ခွင့်မရှိ
🌸pann
Part (5)
" အမေ.. ယဉ်အေး လုပ်တာမှန်ရဲ့လားဟင် "
" ဘာကိုလဲ သမီးရဲ့ "
" ကိုရှင်လေးနဲ့ လက်ထပ်တဲ့ကိစ္စလေ.. "
" မေ့သမီးက ဘာတွေစိုးရိမ်နေတာလဲ.. လက်ထပ်ခါနီးတော့ စိုးရိမ်လာတာလား "
" အဟွန်း.. "
ယဉ်အေး အဝတ်ခေါက်ရင်း အသာလေးပြုံးမိသည်.. ။
အရာအားလုံးကို စိုးရိမ်နေတာပါ အမေ..
" ဘာတွေစိုးရိမ်စရာရှိလဲ သမီးရဲ့.. "
" အမေနဲ့အဘကို ထားခဲ့ဖို့ စိတ်ချတာလည်း ပါတယ်.. ပြီးတော့ သူတို့က အသိုင်းဝိုင်းကြီးထဲက မဟုတ်လား ယဉ်အေးအားငယ်တာတော့ အမှန်ပဲ "
" အဟွန်း.. အမေနဲ့အဘကို စိတ်ပူမနေပါနဲ့ သမီးအဘဆိုပျော်လို့ ယဉ်အေးက သက်သောင့်သက်သာ နေရတော့မှာဆိုပြီး သူ့မှာဝမ်းသာနေတာ.. အမေလည်း သမီးတွက် စိတ်ချရတယ် အမေလိုမုဆိုးမက သမီးကို ဘယ်လိုလုပ် အမြင့်တင်နိုင်ပေးရမလဲ သမီး ရဲ့.. အခုတော့ စိတ်ချရတဲ့သူလက်ထဲ ထည့်လိုက်ရတော့ အမေဝမ်းသာတယ် အမေ့သမီးကောင်းစားတာ မြင်ရတော့ အမေဖြင့်သေပျော်ပြီ "
" အို.. အမေကတော့ ပြောရော့မယ် အမေက အသက်ငယ်ငယ်နဲ့ ဘာလို့သေမှာတုံး ယဉ်အေး အိမ်ထောင်တောင်မပြုချင်တော့ဘူး "
" အဟင်း.. အမေက စကားအဖြစ်ပြောတာပါ ယဉ်အေးရယ် အမေစိတ်ချရလို့ သေလို့တောင် ရပြီပြောတာ ဘယ့်နှယ့်စကားတိုင်း လိုက်အယူကောက်နေရတယ်လို့ "
" အမေက ယဉ်အေး ဟိုကိုလိုက်သွားရမှာကို စိတ်မပူဘူးလား.. "
" မပူပါဘူး.. ပူစရာမှမလိုတာ ဆိုးသွမ်းနေတဲ့ယောကျာ်းနဲ့ အိမ်ထောင်ကျသွားတာမှ မဟုတ်တာ ငါ့သမီးလေး ထမင်းနပ်မှန်အောင် စားရပါ့မလား ငါ့သမီးလေး ရိုက်နှက်ခံနေရမလား ငါ့သမီးလေး ငိုနေရမလား.. ဒါတွေ အမေပူစရာမလိုတော့ဘူး သမီးကို အမေစိတ်ချတာတော့ အမှန်.. သမီး လိုက်သွားရမှာကတော့ ကြိုမှန်းထားပြီးသားပါ မိန်းကလေး ဆိုတာ သျှောင်နောက်ဆံထုံး ပါတတ်တာကိုး အမေပြင်ဆင်ထားပါတယ် "
YOU ARE READING
ခွင့်မရှိ (Unicode)
Romance" မြင်းအုန်းခွံ ၊ ကျွန်ကုလား ၊ မယားတောသူ ဆိုတဲ့စကား မင်းမကြားဖူးဘူးလား.. " " ဟာ မားရာ.. ရှင်လေးက ဒိတ်အောက်တာကြီး မကြိုက်ပါဘူး " . " ဒီမှာ မင်း ဂုဏ်မာန်တက်မနေနဲ့နော်.. မင်းလို ရုပ်ဆိုးကို မားကြောင့်မို့ လက်ခံလိုက်ရတာ " " ယဉ်အေး ကိုယ့်အကြောင်း ကိုယ်သိ...