جات قعدت جمبي " الخط !! خط شنو ؟ اا اهااااا كنت بتكلم مع سجى بت خالتي ، و **قاطعتها !
** "اتلفته عليها " بس انا ما سألتك بتتكلمي مع منو ! " تلفونها رن "
__دي تسنيم!
#ملخص_المكالمة :
الوو ايوة يا توته و عليكم السلام حبيبتي !
حمدلله كيفكم انتو ؟
اهاا عيد ميلاد حمودي !! بكرةً؟ و الله حالتي كنت دايرة اتصل ليكي و اقوليكي كلمي تقوى و خلونا بكرة نطلع نتغدا برااا ... اي اي م مشكله !
خلاص بكلم عزو واشوف رأيو شنو ! اي انا ما قلته عزو حيرفض يا تسنيم ااا " بي تمتمه " اااا بس ساي قلت اشوف رأيو شنو دي كل القصه ! اوكي .. سلام !
#بعد_قفلت !
( بي كم دقيقه )
اا دي تسنيم ! اختك !! قالت عيد ميلاد حمودي بكرة و بس ... اممم طيب !!
__ اخت ليك تاكل انت طلعت بدون فطور ؟
** اكلته !
__ اممممم " متوترة " !!
**عايز انوم ! و قبلت منها ضهري!!
بعدها حسيت بيها طلعت و قفلت الباب !!
#الشارع -
اريج : حاسه بيك مخنوقه و ساكته من ما طلعنا من المحل يا سلوان !
سلوان : ضغط اليوم و التوتر تنشن بي ! بالنسبه لي يوم بكرة ما حتاخر عليكي اكتر من ساعه ان شاءالله !
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
