نصف عاهرة بين مخالب طاغية الكاتبة منال منولة باللهجة الجزائرية

مابنى على باطل هو باطل

تتمة للاحداث السابقة

ايرا د ( كمل يحكي بنبرة كلها مرارة .. سخط .. وكلماته الى كانت تخرج من ثغره مكانتش رح تعبر على ربع الى حاسس بيه ) معقول هذا الشئ .. مع اني شت وعشت فالدنيا هاذي بصح يخرج الشر هذا منك نتي بالذات

جازية ( ضحكت بسخرية وبتعالي ) ايه ياسي ايراد .. وهذا القليل برك مزال ماتشوف حتى حاجة من الى راني نبلاني فيه ليكم

ايراد ( هو الاخر ضحك بصوت صاخب .. صوت مقهور من الخيانة هاذي .. وجسمه يرجف من الغضب ) كليتي معانا وشربتي معانا .. وسام كانت تعيطلك ماما .. واش نتي ماعندكش ضمير .. ماعندكش قلب .. كي جيتي تعملي هكا ضميرك ما انبكش ولو شوي

جازية ( دوحت براسها وهي تشوف فالمرايا وعملت فايس دوك ) اووو ايراد راه مقهور .. بصراحة هكا ومن الاخير عمري لا اهتميت بيكم .. ولا حتى حسبتلكم حساب .. هدفي وقت دخلت للقصر كان واضح هو اني نقضي عليكم

ايراد ( فوت لسانه على شفافه .. وهو يسمع في ذيك الهدرة عينيه كان حمر .. ورح يخرجو من مكانهم ويده كان مزير عليها وعروقها قريب يطرطقو ) هدف تافه كيفك .. هدف خسيس كيف مولاته .. الى دخلت ناس ابرياء في مشاكل قدم ماعندهم حتى ذنب فيها .. بكري كنت نشوفك فاهمة قارية مع انك تزوجتي بواحد قد جدك ..

جازية ( هزت كتافها وتجاهلت هدرة ايراد كلها ) ذنبكم انكم احفاده .. ذنبكم انكم عشتوا طفولة عادية في وقت انا كنت نتعذب .. ويعني ماشي من الاصول نتعذب لوحدي .. كان لازم نذوقكم من الكاس الى شربت منه ولو شوي

ايراد ( مسح على لحيته .. كان عارف اجابتها ..مستفزة وخسيسة كيفها .. زير على سنانه ) الحرب بدات .. ورح تندمي بزاف .. رح تندمي ورح تبوسي تراب رجليا لحتى نرحمك

جازية ( طرطقت بالضحك ) سمعت بالمثل الى يقول .. اعلى ما خيلك اركب عليه .. مالا دير وش عندك .. مانيش خايفة منك بالعكس .. ايراد انت انسان ضعيف ومتسرع ..

ايراد ( ضيق عينيه .. حس انها بدات في دور الطبيبة النفسية ولكن هو ضرك ماهوش مريض .. يعني لعبتها مارح تستفاد منها ولا شئ راهي تضيع كان في وقتها ) النصائح النفسية تاعك خليهم لروحك .. كانوا رح ينفعوك بزاف

جازية ( حطت شعرها على جيه ) لا هاذي الحقيقة ايراد انت انسان متسرع ويتحكمو فيك لمشاعر بزاف .. ولو كنت في بلاصتك كنت درت تاكتيك فالسر.. ماشي نعيط للعدو نتاعي ونعاتبه .. انت ضرك مديتلي سلاح ومارحش نتردد اني نستعمله

ايراد ( رفع حاجب وهبط لاخر .. كان رح يعطيها فرصة ولكن هي ماتستاهلهاش ابدا ) كنت رح نمدلك اخر فرصة .. بصح نتي تستاهلي الموت وانتي الى جنيتي على روحك

جازية ( تنهدت ) اخ ايراد .. بصراحة شعال تمنيت لوكان كنت جيت تخمم كانت الامور عمرها لا توصل لهكا .. واستنى مني الى عمرك لا شته ..