"مدثر فتح الباب و ( ظاهرة عليعو ملامح الصدمة )
...
*السلام عليكم
"للحظة اتردد وهو بعاين لمدثر بإستغراب من دقنو المالي وشو و ملامحو الكبرت فجأة "
-وعليكم السلام
"إبراهيم"؟!!
*مدثر !! في شنو يازول ! في حاجة ؟ مم مروة وين ( و هو بعاين بي ورا مدثر جوا البيت ! )
"ما مطمن بخلعة قالا"
_ انت جيت صدفه ! و لا في كلام وصلك ؟
لانه غريبه جيتك في الوقت دا بالذات ! انا اسف ما قصدي حاجة بس مستغرب !!
*كلام شنو قصدك الوصلني !
في شنو يا مدثر حرقت روحي !! حاصل شنو ؟؟
__ ( مسك راسه بي يديهو ) مروة !
مروة يا ابراهيم ! مروة فاتت .. مروة ماتت !
"ابراهيم قعد في الارض وخته يديه في راسو وبستغفر"
لا حول ولا قوة الا بالله
لا اله الا الله لا اله الا الله..
"قام مسك مدثر ولحظة زمن كانو ساكتين"
"ملاحظة"
"إبراهيم الاخ الكبير لمروة ولما مدثر مشي بسأل عنهم لقي السيل شال بيتهم و رحلو قرية اسمها داؤود ..
قبل الكلام دا كلو كان بتتزكرو مروة مرة زارتها صاحبتها وبت اهلها وبعد مدثر جاب ليها الطلبات ومشي ...
نرجع للحصل شوية
"طق طق الباب بدق"
*دي اكيد مني جات "لبست توب الهزاز وطلعت علي الباب فتحتو"
هيي مني "اتسالمن" الله يسلمك الله يخليك والله اشتقت ليك يا مني ادخلي ادخلي ..
—مروة يا حليلك والله وكيف انتي هسي ومدثر كيفو؟!!
*الحمدلله كويسيين مدثر في الشغل يابت طلعي ساي النمش اجيب ليك قميص عشان تكوني مرتاحة والفطور زاتو جاهز اتلقي جيعانة ..
—خلي انا بخش اختو البيت بيتي ما بتضيف والله..
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
