نصف عاهرة بين مخالب طاغية الكاتبة منال منولة باللهجة الجزائرية

العاصفة على الابواب 2

اسمعوا الاغنية مع الاحداث تهبل .. وتعبر بزاف على حالة سيدرا وايراد 

تتمة للاحداث السابقة

اسيل ( بقات تشوف في سيدرا كي حبست وبقات متوترة شوي .. تقدمت منها وقعدت بحذاها ) شوفي سيدرا نعرف انك درتي اكسيدون وراكي تقولي لوكان راني حامل كان الحمل طاح بصح انا عندي شك ولو صغير ساعفيني

سيدرا (مسحت على وجها بحذرورجعت تشوف مع اسيل ) قصدي ب ماشقاش ندير التاست هو اني صح حامل

اسيل ( سكتت شوي .. وبقات تشو ف مع سيدرا بعدها ناضت وهبطت لمستوى سيدرا وحكمتلها يديها للزوج ) يعني راكي حامل صح

سيدرا (عينيها لمعو وعملتلها براسها هيه )ايه اسيل

اسيل ( ضحكت وناضت ومسحت على شعرها وحست بوحد السخانة جامي حست بيها .. لحظات ردت دارت ل سيدرا ) كيفاه عرفتي

سيدرا خذات نفس طويل .. ورجعت بذاكرتها لليوم هذاك... الى واجهت فيه الموت هي وايراد .. اليوم الى عرفت انها تحبه وتفنى عليه وماشي هي برك الى تكن ليه هاذي المشاعر العميقة .. لاايراد هو الاخر رجل شهم وشجاع ..

رفض يمشي ويخليها ماشي لانها مرته ولازم عليه يسلكها كواجب انساني .. لالا لانه هوما للزوج كمله بعض ..اثروا على حياة بعض .. بمشاكلهم واختلافاتهم الى ماتخلاصش ولكن هاذي عمرها لا كانت نقطة سلبية بالعكس .. خلاتهم مرتبطين ببعض وانه زواجهم لا يعني علاقةحميمة ونقطة

بالعكس .. علاقتهم مميزة بزاف .. رغم السلبيات كللها قدرو يخرجو اشياء ايجابية .. رغم البكا والعياط والتسرع نتاع ايراد ولكن خرج شخص عنده قلب من ذهب وروح طاهرة بالرغم من الظاهر البارد والقاسي

الا يقو ل في كتابه العزيز على لسان رسوله الكريم .. بعد بسم الله الرحمن الرحيم" إنَّ الله لا ينظر إلى صوركم، ولا إلى أموالكم، ولكن ينظر إلى قلوبكم وأعمالكم " .. يعني سبحانه وتعالى حب ايراد بالرغم من ذنوبه ومعاصيه وقرر يبعثله شكون يصلحه وشكون يجره للطريق السليم حتى تصلح الصورة والاعمال في نفس الوقت وهي رح تشوف لقلبه برك هذا الى يهم لانها ماهيش في موقع لحتى تدين او تنتقد أي شخص مهما كانت الظروف

*** فلاش باك قصير ***

تحل الباب تاع الهليكوبتر والمسعفين هبطوا النقالة .. قابلوهم مسعفيين تانيين وحملو سيدرا بالغطا الى كانت فيه حطوها في نقالة اخرى ..ثبتولها دعامة للرقبة بينما طبيب كان حامل جهاز اشعة طابلات وراح يحط فيه على صدرها ممبعد هبط على رقبتها وطلع لراسها يشوف اي اصابات ويشوف فالمممرضة وهي تسجل لحتى يربحو لوقت .. كان الكل على اعصابهم .. ماشي قادرين يتحملو اكثر

الطبيب ( شاف فالممرضة ) خذي عينة دم واسبقيني الى المختبر

الممرضة ( تلفت للمساعدات الى كانو تما ..مدولها حقنة صارت تحوس على العرق حتى لقاته .. حطت الابرة وسحبت كمية معتبرة من الد م لحتى تدير التحليلات)حسنا حضرة الطبيب انا انتظرك في غرفة العمليات