نصف عاهرة بين مخالب طاغية الكاتبة منال منولة باللهجة الجزائرية

نور يغزو ظلمة حياتي

تتمة للاحداث السابقة

سيدرا ( للحظة حست روحها مافهمتش وعد مليح .. ابتسامة ترسمت على شفافها ) وش قصدك معاه يعني .. راكم تحكو مع بعض ولا كيفاش

وعد ( عملت براسها لالا .. وكانه سيدرا راهي مقابلتها ) لا سيدرا .. انا وفرات نحبو بعض .. بصح قبل اي حاجة نحبك تعرفي مليح اني نحبك وانتي اختي الى الدنيا مدتهالي وعمري لا رح نضرك ولا بالعكس كون نلقى نعطيك غير المليحة

سيدرا صمت كبير سيطر عليها .. ماقدرتش تحكي .. ماشي بسبب انه فرات واختها راهم مع بعض .. ولا بسبب انها تحس بالخيانة ولكن كانه حاجة حبستها ماعرفتش وش هي

وعد ( كملت تحكي من بين دموعها .. وصمت سيدرا كان يعذب فيها ) احكي سيدرا قولي اي حاجة .. مانحبش انك تسكتي

سيدرا غمضت عينيها وتفكرت الايام الزينة .. وسهرات الضحك ولعب .. خرجاتهم مع بعض وعشرتهم الى ماشي اعجاب وهمي ومؤقت رح يقطعها .. ولا يخليها تبعد على اختها الى سنين وهي معاها فالحلوة والمرة .. شادين في يد بعض ..مجرد التفكير خلى دموعها طيح ..

وعد هي الى رغم كامل وش صرى كانت ديما واقفة معاها .. رغم تمردها وطولة لسانها تغفرلها .. وعد توام روحها الى تنحي من عندها وتمدلها وجامي تبخل عليها وزيد هي تحب ايراد مالا علاش راهي مقلقة هكا .. يمكن لانه فرات ماشي الشخص المناسب ليها .. وهو انسان سافل قريب مايدمرلها حياتها ولكن وعد تحبه وتبان فرحانة معاه ..رح تكون انانية لوكان تفسدلها فرحتها .. رح تكون تعمل في اكبر غلط الى جانب صاي هي وايراد حطه النقاط على الحروف .. هي تحبه وهو يحبها .. يوثق فيها

وعد ( صارت ترجف وتبكي .. حست روحها عملت مصيبة .. مسحت على شعرها تحاول تلقى افكار تلقى كلمات مناسبة ) سيدرا ربي يخليك ماتبقايش ساكتة هكا .. رح نموت اهئ اهئ

سيدرا ( خذات نفس طويل ) وعد

وعد ( في ذيك لحظة كانت مستعدة تتخلى على كلشي الا انه سيدرا تعاديها وتكرها ) سيدرا احكي ولكان تحبي اني نقطع علاقتي بفرات رح نعملها .. المهم ما

سيدرا ( حلت عينيها وتبسمت ) وعلاه راكي تبكي .. كي درتيها راكي تتاسفي

وعد ( مالقات ماتقول .. تصدمت وثارت اكثر واكثر .. وحست بدوخة حتى انها ماقدرتش توقف ) انا انا

سيدرا ( رمشت بشفارها مرات .. ممبعد ناضت تلم فالاوراق من على الارض ) كنت متمنية تحكيلي انا الاولى بعلاقتك مع السي الشباب وتححكيلي كيفاه عرفتي انك تحبيه وكيفاه اعترفلك اما للاسف

وعد ( مسحت دموعها مستغربة ) نتي الاولى الى راني نقلك تعرفي اني ماعندي صحابات ماحتى حاجة .. وزيد خفت انك تزعفي

سيدرا ( حطت دوسي فوق الطابل دو نوىي وبعنيها تحوس وين تخبيه على ايراد .. ) علاه نزعف .. انا عمري ماحبيت فرات .. وعمري ماحبيت فالدنيا كامل حتى نهار تلاقيت ب ايراد تما عرفت انو الى فات كانت سحابة عابرة برك .. وهو المالكي هو عشق العمر