سلوان مكملة ..
كنت مستعده اعيش في الوهم دا بدل الاربعه شهور دي اربعه سنوات و اكتر و لا اني اعرف الحقيقه المُره دي !!
و الخاتم .. ههههه الخاتم " بأشر على يده " !
لو عارف انك حتشوفني ، كان قلعتو صح ؟؟
" ورا كل جملة كنت بقولها ، كانت بتظهر ردة فعل على سهام ، و تأثير الخلعه و عدم الاستيعاب "
عزو : ههههه خلصتي ؟؟؟
سلوان : انت بتحاول توصل لشنو بالبتسوي فيهو دا !!
عزو : سألتك خلصتي ؟
سلوان : ايوا !
عزو : في الحالة دي ما بقدر اقول الا ان ربنا يشفيك ، و تلقي البتفتشي ليهو بعيد عني !! عن ازنك " ابتسم و مسك يد حمودي ، و تكل ضهرو في عربية سودا و ماسك تلفونو بي يدو التانيه "
سهام " مشتته نظرها جات مسكتني من يدي " !
سلوان ! فيك شي اتي ؟؟ كويسه ؟؟ و دا منو !
سلوان : دقيقه يا سهام انتظري هنا !
" مشيت عليهو ، و هو خاتي التلفون في اضانو و مقبال شمالو و انا جايه في وشو "
سلوان : عارف ! سكوتي عن اهانتك لي ما عجز مني ! لان الكلام ما بيغلبني و لا الاهانه والكلام الشين صعب ، بالعكس .. اسهل منو مافي ، سكوتي لسببين الاول : الكلام الانت شايفو تافهه دا ، بيسوى عندي كتير و هو سبب سكوتي ! لاني بفتش عن الحقيقه !
والتاني : العلاقات اخلاق ، م معنى الحصل بينا يبقى في الحالة دي انا اعتبرك عدوي و اتواقح معاك !!
عزو " نزل التلفون من اضانو "
خايف اسألك من اسمك الحقيقي اذا كان سلوى و لا سلوان تفتكريني ببالغ !
فا هل تفتكري في الحاله دي حا اكون مركز في اخلاق و علاقات و عداوة ؟ ولا الكلام الكنتي بتقولي فيهو هناك دا ؟؟؟ فااا .. الاجابه عندك !
سلوان : " ضحكته " !
لا يعني على اساس انك شايف دموعي قدامك شلال عشره عشرة قدامك !!
بس انا لسه مصرة على اني ما ارد ليك الاهانه بالاهانه لاني لو اهنتك دا حيدل على اني معتبراك حاجة ! و كوونك م متزكر انا منو ! فا انا متزكرة تماماً انت منو ! و ما حينقص مني حاجة كون اني اقول متزكراك و العلاقات و الاخلاق و الخ ! دي ما حاجات حتنقص مني حاجة !
لاني اتعودت اواجه اخطائي ! ما اتعودت اتجاهلا و انكرهاا ، انا قويه شديد قوية حتى على نفسى يا عزالدين ... لا اسفه قصدي استاذ عزالدين !
و سلوان ما بتمر مرور الكرام في حياة زول ، لاني محل ما امش بخلي اثر وراي ..
و بالنسبه للعربي الصرفتو فيك دا .. لقيت اجابتو .. و شكراااا ! .. باي
"اديتو ضهري و قبلت على سهام "
عزو :
لسه بترمي كلامك و بتمشي ! طيب زي ما سمعتك للاخر ، يبقى من الذوق تقيفي و تنتظري الرد على كلامك القلتيهو !!
سلوان :
كفايه انك مُتزكر تصرفاتي البتناقض كلامك المن شويه ، اذا كان اسمي سلوى و لا سلوان ههه !!
عزو :
بعيد عن التناقض !
انتي بطلتي تعني لي حاجة !
سلوان :
اخر همي والله يا عزالدين ! فاا اقنع بيها نفسك انت !! و فعلياً م كنت متمنيه اتكلم معاك بي النبرة دي .. لانك ما عدوي و لا داخله معاك في تحدي ، و زي ما جبت لي الضيق و القهر و الوجع في يوم ! كمان جبت لي الضحك و الفرح و السعادة في ايام !!
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
