" ဒီဖုန်းတစ်လုံးတောင် ပျောက်အောင် ကိုင်မယ်ဆိုတော့ မင်းက ကလေးလား.. "
ဟုတ်တယ်.. ကိုင်တောင်မကိုင်ရသေးဘူး ပျောက်ဖို့ကအရင် ။
မပျောက်အောင်တော့ ဂရုစိုက် ကိုင်ဦးမှပေါ့..
" ယဉ်အေး ကလေးတော့ ဘယ်ဟုတ်မလဲ.. ဒါပေမယ့် ဒီလောက်တန်ကြီး ကိုင်ရတာ စိတ်မလုံဘူး အလိုလိုနေရင်း ပျောက်မှာစိုးလို့ ထိန်းသိမ်းနေရတာနဲ့ပဲ ယဉ်အေးသေရင်တောင် ကျွတ်မှာမဟုတ်ဘူး.. ဥစ္စာစောင့် အဖြစ်ကျန်နေရင် ဒုက္ခ "
အောင်မယ်.. ဒီလောက်လေးကို ဥစ္စာစောင့်ဖြစ်ဖို့ထိ စီမံကိန်းရေးဆွဲနေသေးတယ် အံ့ရော ။
" ယဉ်အေး ဒီဖုန်းမကြိုက်ဘူး.. "
" မင်းပြောတော့ ကိုရှင်လေးကြိုက်တာဆို ယဉ်အေးလည်းကြိုက်ပါတယ်ဆို.. "
" အယ်.. "
ကိုရှင်လေးကို ယဉ်အေးပြောဖူးတာမို့ ကိုယ့်စကားနဲ့ကိုယ် ပြန်ခံရပြီ.. ။
ဒါပေမယ့်လည်း ဒါကိုယူရမှာ ဝန်လေးနေတာလေ..
" ဒါပြန်သွင်းလိုက်ပြီး နည်းနည်းစျေးပေါတာလောက်လေးနဲ့ ပြန်လဲလိုက်ပါလားဟင်.. "
ဟော စလာပြီ.. ပြန်သွင်းဖို့စကား ။
ပြန်သွင်းလိုက်တာက ဘယ်လောက် အောက်လဲ သူသိတာ ကျလို့.. ရှင်လေးတို့က အသက်သေရင် သေသွားပါစေ ဝယ်ပြီးပစ္စည်း ပြန်သွားမလဲပါ ။
" မလဲပါဘူး.. ဘာကိစ္စ ငါသွားလဲရမှာလဲ မလဲနိုင်ဘူး မင်းကိုငါပြောသားပဲ ငါကြိုက်တာ ငါဝယ်လာမှာ မကြိုက်ရင်လည်း မင်းထိုက်နဲ့မင်းကံလို့ ပြောတယ်နော်.. မကြိုက်လည်း ကိုင် ကြိုက်လည်းကိုင်ပဲ "
" ..... "
ယဉ်အေး ငြင်းစရာစကားမတွေ့ပြန်.. တကယ်လည်း ကိုရှင်လေး မသွားခင် အဲ့လိုပြောသွားတာလေ.. ဒါပေမယ့် အခုလိုကြီးတော့ မတွေးဖြစ်ခဲ့ဘူးလေ ။
အခုတော့ ဘယ်သူ့ကိုအပြစ်တင်ရမလဲ .. ဝယ်လာတဲ့ကိုရှင်လေးကိုလား မလိုက်သွားချင်တဲ့ ယဉ်အေးကိုယ် ယဉ်အေးလား
ကိုရှင်လေးနဲ့တော့ ခက်တယ် ။
" ဒါပဲမလား.. ငါတရေးအိပ်လိုက်ဦးမယ် ညနေအိမ်ပြန်မှာနော် "
أنت تقرأ
ခွင့်မရှိ (Unicode)
العاطفية" မြင်းအုန်းခွံ ၊ ကျွန်ကုလား ၊ မယားတောသူ ဆိုတဲ့စကား မင်းမကြားဖူးဘူးလား.. " " ဟာ မားရာ.. ရှင်လေးက ဒိတ်အောက်တာကြီး မကြိုက်ပါဘူး " . " ဒီမှာ မင်း ဂုဏ်မာန်တက်မနေနဲ့နော်.. မင်းလို ရုပ်ဆိုးကို မားကြောင့်မို့ လက်ခံလိုက်ရတာ " " ယဉ်အေး ကိုယ့်အကြောင်း ကိုယ်သိ...
Part (16)
ابدأ من البداية