ခွင့်မရှိ
🌸pann
Part (4)
ရှင်လေးက မနေ့တနေ့ကမှ တက်လာတဲ့ အဆိုတော် တစ်ယောက်မဟုတ်.. အသက်ဆယ့်ရှစ်နှစ်ကတည်းက အဆိုတော် ဖြစ်ခဲ့တာ
အခုဆို အနုပညာ သက်တမ်းဆယ်နှစ်တောင်ရှိပြီ.. ဒီနှစ်လောက်နဲ့ဆို ရှင်လေးကို သိတာထက်ကို ပိုသင့်လောက်ပြီ မဟုတ်လား ။
ဒါကို ဘေးကစုဖုရားလတ်က မသိပါဘူးတဲ့လေ.. သီပေါမင်း လေးဘက်ထောက်ခေတ်မှာများ အသက်ရှင်နေလားမသိ
ဒီလောက်တိုးတက်နေတဲ့ခေတ်မှာ ရှင်လေးကို ဘေးကဘွားတော်က မသိပါဘူးတဲ့.. ရုပ်ရှင်ဇာတ်ကားတွေ ဝတ္ထုထဲမှာတွေမှာ မင်းသားက နာမည်ကြီး မင်းသမီးက မသိ.. ရုပ်ရှင်သဘောသဘာဝအရတော့ ကြားရကြည့်ရကောင်းပေမယ့် အခုတော့ ကြားရတာ နားဝင်မချောလှ ။
ရှင်လေးကို မသိဘူးဟေ့ဆိုပြီး ဒီနေရာမှာတင် ဂျွမ်းဆယ်ပတ် ဆယ့်ငါးပတ်လောက် ထိုးလိုက်ရမလား.. ဒါမှမဟုတ် ထပဲခုန်လိုက်ရမလား ရှင်လေးမသိ
သူကပဲခေတ်နောက်ကျနေတာလား.. ကိုယ်ကပဲ ကြိုးစားမှုအင်အား လိုနေတာလားမပြောတတ်တော့ပါ ။
" ဟို ယဉ်အေး မသိဘူးဆိုတာကလေ နာမည်က ကြားဖူးပါတယ် အေးကြည်တို့ ခဏခဏပြောတော့လေ.. "
ထိုင်တောင် ရှစ်ခိုးရတော့မလိုလို..
" လူနဲ့နာမည် နဲ့ တွဲမသိတာလေး တစ်ခုပါ.."
တွဲမသိတာလေး တစ်ခု ဆိုပဲ.. တွဲသိအောင် လည်ပင်းမှာ နာမည်ကြီးကြီးရေးချိတ်ထားမှ တွဲသိမှာလား လို့ရွဲ့မေးလိုက်ချင်တယ် ။
ဒါပေမယ့် သူကကိုယ့်ကိုသိကိုသိမှရမယ် မသိလို့ ရန်စကားပြောနေတယ်လို့များ ထင်နေမှာစိုးလို့ ပါးစပ်ကို စတာပလာနဲ့သာတွဲချုပ် ထားလိုက်ရတယ်..
ဒါတော့ဒါပေမယ့် သိတော့သိသင့်တယ် မဟုတ်ဘူးလား.. စိတ်ထဲတော့ ဘဝင်မကျလှ ။
သူ စိတ်ဆိုးသွားတာလား မသိဘူး.. ဘေးက မီးရောင်ပြပြနဲ့ သူ့မျက်နှာဖြူ ဖြူ ဖွေးဖွေး လေးကို ဘေးတစ်ခြမ်းစောင်းလေး မြင်နေရတော့ သူ့မျက်နှာ နည်းနည်း ပြောင်းလဲနေတာ သိရတာပါလေ..
YOU ARE READING
ခွင့်မရှိ (Unicode)
Romance" မြင်းအုန်းခွံ ၊ ကျွန်ကုလား ၊ မယားတောသူ ဆိုတဲ့စကား မင်းမကြားဖူးဘူးလား.. " " ဟာ မားရာ.. ရှင်လေးက ဒိတ်အောက်တာကြီး မကြိုက်ပါဘူး " . " ဒီမှာ မင်း ဂုဏ်မာန်တက်မနေနဲ့နော်.. မင်းလို ရုပ်ဆိုးကို မားကြောင့်မို့ လက်ခံလိုက်ရတာ " " ယဉ်အေး ကိုယ့်အကြောင်း ကိုယ်သိ...
