نصف عاهرة بين مخالب طاغية الكاتبة منال منولة باللهجة الجزائرية

الحضيض

مساء الخير 

حلقاتنا لليوم .. صوتوا للحلقات وخلولي ارائكم لتحت 

النجمة النجمة الى لفوق كليكو عليها ما تعض ما تاكل 

تتمة للأحداث السابقة

فرات وقت سمعها تلفت ليها لحتى يطلب منها تسكت وفي تلك الاثناء وبالصدفة لمح البنات واقفين عند باب القصر ويشوفوا معاهم بنظرات غريبة .. وتما صار قلبه يخبط بقوة تقول رح يخرج من بين ضلوعه .. والسؤال الى جا علاباله ديراكت .. من وقتاه وهوما واقفين لهنا .. وزعما سمعوا ظافر وهو يحكي على موضوع الفيديوهات

ليشتت انتباهه خروج سيدرا من وسطهم ونزولها للساحة بينما يدها على كرشها المدورة .. بحيث تقدمت منهم بخطوات سريعة وعلامات الصدمة على وجها

_وش بيكم هبلتوا .. تدابزوا كيما الذراري الصغار شوفوا حالتكم

فرات ( في هاذيك اللحظة تلفت وتقدم من فضيلة وشدها من يدها وجرها ) كلشي بسباب المدام هاذي .. الى راهي لاعبتها مراهقة

فضيلة ( صارت توخر في يد فرات الى كانت مزيرة على يدها والى كانت تنطحن بين يده القوية والكبيرة ) فرات اطلقني

فرات ( حل باب الطموبيل ودفعها الداخل وعيط عليها ) رح تبقاي لهنا

ظافر ( شد فرات من كتافه وجبده بقوة لور ممبعد رفع صباعه في وجهه ) ما نسمحلكش تعاملها هكا فهمت ولالا

فرات ( مكانش عنده حل اخر .. حط يده في حزامه وجبد الكابوس وبدون ما يتردد وجهه ل ظافر ) عاملتك بالحسنى قلت رح يفهم بصح ما بقى عندي غير الحل هذا

وعد ( وقت لمحت الكابوس هبطت تجري لدرجة انها قريب تطيح .. ولكن سرعان ما استعادت توازنها وتقدمت منه ) فرات هبط السلاح وش راك دير

فرات ( بقى مزير على سنانه والغضب عاميله عينيه وقاعد يحرض فيه على انه ينهي حسابه مع ظافر ضربة وحدة) ما دخليش روحك انتي .. هاذي بيني وبين ظافر

ظافر ( رفع يديه لفوق وبقى يحكي بنبرة هادئة ) حط الكابوس فرات .. انا مانيش عدوك وزيد كيما اراك تشوف مرت خوك حامل راهي وراك ومرتك راهي واقفة وترجف من خوفها عليك