نصف عاهرة بين مخالب طاغية الكاتبة منال منولة باللهجة الجزائرية

طريق مختصر للخروج من محنتي

تتمة للاحداث السابقة

ايراد ( رفع حاجبه .. مستهجن نظرية ازر وفي نفس الوقت يفكر فيها .. كل الاحتمالات واردة ) شكون مثلا يكون خطفها

ازر ( هز كتافه ) جماعتنا القديمة .. وماشي مجرد نظرية حاسس انه هوما ورى هذا الشيء بصح بدلوا فالاسلوب برك

ايراد ( عاود رجع الصور ل ازر بعدها حط يديه في جيابه وسرح شوي ) ليكون مفكرين يسلكوا الكس بهاذي الطريقة يعني يسرقو ايتن وبعدها يطلبو مني تبادل

ازر ( مسح على لحيته ) هذا اقتراح وارد بزاف

ايراد ( فوت لسانه على شفافه وقال بسخرية .. فالحقيقة كان يسخر من غباء المختطفين ) حاسبين رح نهتم ب ايتن .. ذاك التخمام بصح الى مايعرفوهش اني نزيدهم دراهم لانهم خلصوني منها ومن مشاكلها

ازر ( ضحك بسخرية ) باين كنت تحبها بزاف

ايراد ( خذى نفس طويل .. من الاعماق وبعدها قال بنفس النبرة تاع السخرية ) نموت عليها .. تصدق اني من وقت شفتها وانا طاير بالفرحة وراني زعفان بزاف خاطرش تخطفت

يعقوب ( تقدم منهم وحاطط يديه في جيابة )سلام ازر

ازر (مد يده وصافح يعقوب ) اهلين يعقوب

يعقوب ( تلفت ل ايراد وساله ب فضول كبير ) شكون هاذي الى راك زعفان عليها خاطرش تخطفت

ايراد ( تلفت ليعقوب هو الاخر كان يكرها .. صح ما يبينش اما كون مكان تجيه فرصة كان يقصفها بدون مبالات .. وراح يسال فيه ) ماخبروكش واقيلا

يعقوب ( استغرب بزاف ) بواش

ايراد ( عاود رفد الصور من بين يدين ازر ومدهم ل يعقوب ) ماشي خالتك تخطفت وقال جماعتنا القديمة هوما ورى هذا الشيء

يعقوب ( نسف ودوح براسها يمين وشمال ) هذا الى قالك القاعدين يكفيكم شر الجايين .. كنا بمشاكلنا وماشي لاحقين وزادت جات بففف خليهم يقطعوها

ايراد ( زفر بحنق .. ياريته يقدر يدير هذاك الشيء .. ولكن كاين بزاف فرضيات في راسه مثلا علاه سرقو ايتن ومامشاوش يسلكوا الكس ديراكت .. الاستهتار قادر يادي ل بزاف امور وهو ماشي من هذا النوع .. هو صح انسان حريص ويمد لكل شخص حسابه ) ياريت نقدر ندير هكا .. بصح تقدر توحشت الاكشن والدم امممم تشويق

فرات ( تقدم منهم وراح يسالهم فيهم ) سمعت خطف وسلاح

يعقوب ( حط يده على كتفه ) سمعت مليح

فرات ( فرك يديه ببعض وعمل فحيح كيف تاع الافعى الى شافت فريسة شهية امامها وماقدرتش تقاومها ) وقتاه نمشو ضرك

ايراد ( شاف في فرات من لفوق لتحت .. حب شوي يحقره وزيد لوين يمشي اذا كانوا ماشي عارفين مكانها لحد الان ) رح تبقى لهنا تتحرك بالمقص ..