نصف عاهرة بين مخالب طاغية الكاتبة منال منولة باللهجة الجزائرية

اينما اولى وجهي اجدك امامي

تتمة للاحداث السابقة

البشير ( حكم الابرة كرفط على ذراعو ورح يدقها ومركز )

فرات ( فالوقت هذاك وقف للحظة وفكر وش راه يعمل هو .. معقول رح يتجاهل ضميرو لحتى يرضى غيرو .. معقول رح يصير قاتل ..فرات الى الكل كان يقولو رح تصير محامي رح يزهق روح .. هاذي لايرضاها لادين ولا بشر .. يعني ليسلك روحو رح يتورط فالوسخ يعني لايهرب من الحبس الى هو مشى ليه برجليه وورط روحو فيه رح يحاول انو ينفذ المهمة القذرة هاذي حس بالسخانة في راسو وقف من بلاصتو وضرب الابرة من يد البشير رماها على الارض وين طاحت وتكسرت) لاااا

البشير ( استغرب من ردة فعلووبقى يشوف فيه وعينيها محلولين على وسعهم وبينما هو كذلك ساله  )وش بيك ياولدي

فرات ( حس الدوخة لعبت بيه حط يدو على راسو ) انا .. انا

البشير ( استغرب بزاف من ردة الفعل هاذيك ) موجوع ياولدي وش بيك حاطط يديك على راسك

فرات ( زفروصار يخرج فالنفس بصعوبة كبيرة ) انت كنت رح تحقنها بطريقة ماشي صح وزيد هاذي انسولين مركب .. خلي حت تجي الممرضة تاعك احسن

البشير ( طلع حاجبو وهو اصلا يدو كانت ترجف ) اي والله اليوم راحت خلاتني هكاك .. بصح ضرك نشوف طبيب من العيادة وصاي

فرات ( دور راسو فالبلاصة وصار يتمتم اكيد في كاميرات لهنا اكيد.. غبي فرات بقى يهمس لروحو بالكلمات هاذي ممبعد قرر انو ينسحب ) انا نخليك ترتاح ضرك

البشير ( بقى يشوف معاه في ملامح وجهو ) ابقى العب معاياا بارطي شطرنج .. بارطي دومينو

فرات ( حس بالعرق يصبب معاه ) لا خليها مرة اخرى .. اكيد ماهيش المرة التالية الى نجي فيها لهنا

البشير ( حكم يد فرات وصافحها ) ماتقلقش روحك رح نلقالك بلاصة تليق بيك

فرات ( حس بقشعريرة تسرى في جسموك لو ) ان شاء الله .. تبقى بخير

تمشى فرات وهو يرجف .. للحظة كان رايح يعملها ويورط روحو في معمعة عويص الخروج منها .. حط يدو على البواني ولكن جاتو ذكرى وهو صغير للحظة شاف فلاش باك وسمع صوت هذاك مرة اخرى " فرات هات يدك "

فرات ( يمسح في عينيه من الدموع ) ايراد

فرات حس بوجع فضيع وخصوصا كي ركز على اللحظة ذيك مرة وزوج .. تكا على الباب وفتحو بالعقل وخرج وهو يرد فالنفس بالعقل .. ويحاول يهدي في روحو لحتى تخرج صور الاشعة ويعرف اذا كان كاين مشكل ولا يمشي يحجز مكان في مستشفى المهابيل

وبينما هو خارج .. جازية كانت راجعة مع ويسام من درس اليوغا ..ويحكو اول مالمحت فرات وهو ماهوش بشخص الى مايلفتش الانتباه . بقات تشوف مع معاه وهو يتوغل خارج الجنينة .. حطت يدها على جبهتها وباقية دقق معاه