ခွင့်မရှိ
🌸pann
Part (14)
" မမလေး.. "
" ဟွန် "
" ဇာတ်ကားကလည်း တစ်ခုမှမကောင်းဘူး.. ပျင်းစရာကြီး မမလေးရော မပျင်းဘူးလား "
" အဟွန်း.. ဒီလိုပဲ ကြည့်နေတာပဲ "
" မမလေး မေးလိုက်ရင် ဘူး ဆိုတာကို မလာဘူး.. နည်းနည်းပါးပါး ဖော်လိုလေး လိုက်ပေးဦးပေါ့ "
" အဟင်း.. "
ယဉ်အေးလည်း အခုခေတ်သုံးစကား နည်းနည်းတော့ နားလည်လာပါတယ်.. ။
" မမလေး.. တစ်ခုခု လုပ်ရအောင် "
" ဘာလုပ်ချင်လဲ ဟင်းချက်မလား.. "
" ဟော ကြည့်.. စောနလေးတင်ကမှ နေ့လည်စာ စားထားတာ ဗိုက်ထဲမှာတောင် အစာမချေဖျက်သေးဘူး နောက်ထပ်တစ်နပ်စာ တန်းချက်ချင်သေးပါဘူး.. "
" ဒါဖြင့် ဘာလုပ်မလို့လဲ.. ယဉ်အေးက ဘာမှလုပ်တတ်တာ မရှိဘူးရယ် "
" ဘာမှကိုမပြောရသေးဘူး.. ငြင်းဖို့လမ်းက များလာတယ် "
မျက်နှာလေးမဲ့ကျသွားတဲ့ ပြုံးပြုံးကိုကြည့်ပြီး သဘောကျမိရပြန်သည်.. ။
" ဘာလုပ်ချင်လဲ ပြောကြည့်လေ.. ယဉ်အေး တတ်နိုင်သလောက် ကူညီမှာပါ "
" ပြုံးပြုံးလည်း အဲ့ဒါပဲ စဉ်းစားနေတာ.. ဘာလုပ်ရင် ကောင်းမလဲလို့ ဒီအတိုင်း တော့မထိုင်ချင်ပါဘူး "
လက်ညိုးထောက်ပြီး စဉ်းစားခန်းဝင်နေတဲ့ ပြုံးပြုံးကိုကြည့်ရင်း ယဉ်အေးခေါင်းတဆတ်ဆတ် ငြိမ့်ပြမိသည်.. ။
" စဉ်းစားပါ အေးဆေးစဉ်းစား.. "
" စဉ်းစားရပြီ မမလေး.. "
" အင် ပြောပါဦး ဘာလုပ်ချင်လဲ.. "
" ဟိုလေ မမလေး ဆံပင်ကို ကိုင်လို့ရလား.. "
" အင် ရော့ ကိုင်လေ.. "
ယဉ်အေး ခေါင်းလေးဆောင်းပေးကာ တစ်ချောင်းထဲကျစ်ပြီး ချထားတဲ့ ကျစ်ဆံမြှီးကို ပေးကိုင်ခိုင်းလိုက်သည်.. ။
" ဟာ အဲ့လိုမဟုတ်ဘူးလေ မမလေးရဲ့.. ပြုံးပြုံးပြောတာက မမလေးဆံပင်ကို ပုံစံအမျိုးမျိုးလုပ်ကြည့်မလို့ အာ့ခွင့်ပြုပေးပါလား ပြောတာ.. "
STAI LEGGENDO
ခွင့်မရှိ (Unicode)
Storie d'amore" မြင်းအုန်းခွံ ၊ ကျွန်ကုလား ၊ မယားတောသူ ဆိုတဲ့စကား မင်းမကြားဖူးဘူးလား.. " " ဟာ မားရာ.. ရှင်လေးက ဒိတ်အောက်တာကြီး မကြိုက်ပါဘူး " . " ဒီမှာ မင်း ဂုဏ်မာန်တက်မနေနဲ့နော်.. မင်းလို ရုပ်ဆိုးကို မားကြောင့်မို့ လက်ခံလိုက်ရတာ " " ယဉ်အေး ကိုယ့်အကြောင်း ကိုယ်သိ...