نصف عاهرة بين مخالب طاغية الكاتبة منال منولة باللهجة الجزائرية

اين المفر منك ايها القدر

تتمة للاحداث السابقة

سيدرا هبطت من فوق خصرو .. وتربعت فوق الفراش بحذاه تشوف في ملامحه لجدية والى تبدلت وكان باين يكون يخص كاش امر في الخدمة نتعه .. بصح وش هو .. مكانش يعيط ولا منارفي وهذا الشئ الى طمنها على الاقل يعني ..

ايراد ( تلفت ليها وحكم خصلة من شعرها وبقى يدور فيه على صبعو ومزاله يحكي ) وش دخلوا يديرو للمختبر

ادم ( كان مقابل 3 مراهقين صغار ورابطهم بعدما لقاهم يسرقوا من المختبر وعمل استجواب معاهم ) نظن واحد منهم باباه يخدم لهنا وراه مريض وولده الساجي قالك نمشى ونسرق حسب بلي نخزنوا السلعة لهنا

ايراد ( غمض عينيه وحلهم وزفر ووقف من بلاصتو هاذيك ) شكون هو

ادم . ماريو دي كوستا

ايراد ( تفكر شكون هو .. وتفكر مليح انو لقاه يبيع فالسلعة في وحد الكارطيات والتركيبة الكل هابل عليها ..دخل يدو وسط شعرو وبقى يفرق فيه ) اعطيهم طريحة الكلاب وبعدها وصلهم لحد الدار ودي في طريقك طبيب يشوف حالته

ادم ( تلفت ليهم وهوما كي الفلاليس يترعدوا ) اوكي Boss .. تشاو

ايراد ( كوبا ورمى الفون على جيه ومد يدو يشوف فيها والى كانت تتحسنن يوم على يوم ممبعد تلفت ليها لقاها جبدت الدوال حتى تمدلو منه ) صاي نظن ريحت ماعندي ماندير بالدوا

سيدرا ( رمشت بشفارها تشوف معاه ) انا الطبيبة لهنا ايراد المالكي .. وانا نعرف وقتاه نحبس وقتاه لازم تشرب

ايراد ( قرب منها وهبط عليها وسرق منها بوسة من شفافهاا المتكنزين وبعد عليها ورفد يدو وضربها للداريار نتعها .. يعجبه الحال كي تولي كي الهلام ) خلي ليلة هاذي تفوت على خير

سيدرا ( فوتت لسانها على شفتها ) صحا مالا خليني نروح نسهر مع البنات

ايراد ( ببرود وخر عليها وبصوت رجولي ) روحي

سيدرا ( ضيقت عينيها تشوف معاه وكانو الاجابة ماشي عاجبتها ) راك واثق من الاجابة ايراد المالكي .. جرب تتصل بصديق ولا الجمهور

ايراد ترسمت ابتسامة صغيرة على تراتيل الوجه نتعه .. والجليد فجاة اختفى كمل يمشى للدريسنغ .. وقت دخل الاضواء شعلت وكمل يشوف وش رح يدي ويحطو على جيه لحتى الخادمات يحطوه فالفاليز .. بالصدفة شاف االفاليز تاع سيدرا حكمه الفضول طلع الغطا وبقى يجبد ويشوف فالحوايج وقت شاف غوب قصيرة فالاكحل ومعاها فاست وبوني بنفس لون عرفها رح تخرج بيهم لبرى ..

ايراد ( رمى لاغوب وزفر النفس من نيفو وعيط ) سيدرا ايراد المالكي

سيدرا ( وقت سمعاتو عرفت انو كاين مصيبة .. بعدما كانت رايحة تخرج رجعت رايحة للدريسنغ وقفت عند الباب ) راكي تعيطلي