نصف عاهرة بين مخالب طاغية الكاتبة منال منولة باللهجة الجزائرية

جبروت

صوتوا على الحلقات وخلولي ارائكم 

راه باطل ماشي بالدراهم 

تتمة للإحداث السابقة

ايراد ( حمل البريكي وشعل السيجار ممبعد جبد منه ونسف لفوق ليقول بنبرة برود ) انا قاتل والى يقتل مرة يقتل زوج سيدرا

سيدرا ( قلبها صار يخبط .. تقول ماشي ايراد الى راه قدامها .. تقول انسان اخر ) وش قصدك ايراد..

ايراد ( تلفت ل سيدرا وشاف في عينيها مباشرة وقال بنبرة واثقة ) انا قاتل وقتلت من قبل وهاذي انا وهاذي شخصيتي ما تحاوليش تبدليني لاني رح نزعفك وبزاف تاني

سيدرا (حطت يدها على كرشها وناضت ) مانيش نطلب منك تتبدل .. اما في شيء اسمه عفو وسماح واذا جينا لموضوع التغيير ف انت راه جايك 3 اولاد خصك تتبدل على جالهم يا سيدي ااذا مكانش علاجالي

ايراد ( طفى السيجار فالسندرية ممبعد تلفت و قرب ليه ورفع صباعه وشر على كرشها المدورة وبنبرة مليئة بالسخط والغضب صار يحكي ) الاولاد هاذوا كانوا قادرين يموتوا هذاك النهار واذا انا ماقتلتش كلب واحد نبح فينا رح يكثروا الكلاب حوالينا وانا مانحبش هذا الشيء

سيدرا ( هزت رأسها يمين وشمال وتبسمت ) يعني ضرك اي واحد يغلط نمشوا نقتلوه هكا .. مالا هكا مارحش تولي انسان .. انت غادي تتحول لوحش كاسر والرحمة غادي تغيب من قلبك ايراد

ايراد ( حط يديه في خصره .. وبقى يشوف معاها بنظرات ثاقبة .. هو كان مطول باله عليها لابعد حد ولكن النقاش هذا لازمه ينتهى وهو مايحبهاش وقت تدخل في اموره الشخصية ) الدنيا الى رانا عايشين فيها تطلب من الانسان يكون هكا .. وزيد واش بيك تحكي بالمشاعر نرمالمون كون انتي طلبت حقك وحق ولادك الى قريب ما يضيعوا .. لالا جاية دافعي عليهم مالا خليني نقلك ما عنديش وقت للشكيل هذا .. ارجعي ترقدي ولا توحمي كيما البنات كامل

سيدرا ( بقات تشوف معاه .. كان قاسي وفي نفس الوقت غالق كامل الابواب للنقاش وهذا الى قلقها وخلا نبرة صوتها تعلى شوي والمرارة تسيطر عليها ) لمرة وحدة في حياتك ديني على محمل الجد وبطل عقلية تتجاهلني ايراد .. انا انسانة وعندي شخصية ماشي جاجة حاملة البيض تاعك ويجي نهار وتحطه والزواج نقاش واخذ وعطى وانت تحب تدي برك وتحب ديما تفرض رايك حتى لوكان غلط واش فيها لوكان تسمعلي مرة وحدة