ခွင့်မရှိ
🌸pann
Part (1)
" ကိုထက်ဘုန်းပြည့်ရှင် မင်္ဂလာပါရှင့်.. "
" ဟုတ်ကဲ့ မင်္ဂလာပါ "
" ဒီမင်္ဂလာပွဲမှာ သတို့သားအရံ အနေနဲ့တွေ့ရတယ်နော်.. "
" အော်.. ဟုတ် "
" ကိုယ်တိုင်ရော ဝင်သတို့သား မလုပ်ချင်သေးဘူးလားဟင်.. "
" အာ အဟွန်း.. ကျွန်တော်က ဖြစ်ချင်နေပေမယ့် သတို့သမီး မရှိတာက ခက်နေတယ် "
" သတို့သမီး မရှိတာတော့ မဖြစ်နိုင်ဘူးထင်တယ်.. ကိုဘုန်းထက်ပြည့်ရှင် လိုသတို့သားရဲ့ သတို့သမီး က အရမ်းပေါနေတာကို "
" ဟား..အဟက် အမက နောက်တယ်နော် "
" တကယ်ပြောနေတာပါ.. "
" အဟွန်း.. "
" အိမ်ထောင်ရေး က မီးစိမ်းမပြသေးဘူးဆိုတော့ အချစ်ရေးရော ဘယ်အခြေနေရှိနေလဲဟင်.. ဒါကတော့ ကိုဘုန်းထက်ပြည့်ရှင်ရဲ့ ပရိတ်သတ် တွေ တော်တော် များများ သိချင်ကြတာပါ ဖြေပေးပါဦးနော်.. "
" အချစ်ရေးကလည်း မီးနီ မိနေသေးတာပါဗျ.. "
" အဟွန်း မီးနီ ကနေ မီးစိမ်း မြန်မြန် ပြောင်းပါစေလို့ ဆုတောင်းပေးပါတယ် နော်.. "
" ဟုတ်ကဲ့.. ကျေးဇူးပါ "
မီဒီယာသမားတွေ မေးမြန်းတာဖြေပြီး ပွဲမှာခဏနေကာ သတို့သား သတို့သမီးကို နှုတ်ဆက်လိုက်သည်..
ပွဲမှာကြာကြာမနေချင်.. စိတ်တော်တော်အိုက်နေရတာမို့ ။
" ကိုလေး ရေသောက်မလား.. "
" အေး "
ကားပေါ်ရောက်တာနဲ့ ကျွန်တော့်မန်နေဂျာ ဝေလင်း က အလိုက်တသိနဲ့မေးကာ ရေဘူးလှမ်းပေးတော့ ကျွန်တော်ယူပြီး ရေအဝသောက်လိုက်သည်..
ပြီး တော်တော်ပူအိုက်နေပြီမို့ အပေါ်ရုံ တိုက်ပုံအင်္ကျီကိုချွတ်လိုက်ရသည်.. ။
" ကိုလေး.. ယုယုကို ပေး "
" အင်.. "
တိုက်ပုံကို ကျွန်တော့်ရဲ့စတိုင်လစ် ယုယုမွန်ကို ပေးပြီးတာနဲ့ စတစ်ကော်လံ ရှပ်အင်္ကျီ အဖြူ က ထိပ်ဆုံး စိန်ပွင့်ကြယ်သီးကို ဖြုတ်လိုက်သည်..
YOU ARE READING
ခွင့်မရှိ (Unicode)
Romance" မြင်းအုန်းခွံ ၊ ကျွန်ကုလား ၊ မယားတောသူ ဆိုတဲ့စကား မင်းမကြားဖူးဘူးလား.. " " ဟာ မားရာ.. ရှင်လေးက ဒိတ်အောက်တာကြီး မကြိုက်ပါဘူး " . " ဒီမှာ မင်း ဂုဏ်မာန်တက်မနေနဲ့နော်.. မင်းလို ရုပ်ဆိုးကို မားကြောင့်မို့ လက်ခံလိုက်ရတာ " " ယဉ်အေး ကိုယ့်အကြောင်း ကိုယ်သိ...
