نصف عاهرة بين مخالب طاغية الكاتبة منال منولة باللهجة الجزائرية

الكرة صارت في ملعبي وساضع قوانيني

تتتمة للاحداث السابقة

دموع سيدرا ماقدرش يفسرهم .. وفي نفس الوقت مقدرش يسمح لنفسه انه يفكر في هذاك لاحتمال .. وخر الانظار نتاعه من على سيدرا لوسام الى كانو واقفين ينحولها في هاذيك الاجهزة الطبيبة بدات الحالة تتعقد كثر والفكرة هاذيك ماقدرش يمنعها من انها تسيطر عليها .. فكرة انهم صاي خسروها دور الانظار نتاعه مرة اخرى لطبيبة الى كانت تنحي فالقفاز وتحكي مع الممرضة .. تقدم منها بخطوات سريعة ونظرات قوية ماشي فاهم ويحاول مايتهورش

ايراد ( حط يديه في جنابه وبنبرة قوية وجدية ) مالذي حصل

الطبيبة ( مدت الطابلات للممرضة ورجعت تشوف مع ايراد ) المريضة افاقت من الغيبوبة مبارك لكم

ايراد ( سرط ريقه ومسح على شعره ماحس غير بيدين سيدرا .. تلفت ليها وتبسم والاسنان البيضاء العاجية ظهرت ) سمعتيها

سيدرا (ماقدرتش تكبح دموعها .. مسحتله على لحيته ) اممم مبروك ياروحي ..

ايراد ( حط يديه على كتاف سيدرا وجبدها وطبع بوسة على جبهتها ) واخيرا واخيرا فاقت

سيدرا ( تلفت حتى لقات الممرضات كملو ينحوا فالاجهزة على وسام تقريبا ورايحين ينقلوها .. بينما هي تتحرك وكانها تستعيد في وعيها ببطئ ) شوف شكون ناض وحل عينيه

الطبيبة ( قربت منها وبقات تشوف فالبؤبؤ تاع عينيها ) وسام هل يمكنك تحريك رجلك من اجلى هيا

وسام ( سرطت ريقها وظغطت على روحها وبقات تحرك في رجليها خذات وقت صغير ولكن فالاخير قدرت ) هكذا

الطبيبة ( شافت في ايراد وسيدرا ) حسنا هي بخير والآن عن اذنكما

ايراد ( تلفت ليها ..تفكر نهار زادت كانت هكا بطيئة الحركة وشعال باه عملت رد فعل .. وخر على سيدرا وتمشى من اتجاها وهبط عليها وحكملها يدها وطبع بوسة عليها ويده الاخرى على شعرها ) وسام وش راكي تحسي

وسام ( فوت لسانها على شفتها وبقات دور ف راسها يمين وشمال ) وين راني

ايراد ( كمل يمسحلها على شعرها ويشوف في عينيها الزرق المليانين دموع ) راكي فالكلينيك .. وضرك قوليلي وش تحسي في روحك راكي موجوعة ولا حاجة

وسام ( تلفت لسيدرا واسيل الى كانو واقفين جنب بعض ويتبسمو ) عطشانة برك .. راني عطشانة وحاسة ريقي ناشف

سيدرا ( تقدمت وحكمت القرعة تاع الماء وفرغت منها .. عدلت الباي على طرف الكاس وقربت كثر ليها ظغطت على زر السرير الى بقى يياخذ في وضعية اخرى لحتى تكون مرتاحة و تشربها بلة ماء) هاكي اشربي

ايراد ( حكم الكاس على سيدرا .. كان حابب هو يتولى هاذي المهمة بنفسه .. بصوت رجولي صار يحكي ) هاتي خلي انا نشربها