ယဉ်အေးရဲ့ ခေါင်းညိမ့်လက်ခံတာတောင် မစောင့်တော့ဘဲ ကုတင်ပေါ်တက်ခွေနေပြီ.. ။
တကယ် အဟုတ်ကို ပြန်ပြောင်းလဲပေးဖို့ အရိပ်ယောင်တောင် မပြတော့ ယဉ်အေးမျှော်လင့်ချက်မဲ့ရပြီ.. ။
ဖုန်းကိုဖုန်းလို့မမြင်ဘဲ ဆယ့်ခြောက်သိန်းဆိုတဲ့ ငွေပုံကြီးကိုပဲ မြင်နေမိတဲ့သူက ယဉ်အေး..
ယဉ်အေးကသာ တစ်ယောက်ထဲ အပူမိနေတာ ကိုရှင်လေးကဖြင့် အေးအေးလူလူ.. ကိုရှင်လေးပဲ ကောင်းတယ် ။
ယဉ်အေးဖုန်းပြန်ယူပြီး အောက်ထပ်ပြန်ဆင်းပြီး ယဉ်အေးအပူတွေ ထုတ်အံပြီး ပြုံးပြုံးဆီမျှဝေလည်း ပြုံးပြုံးက အပြုံးတောင်မပျက်ဘူး..
" ခ်ခ်.. မမလေးရယ် ကိုလေးက မမလေးမို့ ဝယ်ပေးတာလေ ယူလိုက်ပေါ့ "
" ပြောတာကသာ လွယ်တာ.. ယဉ်အေးခေါင်းမှာ အလေးပင်ကြီးရွက်ထားရသလိုပဲ လေးပင်နေပြီ တသက်နဲတစ်ကိုယ်ဒီလောက် တန်ဖိုးကြီးတာမကိုင်ခဲ့ရဖူးတော့ ပိုဆိုးတယ် ပြုံးပြုံးရဲ့.. "
" မမလေးနေရာမှာ ပြုံးပြုံးသာဆို ပျော်ပြီးထတောင် ကနေမှာ.. "
" ယဉ်အေးက ထမကနိုင်တာ ဆိုးတယ် ပြုံးပြုံးရယ်.. ကိုရှင်လေးကလေ သိပ်လက်ဖွာတာ သူယဉ်အေးအတွက်ဆိုပြီး ဝယ်ထားတာ သိန်းခုနစ်ဆယ်ကျော် ရှစ်ဆယ်နားကပ်နေလောက်ပြီ "
" တစ်ရာမပြည့်သေးပါဘူး မမလေးရဲ့.. "
" ပြုံးပြုံးနော်.. ဒီစကား ကိုရှင်လေးရှေ့ သွားမပြောနဲ့ တကယ်အဟုတ် တစ်ရာပြည့်အောင် ကြံဖန်မယ့်သူ "
" ခ်ခ်.. "
" ယဉ်အေးဖြင့် ပိုက်ဆံတွေ နှမြောလိုက်တာ.."
" မမလေးရယ် တွေးပူမနေပါနဲ့.. ဖြစ်လာမှတော့ အကောင်းပေါ့ ဖွင့်ကြည့်ပါလား ပြုံးပြုံးလည်း ဘေးကနေကြည့်ချင်လို့ "
" ဟင်.. ယဉ်အေး ဖုန်းလာရင်ပဲကိုင်လိုက်တယ် ဖုန်းနံပါတ်တွေ့ရင်ခေါ်လိုက်တယ် ဒါပဲတတ်တာ ကျန်တာမသိဘူး "
ဒီလောက်လေးတောင် ဝိုင်းကြည်နဲ့အေးကြည်ကြောင့် ယဉ်အေးသိရတာ.. ။
" ဒါများ ပြုံးပြုံးရှိနေတာပဲ.. ပြုံးပြုံး တတ်သလောက် မှတ်သလောက် ပြမယ်လေ "
YOU ARE READING
ခွင့်မရှိ (Unicode)
Romance" မြင်းအုန်းခွံ ၊ ကျွန်ကုလား ၊ မယားတောသူ ဆိုတဲ့စကား မင်းမကြားဖူးဘူးလား.. " " ဟာ မားရာ.. ရှင်လေးက ဒိတ်အောက်တာကြီး မကြိုက်ပါဘူး " . " ဒီမှာ မင်း ဂုဏ်မာန်တက်မနေနဲ့နော်.. မင်းလို ရုပ်ဆိုးကို မားကြောင့်မို့ လက်ခံလိုက်ရတာ " " ယဉ်အေး ကိုယ့်အကြောင်း ကိုယ်သိ...
Part (16)
Start from the beginning
